| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. д̇имб̣аругасуд̇д̇ам̣
8. Timbarukasuttaṃ
18. саавад̇т̇ияам̣ вихарад̇и. ат̇а ко д̇имб̣аруго бариб̣б̣ааж̇аго язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко д̇имб̣аруго бариб̣б̣ааж̇аго бхаг̇аванд̇ам̣ зд̇ад̣̇авожа –
18. Sāvatthiyaṃ viharati. Atha kho timbaruko paribbājako yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho timbaruko paribbājako bhagavantaṃ etadavoca –
‘‘‘гим̣ ну ко, бхо г̇од̇ама, саяам̣гад̇ам̣ сукад̣̇угка’нд̇и? ‘маа хзвам̣, д̇имб̣аругаа’д̇и бхаг̇аваа авожа. ‘гим̣ бана, бхо г̇од̇ама, барам̣гад̇ам̣ сукад̣̇угка’нд̇и? ‘маа хзвам̣, д̇имб̣аругаа’д̇и бхаг̇аваа авожа. ‘гим̣ ну ко, бхо г̇од̇ама, саяам̣гад̇ан̃жа барам̣гад̇ан̃жа сукад̣̇угка’нд̇и? ‘маа хзвам̣, д̇имб̣аругаа’д̇и бхаг̇аваа авожа. ‘гим̣ бана, бхо г̇од̇ама, асаяам̣гаарам̣ абарам̣гаарам̣ ад̇хижжасамуббаннам̣ сукад̣̇угка’нд̇и? ‘маа хзвам̣, д̇имб̣аругаа’д̇и бхаг̇аваа авожа . ‘гим̣ ну ко, бхо г̇од̇ама, над̇т̇и сукад̣̇угка’нд̇и? ‘на ко, д̇имб̣аруга, над̇т̇и сукад̣̇угкам̣; ад̇т̇и ко, д̇имб̣аруга, сукад̣̇угка’нд̇и. ‘д̇зна хи бхавам̣ г̇од̇амо сукад̣̇угкам̣ на ж̇аанаад̇и, на бассад̇ий’д̇и? ‘на кваахам̣, д̇имб̣аруга, сукад̣̇угкам̣ на ж̇аанаами, на бассаами. ж̇аанаами кваахам̣, д̇имб̣аруга, сукад̣̇угкам̣; бассаами кваахам̣, д̇имб̣аруга, сукад̣̇угка’’’нд̇и.
‘‘‘Kiṃ nu kho, bho gotama, sayaṃkataṃ sukhadukkha’nti? ‘Mā hevaṃ, timbarukā’ti bhagavā avoca. ‘Kiṃ pana, bho gotama, paraṃkataṃ sukhadukkha’nti? ‘Mā hevaṃ, timbarukā’ti bhagavā avoca. ‘Kiṃ nu kho, bho gotama, sayaṃkatañca paraṃkatañca sukhadukkha’nti? ‘Mā hevaṃ, timbarukā’ti bhagavā avoca. ‘Kiṃ pana, bho gotama, asayaṃkāraṃ aparaṃkāraṃ adhiccasamuppannaṃ sukhadukkha’nti? ‘Mā hevaṃ, timbarukā’ti bhagavā avoca . ‘Kiṃ nu kho, bho gotama, natthi sukhadukkha’nti? ‘Na kho, timbaruka, natthi sukhadukkhaṃ; atthi kho, timbaruka, sukhadukkha’nti. ‘Tena hi bhavaṃ gotamo sukhadukkhaṃ na jānāti, na passatī’ti? ‘Na khvāhaṃ, timbaruka, sukhadukkhaṃ na jānāmi, na passāmi. Jānāmi khvāhaṃ, timbaruka, sukhadukkhaṃ; passāmi khvāhaṃ, timbaruka, sukhadukkha’’’nti.
‘‘‘гим̣ ну ко, бхо г̇од̇ама, саяам̣гад̇ам̣ сукад̣̇угка’нд̇и ид̇и будто самаано ‘маа хзвам̣, д̇имб̣аругаа’д̇и вад̣̇зси. ‘гим̣ бана, бхо г̇од̇ама, барам̣гад̇ам̣ сукад̣̇угка’нд̇и ид̇и будто самаано ‘маа хзвам̣, д̇имб̣аругаа’д̇и вад̣̇зси. ‘гим̣ ну ко, бхо г̇од̇ама, саяам̣гад̇ан̃жа барам̣гад̇ан̃жа сукад̣̇угка’нд̇и ид̇и будто самаано ‘маа хзвам̣, д̇имб̣аругаа’д̇и вад̣̇зси. ‘гим̣ бана, бхо г̇од̇ама, асаяам̣гаарам̣ абарам̣гаарам̣ ад̇хижжасамуббаннам̣ сукад̣̇угка’нд̇и ид̇и будто самаано ‘маа хзвам̣, д̇имб̣аругаа’д̇и вад̣̇зси. ‘гим̣ ну ко, бхо г̇од̇ама, над̇т̇и сукад̣̇угка’нд̇и ид̇и будто самаано ‘на ко, д̇имб̣аруга, над̇т̇и сукад̣̇угкам̣; ад̇т̇и ко, д̇имб̣аруга, сукад̣̇угка’нд̇и вад̣̇зси. ‘д̇зна хи бхавам̣ г̇од̇амо сукад̣̇угкам̣ на ж̇аанаад̇и, на бассад̇ий’д̇и ид̇и будто самаано ‘на кваахам̣, д̇имб̣аруга, сукад̣̇угкам̣ на ж̇аанаами, на бассаами. ж̇аанаами кваахам̣, д̇имб̣аруга, сукад̣̇угкам̣; бассаами кваахам̣, д̇имб̣аруга, сукад̣̇угка’нд̇и вад̣̇зси. аажигкад̇у жа мз бхавам̣ г̇од̇амо сукад̣̇угкам̣. д̣̇зсзд̇у жа мз бхавам̣ г̇од̇амо сукад̣̇угка’’нд̇и.
‘‘‘Kiṃ nu kho, bho gotama, sayaṃkataṃ sukhadukkha’nti iti puṭṭho samāno ‘mā hevaṃ, timbarukā’ti vadesi. ‘Kiṃ pana, bho gotama, paraṃkataṃ sukhadukkha’nti iti puṭṭho samāno ‘mā hevaṃ, timbarukā’ti vadesi. ‘Kiṃ nu kho, bho gotama, sayaṃkatañca paraṃkatañca sukhadukkha’nti iti puṭṭho samāno ‘mā hevaṃ, timbarukā’ti vadesi. ‘Kiṃ pana, bho gotama, asayaṃkāraṃ aparaṃkāraṃ adhiccasamuppannaṃ sukhadukkha’nti iti puṭṭho samāno ‘mā hevaṃ, timbarukā’ti vadesi. ‘Kiṃ nu kho, bho gotama, natthi sukhadukkha’nti iti puṭṭho samāno ‘na kho, timbaruka, natthi sukhadukkhaṃ; atthi kho, timbaruka, sukhadukkha’nti vadesi. ‘Tena hi bhavaṃ gotamo sukhadukkhaṃ na jānāti, na passatī’ti iti puṭṭho samāno ‘na khvāhaṃ, timbaruka, sukhadukkhaṃ na jānāmi, na passāmi. Jānāmi khvāhaṃ, timbaruka, sukhadukkhaṃ; passāmi khvāhaṃ, timbaruka, sukhadukkha’nti vadesi. Ācikkhatu ca me bhavaṃ gotamo sukhadukkhaṃ. Desetu ca me bhavaṃ gotamo sukhadukkha’’nti.
‘‘‘саа взд̣̇анаа, со взд̣̇аяад̇ий’д̇и ко, д̇имб̣аруга, аад̣̇ид̇о сад̇о ‘саяам̣гад̇ам̣ сукад̣̇угка’нд̇и звамбаахам̣ на вад̣̇аами. ‘ан̃н̃аа взд̣̇анаа, ан̃н̃о взд̣̇аяад̇ий’д̇и ко, д̇имб̣аруга, взд̣̇анаабхид̇уннасса сад̇о ‘барам̣гад̇ам̣ сукад̣̇угка’нд̇и звамбаахам̣ на вад̣̇аами. зд̇з д̇з, д̇имб̣аруга, убхо анд̇з анубаг̇амма маж̇жхзна д̇ат̇ааг̇ад̇о д̇хаммам̣ д̣̇зсзд̇и – ‘авиж̇ж̇аабажжаяаа сан̇каараа; сан̇каарабажжаяаа вин̃н̃аан̣ам̣…бз… звамзд̇асса гзваласса д̣̇угкагканд̇хасса самуд̣̇аяо ход̇и. авиж̇ж̇ааяа д̇взва асзсавирааг̇анирод̇хаа сан̇кааранирод̇хо; сан̇кааранирод̇хаа вин̃н̃аан̣анирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’’д̇и.
‘‘‘Sā vedanā, so vedayatī’ti kho, timbaruka, ādito sato ‘sayaṃkataṃ sukhadukkha’nti evampāhaṃ na vadāmi. ‘Aññā vedanā, añño vedayatī’ti kho, timbaruka, vedanābhitunnassa sato ‘paraṃkataṃ sukhadukkha’nti evampāhaṃ na vadāmi. Ete te, timbaruka, ubho ante anupagamma majjhena tathāgato dhammaṃ deseti – ‘avijjāpaccayā saṅkhārā; saṅkhārapaccayā viññāṇaṃ…pe… evametassa kevalassa dukkhakkhandhassa samudayo hoti. Avijjāya tveva asesavirāganirodhā saṅkhāranirodho; saṅkhāranirodhā viññāṇanirodho…pe… evametassa kevalassa dukkhakkhandhassa nirodho hotī’’’ti.
звам̣ вуд̇д̇з, д̇имб̣аруго бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама…бз… зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. адтамам̣.
Evaṃ vutte, timbaruko paribbājako bhagavantaṃ etadavoca – ‘‘abhikkantaṃ, bho gotama…pe… esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. д̇имб̣аругасуд̇д̇аван̣н̣анаа • 8. Timbarukasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. д̇имб̣аругасуд̇д̇аван̣н̣анаа • 8. Timbarukasuttavaṇṇanā
