| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๔. ติกิงฺกณิปูชกเตฺถรอปทานํ
4. Tikiṅkaṇipūjakattheraapadānaṃ
๒๗.
27.
‘‘หิมวนฺตสฺสาวิทูเร, ภูตคโณ นาม ปพฺพโต;
‘‘Himavantassāvidūre, bhūtagaṇo nāma pabbato;
ตตฺถทฺทสํ ปํสุกูลํ, ทุมคฺคมฺหิ วิลคฺคิตํฯ
Tatthaddasaṃ paṃsukūlaṃ, dumaggamhi vilaggitaṃ.
๒๘.
28.
‘‘ตีณิ กิงฺกณิปุปฺผานิ, โอจินิตฺวานหํ ตทา;
‘‘Tīṇi kiṅkaṇipupphāni, ocinitvānahaṃ tadā;
หโฎฺฐ หเฎฺฐน จิเตฺตน, ปํสุกูลํ อปูชยิํฯ
Haṭṭho haṭṭhena cittena, paṃsukūlaṃ apūjayiṃ.
๒๙.
29.
‘‘เอกตฺติํเส อิโต กเปฺป, ยํ กมฺมมกริํ ตทา;
‘‘Ekattiṃse ito kappe, yaṃ kammamakariṃ tadā;
ทุคฺคติํ นาภิชานามิ, ติณฺณํ ปุปฺผานิทํ ผลํฯ
Duggatiṃ nābhijānāmi, tiṇṇaṃ pupphānidaṃ phalaṃ.
๓๐.
30.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา ติกิงฺกณิปูชโก เถโร อิมา คาถาโย อภาสิตฺถาติฯ
Itthaṃ sudaṃ āyasmā tikiṅkaṇipūjako thero imā gāthāyo abhāsitthāti.
ติกิงฺกณิปูชกเตฺถรสฺสาปทานํ จตุตฺถํฯ
Tikiṅkaṇipūjakattherassāpadānaṃ catutthaṃ.
