| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[252] 2. д̇иламудтиж̇аад̇агаван̣н̣анаа
[252] 2. Tilamuṭṭhijātakavaṇṇanā
аж̇ж̇ааби мз д̇ам̣ манасийд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ год̇ханам̣ бхигкум̣ аараб̣бха гат̇зси. ан̃н̃ад̇аро гира, бхигку, год̇хано ахоси убааяаасаб̣ахуло, аббамби вуд̇д̇о самаано губби абхисаж̇ж̇и, гобан̃жа д̣̇осан̃жа аббажжаяан̃жа баад̇ваагааси. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, асуго наама бхигку год̇хано убааяаасаб̣ахуло уд̣̇д̇ханз багкид̇д̇алон̣ам̣ вияа д̇адад̇адааяанд̇о вижарад̇и, зваруубз ниггод̇ханз б̣уд̣̇д̇хасаасанз баб̣б̣аж̇ид̇о самаано год̇хамад̇д̇амби ниг̇г̇ан̣хид̇ум̣ на саггод̇ий’’д̇и. сад̇т̇аа д̇зсам̣ гат̇ам̣ суд̇ваа згам̣ бхигкум̣ бзсзд̇ваа д̇ам̣ бхигкум̣ баггосаабзд̇ваа ‘‘сажжам̣ гира д̇вам̣, бхигку, год̇хано’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘на, бхигкавз, ид̣̇аанзва, буб̣б̣зби аяам̣ год̇хано ахосий’’д̇и вад̇ваа ад̇ийд̇ам̣ аахари.
Ajjāpime taṃ manasīti idaṃ satthā jetavane viharanto aññataraṃ kodhanaṃ bhikkhuṃ ārabbha kathesi. Aññataro kira, bhikkhu, kodhano ahosi upāyāsabahulo, appampi vutto samāno kuppi abhisajji, kopañca dosañca appaccayañca pātvākāsi. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, asuko nāma bhikkhu kodhano upāyāsabahulo uddhane pakkhittaloṇaṃ viya taṭataṭāyanto vicarati, evarūpe nikkodhane buddhasāsane pabbajito samāno kodhamattampi niggaṇhituṃ na sakkotī’’ti. Satthā tesaṃ kathaṃ sutvā ekaṃ bhikkhuṃ pesetvā taṃ bhikkhuṃ pakkosāpetvā ‘‘saccaṃ kira tvaṃ, bhikkhu, kodhano’’ti pucchitvā ‘‘saccaṃ, bhante’’ti vutte ‘‘na, bhikkhave, idāneva, pubbepi ayaṃ kodhano ahosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з д̇асса буд̇д̇о б̣рахмад̣̇ад̇д̇агумааро наама ахоси. бораан̣агарааж̇аано жа ад̇д̇ано буд̇д̇з ‘‘звам̣ зд̇з нихад̇амаанад̣̇аббаа сийд̇ун̣хагкамаа логажаарид̇д̇ан̃н̃уу жа бхависсанд̇ий’’д̇и ад̇д̇ано наг̇арз д̣̇исаабаамогкааажарияз виж̇ж̇амаанзби сиббуг̇г̇ахан̣ад̇т̇ааяа д̣̇уурз д̇ирорадтам̣ бзсзнд̇и, д̇асмаа соби рааж̇аа сол̣асавассуд̣̇д̣̇зсигам̣ буд̇д̇ам̣ баггосаабзд̇ваа згабадалигаубааханаа жа бан̣н̣ажчад̇д̇ан̃жа гахаабан̣асахассан̃жа д̣̇ад̇ваа ‘‘д̇аад̇а, д̇аггасилам̣ г̇анд̇ваа сиббам̣ уг̇г̇ан̣хаа’’д̇и бзсзси. со ‘‘саад̇хуу’’д̇и маад̇аабид̇аро ванд̣̇ид̇ваа нигкамид̇ваа анубуб̣б̣зна д̇аггасилам̣ бад̇ваа аажарияасса г̇зхам̣ бужчид̇ваа аажарияз маан̣авагаанам̣ сиббам̣ ваажзд̇ваа удтааяа гхарад̣̇ваарз жан̇гаманд̇з г̇зхам̣ г̇анд̇ваа яасмим̣ таанз тид̇о аажарияам̣ ад̣̇д̣̇аса, д̇ад̇т̇зва убааханаа омун̃жид̇ваа чад̇д̇ан̃жа абанзд̇ваа аажарияам̣ ванд̣̇ид̇ваа адтааси. со д̇асса гиланд̇абхаавам̣ н̃ад̇ваа ааг̇анд̇угасан̇г̇ахам̣ гаарзси. гумааро бхуд̇д̇абхож̇ано т̇огам̣ виссамид̇ваа аажарияам̣ убасан̇гамид̇ваа ванд̣̇ид̇ваа адтааси, ‘‘гуд̇о ааг̇ад̇оси, д̇аад̇аа’’д̇и жа вуд̇д̇з ‘‘б̣аараан̣асид̇о’’д̇и ааха. ‘‘гасса буд̇д̇осий’’д̇и? ‘‘б̣аараан̣асиран̃н̃о’’д̇и. ‘‘гзнад̇т̇знааг̇ад̇осий’’д̇и? ‘‘сиббам̣ уг̇г̇ан̣хад̇т̇ааяаа’’д̇и. ‘‘гим̣ д̇з аажарияабхааг̇о аабхад̇о, уд̣̇ааху д̇хамманд̇зваасиго ход̇угаамосий’’д̇и? со ‘‘аажарияабхааг̇о мз аабхад̇о’’д̇и вад̇ваа аажарияасса баад̣̇амуулз сахассад̇т̇авигам̣ табзд̇ваа ванд̣̇и.
Atīte bārāṇasiyaṃ brahmadatte rajjaṃ kārente tassa putto brahmadattakumāro nāma ahosi. Porāṇakarājāno ca attano putte ‘‘evaṃ ete nihatamānadappā sītuṇhakkhamā lokacārittaññū ca bhavissantī’’ti attano nagare disāpāmokkhaācariye vijjamānepi sippuggahaṇatthāya dūre tiroraṭṭhaṃ pesenti, tasmā sopi rājā soḷasavassuddesikaṃ puttaṃ pakkosāpetvā ekapaṭalikaupāhanā ca paṇṇacchattañca kahāpaṇasahassañca datvā ‘‘tāta, takkasilaṃ gantvā sippaṃ uggaṇhā’’ti pesesi. So ‘‘sādhū’’ti mātāpitaro vanditvā nikkhamitvā anupubbena takkasilaṃ patvā ācariyassa gehaṃ pucchitvā ācariye māṇavakānaṃ sippaṃ vācetvā uṭṭhāya gharadvāre caṅkamante gehaṃ gantvā yasmiṃ ṭhāne ṭhito ācariyaṃ addasa, tattheva upāhanā omuñcitvā chattañca apanetvā ācariyaṃ vanditvā aṭṭhāsi. So tassa kilantabhāvaṃ ñatvā āgantukasaṅgahaṃ kāresi. Kumāro bhuttabhojano thokaṃ vissamitvā ācariyaṃ upasaṅkamitvā vanditvā aṭṭhāsi, ‘‘kuto āgatosi, tātā’’ti ca vutte ‘‘bārāṇasito’’ti āha. ‘‘Kassa puttosī’’ti? ‘‘Bārāṇasirañño’’ti. ‘‘Kenatthenāgatosī’’ti? ‘‘Sippaṃ uggaṇhatthāyā’’ti. ‘‘Kiṃ te ācariyabhāgo ābhato, udāhu dhammantevāsiko hotukāmosī’’ti? So ‘‘ācariyabhāgo me ābhato’’ti vatvā ācariyassa pādamūle sahassatthavikaṃ ṭhapetvā vandi.
д̇хамманд̇зваасигаа д̣̇иваа аажарияасса гаммам̣ гад̇ваа рад̇д̇им̣ сиббам̣ уг̇г̇ан̣ханд̇и, аажарияабхааг̇ад̣̇ааяагаа г̇зхз ж̇здтабуд̇д̇аа вияа худ̇ваа сиббамзва уг̇г̇ан̣ханд̇и. д̇асмаа соби аажарияо саллахугзна субханагкад̇д̇зна гумаарасса сиббам̣ бадтабзси. гумаароби сиббам̣ уг̇г̇ан̣ханд̇о згад̣̇ивасам̣ аажариязна сад̣̇д̇хим̣ нхааяид̇ум̣ аг̇амааси. ат̇згаа махаллигаа ид̇т̇ий д̇илаани сзд̇з гад̇ваа бад̇т̇арид̇ваа рагкамаанаа нисийд̣̇и. гумааро сзд̇ад̇илз д̣̇исваа каад̣̇ид̇угаамо худ̇ваа згам̣ д̇иламудтим̣ г̇ахзд̇ваа каад̣̇и, махаллигаа ‘‘д̇ан̣хаалуго зсо’’д̇и гин̃жи авад̇ваа д̇ун̣хий ахоси. со бунад̣̇ивасзби д̇ааяа взлааяа д̇ат̇зва агааси, сааби нам̣ на гин̃жи ааха. ид̇аро д̇ад̇ияад̣̇ивасзби д̇ат̇зваагааси, д̇ад̣̇аа махаллигаа ‘‘д̣̇исаабаамогко аажарияо ад̇д̇ано анд̇зваасигзхи мам̣ вилумбаабзд̇ий’’д̇и б̣аахаа баг̇г̇аяха ганд̣̇и. аажарияо нивад̇д̇ид̇ваа ‘‘гим̣ зд̇ам̣ , аммаа’’д̇и бужчи. ‘‘саами, анд̇зваасиго д̇з маяаа гад̇аанам̣ сзд̇ад̇илаанам̣ аж̇ж̇згам̣ мудтим̣ каад̣̇и, хияяо згам̣, барз згам̣, нану звам̣ каад̣̇анд̇о мама санд̇агам̣ саб̣б̣ам̣ наасзссад̇ий’’д̇и. ‘‘амма, маа род̣̇и, муулам̣ д̇з д̣̇аабзссаамий’’д̇и. ‘‘на мз, саами, муулзнад̇т̇о, яат̇аа банзса гумааро буна звам̣ на гарод̇и, д̇ат̇аа д̇ам̣ сигкаабзхий’’д̇и. аажарияо ‘‘д̇зна хи басса, аммаа’’д̇и д̣̇вийхи маан̣авзхи д̇ам̣ гумаарам̣ д̣̇вийсу хад̇т̇зсу г̇аахаабзд̇ваа взл̣убзсигам̣ г̇ахзд̇ваа ‘‘буна зваруубам̣ маа агаасий’’д̇и д̇игкад̇д̇ум̣ бидтияам̣ бахари. гумааро аажарияасса гуж̇жхид̇ваа рад̇д̇аани агкийни гад̇ваа баад̣̇абидтид̇о яаава гзсамад̇т̇агаа ологзси. собисса гуж̇жхид̇ваа ологид̇абхаавам̣ ан̃н̃ааси. гумааро сиббам̣ нидтаабзд̇ваа ‘‘ануяог̇ам̣ д̣̇ад̇ваа маараабзд̇аб̣б̣о зса маяаа’’д̇и д̇зна гад̇ад̣̇осам̣ хад̣̇аяз табзд̇ваа г̇аманагаалз аажарияам̣ ванд̣̇ид̇ваа ‘‘яад̣̇аахам̣, аажарияа, б̣аараан̣асираж̇ж̇ам̣ бад̇ваа д̇умхаагам̣ санд̇игам̣ бзсзссаами, д̇ад̣̇аа д̇умхз ааг̇ажчзяяаат̇аа’’д̇и сасинзхо вияа бадин̃н̃ам̣ г̇ахзд̇ваа баггаами.
Dhammantevāsikā divā ācariyassa kammaṃ katvā rattiṃ sippaṃ uggaṇhanti, ācariyabhāgadāyakā gehe jeṭṭhaputtā viya hutvā sippameva uggaṇhanti. Tasmā sopi ācariyo sallahukena subhanakkhattena kumārassa sippaṃ paṭṭhapesi. Kumāropi sippaṃ uggaṇhanto ekadivasaṃ ācariyena saddhiṃ nhāyituṃ agamāsi. Athekā mahallikā itthī tilāni sete katvā pattharitvā rakkhamānā nisīdi. Kumāro setatile disvā khāditukāmo hutvā ekaṃ tilamuṭṭhiṃ gahetvā khādi, mahallikā ‘‘taṇhāluko eso’’ti kiñci avatvā tuṇhī ahosi. So punadivasepi tāya velāya tatheva akāsi, sāpi naṃ na kiñci āha. Itaro tatiyadivasepi tathevākāsi, tadā mahallikā ‘‘disāpāmokkho ācariyo attano antevāsikehi maṃ vilumpāpetī’’ti bāhā paggayha kandi. Ācariyo nivattitvā ‘‘kiṃ etaṃ , ammā’’ti pucchi. ‘‘Sāmi, antevāsiko te mayā katānaṃ setatilānaṃ ajjekaṃ muṭṭhiṃ khādi, hiyyo ekaṃ, pare ekaṃ, nanu evaṃ khādanto mama santakaṃ sabbaṃ nāsessatī’’ti. ‘‘Amma, mā rodi, mūlaṃ te dāpessāmī’’ti. ‘‘Na me, sāmi, mūlenattho, yathā panesa kumāro puna evaṃ na karoti, tathā taṃ sikkhāpehī’’ti. Ācariyo ‘‘tena hi passa, ammā’’ti dvīhi māṇavehi taṃ kumāraṃ dvīsu hatthesu gāhāpetvā veḷupesikaṃ gahetvā ‘‘puna evarūpaṃ mā akāsī’’ti tikkhattuṃ piṭṭhiyaṃ pahari. Kumāro ācariyassa kujjhitvā rattāni akkhīni katvā pādapiṭṭhito yāva kesamatthakā olokesi. Sopissa kujjhitvā olokitabhāvaṃ aññāsi. Kumāro sippaṃ niṭṭhāpetvā ‘‘anuyogaṃ datvā mārāpetabbo esa mayā’’ti tena katadosaṃ hadaye ṭhapetvā gamanakāle ācariyaṃ vanditvā ‘‘yadāhaṃ, ācariya, bārāṇasirajjaṃ patvā tumhākaṃ santikaṃ pesessāmi, tadā tumhe āgaccheyyāthā’’ti sasineho viya paṭiññaṃ gahetvā pakkāmi.
со б̣аараан̣асим̣ бад̇ваа маад̇аабид̇аро ванд̣̇ид̇ваа сиббам̣ д̣̇ассзси. рааж̇аа ‘‘ж̇ийвамаанзна мз буд̇д̇о д̣̇идто, ж̇ийвамаановасса раж̇ж̇асирим̣ бассаамий’’д̇и буд̇д̇ам̣ раж̇ж̇з бад̇идтаабзси. со раж̇ж̇асирим̣ анубхавамаано аажариязна гад̇ад̣̇осам̣ сарид̇ваа уббаннагод̇хо ‘‘маараабзссаами на’’нд̇и баггосанад̇т̇ааяа аажарияасса д̣̇ууд̇ам̣ баахзси. аажарияо ‘‘д̇арун̣агаалз нам̣ сан̃н̃аабзд̇ум̣ на сагкиссаамий’’д̇и аг̇анд̇ваа д̇асса ран̃н̃о маж̇жхимаваяагаалз ‘‘ид̣̇аани нам̣ сан̃н̃аабзд̇ум̣ сагкиссаамий’’д̇и г̇анд̇ваа рааж̇ад̣̇ваарз тад̇ваа ‘‘д̇аггасилаажарияо ааг̇ад̇о’’д̇и аарожаабзси. рааж̇аа д̇удто б̣раахман̣ам̣ баггосаабзд̇ваа д̇ам̣ ад̇д̇ано санд̇игам̣ ааг̇ад̇ам̣ д̣̇исваава год̇хам̣ уббаад̣̇зд̇ваа рад̇д̇аани агкийни гад̇ваа амажжз ааманд̇зд̇ваа ‘‘бхо, аж̇ж̇ааби мз аажариязна бахададтаанам̣ руж̇ж̇ад̇и, аажарияо налаадзна мажжум̣ аад̣̇ааяа ‘мариссаамий’д̇и ааг̇ад̇о, аж̇ж̇асса ж̇ийвид̇ам̣ над̇т̇ий’’д̇и вад̇ваа буримаа д̣̇вз г̇аат̇аа авожа –
So bārāṇasiṃ patvā mātāpitaro vanditvā sippaṃ dassesi. Rājā ‘‘jīvamānena me putto diṭṭho, jīvamānovassa rajjasiriṃ passāmī’’ti puttaṃ rajje patiṭṭhāpesi. So rajjasiriṃ anubhavamāno ācariyena katadosaṃ saritvā uppannakodho ‘‘mārāpessāmi na’’nti pakkosanatthāya ācariyassa dūtaṃ pāhesi. Ācariyo ‘‘taruṇakāle naṃ saññāpetuṃ na sakkhissāmī’’ti agantvā tassa rañño majjhimavayakāle ‘‘idāni naṃ saññāpetuṃ sakkhissāmī’’ti gantvā rājadvāre ṭhatvā ‘‘takkasilācariyo āgato’’ti ārocāpesi. Rājā tuṭṭho brāhmaṇaṃ pakkosāpetvā taṃ attano santikaṃ āgataṃ disvāva kodhaṃ uppādetvā rattāni akkhīni katvā amacce āmantetvā ‘‘bho, ajjāpi me ācariyena pahaṭaṭṭhānaṃ rujjati, ācariyo nalāṭena maccuṃ ādāya ‘marissāmī’ti āgato, ajjassa jīvitaṃ natthī’’ti vatvā purimā dve gāthā avoca –
4.
4.
‘‘аж̇ж̇ааби мз д̇ам̣ манаси, яам̣ мам̣ д̇вам̣ д̇иламудтияаа;
‘‘Ajjāpi me taṃ manasi, yaṃ maṃ tvaṃ tilamuṭṭhiyā;
б̣аахааяа мам̣ г̇ахзд̇ваана, ладтияаа ануд̇аал̣аяи.
Bāhāya maṃ gahetvāna, laṭṭhiyā anutāḷayi.
5.
5.
‘‘нану ж̇ийвид̇з на рамаси, язнааси б̣раахман̣ааг̇ад̇о;
‘‘Nanu jīvite na ramasi, yenāsi brāhmaṇāgato;
яам̣ мам̣ б̣аахаа г̇ахзд̇ваана, д̇игкад̇д̇ум̣ ануд̇аал̣аяий’’д̇и.
Yaṃ maṃ bāhā gahetvāna, tikkhattuṃ anutāḷayī’’ti.
д̇ад̇т̇а яам̣ мам̣ б̣аахааяа манд̇и д̣̇вийсу бад̣̇зсу убаяог̇аважанам̣ ануд̇аал̣анаг̇ахан̣аабзгкам̣. яам̣ мам̣ д̇вам̣ д̇иламудтияаа гааран̣аа ануд̇аал̣аяи, ануд̇аал̣знд̇о жа мам̣ б̣аахааяа г̇ахзд̇ваа ануд̇аал̣аяи, д̇ам̣ ануд̇аал̣анам̣ аж̇ж̇ааби мз манасийд̇и аяан̃хзд̇т̇а ад̇т̇о. нану ж̇ийвид̇з на рамасийд̇и ман̃н̃з д̇вам̣ ад̇д̇ано ж̇ийвид̇амхи наабхирамаси. язнааси б̣раахман̣ааг̇ад̇од̇и яасмаа б̣раахман̣а ид̇ха мама санд̇игам̣ ааг̇ад̇оси. яам̣ мам̣ б̣аахаа г̇ахзд̇ваанаад̇и яам̣ мама б̣аахаа г̇ахзд̇ваа, яам̣ мам̣ б̣аахааяа г̇ахзд̇ваад̇иби ад̇т̇о. д̇игкад̇д̇ум̣ ануд̇аал̣аяийд̇и д̇аяо ваарз взл̣уладтияаа д̇аал̣зси, аж̇ж̇а д̣̇аани д̇асса палам̣ винд̣̇аахийд̇и нам̣ маран̣зна санд̇аж̇ж̇знд̇о звамааха.
Tattha yaṃ maṃ bāhāya manti dvīsu padesu upayogavacanaṃ anutāḷanagahaṇāpekkhaṃ. Yaṃ maṃ tvaṃ tilamuṭṭhiyā kāraṇā anutāḷayi, anutāḷento ca maṃ bāhāya gahetvā anutāḷayi, taṃ anutāḷanaṃ ajjāpi me manasīti ayañhettha attho. Nanu jīvite na ramasīti maññe tvaṃ attano jīvitamhi nābhiramasi. Yenāsi brāhmaṇāgatoti yasmā brāhmaṇa idha mama santikaṃ āgatosi. Yaṃ maṃ bāhā gahetvānāti yaṃ mama bāhā gahetvā, yaṃ maṃ bāhāya gahetvātipi attho. Tikkhattuṃ anutāḷayīti tayo vāre veḷulaṭṭhiyā tāḷesi, ajja dāni tassa phalaṃ vindāhīti naṃ maraṇena santajjento evamāha.
д̇ам̣ суд̇ваа аажарияо д̇ад̇ияам̣ г̇аат̇амааха –
Taṃ sutvā ācariyo tatiyaṃ gāthamāha –
6.
6.
‘‘арияо анарияам̣ губ̣б̣анд̇ам̣, яо д̣̇ан̣д̣зна нисзд̇хад̇и;
‘‘Ariyo anariyaṃ kubbantaṃ, yo daṇḍena nisedhati;
саасанам̣ д̇ам̣ на д̇ам̣ взрам̣, ид̇и нам̣ бан̣д̣ид̇аа вид̣̇уу’’д̇и.
Sāsanaṃ taṃ na taṃ veraṃ, iti naṃ paṇḍitā vidū’’ti.
д̇ад̇т̇а арияод̇и сунд̣̇араад̇хиважанамзд̇ам̣. со бана арияо жад̇уб̣б̣ид̇хо ход̇и аажаараарияо д̣̇ассанаарияо лин̇г̇аарияо бадивзд̇хаарияод̇и. д̇ад̇т̇а мануссо ваа ход̇у д̇иражчаано ваа, арияаажаарз тид̇о аажаараарияо наама. вуд̇д̇амби жзд̇ам̣ –
Tattha ariyoti sundarādhivacanametaṃ. So pana ariyo catubbidho hoti ācāraariyo dassanaariyo liṅgaariyo paṭivedhaariyoti. Tattha manusso vā hotu tiracchāno vā, ariyācāre ṭhito ācāraariyo nāma. Vuttampi cetaṃ –
‘‘арияавад̇д̇аси вагган̇г̇а, яо бин̣д̣амабажааяад̇и;
‘‘Ariyavattasi vakkaṅga, yo piṇḍamapacāyati;
жаж̇аами д̇з д̇ам̣ бхад̇д̇аарам̣, г̇ажчат̇уубхо яат̇аасука’’нд̇и. (ж̇аа. 2.21.106);
Cajāmi te taṃ bhattāraṃ, gacchathūbho yathāsukha’’nti. (jā. 2.21.106);
руубзна бана ирияаабат̇зна жа баасаад̣̇игзна д̣̇ассанийязна саманнааг̇ад̇о д̣̇ассанаарияо наама. вуд̇д̇амби жзд̇ам̣ –
Rūpena pana iriyāpathena ca pāsādikena dassanīyena samannāgato dassanaariyo nāma. Vuttampi cetaṃ –
‘‘арияаавагаасоси басаннанзд̇д̇о, ман̃н̃з бхавам̣ баб̣б̣аж̇ид̇о гуламхаа;
‘‘Ariyāvakāsosi pasannanetto, maññe bhavaṃ pabbajito kulamhā;
гат̇ам̣ ну жид̇д̇аани бахааяа бхог̇з, баб̣б̣аж̇и нигкамма гхараа сабан̃н̃аа’’д̇и. (ж̇аа. 2.17.143);
Kathaṃ nu cittāni pahāya bhoge, pabbaji nikkhamma gharā sapaññā’’ti. (jā. 2.17.143);
ниваасанабаарубаналин̇г̇аг̇г̇ахан̣зна бана саман̣асад̣̇исо худ̇ваа вижаранд̇о д̣̇уссийлоби лин̇г̇аарияо наама. яам̣ санд̇хааяа вуд̇д̇ам̣ –
Nivāsanapārupanaliṅgaggahaṇena pana samaṇasadiso hutvā vicaranto dussīlopi liṅgaariyo nāma. Yaṃ sandhāya vuttaṃ –
‘‘чад̣̇анам̣ гад̇ваана суб̣б̣ад̇аанам̣, багканд̣̇ий гулад̣̇уусаго баг̇аб̣бхо;
‘‘Chadanaṃ katvāna subbatānaṃ, pakkhandī kuladūsako pagabbho;
мааяаавий асан̃н̃ад̇о балаабо, бад̇ируубзна жарам̣ са маг̇г̇ад̣̇уусий’’д̇и.
Māyāvī asaññato palāpo, patirūpena caraṃ sa maggadūsī’’ti.
б̣уд̣̇д̇хаад̣̇аяо бана бадивзд̇хаарияаа наама. д̇зна вуд̇д̇ам̣ – ‘‘арияаа вужжанд̇и б̣уд̣̇д̇хаа жа бажжзгаб̣уд̣̇д̇хаа жа б̣уд̣̇д̇хасаавагаа жаа’’д̇и. д̇зсу ид̇ха аажаараарияова ад̇хиббзд̇о.
Buddhādayo pana paṭivedhaariyā nāma. Tena vuttaṃ – ‘‘ariyā vuccanti buddhā ca paccekabuddhā ca buddhasāvakā cā’’ti. Tesu idha ācāraariyova adhippeto.
анарияанд̇и д̣̇уссийлам̣ баабад̇хаммам̣. губ̣б̣анд̇анд̇и баан̣аад̇ибаад̇аад̣̇игам̣ бан̃жавид̇хад̣̇уссийляагаммам̣ гаронд̇ам̣, згамзва ваа зд̇ам̣ ад̇т̇абад̣̇ам̣, анарияам̣ хийнам̣ лаамагам̣ бан̃жавзрабхаяагаммам̣ гаронд̇ам̣ буг̇г̇алам̣. яод̇и кад̇д̇ияаад̣̇ийсу яо гожи. д̣̇ан̣д̣знаад̇и язна гзнажи бахаран̣агзна. нисзд̇хад̇ийд̇и ‘‘маа буна зваруубам̣ гарий’’д̇и бахаранд̇о ниваарзд̇и. саасанам̣ д̇ам̣ на д̇ам̣ взранд̇и д̇ам̣, махаарааж̇а, агад̇д̇аб̣б̣ам̣ гаронд̇з буд̇д̇ад̇хийд̇аро ваа анд̇зваасигз ваа звам̣ бахарид̇ваа нисзд̇ханам̣ наама имасмим̣ логз саасанам̣ анусидти оваад̣̇о, на взрам̣. ид̇и нам̣ бан̣д̣ид̇аа вид̣̇ууд̇и звамзд̇ам̣ бан̣д̣ид̇аа ж̇аананд̇и. д̇асмаа, махаарааж̇а, д̇вамби звам̣ ж̇аана, на зваруубз таанз взрам̣ гаад̇ум̣ арахаси. сажз хи д̇вам̣, махаарааж̇а, маяаа звам̣ сигкаабид̇о наабхависса, ат̇а г̇ажчанд̇з гаалз буувасагкалиаад̣̇ийни жзва палаапалаад̣̇ийни жа харанд̇о жорагаммзсу балуд̣̇д̇хо анубуб̣б̣зна санд̇хижчзд̣̇анабант̇ад̣̇ууханаг̇аамагхаад̇агаад̣̇ийни гад̇ваа ‘‘рааж̇аабараад̇хиго жоро’’д̇и саход̣дхам̣ г̇ахзд̇ваа ран̃н̃о д̣̇ассид̇о ‘‘г̇ажчат̇асса д̣̇осаануруубам̣ д̣̇ан̣д̣ам̣ убанзт̇аа’’д̇и д̣̇ан̣д̣абхаяам̣ баабун̣исса, гуд̇о д̇з зваруубаа самбад̇д̇и абхависса, нану мам̣ ниссааяа ид̣̇ам̣ иссарияам̣ д̇аяаа лад̣̇д̇ханд̇и звам̣ аажарияо рааж̇аанам̣ сан̃н̃аабзси . бариваарзд̇ваа тид̇аа амажжаабисса гат̇ам̣ суд̇ваа ‘‘сажжам̣, д̣̇зва, ид̣̇ам̣ иссарияам̣ д̇умхаагам̣ аажарияассзва санд̇ага’’нд̇и аахам̣су.
Anariyanti dussīlaṃ pāpadhammaṃ. Kubbantanti pāṇātipātādikaṃ pañcavidhadussīlyakammaṃ karontaṃ, ekameva vā etaṃ atthapadaṃ, anariyaṃ hīnaṃ lāmakaṃ pañcaverabhayakammaṃ karontaṃ puggalaṃ. Yoti khattiyādīsu yo koci. Daṇḍenāti yena kenaci paharaṇakena. Nisedhatīti ‘‘mā puna evarūpaṃ karī’’ti paharanto nivāreti. Sāsanaṃ taṃ na taṃ veranti taṃ, mahārāja, akattabbaṃ karonte puttadhītaro vā antevāsike vā evaṃ paharitvā nisedhanaṃ nāma imasmiṃ loke sāsanaṃ anusiṭṭhi ovādo, na veraṃ. Iti naṃ paṇḍitāvidūti evametaṃ paṇḍitā jānanti. Tasmā, mahārāja, tvampi evaṃ jāna, na evarūpe ṭhāne veraṃ kātuṃ arahasi. Sace hi tvaṃ, mahārāja, mayā evaṃ sikkhāpito nābhavissa, atha gacchante kāle pūvasakkhaliādīni ceva phalāphalādīni ca haranto corakammesu paluddho anupubbena sandhicchedanapanthadūhanagāmaghātakādīni katvā ‘‘rājāparādhiko coro’’ti sahoḍḍhaṃ gahetvā rañño dassito ‘‘gacchathassa dosānurūpaṃ daṇḍaṃ upanethā’’ti daṇḍabhayaṃ pāpuṇissa, kuto te evarūpā sampatti abhavissa, nanu maṃ nissāya idaṃ issariyaṃ tayā laddhanti evaṃ ācariyo rājānaṃ saññāpesi . Parivāretvā ṭhitā amaccāpissa kathaṃ sutvā ‘‘saccaṃ, deva, idaṃ issariyaṃ tumhākaṃ ācariyasseva santaka’’nti āhaṃsu.
д̇асмим̣ кан̣з рааж̇аа аажарияасса г̇ун̣ам̣ саллагкзд̇ваа ‘‘саб̣б̣иссарияам̣ д̇з, аажарияа, д̣̇амми, раж̇ж̇ам̣ бадижчаа’’д̇и ааха. аажарияо ‘‘на мз, махаарааж̇а, раж̇ж̇знад̇т̇о’’д̇и бадигкиби. рааж̇аа д̇аггасилам̣ бзсзд̇ваа аажарияасса буд̇д̇ад̣̇аарам̣ аахараабзд̇ваа маханд̇ам̣ иссарияам̣ д̣̇ад̇ваа д̇амзва бурохид̇ам̣ гад̇ваа бид̇удтаанз табзд̇ваа д̇ассоваад̣̇з тид̇о д̣̇аанаад̣̇ийни бун̃н̃аани гад̇ваа саг̇г̇абарааяан̣о ахоси.
Tasmiṃ khaṇe rājā ācariyassa guṇaṃ sallakkhetvā ‘‘sabbissariyaṃ te, ācariya, dammi, rajjaṃ paṭicchā’’ti āha. Ācariyo ‘‘na me, mahārāja, rajjenattho’’ti paṭikkhipi. Rājā takkasilaṃ pesetvā ācariyassa puttadāraṃ āharāpetvā mahantaṃ issariyaṃ datvā tameva purohitaṃ katvā pituṭṭhāne ṭhapetvā tassovāde ṭhito dānādīni puññāni katvā saggaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз год̇хано бхигку анааг̇аамипалз бад̇идтахи, б̣ахуу ж̇анаа сод̇аабаннасагад̣̇ааг̇аамианааг̇аамино ахзсум̣. ‘‘д̇ад̣̇аа рааж̇аа год̇хано бхигку ахоси, аажарияо бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne kodhano bhikkhu anāgāmiphale patiṭṭhahi, bahū janā sotāpannasakadāgāmianāgāmino ahesuṃ. ‘‘Tadā rājā kodhano bhikkhu ahosi, ācariyo pana ahameva ahosi’’nti.
д̇иламудтиж̇аад̇агаван̣н̣анаа д̣̇уд̇ияаа.
Tilamuṭṭhijātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 252. д̇иламудтиж̇аад̇агам̣ • 252. Tilamuṭṭhijātakaṃ
