| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. තිකිච්‌ඡකත්‌ථෙරඅපදානං
9. Tikicchakattheraapadānaṃ
39.
39.
‘‘නගරෙ බන්‌ධුමතියා, වෙජ්‌ජො ආසිං සුසික්‌ඛිතො;
‘‘Nagare bandhumatiyā, vejjo āsiṃ susikkhito;
ආතුරානං සදුක්‌ඛානං, මහාජනසුඛාවහො.
Āturānaṃ sadukkhānaṃ, mahājanasukhāvaho.
40.
40.
‘‘බ්‍යාධිතං සමණං දිස්‌වා, සීලවන්‌තං මහාජුතිං;
‘‘Byādhitaṃ samaṇaṃ disvā, sīlavantaṃ mahājutiṃ;
පසන්‌නචිත්‌තො සුමනො, භෙසජ්‌ජමදදිං තදා.
Pasannacitto sumano, bhesajjamadadiṃ tadā.
41.
41.
‘‘අරොගො ආසි තෙනෙව, සමණො සංවුතින්‌ද්‍රියො;
‘‘Arogo āsi teneva, samaṇo saṃvutindriyo;
අසොකො නාම නාමෙන, උපට්‌ඨාකො විපස්‌සිනො.
Asoko nāma nāmena, upaṭṭhāko vipassino.
42.
42.
‘‘එකනවුතිතො කප්‌පෙ, යං ඔසධමදාසහං;
‘‘Ekanavutito kappe, yaṃ osadhamadāsahaṃ;
දුග්‌ගතිං නාභිජානාමි, භෙසජ්‌ජස්‌ස ඉදං ඵලං.
Duggatiṃ nābhijānāmi, bhesajjassa idaṃ phalaṃ.
43.
43.
‘‘ඉතො ච අට්‌ඨමෙ කප්‌පෙ, සබ්‌බොසධසනාමකො;
‘‘Ito ca aṭṭhame kappe, sabbosadhasanāmako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
44.
44.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා තිකිච්‌ඡකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā tikicchako thero imā gāthāyo abhāsitthāti.
තිකිච්‌ඡකත්‌ථෙරස්‌සාපදානං නවමං.
Tikicchakattherassāpadānaṃ navamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 9. තිකිච්‌ඡකත්‌ථෙරඅපදානවණ්‌ණනා • 9. Tikicchakattheraapadānavaṇṇanā
