| Library / Tipiṭaka / තිපිටක • Tipiṭaka / අපදානපාළි • Apadānapāḷi |
4. තිකිඞ්‌කණිපූජකත්‌ථෙරඅපදානං
4. Tikiṅkaṇipūjakattheraapadānaṃ
27.
27.
‘‘හිමවන්‌තස්‌සාවිදූරෙ, භූතගණො නාම පබ්‌බතො;
‘‘Himavantassāvidūre, bhūtagaṇo nāma pabbato;
තත්‌ථද්‌දසං පංසුකූලං, දුමග්‌ගම්‌හි විලග්‌ගිතං.
Tatthaddasaṃ paṃsukūlaṃ, dumaggamhi vilaggitaṃ.
28.
28.
‘‘තීණි කිඞ්‌කණිපුප්‌ඵානි, ඔචිනිත්‌වානහං තදා;
‘‘Tīṇi kiṅkaṇipupphāni, ocinitvānahaṃ tadā;
හට්‌ඨො හට්‌ඨෙන චිත්‌තෙන, පංසුකූලං අපූජයිං.
Haṭṭho haṭṭhena cittena, paṃsukūlaṃ apūjayiṃ.
29.
29.
‘‘එකත්‌තිංසෙ ඉතො කප්‌පෙ, යං කම්‌මමකරිං තදා;
‘‘Ekattiṃse ito kappe, yaṃ kammamakariṃ tadā;
දුග්‌ගතිං නාභිජානාමි, තිණ්‌ණං පුප්‌ඵානිදං ඵලං.
Duggatiṃ nābhijānāmi, tiṇṇaṃ pupphānidaṃ phalaṃ.
30.
30.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා තිකිඞ්‌කණිපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā tikiṅkaṇipūjako thero imā gāthāyo abhāsitthāti.
තිකිඞ්‌කණිපූජකත්‌ථෙරස්‌සාපදානං චතුත්‌ථං.
Tikiṅkaṇipūjakattherassāpadānaṃ catutthaṃ.
