| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
8. д̇имб̣аругасуд̇д̇аван̣н̣анаа
8. Timbarukasuttavaṇṇanā
18. яасмаа д̇имб̣аруго ‘‘взд̣̇анаа ад̇д̇аа. ад̇д̇аава взд̣̇аяад̇ий’’д̇и звам̣лад̣̇д̇хиго, д̇асмаа д̇ааяа лад̣̇д̇хияаа ‘‘саяам̣гад̇ам̣ сукад̣̇угка’’нд̇и вад̣̇ад̇и, д̇ам̣ бадисам̣харид̇ум̣ бхаг̇аваа ‘‘саа взд̣̇анаа’’д̇иаад̣̇им̣ авожа. д̇знааха ‘‘саа взд̣̇анаад̇иаад̣̇и саяам̣гад̇ам̣ сукад̣̇угканд̇и лад̣̇д̇хияаа нисзд̇ханад̇т̇ам̣ вуд̇д̇а’’нд̇и. зд̇т̇аабийд̇и имасмимби суд̇д̇з. д̇ад̇раад̇и яам̣ вуд̇д̇ам̣ ‘‘саа взд̣̇анаа…бз… сукад̣̇угка’’нд̇и, д̇асмим̣ баатз. аад̣̇имхиязваад̇и зд̇т̇а бхуммаважанзна ‘‘аад̣̇ид̇о’’д̇и д̇о-сад̣̇д̣̇о на ниссаггаважанз. зва-гаарзна ко-сад̣̇д̣̇о авад̇хааран̣зд̇и д̣̇ассзд̇и. яам̣ банзд̇т̇а вад̇д̇аб̣б̣ам̣, д̇ам̣ ананд̇арасуд̇д̇з вуд̇д̇амзва. д̇ад̇т̇а бана ‘‘взд̣̇анаад̇о ан̃н̃о ад̇д̇аа, взд̣̇анааяа гаараго’’д̇и лад̣̇д̇хигасса д̣̇идтиг̇ад̇игасса ваад̣̇о бадигкид̇д̇о, ид̇ха ‘‘взд̣̇анаа ад̇д̇аа’’д̇и звам̣лад̣̇д̇хигассаад̇и аяамзва висзсо. д̇знааха ‘‘зван̃хи сад̇и взд̣̇анааяа зва взд̣̇анаа гад̇аа ход̇ий’’д̇иаад̣̇и. имиссаад̇и яааяа взд̣̇анааяа сукад̣̇угкам̣ гад̇ам̣, имиссаа. буб̣б̣збийд̇и сассад̇аагаарад̇о буб̣б̣зби. буриман̃хи ад̇т̇анд̇и ананд̇арасуд̇д̇з вуд̇д̇ам̣ ад̇т̇ам̣. адтагат̇ааяанд̇и бораан̣адтагат̇ааяам̣. д̇анд̇и буримасуд̇д̇з вуд̇д̇амад̇т̇ам̣. ассаад̇и имасса суд̇д̇асса. яасмаа д̇имб̣аруго ‘‘взд̣̇анаава ад̇д̇аа’’д̇и г̇ан̣хаад̇и, д̇асмаа вуд̇д̇ам̣ ‘‘ахам̣ саа взд̣̇анаа…бз… на вад̣̇аамий’’д̇и.
18. Yasmā timbaruko ‘‘vedanā attā. Attāva vedayatī’’ti evaṃladdhiko, tasmā tāya laddhiyā ‘‘sayaṃkataṃ sukhadukkha’’nti vadati, taṃ paṭisaṃharituṃ bhagavā ‘‘sā vedanā’’tiādiṃ avoca. Tenāha ‘‘sā vedanātiādi sayaṃkataṃ sukhadukkhanti laddhiyā nisedhanatthaṃ vutta’’nti. Etthāpīti imasmimpi sutte. Tatrāti yaṃ vuttaṃ ‘‘sā vedanā…pe… sukhadukkha’’nti, tasmiṃ pāṭhe. Ādimhiyevāti ettha bhummavacanena ‘‘ādito’’ti to-saddo na nissakkavacane. Eva-kārena kho-saddo avadhāraṇeti dasseti. Yaṃ panettha vattabbaṃ, taṃ anantarasutte vuttameva. Tattha pana ‘‘vedanāto añño attā, vedanāya kārako’’ti laddhikassa diṭṭhigatikassa vādo paṭikkhitto, idha ‘‘vedanā attā’’ti evaṃladdhikassāti ayameva viseso. Tenāha ‘‘evañhi sati vedanāya eva vedanā katā hotī’’tiādi. Imissāti yāya vedanāya sukhadukkhaṃ kataṃ, imissā. Pubbepīti sassatākārato pubbepi. Purimañhi atthanti anantarasutte vuttaṃ atthaṃ. Aṭṭhakathāyanti porāṇaṭṭhakathāyaṃ. Tanti purimasutte vuttamatthaṃ. Assāti imassa suttassa. Yasmā timbaruko ‘‘vedanāva attā’’ti gaṇhāti, tasmā vuttaṃ ‘‘ahaṃ sā vedanā…pe… na vadāmī’’ti.
ан̃н̃аа взд̣̇анаад̇иаад̣̇ийсуби яам̣ вад̇д̇аб̣б̣ам̣, д̇ам̣ ананд̇арасуд̇д̇з вуд̇д̇анаяамзва. гаарагавзд̣̇анаад̇и гад̇д̇убхууд̇авзд̣̇анаа. взд̣̇анаасукад̣̇угканд̇и взд̣̇анаабхууд̇асукад̣̇угкам̣ гат̇ид̇ам̣, на ваддасукад̣̇угкам̣. ‘‘вибаагасукад̣̇угкамзва ваддад̇ий’’д̇и вуд̇д̇ам̣ ‘‘саяам̣гад̇ам̣ сукам̣ д̣̇угка’’нд̇иаад̣̇иважанад̇о.
Aññā vedanātiādīsupi yaṃ vattabbaṃ, taṃ anantarasutte vuttanayameva. Kārakavedanāti kattubhūtavedanā. Vedanāsukhadukkhanti vedanābhūtasukhadukkhaṃ kathitaṃ, na vaṭṭasukhadukkhaṃ. ‘‘Vipākasukhadukkhameva vaṭṭatī’’ti vuttaṃ ‘‘sayaṃkataṃ sukhaṃ dukkha’’ntiādivacanato.
д̇имб̣аругасуд̇д̇аван̣н̣анаа нидтид̇аа.
Timbarukasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. д̇имб̣аругасуд̇д̇ам̣ • 8. Timbarukasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. д̇имб̣аругасуд̇д̇аван̣н̣анаа • 8. Timbarukasuttavaṇṇanā
