| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
д̇игаваараван̣н̣анаа
Tikavāravaṇṇanā
323. д̇игзсу лохид̇уббаад̣̇аабад̇д̇инд̇и баарааж̇игаабад̇д̇им̣. аавусоваад̣̇знаад̇и ‘‘аавусо’’д̇и аалабанзна. аабад̇д̇инд̇и д̣̇уггадаабад̇д̇им̣. сзсаа рад̇д̇ин̃жзва д̣̇иваа жаад̇и зд̇т̇а арун̣уг̇г̇аманз аабаж̇ж̇ид̇аб̣б̣аа батамагат̇инаад̣̇ий (баараа. 459) саб̣б̣аа аабад̇д̇ияоби рад̇д̇инд̣̇иваанам̣ взмаж̇жхзязва аабаж̇ж̇ид̇аб̣б̣ад̇д̇аа д̇ад̇ияагодтаасан̃н̃зва бавидтаад̇и д̣̇адтаб̣б̣аа. ат̇а ваа уд̣̇д̇хасд̇з арун̣з аабаж̇ж̇ид̇аб̣б̣ад̇д̇аа д̣̇иваа аабаж̇ж̇ид̇аб̣б̣зсу зва бавидтаад̇и д̣̇адтаб̣б̣аа, ад̇т̇ан̇г̇ад̇з суурияз бхигкунияо оваад̣̇анаабад̇д̇ияо, бана рад̇д̇анд̇хагаарз бурисзна сад̣̇д̇хим̣ санд̇идтанаабад̇д̇и жа рад̇д̇ияан̃н̃зва аабаж̇ж̇ид̇аб̣б̣аа.
323. Tikesu lohituppādāpattinti pārājikāpattiṃ. Āvusovādenāti ‘‘āvuso’’ti ālapanena. Āpattinti dukkaṭāpattiṃ. Sesā rattiñceva divā cāti ettha aruṇuggamane āpajjitabbā paṭhamakathinādī (pārā. 459) sabbā āpattiyopi rattindivānaṃ vemajjheyeva āpajjitabbattā tatiyakoṭṭhāsaññeva paviṭṭhāti daṭṭhabbā. Atha vā uddhaste aruṇe āpajjitabbattā divā āpajjitabbesu eva paviṭṭhāti daṭṭhabbā, atthaṅgate sūriye bhikkhuniyo ovādanāpattiyo, pana rattandhakāre purisena saddhiṃ santiṭṭhanāpatti ca rattiyaññeva āpajjitabbā.
бурзбхад̇д̇ам̣ гулаани убасан̇гаманаанад̇ирид̇д̇абхож̇анаад̣̇ийни д̣̇иваа зва аабаж̇ж̇ид̇аб̣б̣аани. гзжи бана ‘‘бхож̇анабадисам̣яуд̇д̇аани сзкияаани, г̇ан̣абхож̇анаад̣̇ийни жа д̣̇иваа зва аабаж̇ж̇ид̇аб̣б̣ааний’’д̇и вад̣̇анд̇и. д̇асмаа ийд̣̇исаа аабад̇д̇ияо мун̃жид̇ваа сзсаава д̇ад̇ияагодтаасам̣ бхаж̇анд̇ийд̇и взд̣̇ид̇аб̣б̣ам̣.
Purebhattaṃ kulāni upasaṅkamanaanatirittabhojanādīni divā eva āpajjitabbāni. Keci pana ‘‘bhojanapaṭisaṃyuttāni sekhiyāni, gaṇabhojanādīni ca divā eva āpajjitabbānī’’ti vadanti. Tasmā īdisā āpattiyo muñcitvā sesāva tatiyakoṭṭhāsaṃ bhajantīti veditabbaṃ.
на уунад̣̇асавассод̇и д̣̇асавассасса б̣аалассзва бан̃н̃ад̇д̇асигкаабад̣̇ад̇д̇аа вуд̇д̇ам̣. сад̣̇д̇хивихааригаанд̇зваасигзсу асаммаавад̇д̇анаабад̇д̇им̣, алаж̇ж̇ийнам̣ ниссаяад̣̇аанаад̣̇имби д̣̇асавассова аабаж̇ж̇ад̇и, вудтаабиним̣ д̣̇вз вассаани анануб̣анд̇хаад̣̇имби уунад̣̇асавассаа аабаж̇ж̇анд̇и. аб̣яаагад̇ажид̇д̇од̇и субанд̇асса бхаван̇г̇ажид̇д̇ам̣ санд̇хааяа вуд̇д̇ам̣.
Na ūnadasavassoti dasavassassa bālasseva paññattasikkhāpadattā vuttaṃ. Saddhivihārikaantevāsikesu asammāvattanāpattiṃ, alajjīnaṃ nissayadānādimpi dasavassova āpajjati, vuṭṭhāpiniṃ dve vassāni ananubandhādimpi ūnadasavassā āpajjanti. Abyākatacittoti supantassa bhavaṅgacittaṃ sandhāya vuttaṃ.
аббаваарзнд̇од̇и анаад̣̇ариязна аббаваарзнд̇о гзнажи бажжаязна аббаваарзд̇ваа гаал̣абагкажаад̇уд̣̇д̣̇асз сан̇гхз баваарзнд̇з д̇ад̇т̇а анаад̣̇ариязна аббаваарзнд̇о д̇амзва аабад̇д̇им̣ гаал̣зби аабаж̇ж̇ад̇ийд̇и ж̇ун̣хз зваад̇и нияамо на д̣̇иссад̇и, бажчимавассам̣вуд̇т̇о бана бажчимагад̇д̇игабун̣н̣амияамзва баваарзд̇ум̣ лаб̣бхад̇ийд̇и д̇ад̇т̇а аббавааран̣аабажжаяаа аабад̇д̇им̣ аабаж̇ж̇амаано зва ж̇ун̣хз аабаж̇ж̇ад̇ийд̇и нияамзд̇аб̣б̣од̇и д̣̇адтаб̣б̣ам̣. ж̇ун̣хз габбад̇ийд̇и зд̇т̇ааби зсзва наяо.
Appavārentoti anādariyena appavārento kenaci paccayena appavāretvā kāḷapakkhacātuddase saṅghe pavārente tattha anādariyena appavārento tameva āpattiṃ kāḷepi āpajjatīti juṇhe evāti niyamo na dissati, pacchimavassaṃvuttho pana pacchimakattikapuṇṇamiyameva pavāretuṃ labbhatīti tattha appavāraṇāpaccayā āpattiṃ āpajjamāno eva juṇhe āpajjatīti niyametabboti daṭṭhabbaṃ. Juṇhe kappatīti etthāpi eseva nayo.
‘‘абажжуд̣̇д̇харид̇ваа хзманд̇з аабаж̇ж̇ад̇ий’’д̇и иминаа ‘‘вассаанам̣ жаад̇умаасам̣ ад̇хидтаад̇у’’нд̇и нияамаважанзнзва абажжуд̣̇д̇харанд̇асса д̣̇уггаданд̇и д̣̇ассзд̇и. вассаанубаг̇аманаагаран̣ийязна баггамаад̣̇аяоби вассз зва аабаж̇ж̇ад̇и. вад̇т̇игаммаад̣̇имби г̇илаано зва. ад̇ход̇абаад̣̇зхи аггаманаад̣̇ийниби анд̇о зва аабаж̇ж̇ад̇и . бхигкунияаа анаабужчаа аараамаббавзсанаад̣̇и жа анд̇осиймааяамзва. ниссаяабадибаннасса анаабужчаад̣̇исаабаггаманаад̣̇и жа б̣ахисиймааяамзва. баад̇имогкуд̣̇д̣̇зсз санд̇ияаа аабад̇д̇ияаа анаавигаран̣аабад̇д̇исаманубхаасанауунавийсад̇ивассуубасамбаад̣̇анаад̣̇исаб̣б̣аад̇хаммагаммаабад̇д̇ияоби сан̇гхз зва. ад̇хаммзна г̇ан̣убосат̇аад̣̇ийсуби г̇ан̣аад̣̇имаж̇жхз зва. алаж̇ж̇исса санд̇игз ниссаяаг̇г̇ахан̣аад̣̇иби буг̇г̇аласса санд̇игз зва аабаж̇ж̇ад̇и.
‘‘Apaccuddharitvā hemante āpajjatī’’ti iminā ‘‘vassānaṃ cātumāsaṃ adhiṭṭhātu’’nti niyamavacaneneva apaccuddharantassa dukkaṭanti dasseti. Vassānupagamanaakaraṇīyena pakkamādayopi vasse eva āpajjati. Vatthikammādimpi gilāno eva. Adhotapādehi akkamanādīnipi anto eva āpajjati . Bhikkhuniyā anāpucchā ārāmappavesanādi ca antosīmāyameva. Nissayapaṭipannassa anāpucchādisāpakkamanādi ca bahisīmāyameva. Pātimokkhuddese santiyā āpattiyā anāvikaraṇāpattisamanubhāsanaūnavīsativassūpasampādanādisabbaadhammakammāpattiyopi saṅghe eva. Adhammena gaṇuposathādīsupi gaṇādimajjhe eva. Alajjissa santike nissayaggahaṇādipi puggalassa santike eva āpajjati.
д̇ийн̣и ад̇хаммигаани амуул̣хавинаяасса д̣̇аанаанийд̇и яо уммад̇д̇агоби вийд̇иггамагаалз, ануммад̇д̇о сан̃жижжзва аабад̇д̇им̣ аабаж̇ж̇ид̇ваа бхигкуухи бажчаа жод̣̇ид̇о сарамаано зва ‘‘на сараамий’’д̇и вад̣̇ад̇и, яо жа ‘‘субинам̣ вияа сараамий’’д̇и ваа мусаа вад̣̇ад̇и, яо жа уммад̇д̇агагаалз гад̇ам̣ саб̣б̣амби саб̣б̣зсам̣ ваддад̇ийд̇и вад̣̇ад̇и, имзсам̣ д̇ин̣н̣ам̣ д̣̇иннаани д̇ийн̣и амуул̣хавинаяасса д̣̇аанаани ад̇хаммигаани.
Tīṇi adhammikāni amūḷhavinayassa dānānīti yo ummattakopi vītikkamakāle, anummatto sañcicceva āpattiṃ āpajjitvā bhikkhūhi pacchā codito saramāno eva ‘‘na sarāmī’’ti vadati, yo ca ‘‘supinaṃ viya sarāmī’’ti vā musā vadati, yo ca ummattakakāle kataṃ sabbampi sabbesaṃ vaṭṭatīti vadati, imesaṃ tiṇṇaṃ dinnāni tīṇi amūḷhavinayassa dānāni adhammikāni.
абагад̇ад̇д̇од̇и винаяз абагад̇ан̃н̃уу. д̇знааха ‘‘аабад̇д̇аанаабад̇д̇им̣ на ж̇аанаад̇ий’’д̇и (бари. 325). ‘‘д̣̇идтин̃жа аниссаж̇ж̇анд̇аанам̣язва гаммам̣ гаад̇аб̣б̣а’’нд̇и ид̣̇ам̣ бхигкуухи овад̣̇ияамаанасса д̣̇идтияаа аниссаж̇ж̇анабажжаяаа д̣̇уггадам̣, баажид̇д̇ияамби ваа авассамзва самбхавад̇ийд̇и вуд̇д̇ам̣.
Apakatattoti vinaye apakataññū. Tenāha ‘‘āpattānāpattiṃ na jānātī’’ti (pari. 325). ‘‘Diṭṭhiñca anissajjantānaṃyeva kammaṃ kātabba’’nti idaṃ bhikkhūhi ovadiyamānassa diṭṭhiyā anissajjanapaccayā dukkaṭaṃ, pācittiyampi vā avassameva sambhavatīti vuttaṃ.
мукааламб̣арагаран̣аад̣̇ибхзд̣̇од̇и мукабхзрийваад̣̇анаад̣̇иббабхзд̣̇о. убагхаад̇зд̇ийд̇и винаасзд̇и. б̣ийж̇аниг̇г̇аахаад̣̇игзд̇и жид̇д̇ам̣ б̣ийж̇аним̣ г̇аахзд̇ваа анумод̣̇анаад̣̇игаран̣зд̇и ад̇т̇о.
Mukhālambarakaraṇādibhedoti mukhabherīvādanādippabhedo. Upaghātetīti vināseti. Bījaniggāhādiketi cittaṃ bījaniṃ gāhetvā anumodanādikaraṇeti attho.
д̇игаваараван̣н̣анаа нидтид̇аа.
Tikavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 3. д̇игавааро • 3. Tikavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо д̇игаваараван̣н̣анаа • Ekuttarikanayo tikavāravaṇṇanā
