| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
3. д̇игавааро
3. Tikavāro
323. ад̇т̇аабад̇д̇и д̇идтанд̇з бхаг̇авад̇и аабаж̇ж̇ад̇и, но бариниб̣б̣уд̇з; ад̇т̇аабад̇д̇и бариниб̣б̣уд̇з бхаг̇авад̇и аабаж̇ж̇ад̇и, но д̇идтанд̇з; ад̇т̇аабад̇д̇и д̇идтанд̇зби бхаг̇авад̇и аабаж̇ж̇ад̇и бариниб̣б̣уд̇зби. ад̇т̇аабад̇д̇и гаалз аабаж̇ж̇ад̇и, но вигаалз; ад̇т̇аабад̇д̇и вигаалз аабаж̇ж̇ад̇и, но гаалз; ад̇т̇аабад̇д̇и гаалз жзва аабаж̇ж̇ад̇и вигаалз жа. ад̇т̇аабад̇д̇и рад̇д̇им̣ аабаж̇ж̇ад̇и, но д̣̇иваа; ад̇т̇аабад̇д̇и д̣̇иваа аабаж̇ж̇ад̇и, но рад̇д̇им̣; ад̇т̇аабад̇д̇и рад̇д̇ин̃жзва аабаж̇ж̇ад̇и д̣̇иваа жа. ад̇т̇аабад̇д̇и д̣̇асавассо аабаж̇ж̇ад̇и, но уунад̣̇асавассо; ад̇т̇аабад̇д̇и уунад̣̇асавассо аабаж̇ж̇ад̇и, но д̣̇асавассо; ад̇т̇аабад̇д̇и д̣̇асавассо жзва аабаж̇ж̇ад̇и уунад̣̇асавассо жа. ад̇т̇аабад̇д̇и бан̃жавассо аабаж̇ж̇ад̇и, но уунабан̃жавассо; ад̇т̇аабад̇д̇и уунабан̃жавассо аабаж̇ж̇ад̇и, но бан̃жавассо; ад̇т̇аабад̇д̇и бан̃жавассо жзва аабаж̇ж̇ад̇и уунабан̃жавассо жа. ад̇т̇аабад̇д̇и гусалажид̇д̇о аабаж̇ж̇ад̇и; ад̇т̇аабад̇д̇и агусалажид̇д̇о аабаж̇ж̇ад̇и; ад̇т̇аабад̇д̇и аб̣яаагад̇ажид̇д̇о аабаж̇ж̇ад̇и. ад̇т̇аабад̇д̇и сукавзд̣̇анаасаман̇г̇ий аабаж̇ж̇ад̇и; ад̇т̇аабад̇д̇и д̣̇угкавзд̣̇анаасаман̇г̇ий аабаж̇ж̇ад̇и; ад̇т̇аабад̇д̇и ад̣̇угкамасукавзд̣̇анаасаман̇г̇ий аабаж̇ж̇ад̇и. д̇ийн̣и жод̣̇анаавад̇т̇ууни – д̣̇идтзна, суд̇зна, барисан̇гааяа. д̇аяо салаагаг̇г̇аахаа – г̇ул̣хаго, вивадаго 1, саган̣н̣аж̇аббаго. д̇аяо бадигкзбаа – махижчад̇аа, асанд̇удтид̇аа 2, асаллзкад̇аа. д̇аяо анун̃н̃аад̇аа – аббижчад̇аа, санд̇удтид̇аа, саллзкад̇аа. абарзби д̇аяо бадигкзбаа – махижчад̇аа, асанд̇удтид̇аа, амад̇д̇ан̃н̃уд̇аа. д̇аяо анун̃н̃аад̇аа – аббижчад̇аа, санд̇удтид̇аа, мад̇д̇ан̃н̃уд̇аа. д̇иссо бан̃н̃ад̇д̇ияо – бан̃н̃ад̇д̇и, анубан̃н̃ад̇д̇и, ануббаннабан̃н̃ад̇д̇и. абарааби д̇иссо бан̃н̃ад̇д̇ияо – саб̣б̣ад̇т̇абан̃н̃ад̇д̇и, бад̣̇зсабан̃н̃ад̇д̇и, саад̇хааран̣абан̃н̃ад̇д̇и. абарааби д̇иссо бан̃н̃ад̇д̇ияо – асаад̇хааран̣абан̃н̃ад̇д̇и, згад̇обан̃н̃ад̇д̇и, убхад̇обан̃н̃ад̇д̇и.
323. Atthāpatti tiṭṭhante bhagavati āpajjati, no parinibbute; atthāpatti parinibbute bhagavati āpajjati, no tiṭṭhante; atthāpatti tiṭṭhantepi bhagavati āpajjati parinibbutepi. Atthāpatti kāle āpajjati, no vikāle; atthāpatti vikāle āpajjati, no kāle; atthāpatti kāle ceva āpajjati vikāle ca. Atthāpatti rattiṃ āpajjati, no divā; atthāpatti divā āpajjati, no rattiṃ; atthāpatti rattiñceva āpajjati divā ca. Atthāpatti dasavasso āpajjati, no ūnadasavasso; atthāpatti ūnadasavasso āpajjati, no dasavasso; atthāpatti dasavasso ceva āpajjati ūnadasavasso ca. Atthāpatti pañcavasso āpajjati, no ūnapañcavasso; atthāpatti ūnapañcavasso āpajjati, no pañcavasso; atthāpatti pañcavasso ceva āpajjati ūnapañcavasso ca. Atthāpatti kusalacitto āpajjati; atthāpatti akusalacitto āpajjati; atthāpatti abyākatacitto āpajjati. Atthāpatti sukhavedanāsamaṅgī āpajjati; atthāpatti dukkhavedanāsamaṅgī āpajjati; atthāpatti adukkhamasukhavedanāsamaṅgī āpajjati. Tīṇi codanāvatthūni – diṭṭhena, sutena, parisaṅkāya. Tayo salākaggāhā – guḷhako, vivaṭako 3, sakaṇṇajappako. Tayo paṭikkhepā – mahicchatā, asantuṭṭhitā 4, asallekhatā. Tayo anuññātā – appicchatā, santuṭṭhitā, sallekhatā. Aparepi tayo paṭikkhepā – mahicchatā, asantuṭṭhitā, amattaññutā. Tayo anuññātā – appicchatā, santuṭṭhitā, mattaññutā. Tisso paññattiyo – paññatti, anupaññatti, anuppannapaññatti. Aparāpi tisso paññattiyo – sabbatthapaññatti, padesapaññatti, sādhāraṇapaññatti. Aparāpi tisso paññattiyo – asādhāraṇapaññatti, ekatopaññatti, ubhatopaññatti.
ад̇т̇аабад̇д̇и б̣аало аабаж̇ж̇ад̇и, но бан̣д̣ид̇о; ад̇т̇аабад̇д̇и бан̣д̣ид̇о аабаж̇ж̇ад̇и, но б̣аало; ад̇т̇аабад̇д̇и б̣аало жзва аабаж̇ж̇ад̇и бан̣д̣ид̇о жа. ад̇т̇аабад̇д̇и гаал̣з аабаж̇ж̇ад̇и, но ж̇ун̣хз; ад̇т̇аабад̇д̇и ж̇ун̣хз аабаж̇ж̇ад̇и, но гаал̣з; ад̇т̇аабад̇д̇и гаал̣з жзва аабаж̇ж̇ад̇и ж̇ун̣хз жа. ад̇т̇и гаал̣з габбад̇и, но ж̇ун̣хз; ад̇т̇и ж̇ун̣хз габбад̇и, но гаал̣з; ад̇т̇и гаал̣з жзва габбад̇и ж̇ун̣хз жа. ад̇т̇аабад̇д̇и хзманд̇з аабаж̇ж̇ад̇и, но г̇имхз но вассз; ад̇т̇аабад̇д̇и г̇имхз аабаж̇ж̇ад̇и, но хзманд̇з но вассз; ад̇т̇аабад̇д̇и вассз аабаж̇ж̇ад̇и, но хзманд̇з но г̇имхз. ад̇т̇аабад̇д̇и сан̇гхо аабаж̇ж̇ад̇и, на г̇ан̣о на буг̇г̇ало; ад̇т̇аабад̇д̇и г̇ан̣о аабаж̇ж̇ад̇и, на сан̇гхо на буг̇г̇ало; ад̇т̇аабад̇д̇и буг̇г̇ало аабаж̇ж̇ад̇и, на сан̇гхо на г̇ан̣о. ад̇т̇и сан̇гхасса габбад̇и, на г̇ан̣асса на буг̇г̇аласса; ад̇т̇и г̇ан̣асса габбад̇и, на сан̇гхасса на буг̇г̇аласса; ад̇т̇и буг̇г̇аласса габбад̇и, на сан̇гхасса на г̇ан̣асса. д̇иссо чаад̣̇анаа вад̇т̇ум̣ чаад̣̇зд̇и, но аабад̇д̇им̣; аабад̇д̇им̣ чаад̣̇зд̇и, но вад̇т̇ум̣; вад̇т̇ун̃жзва чаад̣̇зд̇и аабад̇д̇ин̃жа. д̇иссо бадижчаад̣̇ияо – ж̇анд̇аагхарабадижчаад̣̇и, уд̣̇агабадижчаад̣̇и, вад̇т̇абадижчаад̣̇и. 5 д̇ийн̣и бадижчаннаани ваханд̇и, но вивадаани – маад̇уг̇аамо бадижчанно вахад̇и, но вивадо; б̣раахман̣аанам̣ манд̇аа бадижчаннаа ваханд̇и, но вивадаа; мижчаад̣̇идти бадижчаннаа вахад̇и, но вивадаа. д̇ийн̣и вивадаани вирожанд̇и, но бадижчаннаани – жанд̣̇аман̣д̣алам̣ вивадам̣ вирожад̇и, но бадижчаннам̣; суурияаман̣д̣алам̣ вивадам̣ вирожад̇и, но бадижчаннам̣; д̇ат̇ааг̇ад̇аббавзд̣̇ид̇о д̇хаммавинаяо вивадо вирожад̇и, но бадижчанно. д̇аяо сзнаасанаг̇г̇аахаа – буримаго , бажчимаго, анд̇араамуд̇д̇аго. ад̇т̇аабад̇д̇и г̇илаано аабаж̇ж̇ад̇и, но аг̇илаано; ад̇т̇аабад̇д̇и аг̇илаано аабаж̇ж̇ад̇и, но г̇илаано; ад̇т̇аабад̇д̇и г̇илаано жзва аабаж̇ж̇ад̇и аг̇илаано жа.
Atthāpatti bālo āpajjati, no paṇḍito; atthāpatti paṇḍito āpajjati, no bālo; atthāpatti bālo ceva āpajjati paṇḍito ca. Atthāpatti kāḷe āpajjati, no juṇhe; atthāpatti juṇhe āpajjati, no kāḷe; atthāpatti kāḷe ceva āpajjati juṇhe ca. Atthi kāḷe kappati, no juṇhe; atthi juṇhe kappati, no kāḷe; atthi kāḷe ceva kappati juṇhe ca. Atthāpatti hemante āpajjati, no gimhe no vasse; atthāpatti gimhe āpajjati, no hemante no vasse; atthāpatti vasse āpajjati, no hemante no gimhe. Atthāpatti saṅgho āpajjati, na gaṇo na puggalo; atthāpatti gaṇo āpajjati, na saṅgho na puggalo; atthāpatti puggalo āpajjati, na saṅgho na gaṇo. Atthi saṅghassa kappati, na gaṇassa na puggalassa; atthi gaṇassa kappati, na saṅghassa na puggalassa; atthi puggalassa kappati, na saṅghassa na gaṇassa. Tisso chādanā vatthuṃ chādeti, no āpattiṃ; āpattiṃ chādeti, no vatthuṃ; vatthuñceva chādeti āpattiñca. Tisso paṭicchādiyo – jantāgharapaṭicchādi, udakapaṭicchādi, vatthapaṭicchādi. 6 Tīṇi paṭicchannāni vahanti, no vivaṭāni – mātugāmo paṭicchanno vahati, no vivaṭo; brāhmaṇānaṃ mantā paṭicchannā vahanti, no vivaṭā; micchādiṭṭhi paṭicchannā vahati, no vivaṭā. Tīṇi vivaṭāni virocanti, no paṭicchannāni – candamaṇḍalaṃ vivaṭaṃ virocati, no paṭicchannaṃ; sūriyamaṇḍalaṃ vivaṭaṃ virocati, no paṭicchannaṃ; tathāgatappavedito dhammavinayo vivaṭo virocati, no paṭicchanno. Tayo senāsanaggāhā – purimako , pacchimako, antarāmuttako. Atthāpatti gilāno āpajjati, no agilāno; atthāpatti agilāno āpajjati, no gilāno; atthāpatti gilāno ceva āpajjati agilāno ca.
д̇ийн̣и ад̇хаммигаани баад̇имогкадтабанаани. д̇ийн̣и д̇хаммигаани баад̇имогкадтабанаани. д̇аяо бариваасаа – бадижчаннабариваасо, аббадижчаннабариваасо, суд̣̇д̇ханд̇абариваасо. д̇аяо маанад̇д̇аа – бадижчаннамаанад̇д̇ам̣, аббадижчаннамаанад̇д̇ам̣, багкамаанад̇д̇ам̣. д̇аяо баариваасигасса бхигкуно рад̇д̇ижчзд̣̇аа – сахаваасо, виббаваасо, анаарожанаа. ад̇т̇аабад̇д̇и анд̇о аабаж̇ж̇ад̇и, но б̣ахи; ад̇т̇аабад̇д̇и б̣ахи аабаж̇ж̇ад̇и, но анд̇о; ад̇т̇аабад̇д̇и анд̇о жзва аабаж̇ж̇ад̇и б̣ахи жа. ад̇т̇аабад̇д̇и анд̇осиймааяа аабаж̇ж̇ад̇и, но б̣ахисиймааяа; ад̇т̇аабад̇д̇и б̣ахисиймааяа аабаж̇ж̇ад̇и, но анд̇осиймааяа; ад̇т̇аабад̇д̇и анд̇осиймааяа жзва аабаж̇ж̇ад̇и б̣ахисиймааяа жа. д̇ийхаагаарзхи аабад̇д̇им̣ аабаж̇ж̇ад̇и – гааязна аабаж̇ж̇ад̇и, ваажааяа аабаж̇ж̇ад̇и, гааязна ваажааяа аабаж̇ж̇ад̇и. абарзхиби д̇ийхаагаарзхи аабад̇д̇им̣ аабаж̇ж̇ад̇и – сан̇гхамаж̇жхз, г̇ан̣амаж̇жхз, буг̇г̇аласса санд̇игз. д̇ийхаагаарзхи аабад̇д̇ияаа вудтаад̇и – гааязна вудтаад̇и, ваажааяа вудтаад̇и, гааязна ваажааяа вудтаад̇и. абарзхиби д̇ийхаагаарзхи аабад̇д̇ияаа вудтаад̇и – сан̇гхамаж̇жхз, г̇ан̣амаж̇жхз, буг̇г̇аласса санд̇игз. д̇ийн̣и ад̇хаммигаани амуул̣хавинаяасса д̣̇аанаани. д̇ийн̣и д̇хаммигаани амуул̣хавинаяасса д̣̇аанаани.
Tīṇi adhammikāni pātimokkhaṭṭhapanāni. Tīṇi dhammikāni pātimokkhaṭṭhapanāni. Tayo parivāsā – paṭicchannaparivāso, appaṭicchannaparivāso, suddhantaparivāso. Tayo mānattā – paṭicchannamānattaṃ, appaṭicchannamānattaṃ, pakkhamānattaṃ. Tayo pārivāsikassa bhikkhuno ratticchedā – sahavāso, vippavāso, anārocanā. Atthāpatti anto āpajjati, no bahi; atthāpatti bahi āpajjati, no anto; atthāpatti anto ceva āpajjati bahi ca. Atthāpatti antosīmāya āpajjati, no bahisīmāya; atthāpatti bahisīmāya āpajjati, no antosīmāya; atthāpatti antosīmāya ceva āpajjati bahisīmāya ca. Tīhākārehi āpattiṃ āpajjati – kāyena āpajjati, vācāya āpajjati, kāyena vācāya āpajjati. Aparehipi tīhākārehi āpattiṃ āpajjati – saṅghamajjhe, gaṇamajjhe, puggalassa santike. Tīhākārehi āpattiyā vuṭṭhāti – kāyena vuṭṭhāti, vācāya vuṭṭhāti, kāyena vācāya vuṭṭhāti. Aparehipi tīhākārehi āpattiyā vuṭṭhāti – saṅghamajjhe, gaṇamajjhe, puggalassa santike. Tīṇi adhammikāni amūḷhavinayassa dānāni. Tīṇi dhammikāni amūḷhavinayassa dānāni.
7 д̇ийхан̇г̇зхи саманнааг̇ад̇асса бхигкуно ааган̇камаано сан̇гхо д̇аж̇ж̇анийяагаммам̣ гарзяяа – бхан̣д̣анагаараго ход̇и галахагаараго виваад̣̇агаараго бхассагаараго сан̇гхз ад̇хигаран̣агаараго, б̣аало ход̇и аб̣яад̇д̇о, аабад̇д̇иб̣ахуло анабад̣̇аано г̇ихисам̣садто вихарад̇и анануломигзхи г̇ихисам̣саг̇г̇зхи. 8 д̇ийхан̇г̇зхи саманнааг̇ад̇асса бхигкуно ааган̇камаано сан̇гхо нияассагаммам̣ гарзяяа – бхан̣д̣анагаараго ход̇и…бз… сан̇гхз ад̇хигаран̣агаараго, б̣аало ход̇и аб̣яад̇д̇о, аабад̇д̇иб̣ахуло анабад̣̇аано г̇ихисам̣садто вихарад̇и анануломигзхи г̇ихисам̣саг̇г̇зхи. 9 д̇ийхан̇г̇зхи саманнааг̇ад̇асса бхигкуно ааган̇камаано сан̇гхо баб̣б̣ааж̇анийяагаммам̣ гарзяяа – бхан̣д̣анагаараго ход̇и…бз… сан̇гхз ад̇хигаран̣агаараго, б̣аало ход̇и аб̣яад̇д̇о, аабад̇д̇иб̣ахуло анабад̣̇аано гулад̣̇уугаго ход̇и баабасамаажааро баабасамаажаараа д̣̇иссанд̇и жзва суяяанд̇и жа. д̇ийхан̇г̇зхи саманнааг̇ад̇асса бхигкуно ааган̇камаано сан̇гхо бадисааран̣ийяагаммам̣ гарзяяа – бхан̣д̣анагаараго ход̇и…бз… сан̇гхз ад̇хигаран̣агаараго, б̣аало ход̇и аб̣яад̇д̇о, аабад̇д̇и б̣ахуло анабад̣̇аано г̇ихий аггосад̇и барибхаасад̇и. 10 д̇ийхан̇г̇зхи саманнааг̇ад̇асса бхигкуно ааган̇камаано сан̇гхо аабад̇д̇ияаа ад̣̇ассанз угкзбанийяагаммам̣ гарзяяа – бхан̣д̣анагаараго ход̇и…бз… сан̇гхз ад̇хигаран̣агаараго, б̣аало ход̇и аб̣яад̇д̇о, аабад̇д̇иб̣ахуло анабад̣̇аано аабад̇д̇им̣ аабаж̇ж̇ид̇ваа на ижчад̇и аабад̇д̇им̣ бассид̇ум̣. 11 д̇ийхан̇г̇зхи саманнааг̇ад̇асса бхигкуно ааган̇камаано сан̇гхо аабад̇д̇ияаа аббадигаммз угкзбанийяагаммам̣ гарзяяа – бхан̣д̣анагаараго ход̇и…бз… сан̇гхз ад̇хигаран̣агаараго, б̣аало ход̇и аб̣яад̇д̇о, аабад̇д̇иб̣ахуло анабад̣̇аано аабад̇д̇им̣ аабаж̇ж̇ид̇ваа на ижчад̇и аабад̇д̇им̣ бадигаад̇ум̣. 12 д̇ийхан̇г̇зхи саманнааг̇ад̇асса бхигкуно ааган̇камаано сан̇гхо баабигааяа д̣̇идтияаа аббадиниссаг̇г̇з угкзбанийяагаммам̣ гарзяяа – бхан̣д̣анагаараго ход̇и…бз… сан̇гхз ад̇хигаран̣агаараго, б̣аало ход̇и аб̣яад̇д̇о, аабад̇д̇иб̣ахуло анабад̣̇аано на ижчад̇и баабигам̣ д̣̇идтим̣ бадиниссаж̇ж̇ид̇ум̣.
13 Tīhaṅgehi samannāgatassa bhikkhuno ākaṅkhamāno saṅgho tajjanīyakammaṃ kareyya – bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto, āpattibahulo anapadāno gihisaṃsaṭṭho viharati ananulomikehi gihisaṃsaggehi. 14 Tīhaṅgehi samannāgatassa bhikkhuno ākaṅkhamāno saṅgho niyassakammaṃ kareyya – bhaṇḍanakārako hoti…pe… saṅghe adhikaraṇakārako, bālo hoti abyatto, āpattibahulo anapadāno gihisaṃsaṭṭho viharati ananulomikehi gihisaṃsaggehi. 15 Tīhaṅgehi samannāgatassa bhikkhuno ākaṅkhamāno saṅgho pabbājanīyakammaṃ kareyya – bhaṇḍanakārako hoti…pe… saṅghe adhikaraṇakārako, bālo hoti abyatto, āpattibahulo anapadāno kuladūkako hoti pāpasamācāro pāpasamācārā dissanti ceva suyyanti ca. Tīhaṅgehi samannāgatassa bhikkhuno ākaṅkhamāno saṅgho paṭisāraṇīyakammaṃ kareyya – bhaṇḍanakārako hoti…pe… saṅghe adhikaraṇakārako, bālo hoti abyatto, āpatti bahulo anapadāno gihī akkosati paribhāsati. 16 Tīhaṅgehi samannāgatassa bhikkhuno ākaṅkhamāno saṅgho āpattiyā adassane ukkhepanīyakammaṃ kareyya – bhaṇḍanakārako hoti…pe… saṅghe adhikaraṇakārako, bālo hoti abyatto, āpattibahulo anapadāno āpattiṃ āpajjitvā na icchati āpattiṃ passituṃ. 17 Tīhaṅgehi samannāgatassa bhikkhuno ākaṅkhamāno saṅgho āpattiyā appaṭikamme ukkhepanīyakammaṃ kareyya – bhaṇḍanakārako hoti…pe… saṅghe adhikaraṇakārako, bālo hoti abyatto, āpattibahulo anapadāno āpattiṃ āpajjitvā na icchati āpattiṃ paṭikātuṃ. 18 Tīhaṅgehi samannāgatassa bhikkhuno ākaṅkhamāno saṅgho pāpikāya diṭṭhiyā appaṭinissagge ukkhepanīyakammaṃ kareyya – bhaṇḍanakārako hoti…pe… saṅghe adhikaraṇakārako, bālo hoti abyatto, āpattibahulo anapadāno na icchati pāpikaṃ diṭṭhiṃ paṭinissajjituṃ.
д̇ийхан̇г̇зхи саманнааг̇ад̇асса бхигкуно ааган̇камаано сан̇гхо ааг̇аал̣хааяа жзд̇зяяа – бхан̣д̣анагаараго ход̇и галахагаараго виваад̣̇агаараго бхассагаараго сан̇гхз ад̇хигаран̣агаараго, б̣аало ход̇и аб̣яад̇д̇о аабад̇д̇иб̣ахуло анабад̣̇аано, г̇ихисам̣садто вихарад̇и анануломигзхи г̇ихисам̣саг̇г̇зхи. д̇ийхан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣ – алаж̇ж̇ий жа ход̇и, б̣аало жа, абагад̇ад̇д̇о жа. абарзхиби д̇ийхан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣ – ад̇хисийлз сийлавибанно ход̇и, аж̇жхаажаарз аажааравибанно ход̇и, ад̇ид̣̇идтияаа д̣̇идтивибанно ход̇и. абарзхиби д̇ийхан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣ – гааяигзна д̣̇авзна саманнааг̇ад̇о ход̇и, ваажасигзна д̣̇авзна саманнааг̇ад̇о ход̇и, гааяигаваажасигзна д̣̇авзна саманнааг̇ад̇о ход̇и. абарзхиби д̇ийхан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣ – гааяигзна анаажаарзна саманнааг̇ад̇о ход̇и, ваажасигзна анаажаарзна саманнааг̇ад̇о ход̇и, гааяигаваажасигзна анаажаарзна саманнааг̇ад̇о ход̇и. абарзхиби д̇ийхан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣ – гааяигзна убагхаад̇игзна саманнааг̇ад̇о ход̇и, ваажасигзна убагхаад̇игзна саманнааг̇ад̇о ход̇и, гааяигаваажасигзна убагхаад̇игзна саманнааг̇ад̇о ход̇и. абарзхиби д̇ийхан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣ – гааяигзна мижчааж̇ийвзна саманнааг̇ад̇о ход̇и, ваажасигзна мижчааж̇ийвзна саманнааг̇ад̇о ход̇и, гааяигаваажасигзна мижчааж̇ийвзна саманнааг̇ад̇о ход̇и. абарзхиби д̇ийхан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣ – аабад̇д̇им̣ аабанно гаммагад̇о убасамбаад̣̇зд̇и, ниссаяам̣ д̣̇зд̇и, сааман̣зрам̣ убадтаабзд̇и. абарзхиби д̇ийхан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣ – яааяа аабад̇д̇ияаа сан̇гхзна гаммам̣ гад̇ам̣ ход̇и д̇ам̣ аабад̇д̇им̣ аабаж̇ж̇ад̇и, ан̃н̃ам̣ ваа д̇аад̣̇исигам̣, д̇ад̇о ваа баабидтад̇арам̣. абарзхиби д̇ийхан̇г̇зхи саманнааг̇ад̇асса бхигкуно гаммам̣ гаад̇аб̣б̣ам̣ – б̣уд̣̇д̇хасса аван̣н̣ам̣ бхаасад̇и, д̇хаммасса аван̣н̣ам̣ бхаасад̇и, сан̇гхасса аван̣н̣ам̣ бхаасад̇и.
Tīhaṅgehi samannāgatassa bhikkhuno ākaṅkhamāno saṅgho āgāḷhāya ceteyya – bhaṇḍanakārako hoti kalahakārako vivādakārako bhassakārako saṅghe adhikaraṇakārako, bālo hoti abyatto āpattibahulo anapadāno, gihisaṃsaṭṭho viharati ananulomikehi gihisaṃsaggehi. Tīhaṅgehi samannāgatassa bhikkhuno kammaṃ kātabbaṃ – alajjī ca hoti, bālo ca, apakatatto ca. Aparehipi tīhaṅgehi samannāgatassa bhikkhuno kammaṃ kātabbaṃ – adhisīle sīlavipanno hoti, ajjhācāre ācāravipanno hoti, atidiṭṭhiyā diṭṭhivipanno hoti. Aparehipi tīhaṅgehi samannāgatassa bhikkhuno kammaṃ kātabbaṃ – kāyikena davena samannāgato hoti, vācasikena davena samannāgato hoti, kāyikavācasikena davena samannāgato hoti. Aparehipi tīhaṅgehi samannāgatassa bhikkhuno kammaṃ kātabbaṃ – kāyikena anācārena samannāgato hoti, vācasikena anācārena samannāgato hoti, kāyikavācasikena anācārena samannāgato hoti. Aparehipi tīhaṅgehi samannāgatassa bhikkhuno kammaṃ kātabbaṃ – kāyikena upaghātikena samannāgato hoti, vācasikena upaghātikena samannāgato hoti, kāyikavācasikena upaghātikena samannāgato hoti. Aparehipi tīhaṅgehi samannāgatassa bhikkhuno kammaṃ kātabbaṃ – kāyikena micchājīvena samannāgato hoti, vācasikena micchājīvena samannāgato hoti, kāyikavācasikena micchājīvena samannāgato hoti. Aparehipi tīhaṅgehi samannāgatassa bhikkhuno kammaṃ kātabbaṃ – āpattiṃ āpanno kammakato upasampādeti, nissayaṃ deti, sāmaṇeraṃ upaṭṭhāpeti. Aparehipi tīhaṅgehi samannāgatassa bhikkhuno kammaṃ kātabbaṃ – yāya āpattiyā saṅghena kammaṃ kataṃ hoti taṃ āpattiṃ āpajjati, aññaṃ vā tādisikaṃ, tato vā pāpiṭṭhataraṃ. Aparehipi tīhaṅgehi samannāgatassa bhikkhuno kammaṃ kātabbaṃ – buddhassa avaṇṇaṃ bhāsati, dhammassa avaṇṇaṃ bhāsati, saṅghassa avaṇṇaṃ bhāsati.
д̇ийхан̇г̇зхи саманнааг̇ад̇асса бхигкуно сан̇гхамаж̇жхз убосат̇ам̣ табзнд̇асса – ‘‘алам̣, бхигку, маа бхан̣д̣анам̣ маа галахам̣ маа виг̇г̇ахам̣ маа виваад̣̇а’’нд̇и омад̣̇д̣̇ид̇ваа сан̇гхзна убосат̇о гаад̇аб̣б̣о – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇асса бхигкуно сан̇гхамаж̇жхз бавааран̣ам̣ табзнд̇асса – ‘‘алам̣, бхигку, маа бхан̣д̣анам̣ маа галахам̣ маа виг̇г̇ахам̣ маа виваад̣̇а’’нд̇и омад̣̇д̣̇ид̇ваа сан̇гхзна баваарзд̇аб̣б̣ам̣ – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇асса бхигкуно на гаажи сан̇гхасаммуд̇и д̣̇аад̇аб̣б̣аа – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇зна бхигкунаа сан̇гхз на вохарид̇аб̣б̣ам̣ 19 – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇о бхигку на гисмим̣ жи бажжзгадтаанз табзд̇аб̣б̣о – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇асса бхигкуно ниссааяа на вад̇т̇аб̣б̣ам̣ – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇асса бхигкуно ниссаяо на д̣̇аад̇аб̣б̣о – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇асса бхигкуно огаасагаммам̣ гаараабзнд̇асса наалам̣ огаасагаммам̣ гаад̇ум̣ – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇асса бхигкуно саважанийяам̣ наад̣̇аад̇аб̣б̣ам̣ – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇асса бхигкуно винаяо на бужчид̇аб̣б̣о – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇зна бхигкунаа винаяо на бужчид̇аб̣б̣о – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇асса бхигкуно винаяо на виссаж̇ж̇зд̇аб̣б̣о – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇зна бхигкунаа винаяо на виссаж̇ж̇зд̇аб̣б̣о – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇асса бхигкуно ануяог̇о на д̣̇аад̇аб̣б̣о – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇зна бхигкунаа сад̣̇д̇хим̣ винаяо на саагажчид̇аб̣б̣о 20 – алаж̇ж̇ий жа ход̇и, б̣аало жа, абагад̇ад̇д̇о жа. д̇ийхан̇г̇зхи саманнааг̇ад̇зна бхигкунаа на убасамбаад̣̇зд̇аб̣б̣ам̣ на ниссаяо д̣̇аад̇аб̣б̣о на сааман̣зро убадтаабзд̇аб̣б̣о – алаж̇ж̇ий жа ход̇и, б̣аало жа, абагад̇ад̇д̇о жа.
Tīhaṅgehi samannāgatassa bhikkhuno saṅghamajjhe uposathaṃ ṭhapentassa – ‘‘alaṃ, bhikkhu, mā bhaṇḍanaṃ mā kalahaṃ mā viggahaṃ mā vivāda’’nti omadditvā saṅghena uposatho kātabbo – alajjī ca hoti, bālo ca, apakatatto ca. Tīhaṅgehi samannāgatassa bhikkhuno saṅghamajjhe pavāraṇaṃ ṭhapentassa – ‘‘alaṃ, bhikkhu, mā bhaṇḍanaṃ mā kalahaṃ mā viggahaṃ mā vivāda’’nti omadditvā saṅghena pavāretabbaṃ – alajjī ca hoti, bālo ca, apakatatto ca. Tīhaṅgehi samannāgatassa bhikkhuno na kāci saṅghasammuti dātabbā – alajjī ca hoti, bālo ca, apakatatto ca. Tīhaṅgehi samannāgatena bhikkhunā saṅghe na voharitabbaṃ 21 – alajjī ca hoti, bālo ca, apakatatto ca. Tīhaṅgehi samannāgato bhikkhu na kismiṃ ci paccekaṭṭhāne ṭhapetabbo – alajjī ca hoti, bālo ca, apakatatto ca. Tīhaṅgehi samannāgatassa bhikkhuno nissāya na vatthabbaṃ – alajjī ca hoti, bālo ca, apakatatto ca. Tīhaṅgehi samannāgatassa bhikkhuno nissayo na dātabbo – alajjī ca hoti, bālo ca, apakatatto ca. Tīhaṅgehi samannāgatassa bhikkhuno okāsakammaṃ kārāpentassa nālaṃ okāsakammaṃ kātuṃ – alajjī ca hoti, bālo ca, apakatatto ca. Tīhaṅgehi samannāgatassa bhikkhuno savacanīyaṃ nādātabbaṃ – alajjī ca hoti, bālo ca, apakatatto ca. Tīhaṅgehi samannāgatassa bhikkhuno vinayo na pucchitabbo – alajjī ca hoti, bālo ca, apakatatto ca. Tīhaṅgehi samannāgatena bhikkhunā vinayo na pucchitabbo – alajjī ca hoti, bālo ca, apakatatto ca. Tīhaṅgehi samannāgatassa bhikkhuno vinayo na vissajjetabbo – alajjī ca hoti, bālo ca, apakatatto ca. Tīhaṅgehi samannāgatena bhikkhunā vinayo na vissajjetabbo – alajjī ca hoti, bālo ca, apakatatto ca. Tīhaṅgehi samannāgatassa bhikkhuno anuyogo na dātabbo – alajjī ca hoti, bālo ca, apakatatto ca. Tīhaṅgehi samannāgatena bhikkhunā saddhiṃ vinayo na sākacchitabbo 22 – alajjī ca hoti, bālo ca, apakatatto ca. Tīhaṅgehi samannāgatena bhikkhunā na upasampādetabbaṃ na nissayo dātabbo na sāmaṇero upaṭṭhāpetabbo – alajjī ca hoti, bālo ca, apakatatto ca.
д̇аяо убосат̇аа – жаад̇уд̣̇д̣̇асиго, баннарасиго, саамаг̇г̇иубосат̇о. абарзби д̇аяо убосат̇аа – сан̇гхзубосат̇о, г̇ан̣зубосат̇о, буг̇г̇алзубосат̇о. абарзби д̇аяо убосат̇аа – суд̇д̇уд̣̇д̣̇зсоубосат̇о, баарисуд̣̇д̇хиубосат̇о, ад̇хидтаанубосат̇о. д̇иссо бавааран̣аа – жаад̇уд̣̇д̣̇асигаа, баннарасигаа, саамаг̇г̇ибавааран̣аа. абарааби д̇иссо бавааран̣аа – сан̇гхзбавааран̣аа, г̇ан̣збавааран̣аа, буг̇г̇алзбавааран̣аа. абарааби д̇иссо бавааран̣аа – д̇зваажигаабавааран̣аа , д̣̇взваажигаабавааран̣аа, самаанавассигаабавааран̣аа.
Tayo uposathā – cātuddasiko, pannarasiko, sāmaggiuposatho. Aparepi tayo uposathā – saṅgheuposatho, gaṇeuposatho, puggaleuposatho. Aparepi tayo uposathā – suttuddesouposatho, pārisuddhiuposatho, adhiṭṭhānuposatho. Tisso pavāraṇā – cātuddasikā, pannarasikā, sāmaggipavāraṇā. Aparāpi tisso pavāraṇā – saṅghepavāraṇā, gaṇepavāraṇā, puggalepavāraṇā. Aparāpi tisso pavāraṇā – tevācikāpavāraṇā , dvevācikāpavāraṇā, samānavassikāpavāraṇā.
д̇аяо аабааяигаа нзраяигаа – ид̣̇амаббахааяа, яо жа аб̣рахмажаарий б̣рахмажаарибадин̃н̃о, яо жа суд̣̇д̇хам̣ б̣рахмажаарим̣ барисуд̣̇д̇хаб̣рахмажарияам̣ жаранд̇ам̣ амуулагзна аб̣рахмажариязна ануд̣̇д̇хам̣сзд̇и, яо жааяам̣ звам̣ваад̣̇ий звам̣д̣̇идти 23 – ‘‘над̇т̇и гаамзсу д̣̇осо’’д̇и со гаамзсу баад̇аб̣яад̇ам̣ аабаж̇ж̇ад̇и. 24 д̇ийн̣и агусаламуулаани – лобхо агусаламуулам̣, д̣̇осо агусаламуулам̣, мохо агусаламуулам̣. 25 д̇ийн̣и гусаламуулаани – алобхо гусаламуулам̣, ад̣̇осо гусаламуулам̣, амохо гусаламуулам̣. д̇ийн̣и д̣̇ужжарид̇аани – гааяад̣̇ужжарид̇ам̣, важийд̣̇ужжарид̇ам̣, манод̣̇ужжарид̇ам̣. д̇ийн̣и сужарид̇аани – гааяасужарид̇ам̣, важийсужарид̇ам̣, маносужарид̇ам̣. д̇аяо ад̇т̇авасз бадижжа бхаг̇авад̇аа гулзсу д̇игабхож̇анам̣ бан̃н̃ад̇д̇ам̣ – д̣̇умман̇гуунам̣ буг̇г̇алаанам̣ ниг̇г̇ахааяа, бзсалаанам̣ бхигкуунам̣ паасувихаарааяа, ‘‘маа баабижчаа багкам̣ ниссааяа сан̇гхам̣ бхинд̣̇зяяу’’нд̇и гулаануд̣̇д̣̇аяад̇ааяа жа. 26 д̇ийхи асад̣̇д̇хаммзхи абхибхууд̇о барияаад̣̇иннажид̇д̇о д̣̇звад̣̇ад̇д̇о аабааяиго нзраяиго габбадто ад̇згижчо баабижчад̇аа баабамид̇д̇ад̇аа орамад̇д̇агзна висзсаад̇хиг̇амзна анд̇араа восаанам̣ аабаад̣̇и. д̇иссо саммуд̇ияо – д̣̇ан̣д̣асаммуд̇и, сиггаасаммуд̇и, д̣̇ан̣д̣асиггаасаммуд̇и. д̇иссо баад̣̇угаа д̇хувадтаанигаа асан̇гаманийяаа – важжабаад̣̇угаа, бассаавабаад̣̇угаа, аажаманабаад̣̇угаа. д̇иссо баад̣̇агхам̣санияо – сагкарам̣, гат̇алаа, самуд̣̇д̣̇апзн̣агод̇и.
Tayo āpāyikā nerayikā – idamappahāya, yo ca abrahmacārī brahmacāripaṭiñño, yo ca suddhaṃ brahmacāriṃ parisuddhabrahmacariyaṃ carantaṃ amūlakena abrahmacariyena anuddhaṃseti, yo cāyaṃ evaṃvādī evaṃdiṭṭhi 27 – ‘‘natthi kāmesu doso’’ti so kāmesu pātabyataṃ āpajjati. 28 Tīṇi akusalamūlāni – lobho akusalamūlaṃ, doso akusalamūlaṃ, moho akusalamūlaṃ. 29 Tīṇi kusalamūlāni – alobho kusalamūlaṃ, adoso kusalamūlaṃ, amoho kusalamūlaṃ. Tīṇi duccaritāni – kāyaduccaritaṃ, vacīduccaritaṃ, manoduccaritaṃ. Tīṇi sucaritāni – kāyasucaritaṃ, vacīsucaritaṃ, manosucaritaṃ. Tayo atthavase paṭicca bhagavatā kulesu tikabhojanaṃ paññattaṃ – dummaṅkūnaṃ puggalānaṃ niggahāya, pesalānaṃ bhikkhūnaṃ phāsuvihārāya, ‘‘mā pāpicchā pakkhaṃ nissāya saṅghaṃ bhindeyyu’’nti kulānuddayatāya ca. 30 Tīhi asaddhammehi abhibhūto pariyādinnacitto devadatto āpāyiko nerayiko kappaṭṭho atekiccho pāpicchatā pāpamittatā oramattakena visesādhigamena antarā vosānaṃ āpādi. Tisso sammutiyo – daṇḍasammuti, sikkāsammuti, daṇḍasikkāsammuti. Tisso pādukā dhuvaṭṭhānikā asaṅkamanīyā – vaccapādukā, passāvapādukā, ācamanapādukā. Tisso pādaghaṃsaniyo – sakkharaṃ, kathalā, samuddapheṇakoti.
д̇игам̣ нидтид̇ам̣.
Tikaṃ niṭṭhitaṃ.
д̇ассуд̣̇д̣̇аанам̣ –
Tassuddānaṃ –
д̇идтанд̇з гаалз рад̇д̇ин̃жа, д̣̇аса бан̃жа гусалзна;
Tiṭṭhante kāle rattiñca, dasa pañca kusalena;
взд̣̇анаа жод̣̇анаа вад̇т̇у, салаагаа д̣̇вз бадигкибаа.
Vedanā codanā vatthu, salākā dve paṭikkhipā.
бан̃н̃ад̇д̇и абарз д̣̇вз жа, б̣аало гаал̣з жа габбад̇и;
Paññatti apare dve ca, bālo kāḷe ca kappati;
хзманд̇з сан̇гхо сан̇гхасса, чаад̣̇анаа жа бадижчаад̣̇и.
Hemante saṅgho saṅghassa, chādanā ca paṭicchādi.
бадижчаннаа вивадаа жа, сзнаасанаг̇илааяанаа;
Paṭicchannā vivaṭā ca, senāsanagilāyanā;
баад̇имогкам̣ бариваасам̣, маанад̇д̇аа баариваасигаа.
Pātimokkhaṃ parivāsaṃ, mānattā pārivāsikā.
анд̇о анд̇о жа сиймааяа, аабаж̇ж̇ад̇и бунаабарз;
Anto anto ca sīmāya, āpajjati punāpare;
вудтаад̇и абарз жзва, амуул̣хавинаяаа д̣̇увз.
Vuṭṭhāti apare ceva, amūḷhavinayā duve.
д̇аж̇ж̇анийяаа нияассаа жа, баб̣б̣ааж̇абадисааран̣ий;
Tajjanīyā niyassā ca, pabbājapaṭisāraṇī;
ад̣̇ассанаа бадигаммз, аниссаг̇г̇з жа д̣̇идтияаа.
Adassanā paṭikamme, anissagge ca diṭṭhiyā.
ааг̇аал̣хагаммаад̇хисийлз, д̣̇аваанаажаара гхаад̇игаа;
Āgāḷhakammādhisīle, davānācāra ghātikā;
ааж̇ийваабаннаа д̇аад̣̇исигаа, аван̣н̣убосат̇зна жа.
Ājīvāpannā tādisikā, avaṇṇuposathena ca.
бавааран̣аа саммуд̇и жа, вохаарабажжзгзна жа;
Pavāraṇā sammuti ca, vohārapaccekena ca;
на вад̇т̇аб̣б̣ам̣ на д̣̇аад̇аб̣б̣ам̣, огаасам̣ на гарз д̇ат̇аа.
Na vatthabbaṃ na dātabbaṃ, okāsaṃ na kare tathā.
на гарз саважанийяам̣, на бужчид̇аб̣б̣агаа д̣̇увз;
Na kare savacanīyaṃ, na pucchitabbakā duve;
на виссаж̇ж̇з д̣̇увз жзва, ануяог̇амби но д̣̇ад̣̇з.
Na vissajje duve ceva, anuyogampi no dade.
саагажчаа убасамбад̣̇аа, ниссаяасааман̣зраа жа;
Sākacchā upasampadā, nissayasāmaṇerā ca;
убосат̇ад̇игаа д̇ийн̣и, бавааран̣ад̇игаа д̇аяо.
Uposathatikā tīṇi, pavāraṇatikā tayo.
аабааяигаа агусалаа, гусалаа жарид̇аа д̣̇увз;
Āpāyikā akusalā, kusalā caritā duve;
д̇игабхож̇анасад̣̇д̇хаммз, саммуд̇и баад̣̇угзна жа;
Tikabhojanasaddhamme, sammuti pādukena ca;
баад̣̇агхам̣санигаа жзва, уд̣̇д̣̇аанам̣ д̇игагз ид̣̇анд̇и.
Pādaghaṃsanikā ceva, uddānaṃ tikake idanti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̇игаваараван̣н̣анаа • Tikavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо д̇игаваараван̣н̣анаа • Ekuttarikanayo tikavāravaṇṇanā
