| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
10. д̇илад̣̇агкин̣авимаанаван̣н̣анаа
10. Tiladakkhiṇavimānavaṇṇanā
абхигганд̇зна ван̣н̣знаад̇и д̇илад̣̇агкин̣авимаанам̣. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна жа самаязна рааж̇аг̇ахз ан̃н̃ад̇араа ид̇т̇ий г̇аб̣бхиний д̇илз д̇ховид̇ваа аад̇абз сугкаабзд̇и д̇злам̣ гаад̇угаамаа. саа жа баригкийн̣ааяугаа д̇ам̣ д̣̇ивасамзва жаванад̇хаммаа, нираяасам̣вад̇д̇анигам̣ жассаа гаммам̣ огаасам̣ гад̇ваа тид̇ам̣. ат̇а нам̣ бхаг̇аваа бажжуусавзлааяам̣ логам̣ вологзнд̇о д̣̇иб̣б̣ажагкунаа д̣̇исваа жинд̇зси ‘‘аяам̣ ид̇т̇ий аж̇ж̇а гаалам̣ гад̇ваа нираяз ниб̣б̣ад̇д̇иссад̇и, яам̣нуунаахам̣ д̇илабхигкаабадиг̇г̇ахан̣зна д̇ам̣ саг̇г̇уубаг̇ам̣ гарзяяа’’нд̇и. со саавад̇т̇ид̇о д̇ан̇кан̣знзва рааж̇аг̇ахам̣ г̇анд̇ваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахз бин̣д̣ааяа жаранд̇о анубуб̣б̣зна д̇ассаа г̇зхад̣̇ваарам̣ баабун̣и. саа ид̇т̇ий бхаг̇аванд̇ам̣ бассид̇ваа сан̃ж̇аад̇абийд̇исоманассаа сахасаа удтахид̇ваа гад̇ан̃ж̇алий ан̃н̃ам̣ д̣̇аад̇аб̣б̣аяуд̇д̇агам̣ абассанд̇ий хад̇т̇абаад̣̇з д̇ховид̇ваа д̇илз раасим̣ гад̇ваа убхохи хад̇т̇зхи бариг̇г̇ахзд̇ваа ан̃ж̇алибуурам̣ д̇илам̣ бхаг̇авад̇о бад̇д̇з аагирид̇ваа бхаг̇аванд̇ам̣ ванд̣̇и. д̇ам̣ бхаг̇аваа анугамбамаано ‘‘сукиний хохий’’д̇и вад̇ваа баггаами. саа д̇ассаа рад̇д̇ияаа бажжуусасамаяз гаалам̣ гад̇ваа д̇аавад̇им̣сабхаванз д̣̇ваад̣̇асаяож̇анигз ганагавимаанз суд̇д̇абаб̣уд̣̇д̇хаа вияа ниб̣б̣ад̇д̇и.
Abhikkantena vaṇṇenāti tiladakkhiṇavimānaṃ. Tassa kā uppatti? Bhagavā sāvatthiyaṃ viharati jetavane anāthapiṇḍikassa ārāme. Tena ca samayena rājagahe aññatarā itthī gabbhinī tile dhovitvā ātape sukkhāpeti telaṃ kātukāmā. Sā ca parikkhīṇāyukā taṃ divasameva cavanadhammā, nirayasaṃvattanikaṃ cassā kammaṃ okāsaṃ katvā ṭhitaṃ. Atha naṃ bhagavā paccūsavelāyaṃ lokaṃ volokento dibbacakkhunā disvā cintesi ‘‘ayaṃ itthī ajja kālaṃ katvā niraye nibbattissati, yaṃnūnāhaṃ tilabhikkhāpaṭiggahaṇena taṃ saggūpagaṃ kareyya’’nti. So sāvatthito taṅkhaṇeneva rājagahaṃ gantvā pubbaṇhasamayaṃ nivāsetvā pattacīvaramādāya rājagahe piṇḍāya caranto anupubbena tassā gehadvāraṃ pāpuṇi. Sā itthī bhagavantaṃ passitvā sañjātapītisomanassā sahasā uṭṭhahitvā katañjalī aññaṃ dātabbayuttakaṃ apassantī hatthapāde dhovitvā tile rāsiṃ katvā ubhohi hatthehi pariggahetvā añjalipūraṃ tilaṃ bhagavato patte ākiritvā bhagavantaṃ vandi. Taṃ bhagavā anukampamāno ‘‘sukhinī hohī’’ti vatvā pakkāmi. Sā tassā rattiyā paccūsasamaye kālaṃ katvā tāvatiṃsabhavane dvādasayojanike kanakavimāne suttapabuddhā viya nibbatti.
ат̇ааяасмаа махаамог̇г̇аллаано д̣̇зважааригам̣ жаранд̇о д̇ам̣ ажчараасахассабаривуд̇ам̣ махад̇ияаа д̣̇звид̣̇д̇хияаа вирожамаанамубаг̇анд̇ваа –
Athāyasmā mahāmoggallāno devacārikaṃ caranto taṃ accharāsahassaparivutaṃ mahatiyā deviddhiyā virocamānamupagantvā –
85.
85.
‘‘абхигганд̇зна ван̣н̣зна, яаа д̇вам̣ д̇идтаси д̣̇звад̇з;
‘‘Abhikkantena vaṇṇena, yā tvaṃ tiṭṭhasi devate;
обхаасзнд̇ий д̣̇исаа саб̣б̣аа, осад̇хий вияа д̇аарагаа.
Obhāsentī disā sabbā, osadhī viya tārakā.
86.
86.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
87.
87.
‘‘бужчаами д̇ам̣ д̣̇зви махаанубхаавз,
‘‘Pucchāmi taṃ devi mahānubhāve,
мануссабхууд̇аа гимагааси бун̃н̃ам̣;
Manussabhūtā kimakāsi puññaṃ;
гзнааси звам̣ ж̇алид̇аанубхааваа,
Kenāsi evaṃ jalitānubhāvā,
ван̣н̣о жа д̇з саб̣б̣ад̣̇исаа бабхаасад̇ий’’д̇и. – бужчи;
Vaṇṇo ca te sabbadisā pabhāsatī’’ti. – pucchi;
88.
88.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
89.
89.
‘‘ахам̣ мануссзсу мануссабхууд̇аа, буримааяа ж̇аад̇ияаа мануссалогз.
‘‘Ahaṃ manussesu manussabhūtā, purimāya jātiyā manussaloke.
90.
90.
‘‘ад̣̇д̣̇асам̣ вираж̇ам̣ б̣уд̣̇д̇хам̣, виббасаннаманаавилам̣;
‘‘Addasaṃ virajaṃ buddhaṃ, vippasannamanāvilaṃ;
аасаж̇ж̇а д̣̇аанам̣ ад̣̇аасим̣, агаамаа д̇илад̣̇агкин̣ам̣;
Āsajja dānaṃ adāsiṃ, akāmā tiladakkhiṇaṃ;
д̣̇агкин̣зяяасса б̣уд̣̇д̇хасса, басаннаа сзхи баан̣ибхи.
Dakkhiṇeyyassa buddhassa, pasannā sehi pāṇibhi.
91.
91.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇и жа мз бхог̇аа, яз гзжи манасо бияаа.
Uppajjanti ca me bhogā, ye keci manaso piyā.
92.
92.
‘‘агкаами д̇з бхигку махаанубхаава, мануссабхууд̇аа яамагааси бун̃н̃ам̣;
‘‘Akkhāmi te bhikkhu mahānubhāva, manussabhūtā yamakāsi puññaṃ;
д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇ий’’д̇и. –
Tenamhi evaṃ jalitānubhāvā, vaṇṇo ca me sabbadisā pabhāsatī’’ti. –
саа виссаж̇ж̇зси.
Sā vissajjesi.
90. д̇ад̇т̇а аасаж̇ж̇аад̇и аяам̣ аасаж̇ж̇а-сад̣̇д̣̇о ‘‘аасаж̇ж̇а нам̣ д̇ат̇ааг̇ад̇а’’нд̇иаад̣̇ийсу (жуул̣ава. 350) гхаддзна ааг̇ад̇о. ‘‘аасаж̇ж̇а д̣̇аанам̣ д̣̇зд̇ий’’д̇иаад̣̇ийсу (д̣̇ий. ни. 3.336; а. ни. 8.31) самааг̇амз. ид̇хааби самааг̇амзязва д̣̇адтаб̣б̣о. д̇асмаа аасаж̇ж̇аад̇и самааг̇анд̇ваа, самавааязна самбад̇ваад̇и ад̇т̇о. д̇знааха ‘‘агаамаа’’д̇и. саа хи д̣̇зяяад̇хаммасам̣вид̇хаанабуб̣б̣агам̣ буримасид̣̇д̇хам̣ д̣̇аанасан̇габбам̣ винаа сахасаа самбад̇д̇з бхаг̇авад̇и бавад̇д̇ид̇ам̣ д̇илад̣̇аанам̣ санд̇хааяааха ‘‘аасаж̇ж̇а д̣̇аанам̣ ад̣̇аасим̣, агаамаа д̇илад̣̇агкин̣а’’нд̇и. сзсам̣ вуд̇д̇анаяамзва.
90. Tattha āsajjāti ayaṃ āsajja-saddo ‘‘āsajja naṃ tathāgata’’ntiādīsu (cūḷava. 350) ghaṭṭena āgato. ‘‘Āsajja dānaṃ detī’’tiādīsu (dī. ni. 3.336; a. ni. 8.31) samāgame. Idhāpi samāgameyeva daṭṭhabbo. Tasmā āsajjāti samāgantvā, samavāyena sampatvāti attho. Tenāha ‘‘akāmā’’ti. Sā hi deyyadhammasaṃvidhānapubbakaṃ purimasiddhaṃ dānasaṅkappaṃ vinā sahasā sampatte bhagavati pavattitaṃ tiladānaṃ sandhāyāha ‘‘āsajja dānaṃ adāsiṃ, akāmā tiladakkhiṇa’’nti. Sesaṃ vuttanayameva.
д̇илад̣̇агкин̣авимаанаван̣н̣анаа нидтид̇аа.
Tiladakkhiṇavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 10. д̇илад̣̇агкин̣авимаанавад̇т̇у • 10. Tiladakkhiṇavimānavatthu
