| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
д̇игаваараван̣н̣анаа
Tikavāravaṇṇanā
323. д̇игзсу важийсамбаяуд̇д̇ам̣ гааяагирияам̣ гад̇ваад̇и гааязна нибажжагаарам̣ гад̇ваа. мукааламб̣арагаран̣аад̣̇ибхзд̣̇од̇и мукабхзриваад̣̇анаад̣̇иббабхзд̣̇о. яасса сигкаабад̣̇асса вийд̇иггамз гааяасамудтаанаа аабад̇д̇ияо, д̇ам̣ гааяад̣̇ваарз бан̃н̃ад̇д̇асигкаабад̣̇ам̣. убагхаад̇зд̇ийд̇и винаасзд̇и. на аад̣̇аад̇аб̣б̣анд̇и ‘‘имасмаа вихаараа барамби маа нигкама, винаяад̇хараанам̣ ваа санд̇игам̣ ааг̇ажча винижчаяам̣ д̣̇аад̇у’’нд̇и вуд̇д̇з д̇асса важанам̣ на г̇ахзд̇аб̣б̣анд̇и ад̇т̇о.
323. Tikesu vacīsampayuttaṃ kāyakiriyaṃ katvāti kāyena nipaccakāraṃ katvā. Mukhālambarakaraṇādibhedoti mukhabherivādanādippabhedo. Yassa sikkhāpadassa vītikkame kāyasamuṭṭhānā āpattiyo, taṃ kāyadvāre paññattasikkhāpadaṃ. Upaghātetīti vināseti. Na ādātabbanti ‘‘imasmā vihārā parampi mā nikkhama, vinayadharānaṃ vā santikaṃ āgaccha vinicchayaṃ dātu’’nti vutte tassa vacanaṃ na gahetabbanti attho.
агусалаани жзва муулаани жаад̇и агосалласамбхууд̇адтзна зганд̇аагусалабхаавад̇о агусалаани, ад̇д̇анаа самбаяуд̇д̇ад̇хаммаанам̣ суббад̇идтид̇абхаавасаад̇ханад̇о муулаани, на агусалабхаавасаад̇ханад̇о. на хи муулад̇о агусалаанам̣ агусалабхааво, гусалаад̣̇ийнам̣ ваа гусалаад̣̇ибхааво. д̇ат̇аа жа сад̇и момуухажид̇д̇ад̣̇ваяамохасса агусалабхааво на сияаа.
Akusalāni ceva mūlāni cāti akosallasambhūtaṭṭhena ekantākusalabhāvato akusalāni, attanā sampayuttadhammānaṃ suppatiṭṭhitabhāvasādhanato mūlāni, na akusalabhāvasādhanato. Na hi mūlato akusalānaṃ akusalabhāvo, kusalādīnaṃ vā kusalādibhāvo. Tathā ca sati momūhacittadvayamohassa akusalabhāvo na siyā.
д̣̇удту жарид̇аанийд̇и бажжаяад̇о самбаяуд̇д̇ад̇хаммад̇о бавад̇д̇иаагаарад̇о жа на судту асаммаабавад̇д̇ид̇аани. вируубаанийд̇и б̣ийбхажчаани самбад̇и ааяад̇ин̃жа анидтаруубад̇д̇аа. судту жарид̇аанийд̇иаад̣̇ийсу вуд̇д̇авибарияааязна ад̇т̇о взд̣̇ид̇аб̣б̣о. д̣̇взби жзд̇з д̇игаа бан̣н̣ад̇д̇ияаа ваа гаммабат̇зхи ваа гат̇зд̇аб̣б̣аа. бан̣н̣ад̇д̇ияаа д̇аава гааяад̣̇ваарз бан̃н̃ад̇д̇асигкаабад̣̇асса вийд̇иггамо гааяад̣̇ужжарид̇ам̣, авийд̇иггамо гааяасужарид̇ам̣. важийд̣̇ваарз бан̃н̃ад̇д̇асигкаабад̣̇асса вийд̇иггамо важийд̣̇ужжарид̇ам̣, авийд̇иггамо важийсужарид̇ам̣. убхаяад̇т̇а бан̃н̃ад̇д̇асигкаабад̣̇асса вийд̇иггамо манод̣̇ужжарид̇ам̣ манод̣̇ваарз бан̃н̃ад̇д̇асигкаабад̣̇асса абхаавад̇о. д̇аяид̣̇ам̣ д̣̇ваарад̣̇ваяз агирияасамудтаанааяа аабад̇д̇ияаа васзна взд̣̇ид̇аб̣б̣ам̣. яат̇аавуд̇д̇ааяа аабад̇д̇ияаа авийд̇иггамова маносужарид̇ам̣. аяам̣ бан̣н̣ад̇д̇игат̇аа.
Duṭṭhu caritānīti paccayato sampayuttadhammato pavattiākārato ca na suṭṭhu asammāpavattitāni. Virūpānīti bībhacchāni sampati āyatiñca aniṭṭharūpattā. Suṭṭhu caritānītiādīsu vuttavipariyāyena attho veditabbo. Dvepi cete tikā paṇṇattiyā vā kammapathehi vā kathetabbā. Paṇṇattiyā tāva kāyadvāre paññattasikkhāpadassa vītikkamo kāyaduccaritaṃ, avītikkamo kāyasucaritaṃ. Vacīdvāre paññattasikkhāpadassa vītikkamo vacīduccaritaṃ, avītikkamo vacīsucaritaṃ. Ubhayattha paññattasikkhāpadassa vītikkamo manoduccaritaṃ manodvāre paññattasikkhāpadassa abhāvato. Tayidaṃ dvāradvaye akiriyasamuṭṭhānāya āpattiyā vasena veditabbaṃ. Yathāvuttāya āpattiyā avītikkamova manosucaritaṃ. Ayaṃ paṇṇattikathā.
баан̣аад̇ибаад̇аад̣̇аяо бана д̇иссо жзд̇анаа гааяад̣̇ваарз важийд̣̇ваарзби уббаннаа гааяад̣̇ужжарид̇ам̣ д̣̇вааранд̇арз уббаннассаби гаммасса санаамаабарижжааг̇ад̇о язбхуяяавуд̇д̇ияаа д̇аб̣б̣ахулавуд̇д̇ияаа жа. д̇знааху адтагат̇аажарияаа –
Pāṇātipātādayo pana tisso cetanā kāyadvāre vacīdvārepi uppannā kāyaduccaritaṃ dvārantare uppannassapi kammassa sanāmāpariccāgato yebhuyyavuttiyā tabbahulavuttiyā ca. Tenāhu aṭṭhakathācariyā –
‘‘д̣̇ваарз жаранд̇и гаммаани, на д̣̇ваараа д̣̇вааражаарино;
‘‘Dvāre caranti kammāni, na dvārā dvāracārino;
д̇асмаа д̣̇ваарзхи гаммаани, ан̃н̃аман̃н̃ам̣ вавад̇т̇ид̇аа’’д̇и. (д̇ха. са. адта. гаамааважарагусала д̣̇ваарагат̇аа, гааяагаммад̣̇ваара);
Tasmā dvārehi kammāni, aññamaññaṃ vavatthitā’’ti. (dha. sa. aṭṭha. kāmāvacarakusala dvārakathā, kāyakammadvāra);
д̇ат̇аа жад̇ассо мусааваад̣̇аад̣̇ижзд̇анаа гааяад̣̇ваарзби важийд̣̇ваарзби уббаннаа важийд̣̇ужжарид̇ам̣, абхиж̇жхаа б̣яаабаад̣̇о мижчаад̣̇идтийд̇и д̇аяо маногаммабхууд̇ааяа жзд̇анааяа самбаяуд̇д̇ад̇хаммаа манод̣̇ужжарид̇ам̣, гааяаважийгаммабхууд̇ааяа бана жзд̇анааяа самбаяуд̇д̇аа абхиж̇жхаад̣̇аяо д̇ам̣д̇ам̣багкигаа ваа хонд̇и аб̣б̣охааригаа ваа. баан̣аад̇ибаад̇аад̣̇ийхи вираманд̇асса уббаннаа д̇иссо жзд̇анааби вирад̇ияоби гааяасужарид̇ам̣ гааяигасса вийд̇иггамасса агаран̣авасзна бавад̇д̇анад̇о. гааязна бана сигкаабад̣̇аанам̣ самаад̣̇ияамаанз сийласса гааяасужарид̇абхаавз вад̇д̇аб̣б̣амзва над̇т̇и. мусааваад̣̇аад̣̇ийхи вираманд̇асса жад̇ассо жзд̇анааби вирад̇ияоби важийсужарид̇ам̣ ваажасигасса вийд̇иггамасса агаран̣авасзна бавад̇д̇анад̇о. анабхиж̇жхаа аб̣яаабаад̣̇о саммаад̣̇идтийд̇и д̇аяо жзд̇анаасамбаяуд̇д̇ад̇хаммаа маносужарид̇анд̇и аяам̣ гаммабат̇агат̇аа.
Tathā catasso musāvādādicetanā kāyadvārepi vacīdvārepi uppannā vacīduccaritaṃ, abhijjhā byāpādo micchādiṭṭhīti tayo manokammabhūtāya cetanāya sampayuttadhammā manoduccaritaṃ, kāyavacīkammabhūtāya pana cetanāya sampayuttā abhijjhādayo taṃtaṃpakkhikā vā honti abbohārikā vā. Pāṇātipātādīhi viramantassa uppannā tisso cetanāpi viratiyopi kāyasucaritaṃ kāyikassa vītikkamassa akaraṇavasena pavattanato. Kāyena pana sikkhāpadānaṃ samādiyamāne sīlassa kāyasucaritabhāve vattabbameva natthi. Musāvādādīhi viramantassa catasso cetanāpi viratiyopi vacīsucaritaṃ vācasikassa vītikkamassa akaraṇavasena pavattanato. Anabhijjhā abyāpādo sammādiṭṭhīti tayo cetanāsampayuttadhammā manosucaritanti ayaṃ kammapathakathā.
д̇игаваараван̣н̣анаа нидтид̇аа.
Tikavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 3. д̇игавааро • 3. Tikavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо д̇игаваараван̣н̣анаа • Ekuttarikanayo tikavāravaṇṇanā
