திகவாரவண்ணனா

323. வோ தும்ஹேஹி ந ஸமுதா³சரிதப்³ப³ங். வசீஸம்பயுத்தங் காயகிரியங் கத்வாதி காயேன நிபச்சகாரங் கத்வாதி அத்தோ². உபகா⁴தேதி வினாஸேதி. ஓமத்³தி³த்வாதி அபி⁴ப⁴வித்வா. வத³தோதி வத³ந்தஸ்ஸ. ‘‘பா³லஸ்ஸ நிஸ்ஸயோ தா³தப்³போ³’’தி து³கே ஆக³தங், இத⁴ பன ‘‘ந தா³தப்³போ³’’தி வுத்தங், ஆபத்திபா³ஹுல்லங் ஸந்தா⁴ய நாதா³தப்³ப³ங், ‘‘இமஸ்மா விஹாரா பரங் மா நிக்க²மாஹி, வினயத⁴ரானங் வா ஸந்திகங் ஆக³ச்ச² வினிச்ச²யங் தா³து’’ந்தி வுத்தே தஸ்ஸ வசனங் ந க³ஹேதப்³ப³ந்தி அத்தோ². திகபோ⁴ஜனங் நாம ஸசே தயோ ஹுத்வா பு⁴ஞ்ஜந்தி, க³ணபோ⁴ஜனேன அனாபத்தி, இத³ங் ஸந்தா⁴ய திகங். ‘‘பஸுத்தோ’’தி பா³ஹுல்லதோ வுத்தங். அத² வா நிபஜ்ஜித்வாதி அத்தோ². ‘‘இத³ங் ட²பெத்வா க³ச்சா²மி, தாவகாலிகங் ப⁴ந்தே தே³தா²தி வுத்தே ‘நவகம்மாதி³அத்த²ங் வினா தா³துங் ந வட்டதீ’’தி லிகி²தங். விகப்பெத்வா ட²பிதங் வஸ்ஸிகஸாடிகங் பச்சி²மே பாடிபத³தி³வஸே நிவாஸெந்தோ து³க்கடங் ஆபஜ்ஜதீதி அத்தோ². அபச்சுத்³த⁴ரித்வாதி பச்சுத்³த⁴ரணங் அகத்வாதி அத்தோ². ‘‘விகப்பேது’’ந்தி வசனதோ அவிகப்பனபச்சயா ஆபத்தி ஹேமந்தே ஆபஜ்ஜதி, விகப்பனா பன கத்திகபுண்ணமதி³வஸே காதப்³பா³தி த³ஸ்ஸனத்த²ங் வுத்தந்தி ஞாதப்³ப³ங். அயங் நயோ அவிகப்பனங் ஸந்தா⁴ய, புரிமோ விகப்பிதபரிபோ⁴க³பச்சயாபத்திங் ஸந்தா⁴ய. வத்த²படிச்சா²தி³ ஸப்³ப³கப்பியதாயாதி வத்த²படிச்சா²தி³ ஸப்³ப³த்த² கப்பியத்தாதி அத்தோ². கேசி இமமத்த²ங் அஸல்லக்கெ²த்வா ‘‘வத்த²படிச்சா²தி³ ஸப்³ப³கப்பியதா தாய படிச்ச²ன்னேனா’’தி லிக²ந்தி. ‘‘வத்த²மேவ படிச்சா²தி³ வத்த²படிச்சா²தீ³’’தி விக்³க³ஹத்தா ‘‘தாயா’’தி ந யுஜ்ஜதி. ‘‘தேனா’’தி ப⁴விதப்³ப³த்தாதி இத³ங் ஸப்³ப³ங் அஞ்ஞதரஸ்மிங் க³ண்டி²பதே³ லிகி²தங், விசாரெத்வா க³ஹேதப்³ப³ங்.