| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. д̇имб̣аругасуд̇д̇аван̣н̣анаа
8. Timbarukasuttavaṇṇanā
18. адтамз саа взд̣̇анаад̇иаад̣̇и ‘‘саяам̣гад̇ам̣ сукад̣̇угка’’нд̇и лад̣̇д̇хияаа нисзд̇ханад̇т̇ам̣ вуд̇д̇ам̣. зд̇т̇ааби сад̇од̇и бхуммад̇т̇зязва саамиважанам̣. д̇ад̇рааяам̣ ад̇т̇ад̣̇ийбанаа – ‘‘саа взд̣̇анаа, со взд̣̇ияад̇ий’’д̇и ко, д̇имб̣аруга, аад̣̇имхиязва звам̣ сад̇и ‘‘саяам̣гад̇ам̣ сукад̣̇угка’’нд̇и аяам̣ лад̣̇д̇хи ход̇и. зван̃хи сад̇и взд̣̇анааяа зва взд̣̇анаа гад̇аа ход̇и. зван̃жа вад̣̇анд̇о имиссаа взд̣̇анааяа буб̣б̣зби ад̇т̇ид̇ам̣ ануж̇аанаад̇и, сассад̇ам̣ д̣̇ийбзд̇и сассад̇ам̣ г̇ан̣хаад̇и. гасмаа? д̇асса хи д̇ам̣ д̣̇ассанам̣ зд̇ам̣ барзд̇и, зд̇ам̣ сассад̇ам̣ убаг̇ажчад̇ийд̇и ад̇т̇о. буриман̃хи ад̇т̇ам̣ санд̇хааязвзд̇ам̣ бхаг̇авад̇аа вуд̇д̇ам̣ бхависсад̇и, д̇асмаа адтагат̇ааяам̣ д̇ам̣ яож̇зд̇ваавасса ад̇т̇о д̣̇ийбид̇о. звамбаахам̣ на вад̣̇аамийд̇и ахам̣ ‘‘саа взд̣̇анаа, со взд̣̇ияад̇ий’’д̇и звамби на вад̣̇аами. ‘‘саяам̣гад̇ам̣ сукад̣̇угка’’нд̇и звамби на вад̣̇аамийд̇и ад̇т̇о.
18. Aṭṭhame sā vedanātiādi ‘‘sayaṃkataṃ sukhadukkha’’nti laddhiyā nisedhanatthaṃ vuttaṃ. Etthāpi satoti bhummattheyeva sāmivacanaṃ. Tatrāyaṃ atthadīpanā – ‘‘sā vedanā, so vediyatī’’ti kho, timbaruka, ādimhiyeva evaṃ sati ‘‘sayaṃkataṃ sukhadukkha’’nti ayaṃ laddhi hoti. Evañhi sati vedanāya eva vedanā katā hoti. Evañca vadanto imissā vedanāya pubbepi atthitaṃ anujānāti, sassataṃ dīpeti sassataṃ gaṇhāti. Kasmā? Tassa hi taṃ dassanaṃ etaṃ pareti, etaṃ sassataṃ upagacchatīti attho. Purimañhi atthaṃ sandhāyevetaṃ bhagavatā vuttaṃ bhavissati, tasmā aṭṭhakathāyaṃ taṃ yojetvāvassa attho dīpito. Evampāhaṃ na vadāmīti ahaṃ ‘‘sā vedanā, so vediyatī’’ti evampi na vadāmi. ‘‘Sayaṃkataṃ sukhadukkha’’nti evampi na vadāmīti attho.
ан̃н̃аа взд̣̇анаад̇иаад̣̇и ‘‘барам̣гад̇ам̣ сукад̣̇угка’’нд̇и лад̣̇д̇хияаа бадисзд̇ханад̇т̇ам̣ вуд̇д̇ам̣. ид̇хааби аяам̣ ад̇т̇аяож̇анаа –‘‘ан̃н̃аа взд̣̇анаа ан̃н̃о взд̣̇ияад̇ий’’д̇и ко, д̇имб̣аруга, аад̣̇имхиязва звам̣ сад̇и бажчаа яаа буримабагкз гаарагавзд̣̇анаа, саа ужчиннаа. д̇ааяа бана гад̇ам̣ ан̃н̃о взд̣̇ияад̇ийд̇и звам̣ уббаннааяа ужчзд̣̇ад̣̇идтияаа сад̣̇д̇хим̣ самбаяуд̇д̇ааяа взд̣̇анааяа абхид̇уннасса сад̇о ‘‘барам̣гад̇ам̣ сукад̣̇угка’’нд̇и аяам̣ лад̣̇д̇хи ход̇и. зван̃жа вад̣̇анд̇о гаараго ужчинно, ан̃н̃зна бадисанд̇хи г̇ахид̇аад̇и ужчзд̣̇ам̣ д̣̇ийбзд̇и, ужчзд̣̇ам̣ г̇ан̣хаад̇и. гасмаа? д̇асса хи д̇ам̣ д̣̇ассанам̣ зд̇ам̣ барзд̇и, зд̇ам̣ ужчзд̣̇ам̣ убаг̇ажчад̇ийд̇и ад̇т̇о. ид̇хааби хи имаани бад̣̇аани адтагат̇ааяам̣ аахарид̇ваа яож̇ид̇аанзва. имасмим̣ суд̇д̇з взд̣̇анаасукад̣̇угкам̣ гат̇ид̇ам̣. д̇ан̃жа ко вибаагасукад̣̇угкамзва ваддад̇ийд̇и вуд̇д̇ам̣. адтамам̣.
Aññā vedanātiādi ‘‘paraṃkataṃ sukhadukkha’’nti laddhiyā paṭisedhanatthaṃ vuttaṃ. Idhāpi ayaṃ atthayojanā –‘‘aññā vedanā añño vediyatī’’ti kho, timbaruka, ādimhiyeva evaṃ sati pacchā yā purimapakkhe kārakavedanā, sā ucchinnā. Tāya pana kataṃ añño vediyatīti evaṃ uppannāya ucchedadiṭṭhiyā saddhiṃ sampayuttāya vedanāya abhitunnassa sato ‘‘paraṃkataṃ sukhadukkha’’nti ayaṃ laddhi hoti. Evañca vadanto kārako ucchinno, aññena paṭisandhi gahitāti ucchedaṃ dīpeti, ucchedaṃ gaṇhāti. Kasmā? Tassa hi taṃ dassanaṃ etaṃ pareti, etaṃ ucchedaṃ upagacchatīti attho. Idhāpi hi imāni padāni aṭṭhakathāyaṃ āharitvā yojitāneva. Imasmiṃ sutte vedanāsukhadukkhaṃ kathitaṃ. Tañca kho vipākasukhadukkhameva vaṭṭatīti vuttaṃ. Aṭṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. д̇имб̣аругасуд̇д̇ам̣ • 8. Timbarukasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. д̇имб̣аругасуд̇д̇аван̣н̣анаа • 8. Timbarukasuttavaṇṇanā
