| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๙. ติกิจฺฉกเตฺถรอปทานํ
9. Tikicchakattheraapadānaṃ
๓๙.
39.
‘‘นคเร พนฺธุมติยา, เวโชฺช อาสิํ สุสิกฺขิโต;
‘‘Nagare bandhumatiyā, vejjo āsiṃ susikkhito;
อาตุรานํ สทุกฺขานํ, มหาชนสุขาวโหฯ
Āturānaṃ sadukkhānaṃ, mahājanasukhāvaho.
๔๐.
40.
‘‘พฺยาธิตํ สมณํ ทิสฺวา, สีลวนฺตํ มหาชุติํ;
‘‘Byādhitaṃ samaṇaṃ disvā, sīlavantaṃ mahājutiṃ;
ปสนฺนจิโตฺต สุมโน, เภสชฺชมททิํ ตทาฯ
Pasannacitto sumano, bhesajjamadadiṃ tadā.
๔๑.
41.
‘‘อโรโค อาสิ เตเนว, สมโณ สํวุตินฺทฺริโย;
‘‘Arogo āsi teneva, samaṇo saṃvutindriyo;
อโสโก นาม นาเมน, อุปฎฺฐาโก วิปสฺสิโนฯ
Asoko nāma nāmena, upaṭṭhāko vipassino.
๔๒.
42.
‘‘เอกนวุติโต กเปฺป, ยํ โอสธมทาสหํ;
‘‘Ekanavutito kappe, yaṃ osadhamadāsahaṃ;
ทุคฺคติํ นาภิชานามิ, เภสชฺชสฺส อิทํ ผลํฯ
Duggatiṃ nābhijānāmi, bhesajjassa idaṃ phalaṃ.
๔๓.
43.
‘‘อิโต จ อฎฺฐเม กเปฺป, สโพฺพสธสนามโก;
‘‘Ito ca aṭṭhame kappe, sabbosadhasanāmako;
สตฺตรตนสมฺปโนฺน, จกฺกวตฺตี มหพฺพโลฯ
Sattaratanasampanno, cakkavattī mahabbalo.
๔๔.
44.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ติกิจฺฉโก เถโร อิมา คาถาโย อภาสิตฺถาติฯ
Itthaṃ sudaṃ āyasmā tikicchako thero imā gāthāyo abhāsitthāti.
ติกิจฺฉกเตฺถรสฺสาปทานํ นวมํฯ
Tikicchakattherassāpadānaṃ navamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๙. ติกิจฺฉกเตฺถรอปทานวณฺณนา • 9. Tikicchakattheraapadānavaṇṇanā
