| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਤਿਕવਾਰવਣ੍ਣਨਾ
Tikavāravaṇṇanā
੩੨੩. ਤਿਕੇਸੁ ਅਤ੍ਥਾਪਤ੍ਤਿ ਤਿਟ੍ਠਨ੍ਤੇ ਭਗવਤਿ ਆਪਜ੍ਜਤੀਤਿ ਅਤ੍ਥਿ ਆਪਤ੍ਤਿ, ਯਂ ਤਿਟ੍ਠਨ੍ਤੇ ਭਗવਤਿ ਆਪਜ੍ਜਤੀਤਿ ਅਤ੍ਥੋ। ਏਸੇવ ਨਯੋ ਸਬ੍ਬਤ੍ਥ। ਤਤ੍ਥ ਲੋਹਿਤੁਪ੍ਪਾਦਾਪਤ੍ਤਿਂ ਤਿਟ੍ਠਨ੍ਤੇ ਆਪਜ੍ਜਤਿ। ‘‘ਏਤਰਹਿ ਖੋ ਪਨਾਨਨ੍ਦ, ਭਿਕ੍ਖੂ ਅਞ੍ਞਮਞ੍ਞਂ ਆવੁਸੋવਾਦੇਨ ਸਮੁਦਾਚਰਨ੍ਤਿ, ਨ વੋ ਮਮਚ੍ਚਯੇਨ ਏવਂ ਸਮੁਦਾਚਰਿਤਬ੍ਬਂ, ਨવਕੇਨ, ਆਨਨ੍ਦ, ਭਿਕ੍ਖੁਨਾ ਥੇਰੋ ਭਿਕ੍ਖੂ ‘ਭਨ੍ਤੇ’ਤਿ વਾ ‘ਆਯਸ੍ਮਾ’ਤਿ વਾ ਸਮੁਦਾਚਰਿਤਬ੍ਬੋ’’ਤਿ વਚਨਤੋ ਥੇਰਂ ਆવੁਸੋવਾਦੇਨ ਸਮੁਦਾਚਰਣਪਚ੍ਚਯਾ ਆਪਤ੍ਤਿਂ ਪਰਿਨਿਬ੍ਬੁਤੇ ਭਗવਤਿ ਆਪਜ੍ਜਤਿ, ਨੋ ਤਿਟ੍ਠਨ੍ਤੇ। ਇਮਾ ਦ੍વੇ ਆਪਤ੍ਤਿਯੋ ਠਪੇਤ੍વਾ ਅવਸੇਸਾ ਧਰਨ੍ਤੇਪਿ ਭਗવਤਿ ਆਪਜ੍ਜਤਿ, ਪਰਿਨਿਬ੍ਬੁਤੇਪਿ।
323. Tikesu atthāpatti tiṭṭhante bhagavati āpajjatīti atthi āpatti, yaṃ tiṭṭhante bhagavati āpajjatīti attho. Eseva nayo sabbattha. Tattha lohituppādāpattiṃ tiṭṭhante āpajjati. ‘‘Etarahi kho panānanda, bhikkhū aññamaññaṃ āvusovādena samudācaranti, na vo mamaccayena evaṃ samudācaritabbaṃ, navakena, ānanda, bhikkhunā thero bhikkhū ‘bhante’ti vā ‘āyasmā’ti vā samudācaritabbo’’ti vacanato theraṃ āvusovādena samudācaraṇapaccayā āpattiṃ parinibbute bhagavati āpajjati, no tiṭṭhante. Imā dve āpattiyo ṭhapetvā avasesā dharantepi bhagavati āpajjati, parinibbutepi.
ਪવਾਰੇਤ੍વਾ ਅਨਤਿਰਿਤ੍ਤਂ ਭੁਞ੍ਜਨ੍ਤੋ ਆਪਤ੍ਤਿਂ ਕਾਲੇ ਆਪਜ੍ਜਤਿ ਨੋ વਿਕਾਲੇ। વਿਕਾਲਭੋਜਨਾਪਤ੍ਤਿਂ ਪਨ વਿਕਾਲੇ ਆਪਜ੍ਜਤਿ ਨੋ ਕਾਲੇ। ਅવਸੇਸਾ ਕਾਲੇ ਚੇવ ਆਪਜ੍ਜਤਿ વਿਕਾਲੇ ਚ। ਸਹਗਾਰਸੇਯ੍ਯਂ ਰਤ੍ਤਿਂ ਆਪਜ੍ਜਤਿ, ਦ੍વਾਰਂ ਅਸਂવਰਿਤ੍વਾ ਪਟਿਸਲ੍ਲੀਯਨਂ ਦਿવਾ। ਸੇਸਾ ਰਤ੍ਤਿਞ੍ਚੇવ ਦਿવਾ ਚ। ‘‘ਦਸવਸ੍ਸੋਮ੍ਹਿ ਅਤਿਰੇਕਦਸવਸ੍ਸੋਮ੍ਹੀ’’ਤਿ ਬਾਲੋ ਅਬ੍ਯਤ੍ਤੋ ਪਰਿਸਂ ਉਪਟ੍ਠਾਪੇਨ੍ਤੋ ਦਸવਸ੍ਸੋ ਆਪਜ੍ਜਤਿ ਨੋ ਊਨਦਸવਸ੍ਸੋ । ‘‘ਅਹਂ ਪਣ੍ਡਿਤੋ ਬ੍ਯਤ੍ਤੋ’’ਤਿ ਨવੋ વਾ ਮਜ੍ਝਿਮੋ વਾ ਪਰਿਸਂ ਉਪਟ੍ਠਾਪੇਨ੍ਤੋ ਊਨਦਸવਸ੍ਸੋ ਆਪਜ੍ਜਤਿ ਨੋ ਦਸવਸ੍ਸੋ। ਸੇਸਾ ਦਸવਸ੍ਸੋ ਚੇવ ਆਪਜ੍ਜਤਿ ਊਨਦਸવਸ੍ਸੋ ਚ। ‘‘ਪਞ੍ਚવਸ੍ਸੋਮ੍ਹੀ’’ਤਿ ਬਾਲੋ ਅਬ੍ਯਤ੍ਤੋ ਅਨਿਸ੍ਸਾਯ વਸਨ੍ਤੋ ਪਞ੍ਚવਸ੍ਸੋ ਆਪਜ੍ਜਤਿ। ‘‘ਅਹਂ ਪਣ੍ਡਿਤੋ ਬ੍ਯਤ੍ਤੋ’’ਤਿ ਨવਕੋ ਅਨਿਸ੍ਸਾਯ વਸਨ੍ਤੋ ਊਨਪਞ੍ਚવਸ੍ਸੋ ਆਪਜ੍ਜਤਿ। ਸੇਸਂ ਪਞ੍ਚવਸ੍ਸੋ ਚੇવ ਆਪਜ੍ਜਤਿ ਊਨਪਞ੍ਚવਸ੍ਸੋ ਚ। ਅਨੁਪਸਮ੍ਪਨ੍ਨਂ ਪਦਸੋਧਮ੍ਮਂ વਾਚੇਨ੍ਤੋ, ਮਾਤੁਗਾਮਸ੍ਸ ਧਮ੍ਮਂ ਦੇਸੇਨ੍ਤੋ ਏવਰੂਪਂ ਆਪਤ੍ਤਿਂ ਕੁਸਲਚਿਤ੍ਤੋ ਆਪਜ੍ਜਤਿ, ਪਾਰਾਜਿਕ-ਸੁਕ੍ਕવਿਸ੍ਸਟ੍ਠਿ-ਕਾਯਸਂਸਗ੍ਗ-ਦੁਟ੍ਠੁਲ੍ਲ-ਅਤ੍ਤਕਾਮਪਾਰਿਚਰਿਯ-ਦੁਟ੍ਠਦੋਸ-ਸਙ੍ਘਭੇਦਪਹਾਰਦਾਨ-ਤਲਸਤ੍ਤਿਕਾਦਿਭੇਦਂ ਅਕੁਸਲਚਿਤ੍ਤੋ ਆਪਜ੍ਜਤਿ, ਅਸਞ੍ਚਿਚ੍ਚ ਸਹਗਾਰਸੇਯ੍ਯਾਦਿਂ ਅਬ੍ਯਾਕਤਚਿਤ੍ਤੋ ਆਪਜ੍ਜਤਿ, ਯਂ ਅਰਹਾવ ਆਪਜ੍ਜਤਿ, ਸਬ੍ਬਂ ਅਬ੍ਯਾਕਤਚਿਤ੍ਤੋવ ਆਪਜ੍ਜਤਿ, ਮੇਥੁਨਧਮ੍ਮਾਦਿਭੇਦਮਾਪਤ੍ਤਿਂ ਸੁਖવੇਦਨਾਸਮਙ੍ਗੀ ਆਪਜ੍ਜਤਿ, ਦੁਟ੍ਠਦੋਸਾਦਿਭੇਦਂ ਦੁਕ੍ਖવੇਦਨਾਸਮਙ੍ਗੀ, ਯਂ ਸੁਖવੇਦਨਾਸਮਙ੍ਗੀ ਆਪਜ੍ਜਤਿ, ਤਂਯੇવ ਮਜ੍ਝਤ੍ਤੋ ਹੁਤ੍વਾ ਆਪਜ੍ਜਨ੍ਤੋ ਅਦੁਕ੍ਖਮਸੁਖવੇਦਨਾਸਮਙ੍ਗੀ ਆਪਜ੍ਜਤਿ।
Pavāretvā anatirittaṃ bhuñjanto āpattiṃ kāle āpajjati no vikāle. Vikālabhojanāpattiṃ pana vikāle āpajjati no kāle. Avasesā kāle ceva āpajjati vikāle ca. Sahagāraseyyaṃ rattiṃ āpajjati, dvāraṃ asaṃvaritvā paṭisallīyanaṃ divā. Sesā rattiñceva divā ca. ‘‘Dasavassomhi atirekadasavassomhī’’ti bālo abyatto parisaṃ upaṭṭhāpento dasavasso āpajjati no ūnadasavasso . ‘‘Ahaṃ paṇḍito byatto’’ti navo vā majjhimo vā parisaṃ upaṭṭhāpento ūnadasavasso āpajjati no dasavasso. Sesā dasavasso ceva āpajjati ūnadasavasso ca. ‘‘Pañcavassomhī’’ti bālo abyatto anissāya vasanto pañcavasso āpajjati. ‘‘Ahaṃ paṇḍito byatto’’ti navako anissāya vasanto ūnapañcavasso āpajjati. Sesaṃ pañcavasso ceva āpajjati ūnapañcavasso ca. Anupasampannaṃ padasodhammaṃ vācento, mātugāmassa dhammaṃ desento evarūpaṃ āpattiṃ kusalacitto āpajjati, pārājika-sukkavissaṭṭhi-kāyasaṃsagga-duṭṭhulla-attakāmapāricariya-duṭṭhadosa-saṅghabhedapahāradāna-talasattikādibhedaṃ akusalacitto āpajjati, asañcicca sahagāraseyyādiṃ abyākatacitto āpajjati, yaṃ arahāva āpajjati, sabbaṃ abyākatacittova āpajjati, methunadhammādibhedamāpattiṃ sukhavedanāsamaṅgī āpajjati, duṭṭhadosādibhedaṃ dukkhavedanāsamaṅgī, yaṃ sukhavedanāsamaṅgī āpajjati, taṃyeva majjhatto hutvā āpajjanto adukkhamasukhavedanāsamaṅgī āpajjati.
ਤਯੋ ਪਟਿਕ੍ਖੇਪਾਤਿ ਬੁਦ੍ਧਸ੍ਸ ਭਗવਤੋ ਤਯੋ ਪਟਿਕ੍ਖੇਪਾ। ਚਤੂਸੁ ਪਚ੍ਚਯੇਸੁ ਮਹਿਚ੍ਛਤਾ ਅਸਨ੍ਤੁਟ੍ਠਿਤਾ ਕਿਲੇਸਸਲ੍ਲੇਖਨਪਟਿਪਤ੍ਤਿਯਾ ਅਗੋਪਾਯਨਾ, ਇਮੇ ਹਿ ਤਯੋ ਧਮ੍ਮਾ ਬੁਦ੍ਧੇਨ ਭਗવਤਾ ਪਟਿਕ੍ਖਿਤ੍ਤਾ। ਅਪ੍ਪਿਚ੍ਛਤਾਦਯੋ ਪਨ ਤਯੋ ਬੁਦ੍ਧੇਨ ਭਗવਤਾ ਅਨੁਞ੍ਞਾਤਾ, ਤੇਨ વੁਤ੍ਤਂ ‘‘ਤਯੋ ਅਨੁਞ੍ਞਾਤਾ’’ਤਿ।
Tayo paṭikkhepāti buddhassa bhagavato tayo paṭikkhepā. Catūsu paccayesu mahicchatā asantuṭṭhitā kilesasallekhanapaṭipattiyā agopāyanā, ime hi tayo dhammā buddhena bhagavatā paṭikkhittā. Appicchatādayo pana tayo buddhena bhagavatā anuññātā, tena vuttaṃ ‘‘tayo anuññātā’’ti.
‘‘ਦਸવਸ੍ਸੋਮ੍ਹੀ’’ਤਿ ਪਰਿਸਂ ਉਪਟ੍ਠਾਪੇਨ੍ਤੋ ‘‘ਪਞ੍ਚવਸ੍ਸੋਮ੍ਹੀ’’ਤਿ ਨਿਸ੍ਸਯਂ ਅਗਣ੍ਹਨ੍ਤੋ ਬਾਲੋ ਆਪਜ੍ਜਤਿ ਨੋ ਪਣ੍ਡਿਤੋ, ਊਨਦਸવਸ੍ਸੋ ‘‘ਬ੍ਯਤ੍ਤੋਮ੍ਹੀ’’ਤਿ ਬਹੁਸ੍ਸੁਤਤ੍ਤਾ ਪਰਿਸਂ ਉਪਟ੍ਠਾਪੇਨ੍ਤੋ ਊਨਪਞ੍ਚવਸ੍ਸੋ ਚ ਨਿਸ੍ਸਯਂ ਅਗਣ੍ਹਨ੍ਤੋ ਪਣ੍ਡਿਤੋ ਆਪਜ੍ਜਤਿ ਨੋ ਬਾਲੋ; ਅવਸੇਸਂ ਪਣ੍ਡਿਤੋ ਚੇવ ਆਪਜ੍ਜਤਿ ਬਾਲੋ ਚ। વਸ੍ਸਂ ਅਨੁਪਗਚ੍ਛਨ੍ਤੋ ਕਾਲ਼ੇ ਆਪਜ੍ਜਤਿ ਨੋ ਜੁਣ੍ਹੇ; ਮਹਾਪવਾਰਣਾਯ ਅਪ੍ਪવਾਰੇਨ੍ਤੋ ਜੁਣ੍ਹੇ ਆਪਜ੍ਜਤਿ ਨੋ ਕਾਲ਼ੇ; ਅવਸੇਸਂ ਕਾਲ਼ੇ ਚੇવ ਆਪਜ੍ਜਤਿ ਜੁਣ੍ਹੇ ਚ। વਸ੍ਸੂਪਗਮਨਂ ਕਾਲ਼ੇ ਕਪ੍ਪਤਿ ਨੋ ਜੁਣ੍ਹੇ; ਮਹਾਪવਾਰਣਾਯ ਪવਾਰਣਾ ਜੁਣ੍ਹੇ ਕਪ੍ਪਤਿ ਨੋ ਕਾਲ਼ੇ; ਸੇਸਂ ਅਨੁਞ੍ਞਾਤਕਂ ਕਾਲ਼ੇ ਚੇવ ਕਪ੍ਪਤਿ ਜੁਣ੍ਹੇ ਚ।
‘‘Dasavassomhī’’ti parisaṃ upaṭṭhāpento ‘‘pañcavassomhī’’ti nissayaṃ agaṇhanto bālo āpajjati no paṇḍito, ūnadasavasso ‘‘byattomhī’’ti bahussutattā parisaṃ upaṭṭhāpento ūnapañcavasso ca nissayaṃ agaṇhanto paṇḍito āpajjati no bālo; avasesaṃ paṇḍito ceva āpajjati bālo ca. Vassaṃ anupagacchanto kāḷe āpajjati no juṇhe; mahāpavāraṇāya appavārento juṇhe āpajjati no kāḷe; avasesaṃ kāḷe ceva āpajjati juṇhe ca. Vassūpagamanaṃ kāḷe kappati no juṇhe; mahāpavāraṇāya pavāraṇā juṇhe kappati no kāḷe; sesaṃ anuññātakaṃ kāḷe ceva kappati juṇhe ca.
ਕਤ੍ਤਿਕਪੁਣ੍ਣਮਾਸਿਯਾ ਪਚ੍ਛਿਮੇ ਪਾਟਿਪਦਦਿવਸੇ વਿਕਪ੍ਪੇਤ੍વਾ ਠਪਿਤਂ વਸ੍ਸਿਕਸਾਟਿਕਂ ਨਿવਾਸੇਨ੍ਤੋ ਹੇਮਨ੍ਤੇ ਆਪਜ੍ਜਤਿ। ਕੁਰੁਨ੍ਦਿਯਂ ਪਨ ‘‘ਕਤ੍ਤਿਕਪੁਣ੍ਣਮਦਿવਸੇ ਅਪਚ੍ਚੁਦ੍ਧਰਿਤ੍વਾ ਹੇਮਨ੍ਤੇ ਆਪਜ੍ਜਤੀ’’ਤਿ વੁਤ੍ਤਂ, ਤਮ੍ਪਿ ਸੁવੁਤ੍ਤਂ। ‘‘ਚਾਤੁਮਾਸਂ ਅਧਿਟ੍ਠਾਤੁਂ ਤਤੋ ਪਰਂ વਿਕਪ੍ਪੇਤੁ’’ਨ੍ਤਿ ਹਿ વੁਤ੍ਤਂ। ਅਤਿਰੇਕਮਾਸੇ ਸੇਸੇ ਗਿਮ੍ਹਾਨੇ ਪਰਿਯੇਸਨ੍ਤੋ ਅਤਿਰੇਕਡ੍ਢਮਾਸੇ ਸੇਸੇ ਕਤ੍વਾ ਨਿવਾਸੇਨ੍ਤੋ ਚ ਗਿਮ੍ਹੇ ਆਪਜ੍ਜਤਿ ਨਾਮ। ਸਤਿਯਾ વਸ੍ਸਿਕਸਾਟਿਕਾਯ ਨਗ੍ਗੋ ਕਾਯਂ ਓવਸ੍ਸਾਪੇਨ੍ਤੋ વਸ੍ਸੇ ਆਪਜ੍ਜਤਿ ਨਾਮ। ਪਾਰਿਸੁਦ੍ਧਿਉਪੋਸਥਂ વਾ ਅਧਿਟ੍ਠਾਨੁਪੋਸਥਂ વਾ ਕਰੋਨ੍ਤੋ ਸਙ੍ਘੋ ਆਪਜ੍ਜਤਿ। ਸੁਤ੍ਤੁਦ੍ਦੇਸਞ੍ਚ ਅਧਿਟ੍ਠਾਨੁਪੋਸਥਞ੍ਚ ਕਰੋਨ੍ਤੋ ਗਣੋ ਆਪਜ੍ਜਤਿ। ਏਕਕੋ ਸੁਤ੍ਤੁਦ੍ਦੇਸਂ ਪਾਰਿਸੁਦ੍ਧਿਉਪੋਸਥਞ੍ਚ ਕਰੋਨ੍ਤੋ ਪੁਗ੍ਗਲੋ ਆਪਜ੍ਜਤਿ। ਪવਾਰਣਾਯਪਿ ਏਸੇવ ਨਯੋ।
Kattikapuṇṇamāsiyā pacchime pāṭipadadivase vikappetvā ṭhapitaṃ vassikasāṭikaṃ nivāsento hemante āpajjati. Kurundiyaṃ pana ‘‘kattikapuṇṇamadivase apaccuddharitvā hemante āpajjatī’’ti vuttaṃ, tampi suvuttaṃ. ‘‘Cātumāsaṃ adhiṭṭhātuṃ tato paraṃ vikappetu’’nti hi vuttaṃ. Atirekamāse sese gimhāne pariyesanto atirekaḍḍhamāse sese katvā nivāsento ca gimhe āpajjati nāma. Satiyā vassikasāṭikāya naggo kāyaṃ ovassāpento vasse āpajjati nāma. Pārisuddhiuposathaṃ vā adhiṭṭhānuposathaṃ vā karonto saṅgho āpajjati. Suttuddesañca adhiṭṭhānuposathañca karonto gaṇo āpajjati. Ekako suttuddesaṃ pārisuddhiuposathañca karonto puggalo āpajjati. Pavāraṇāyapi eseva nayo.
ਸਙ੍ਘੁਪੋਸਥੋ ਚ ਸਙ੍ਘਪવਾਰਣਾ ਚ ਸਙ੍ਘਸ੍ਸੇવ ਕਪ੍ਪਤਿ। ਗਣੁਪੋਸਥੋ ਚ ਗਣਪવਾਰਣਾ ਚ ਗਣਸ੍ਸੇવ ਕਪ੍ਪਤਿ। ਅਧਿਟ੍ਠਾਨੁਪੋਸਥੋ ਚ ਅਧਿਟ੍ਠਾਨਪવਾਰਣਾ ਚ ਪੁਗ੍ਗਲਸ੍ਸੇવ ਕਪ੍ਪਤਿ। ‘‘ਪਾਰਾਜਿਕਂ ਆਪਨ੍ਨੋਮ੍ਹੀ’’ਤਿਆਦੀਨਿ ਭਣਨ੍ਤੋ વਤ੍ਥੁਂ ਛਾਦੇਤਿ ਨ ਆਪਤ੍ਤਿਂ, ‘‘ਮੇਥੁਨਂ ਧਮ੍ਮਂ ਪਟਿਸੇવਿ’’ਨ੍ਤਿਆਦੀਨਿ ਭਣਨ੍ਤੋ ਆਪਤ੍ਤਿਂ ਛਾਦੇਤਿ ਨੋ વਤ੍ਥੁਂ, ਯੋ ਨੇવ વਤ੍ਥੁਂ ਨ ਆਪਤ੍ਤਿਂ ਆਰੋਚੇਤਿ, ਅਯਂ વਤ੍ਥੁਞ੍ਚੇવ ਛਾਦੇਤਿ ਆਪਤ੍ਤਿਞ੍ਚ।
Saṅghuposatho ca saṅghapavāraṇā ca saṅghasseva kappati. Gaṇuposatho ca gaṇapavāraṇā ca gaṇasseva kappati. Adhiṭṭhānuposatho ca adhiṭṭhānapavāraṇā ca puggalasseva kappati. ‘‘Pārājikaṃ āpannomhī’’tiādīni bhaṇanto vatthuṃ chādeti na āpattiṃ, ‘‘methunaṃ dhammaṃ paṭisevi’’ntiādīni bhaṇanto āpattiṃ chādeti no vatthuṃ, yo neva vatthuṃ na āpattiṃ āroceti, ayaṃ vatthuñceva chādeti āpattiñca.
ਪਟਿਚ੍ਛਾਦੇਤੀਤਿ ਪਟਿਚ੍ਛਾਦਿ। ਜਨ੍ਤਾਘਰਮੇવ ਪਟਿਚ੍ਛਾਦਿ ਜਨ੍ਤਾਘਰਪਟਿਚ੍ਛਾਦਿ। ਇਤਰਾਸੁਪਿ ਏਸੇવ ਨਯੋ। ਦ੍વਾਰਂ ਪਿਦਹਿਤ੍વਾ ਅਨ੍ਤੋਜਨ੍ਤਾਘਰੇ ਠਿਤੇਨ ਪਰਿਕਮ੍ਮਂ ਕਾਤੁਂ વਟ੍ਟਤਿ। ਉਦਕੇ ਓਤਿਣ੍ਣੇਨਾਪਿ ਏਤਦੇવ વਟ੍ਟਤਿ। ਉਭਯਤ੍ਥ ਖਾਦਿਤੁਂ ਭੁਞ੍ਜਿਤੁਂ વਾ ਨ વਟ੍ਟਤਿ। વਤ੍ਥਪਟਿਚ੍ਛਾਦਿ ਸਬ੍ਬਕਪ੍ਪਿਯਤਾਯ ਪਟਿਚ੍ਛਨ੍ਨੇਨ ਸਬ੍ਬਂ ਕਾਤੁਂ વਟ੍ਟਤਿ। વਹਨ੍ਤੀਤਿ ਯਨ੍ਤਿ ਨਿਯ੍ਯਨ੍ਤਿ; ਨਿਨ੍ਦਂ વਾ ਪਟਿਕ੍ਕੋਸਂ વਾ ਨ ਲਭਨ੍ਤਿ। ਚਨ੍ਦਮਣ੍ਡਲਂ ਅਬ੍ਭਾਮਹਿਕਾਧੂਮਰਜਰਾਹੁવਿਮੁਤ੍ਤਂ વਿવਟਂਯੇવ વਿਰੋਚਤਿ, ਨ ਤੇਸੁ ਅਞ੍ਞਤਰੇਨ ਪਟਿਚ੍ਛਨ੍ਨਂ। ਤਥਾ ਸੂਰਿਯਮਣ੍ਡਲਂ, ਧਮ੍ਮવਿਨਯੋਪਿ વਿવਰਿਤ੍વਾ વਿਭਜਿਤ੍વਾ ਦੇਸਿਯਮਾਨੋવ વਿਰੋਚਤਿ ਨੋ ਪਟਿਚ੍ਛਨ੍ਨੋ।
Paṭicchādetīti paṭicchādi. Jantāgharameva paṭicchādi jantāgharapaṭicchādi. Itarāsupi eseva nayo. Dvāraṃ pidahitvā antojantāghare ṭhitena parikammaṃ kātuṃ vaṭṭati. Udake otiṇṇenāpi etadeva vaṭṭati. Ubhayattha khādituṃ bhuñjituṃ vā na vaṭṭati. Vatthapaṭicchādi sabbakappiyatāya paṭicchannena sabbaṃ kātuṃ vaṭṭati. Vahantīti yanti niyyanti; nindaṃ vā paṭikkosaṃ vā na labhanti. Candamaṇḍalaṃ abbhāmahikādhūmarajarāhuvimuttaṃ vivaṭaṃyeva virocati, na tesu aññatarena paṭicchannaṃ. Tathā sūriyamaṇḍalaṃ, dhammavinayopi vivaritvā vibhajitvā desiyamānova virocati no paṭicchanno.
ਅਞ੍ਞੇਨ ਭੇਸਜ੍ਜੇਨ ਕਰਣੀਯੇਨ ਅਞ੍ਞਂ વਿਞ੍ਞਾਪੇਨ੍ਤੋ ਗਿਲਾਨੋ ਆਪਜ੍ਜਤਿ, ਨ ਭੇਸਜ੍ਜੇਨ ਕਰਣੀਯੇਨ ਭੇਸਜ੍ਜਂ વਿਞ੍ਞਾਪੇਨ੍ਤੋ ਅਗਿਲਾਨੋ ਆਪਜ੍ਜਤਿ, ਅવਸੇਸਂ ਆਪਤ੍ਤਿਂ ਗਿਲਾਨੋ ਚੇવ ਆਪਜ੍ਜਤਿ ਅਗਿਲਾਨੋ ਚ।
Aññena bhesajjena karaṇīyena aññaṃ viññāpento gilāno āpajjati, na bhesajjena karaṇīyena bhesajjaṃ viññāpento agilāno āpajjati, avasesaṃ āpattiṃ gilāno ceva āpajjati agilāno ca.
ਅਨ੍ਤੋ ਆਪਜ੍ਜਤਿ ਨੋ ਬਹੀਤਿ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਨ੍ਤੋ ਅਨ੍ਤੋ ਆਪਜ੍ਜਤਿ ਨੋ ਬਹਿ, ਬਹਿ ਆਪਜ੍ਜਤਿ ਨੋ ਅਨ੍ਤੋਤਿ ਸਙ੍ਘਿਕਂ ਮਞ੍ਚਾਦਿਂ ਅਜ੍ਝੋਕਾਸੇ ਸਨ੍ਥਰਿਤ੍વਾ ਪਕ੍ਕਮਨ੍ਤੋ ਬਹਿ ਆਪਜ੍ਜਤਿ ਨੋ ਅਨ੍ਤੋ, ਅવਸੇਸਂ ਪਨ ਅਨ੍ਤੋ ਚੇવ ਆਪਜ੍ਜਤਿ ਬਹਿ ਚ। ਅਨ੍ਤੋਸੀਮਾਯਾਤਿ ਆਗਨ੍ਤੁਕੋ ਆਗਨ੍ਤੁਕવਤ੍ਤਂ ਅਦਸ੍ਸੇਤ੍વਾ ਸਛਤ੍ਤੁਪਾਹਨੋ વਿਹਾਰਂ ਪવਿਸਨ੍ਤੋ ਉਪਚਾਰਸੀਮਂ ਓਕ੍ਕਨ੍ਤਮਤ੍ਤੋવ ਆਪਜ੍ਜਤਿ। ਬਹਿਸੀਮਾਯਾਤਿ ਗਮਿਕੋ ਦਾਰੁਭਣ੍ਡਪਟਿਸਾਮਨਾਦਿਗਮਿਕવਤ੍ਤਂ ਅਪੂਰੇਤ੍વਾ ਪਕ੍ਕਮਨ੍ਤੋ ਉਪਚਾਰਸੀਮਂ ਅਤਿਕ੍ਕਨ੍ਤਮਤ੍ਤੋવ ਆਪਜ੍ਜਤਿ। ਅવਸੇਸਂ ਅਨ੍ਤੋਸੀਮਾਯ ਚੇવ ਆਪਜ੍ਜਤਿ ਬਹਿਸੀਮਾਯ ਚ। ਸਤਿ વੁਡ੍ਢਤਰੇ ਅਨਜ੍ਝਿਟ੍ਠੋ ਧਮ੍ਮਂ ਭਾਸਨ੍ਤੋ ਸਙ੍ਘਮਜ੍ਝੇ ਆਪਜ੍ਜਤਿ ਨਾਮ। ਗਣਮਜ੍ਝੇਪਿ ਪੁਗ੍ਗਲਸਨ੍ਤਿਕੇਪਿ ਏਸੇવ ਨਯੋ। ਕਾਯੇਨ વੁਟ੍ਠਾਤੀਤਿ ਤਿਣવਤ੍ਥਾਰਕਸਮਥੇਨ વੁਟ੍ਠਾਤਿ। ਕਾਯਂ ਅਚਾਲੇਤ੍વਾ વਾਚਾਯ ਦੇਸੇਨ੍ਤਸ੍ਸ વਾਚਾਯ વੁਟ੍ਠਾਤਿ। વਚੀਸਮ੍ਪਯੁਤ੍ਤਂ ਕਾਯਕਿਰਿਯਂ ਕਤ੍વਾ ਦੇਸੇਨ੍ਤਸ੍ਸ ਕਾਯੇਨ વਾਚਾਯ વੁਟ੍ਠਾਤਿ ਨਾਮ। ਸਙ੍ਘਮਜ੍ਝੇ ਦੇਸਨਾਗਾਮਿਨੀਪਿ વੁਟ੍ਠਾਨਗਾਮਿਨੀਪਿ વੁਟ੍ਠਾਤਿ। ਗਣਪੁਗ੍ਗਲਮਜ੍ਝੇ ਪਨ ਦੇਸਨਾਗਾਮਿਨੀਯੇવ વੁਟ੍ਠਾਤਿ।
Anto āpajjati no bahīti anupakhajja seyyaṃ kappento anto āpajjati no bahi, bahiāpajjati no antoti saṅghikaṃ mañcādiṃ ajjhokāse santharitvā pakkamanto bahi āpajjati no anto, avasesaṃ pana anto ceva āpajjati bahi ca. Antosīmāyāti āgantuko āgantukavattaṃ adassetvā sachattupāhano vihāraṃ pavisanto upacārasīmaṃ okkantamattova āpajjati. Bahisīmāyāti gamiko dārubhaṇḍapaṭisāmanādigamikavattaṃ apūretvā pakkamanto upacārasīmaṃ atikkantamattova āpajjati. Avasesaṃ antosīmāya ceva āpajjati bahisīmāya ca. Sati vuḍḍhatare anajjhiṭṭho dhammaṃ bhāsanto saṅghamajjhe āpajjati nāma. Gaṇamajjhepi puggalasantikepi eseva nayo. Kāyena vuṭṭhātīti tiṇavatthārakasamathena vuṭṭhāti. Kāyaṃ acāletvā vācāya desentassa vācāya vuṭṭhāti. Vacīsampayuttaṃ kāyakiriyaṃ katvā desentassa kāyena vācāya vuṭṭhāti nāma. Saṅghamajjhe desanāgāminīpi vuṭṭhānagāminīpi vuṭṭhāti. Gaṇapuggalamajjhe pana desanāgāminīyeva vuṭṭhāti.
ਆਗਾਲ਼੍ਹਾਯ ਚੇਤੇਯ੍ਯਾਤਿ ਆਗਾਲ਼੍ਹਾਯ ਦਲ਼੍ਹਭਾવਾਯ ਚੇਤੇਯ੍ਯ; ਤਜ੍ਜਨੀਯਕਮ੍ਮਾਦਿਕਤਸ੍ਸ વਤ੍ਤਂ ਨ ਪੂਰਯਤੋ ਇਚ੍ਛਮਾਨੋ ਸਙ੍ਘੋ ਉਕ੍ਖੇਪਨੀਯਕਮ੍ਮਂ ਕਰੇਯ੍ਯਾਤਿ ਅਤ੍ਥੋ। ਅਲਜ੍ਜੀ ਚ ਹੋਤਿ ਬਾਲੋ ਚ ਅਪਕਤਤ੍ਤੋ ਚਾਤਿ ਏਤ੍ਥ ਬਾਲੋ ‘‘ਅਯਂ ਧਮ੍ਮਾਧਮ੍ਮਂ ਨ ਜਾਨਾਤਿ’’ ਅਪਕਤਤ੍ਤੋ વਾ ‘‘ਆਪਤ੍ਤਾਨਾਪਤ੍ਤਿਂ ਨ ਜਾਨਾਤੀ’’ਤਿ ਨ ਏਤ੍ਤਾવਤਾ ਕਮ੍ਮਂ ਕਾਤਬ੍ਬਂ; ਬਾਲਭਾવਮੂਲਕਂ ਪਨ ਅਪਕਤਤ੍ਤਭਾવਮੂਲਕਞ੍ਚ ਆਪਤ੍ਤਿਂ ਆਪਨ੍ਨਸ੍ਸ ਕਮ੍ਮਂ ਕਾਤਬ੍ਬਨ੍ਤਿ ਅਤ੍ਥੋ। ਅਧਿਸੀਲੇ ਸੀਲવਿਪਨ੍ਨੋ ਨਾਮ ਦ੍વੇ ਆਪਤ੍ਤਿਕ੍ਖਨ੍ਧੇ ਆਪਨ੍ਨੋ; ਆਚਾਰવਿਪਨ੍ਨੋ ਨਾਮ ਪਞ੍ਚ ਆਪਤ੍ਤਿਕ੍ਖਨ੍ਧੇ ਆਪਨ੍ਨੋ; ਦਿਟ੍ਠਿવਿਪਨ੍ਨੋ ਨਾਮ ਅਨ੍ਤਗ੍ਗਾਹਿਕਾਯ ਦਿਟ੍ਠਿਯਾ ਸਮਨ੍ਨਾਗਤੋ। ਤੇਸਂ ਆਪਤ੍ਤਿਂ ਅਪਸ੍ਸਨ੍ਤਾਨਂ ਅਪ੍ਪਟਿਕਰੋਨ੍ਤਾਨਂ ਦਿਟ੍ਠਿਞ੍ਚ ਅਨਿਸ੍ਸਜ੍ਜਨ੍ਤਾਨਂਯੇવ ਕਮ੍ਮਂ ਕਾਤਬ੍ਬਂ।
Āgāḷhāya ceteyyāti āgāḷhāya daḷhabhāvāya ceteyya; tajjanīyakammādikatassa vattaṃ na pūrayato icchamāno saṅgho ukkhepanīyakammaṃ kareyyāti attho. Alajjī ca hoti bālo ca apakatatto cāti ettha bālo ‘‘ayaṃ dhammādhammaṃ na jānāti’’ apakatatto vā ‘‘āpattānāpattiṃ na jānātī’’ti na ettāvatā kammaṃ kātabbaṃ; bālabhāvamūlakaṃ pana apakatattabhāvamūlakañca āpattiṃ āpannassa kammaṃ kātabbanti attho. Adhisīle sīlavipanno nāma dve āpattikkhandhe āpanno; ācāravipanno nāma pañca āpattikkhandhe āpanno; diṭṭhivipanno nāma antaggāhikāya diṭṭhiyā samannāgato. Tesaṃ āpattiṃ apassantānaṃ appaṭikarontānaṃ diṭṭhiñca anissajjantānaṃyeva kammaṃ kātabbaṃ.
ਕਾਯਿਕੋ ਦવੋ ਨਾਮ ਪਾਸਕਾਦੀਹਿ ਜੂਤਕੀਲ਼ਨਾਦਿਭੇਦੋ ਅਨਾਚਾਰੋ; વਾਚਸਿਕੋ ਦવੋ ਨਾਮ ਮੁਖਾਲਮ੍ਬਰਕਰਣਾਦਿਭੇਦੋ ਅਨਾਚਾਰੋ; ਕਾਯਿਕવਾਚਸਿਕੋ ਨਾਮ ਨਚ੍ਚਨਗਾਯਨਾਦਿਭੇਦੋ ਦ੍વੀਹਿਪਿ ਦ੍વਾਰੇਹਿ ਅਨਾਚਾਰੋ । ਕਾਯਿਕੋ ਅਨਾਚਾਰੋ ਨਾਮ ਕਾਯਦ੍વਾਰੇ ਪਞ੍ਞਤ੍ਤਸਿਕ੍ਖਾਪਦવੀਤਿਕ੍ਕਮੋ; વਾਚਸਿਕੋ ਅਨਾਚਾਰੋ ਨਾਮ વਚੀਦ੍વਾਰੇ ਪਞ੍ਞਤ੍ਤਸਿਕ੍ਖਾਪਦવੀਤਿਕ੍ਕਮੋ; ਕਾਯਿਕવਾਚਸਿਕੋ ਨਾਮ ਦ੍વਾਰਦ੍વਯੇਪਿ ਪਞ੍ਞਤ੍ਤਸਿਕ੍ਖਾਪਦવੀਤਿਕ੍ਕਮੋ। ਕਾਯਿਕੇਨ ਉਪਘਾਤਿਕੇਨਾਤਿ ਕਾਯਦ੍વਾਰੇ ਪਞ੍ਞਤ੍ਤਸ੍ਸ ਸਿਕ੍ਖਾਪਦਸ੍ਸ ਅਸਿਕ੍ਖਨੇਨ, ਯੋ ਹਿ ਤਂ ਨ ਸਿਕ੍ਖਤਿ, ਸੋ ਨਂ ਉਪਘਾਤੇਤਿ, ਤਸ੍ਮਾ ਤਸ੍ਸ ਤਂ ਅਸਿਕ੍ਖਨਂ ‘‘ਕਾਯਿਕਂ ਉਪਘਾਤਿਕ’’ਨ੍ਤਿ વੁਚ੍ਚਤਿ। ਸੇਸਪਦਦ੍વਯੇਪਿ ਏਸੇવ ਨਯੋ। ਕਾਯਿਕੇਨ ਮਿਚ੍ਛਾਜੀવੇਨਾਤਿ ਜਙ੍ਘਪੇਸਨਿਕਾਦਿਨਾ વਾ ਗਣ੍ਡਫਾਲਨਾਦਿਨਾ વਾ વੇਜ੍ਜਕਮ੍ਮੇਨ ; વਾਚਸਿਕੇਨਾਤਿ ਸਾਸਨਉਗ੍ਗਹਣਆਰੋਚਨਾਦਿਨਾ; ਤਤਿਯਪਦਂ ਉਭਯਸਮ੍ਪਯੋਗવਸੇਨ વੁਤ੍ਤਂ।
Kāyiko davo nāma pāsakādīhi jūtakīḷanādibhedo anācāro; vācasiko davo nāma mukhālambarakaraṇādibhedo anācāro; kāyikavācasiko nāma naccanagāyanādibhedo dvīhipi dvārehi anācāro . Kāyiko anācāro nāma kāyadvāre paññattasikkhāpadavītikkamo; vācasiko anācāro nāma vacīdvāre paññattasikkhāpadavītikkamo; kāyikavācasiko nāma dvāradvayepi paññattasikkhāpadavītikkamo. Kāyikena upaghātikenāti kāyadvāre paññattassa sikkhāpadassa asikkhanena, yo hi taṃ na sikkhati, so naṃ upaghāteti, tasmā tassa taṃ asikkhanaṃ ‘‘kāyikaṃ upaghātika’’nti vuccati. Sesapadadvayepi eseva nayo. Kāyikena micchājīvenāti jaṅghapesanikādinā vā gaṇḍaphālanādinā vā vejjakammena ; vācasikenāti sāsanauggahaṇaārocanādinā; tatiyapadaṃ ubhayasampayogavasena vuttaṃ.
ਅਲਂ ਭਿਕ੍ਖੁ ਮਾ ਭਣ੍ਡਨਨ੍ਤਿ ਅਲਂ ਭਿਕ੍ਖੁ ਮਾ ਭਣ੍ਡਨਂ ਕਰਿ, ਮਾ ਕਲਹਂ, ਮਾ વਿવਾਦਂ ਕਰੀਤਿ ਅਤ੍ਥੋ। ਨ વੋਹਰਿਤਬ੍ਬਨ੍ਤਿ ਨ ਕਿਞ੍ਚਿ વਤ੍ਤਬ੍ਬਂ; વਦਤੋਪਿ ਹਿ ਤਾਦਿਸਸ੍ਸ વਚਨਂ ਨ ਸੋਤਬ੍ਬਂ ਮਞ੍ਞਨ੍ਤਿ। ਨ ਕਿਸ੍ਮਿਞ੍ਚਿ ਪਚ੍ਚੇਕਟ੍ਠਾਨੇਤਿ ਕਿਸ੍ਮਿਞ੍ਚਿ ਬੀਜਨਗ੍ਗਾਹਾਦਿਕੇ ਏਕਸ੍ਮਿਮ੍ਪਿ ਜੇਟ੍ਠਕਟ੍ਠਾਨੇ ਨ ਠਪੇਤਬ੍ਬੋਤਿ ਅਤ੍ਥੋ। ਓਕਾਸਕਮ੍ਮਂ ਕਾਰੇਨ੍ਤਸ੍ਸਾਤਿ ‘‘ਕਰੋਤੁ ਆਯਸ੍ਮਾ ਓਕਾਸਂ, ਅਹਂ ਤਂ વਤ੍ਤੁਕਾਮੋ’’ਤਿ ਏવਂ ਓਕਾਸਂ ਕਾਰੇਨ੍ਤਸ੍ਸ। ਨਾਲਂ ਓਕਾਸਕਮ੍ਮਂ ਕਾਤੁਨ੍ਤਿ ‘‘ਕਿਂ ਤ੍વਂ ਕਰਿਸ੍ਸਸੀ’’ਤਿ ਓਕਾਸੋ ਨ ਕਾਤਬ੍ਬੋ। ਸવਚਨੀਯਂ ਨਾਦਾਤਬ੍ਬਨ੍ਤਿ વਚਨਂ ਨ ਆਦਾਤਬ੍ਬਂ, વਚਨਮ੍ਪਿ ਨ ਸੋਤਬ੍ਬਂ; ਯਤ੍ਥ ਗਹੇਤ੍વਾ ਗਨ੍ਤੁਕਾਮੋ ਹੋਤਿ, ਨ ਤਤ੍ਥ ਗਨ੍ਤਬ੍ਬਨ੍ਤਿ ਅਤ੍ਥੋ।
Alaṃ bhikkhu mā bhaṇḍananti alaṃ bhikkhu mā bhaṇḍanaṃ kari, mā kalahaṃ, mā vivādaṃ karīti attho. Na voharitabbanti na kiñci vattabbaṃ; vadatopi hi tādisassa vacanaṃ na sotabbaṃ maññanti. Na kismiñci paccekaṭṭhāneti kismiñci bījanaggāhādike ekasmimpi jeṭṭhakaṭṭhāne na ṭhapetabboti attho. Okāsakammaṃ kārentassāti ‘‘karotu āyasmā okāsaṃ, ahaṃ taṃ vattukāmo’’ti evaṃ okāsaṃ kārentassa. Nālaṃ okāsakammaṃ kātunti ‘‘kiṃ tvaṃ karissasī’’ti okāso na kātabbo. Savacanīyaṃ nādātabbanti vacanaṃ na ādātabbaṃ, vacanampi na sotabbaṃ; yattha gahetvā gantukāmo hoti, na tattha gantabbanti attho.
ਤੀਹਙ੍ਗੇਹਿ ਸਮਨ੍ਨਾਗਤਸ੍ਸ ਭਿਕ੍ਖੁਨੋ વਿਨਯੋਤਿ ਯਂ ਸੋ ਜਾਨਾਤਿ, ਸੋ ਤਸ੍ਸ વਿਨਯੋ ਨਾਮ ਹੋਤਿ; ਸੋ ਨ ਪੁਚ੍ਛਿਤਬ੍ਬੋਤਿ ਅਤ੍ਥੋ। ਅਨੁਯੋਗੋ ਨ ਦਾਤਬ੍ਬੋਤਿ ‘‘ਇਦਂ ਕਪ੍ਪਤੀ’’ਤਿ ਪੁਚ੍ਛਨ੍ਤਸ੍ਸ ਪੁਚ੍ਛਾਯ ਓਕਾਸੋ ਨ ਦਾਤਬ੍ਬੋ, ‘‘ਅਞ੍ਞਂ ਪੁਚ੍ਛਾ’’ਤਿ વਤ੍ਤਬ੍ਬੋ। ਇਤਿ ਸੋ ਨੇવ ਪੁਚ੍ਛਿਤਬ੍ਬੋ ਨਾਸ੍ਸ ਪੁਚ੍ਛਾ ਸੋਤਬ੍ਬਾਤਿ ਅਤ੍ਥੋ। વਿਨਯੋ ਨ ਸਾਕਚ੍ਛਾਤਬ੍ਬੋਤਿ વਿਨਯਪਞ੍ਹੋ ਨ ਸਾਕਚ੍ਛਿਤਬ੍ਬੋ, ਕਪ੍ਪਿਯਾਕਪ੍ਪਿਯਕਥਾ ਨ ਸਂਸਨ੍ਦੇਤਬ੍ਬਾ।
Tīhaṅgehi samannāgatassa bhikkhuno vinayoti yaṃ so jānāti, so tassa vinayo nāma hoti; so na pucchitabboti attho. Anuyogo na dātabboti ‘‘idaṃ kappatī’’ti pucchantassa pucchāya okāso na dātabbo, ‘‘aññaṃ pucchā’’ti vattabbo. Iti so neva pucchitabbo nāssa pucchā sotabbāti attho. Vinayo na sākacchātabboti vinayapañho na sākacchitabbo, kappiyākappiyakathā na saṃsandetabbā.
ਇਦਮਪ੍ਪਹਾਯਾਤਿ ਏਤਂ ਬ੍ਰਹ੍ਮਚਾਰਿਪਟਿਞ੍ਞਾਤਾਦਿਕਂ ਲਦ੍ਧਿਂ ਅવਿਜਹਿਤ੍વਾ। ਸੁਦ੍ਧਂ ਬ੍ਰਹ੍ਮਚਾਰਿਨ੍ਤਿ ਖੀਣਾਸવਂ ਭਿਕ੍ਖੁਂ। ‘‘ਪਾਤਬ੍ਯਤਂ ਆਪਜ੍ਜਤੀ’’ਤਿ ਪਾਤਬ੍ਯਭਾવਂ ਪਟਿਸੇવਨਂ ਆਪਜ੍ਜਤਿ। ‘‘ਇਦਮਪ੍ਪਹਾਯਾ’’ਤਿ વਚਨਤੋ ਪਨ ਤਂ ਬ੍ਰਹ੍ਮਚਾਰਿਪਟਿਞ੍ਞਾਤਂ ਪਹਾਯ ਖੀਣਾਸવਂ ‘‘ਮੁਸਾ ਮਯਾ ਭਣਿਤਂ, ਖਮਥ ਮੇ’’ਤਿ ਖਮਾਪੇਤ੍વਾ ‘‘ਨਤ੍ਥਿ ਕਾਮੇਸੁ ਦੋਸੋ’’ਤਿ ਲਦ੍ਧਿਂ વਿਜਹਿਤ੍વਾ ਗਤਿવਿਸੋਧਨਂ ਕਰੇਯ੍ਯ। ਅਕੁਸਲਮੂਲਾਨੀਤਿ ਅਕੁਸਲਾਨਿ ਚੇવ ਮੂਲਾਨਿ ਚ, ਅਕੁਸਲਾਨਂ વਾ ਮੂਲਾਨਿ ਅਕੁਸਲਮੂਲਾਨਿ। ਕੁਸਲਮੂਲੇਸੁਪਿ ਏਸੇવ ਨਯੋ। ਦੁਟ੍ਠੁ ਚਰਿਤਾਨਿ વਿਰੂਪਾਨਿ વਾ ਚਰਿਤਾਨਿ ਦੁਚ੍ਚਰਿਤਾਨਿ। ਸੁਟ੍ਠੁ ਚਰਿਤਾਨਿ ਸੁਨ੍ਦਰਾਨਿ વਾ ਚਰਿਤਾਨਿ ਸੁਚਰਿਤਾਨਿ। ਕਾਯੇਨ ਕਰਣਭੂਤੇਨ ਕਤਂ ਦੁਚ੍ਚਰਿਤਂ ਕਾਯਦੁਚ੍ਚਰਿਤਂ। ਏਸ ਨਯੋ ਸਬ੍ਬਤ੍ਥ। ਸੇਸਂ ਤਤ੍ਥ ਤਤ੍ਥ વੁਤ੍ਤਨਯਤ੍ਤਾ ਉਤ੍ਤਾਨਮੇવਾਤਿ।
Idamappahāyāti etaṃ brahmacāripaṭiññātādikaṃ laddhiṃ avijahitvā. Suddhaṃ brahmacārinti khīṇāsavaṃ bhikkhuṃ. ‘‘Pātabyataṃ āpajjatī’’ti pātabyabhāvaṃ paṭisevanaṃ āpajjati. ‘‘Idamappahāyā’’ti vacanato pana taṃ brahmacāripaṭiññātaṃ pahāya khīṇāsavaṃ ‘‘musā mayā bhaṇitaṃ, khamatha me’’ti khamāpetvā ‘‘natthi kāmesu doso’’ti laddhiṃ vijahitvā gativisodhanaṃ kareyya. Akusalamūlānīti akusalāni ceva mūlāni ca, akusalānaṃ vā mūlāni akusalamūlāni. Kusalamūlesupi eseva nayo. Duṭṭhu caritāni virūpāni vā caritāni duccaritāni. Suṭṭhu caritāni sundarāni vā caritāni sucaritāni. Kāyena karaṇabhūtena kataṃ duccaritaṃ kāyaduccaritaṃ. Esa nayo sabbattha. Sesaṃ tattha tattha vuttanayattā uttānamevāti.
ਤਿਕવਾਰવਣ੍ਣਨਾ ਨਿਟ੍ਠਿਤਾ।
Tikavāravaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੩. ਤਿਕવਾਰੋ • 3. Tikavāro
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਤਿਕવਾਰવਣ੍ਣਨਾ • Tikavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਤਿਕવਾਰવਣ੍ਣਨਾ • Tikavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਤਿਕવਾਰવਣ੍ਣਨਾ • Tikavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਤਿਕવਾਰવਣ੍ਣਨਾ • Ekuttarikanayo tikavāravaṇṇanā
