| Library / Tipiṭaka / ติปิฎก • Tipiṭaka / อปทาน-อฎฺฐกถา • Apadāna-aṭṭhakathā |
๙. ติกิจฺฉกเตฺถรอปทานวณฺณนา
9. Tikicchakattheraapadānavaṇṇanā
นคเร พนฺธุมติยาติอาทิกํ อายสฺมโต ติกิจฺฉกเตฺถรสฺส อปทานํฯ อยมฺปายสฺมา ปุริมชินวเรสุ กตาธิกาโร ตตฺถ ตตฺถ ภเว วิวฎฺฎูปนิสฺสยานิ ปุญฺญานิ อุปจินโนฺต วิปสฺสิสฺส ภควโต กาเล พนฺธุมตีนคเร เวชฺชกุเล นิพฺพโตฺต พหุสฺสุโต สุสิกฺขิโต เวชฺชกเมฺม เฉโก พหู โรคิโน ติกิจฺฉโนฺต วิปสฺสิสฺส ภควโต อุปฎฺฐากสฺส อโสกนามเตฺถรสฺส โรคํ ติกิจฺฉิฯ โส เตน ปุเญฺญน เทวมนุเสฺสสุ อปราปรํ สุขํ อนุภวโนฺต นิพฺพตฺตนิพฺพตฺตภเว อโรโค ทีฆายุโก สุวณฺณวณฺณสรีโร อโหสิฯ
Nagarebandhumatiyātiādikaṃ āyasmato tikicchakattherassa apadānaṃ. Ayampāyasmā purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle bandhumatīnagare vejjakule nibbatto bahussuto susikkhito vejjakamme cheko bahū rogino tikicchanto vipassissa bhagavato upaṭṭhākassa asokanāmattherassa rogaṃ tikicchi. So tena puññena devamanussesu aparāparaṃ sukhaṃ anubhavanto nibbattanibbattabhave arogo dīghāyuko suvaṇṇavaṇṇasarīro ahosi.
๓๙. โส อิมสฺมิํ พุทฺธุปฺปาเท สาวตฺถิยํ คหปติกุเล นิพฺพโตฺต วุทฺธิมนฺวาย สพฺพสิเปฺปสุ นิปฺผตฺติํ ปโตฺต อโรโค สุขิโต วิภวสมฺปโนฺน รตนตฺตเย ปสโนฺน สตฺถุ ธมฺมเทสนํ สุตฺวา ปฎิลทฺธสโทฺธ ฆราวาสํ ปหาย ปพฺพชิตฺวา นจิรเสฺสว อรหา หุตฺวา ปุพฺพกมฺมํ สริตฺวา โสมนสฺสชาโต ปุพฺพจริตาปทานํ ปกาเสโนฺต นคเร พนฺธุมติยาติอาทิมาหฯ ตํ สพฺพํ เหฎฺฐา วุตฺตนยตฺตา อุตฺตานตฺถเมวาติฯ
39. So imasmiṃ buddhuppāde sāvatthiyaṃ gahapatikule nibbatto vuddhimanvāya sabbasippesu nipphattiṃ patto arogo sukhito vibhavasampanno ratanattaye pasanno satthu dhammadesanaṃ sutvā paṭiladdhasaddho gharāvāsaṃ pahāya pabbajitvā nacirasseva arahā hutvā pubbakammaṃ saritvā somanassajāto pubbacaritāpadānaṃ pakāsento nagare bandhumatiyātiādimāha. Taṃ sabbaṃ heṭṭhā vuttanayattā uttānatthamevāti.
ติกิจฺฉกเตฺถรอปทานวณฺณนา สมตฺตาฯ
Tikicchakattheraapadānavaṇṇanā samattā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / ขุทฺทกนิกาย • Khuddakanikāya / อปทานปาฬิ • Apadānapāḷi / ๙. ติกิจฺฉกเตฺถรอปทานํ • 9. Tikicchakattheraapadānaṃ
