| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਤਿਮ੍ਬਰੁਕਸੁਤ੍ਤવਣ੍ਣਨਾ
8. Timbarukasuttavaṇṇanā
੧੮. ਅਟ੍ਠਮੇ ਸਾ વੇਦਨਾਤਿਆਦਿ ‘‘ਸਯਂਕਤਂ ਸੁਖਦੁਕ੍ਖ’’ਨ੍ਤਿ ਲਦ੍ਧਿਯਾ ਨਿਸੇਧਨਤ੍ਥਂ વੁਤ੍ਤਂ। ਏਤ੍ਥਾਪਿ ਸਤੋਤਿ ਭੁਮ੍ਮਤ੍ਥੇਯੇવ ਸਾਮਿવਚਨਂ। ਤਤ੍ਰਾਯਂ ਅਤ੍ਥਦੀਪਨਾ – ‘‘ਸਾ વੇਦਨਾ, ਸੋ વੇਦਿਯਤੀ’’ਤਿ ਖੋ, ਤਿਮ੍ਬਰੁਕ, ਆਦਿਮ੍ਹਿਯੇવ ਏવਂ ਸਤਿ ‘‘ਸਯਂਕਤਂ ਸੁਖਦੁਕ੍ਖ’’ਨ੍ਤਿ ਅਯਂ ਲਦ੍ਧਿ ਹੋਤਿ। ਏવਞ੍ਹਿ ਸਤਿ વੇਦਨਾਯ ਏવ વੇਦਨਾ ਕਤਾ ਹੋਤਿ। ਏવਞ੍ਚ વਦਨ੍ਤੋ ਇਮਿਸ੍ਸਾ વੇਦਨਾਯ ਪੁਬ੍ਬੇਪਿ ਅਤ੍ਥਿਤਂ ਅਨੁਜਾਨਾਤਿ, ਸਸ੍ਸਤਂ ਦੀਪੇਤਿ ਸਸ੍ਸਤਂ ਗਣ੍ਹਾਤਿ। ਕਸ੍ਮਾ? ਤਸ੍ਸ ਹਿ ਤਂ ਦਸ੍ਸਨਂ ਏਤਂ ਪਰੇਤਿ, ਏਤਂ ਸਸ੍ਸਤਂ ਉਪਗਚ੍ਛਤੀਤਿ ਅਤ੍ਥੋ। ਪੁਰਿਮਞ੍ਹਿ ਅਤ੍ਥਂ ਸਨ੍ਧਾਯੇવੇਤਂ ਭਗવਤਾ વੁਤ੍ਤਂ ਭવਿਸ੍ਸਤਿ, ਤਸ੍ਮਾ ਅਟ੍ਠਕਥਾਯਂ ਤਂ ਯੋਜੇਤ੍વਾવਸ੍ਸ ਅਤ੍ਥੋ ਦੀਪਿਤੋ। ਏવਮ੍ਪਾਹਂ ਨ વਦਾਮੀਤਿ ਅਹਂ ‘‘ਸਾ વੇਦਨਾ, ਸੋ વੇਦਿਯਤੀ’’ਤਿ ਏવਮ੍ਪਿ ਨ વਦਾਮਿ। ‘‘ਸਯਂਕਤਂ ਸੁਖਦੁਕ੍ਖ’’ਨ੍ਤਿ ਏવਮ੍ਪਿ ਨ વਦਾਮੀਤਿ ਅਤ੍ਥੋ।
18. Aṭṭhame sā vedanātiādi ‘‘sayaṃkataṃ sukhadukkha’’nti laddhiyā nisedhanatthaṃ vuttaṃ. Etthāpi satoti bhummattheyeva sāmivacanaṃ. Tatrāyaṃ atthadīpanā – ‘‘sā vedanā, so vediyatī’’ti kho, timbaruka, ādimhiyeva evaṃ sati ‘‘sayaṃkataṃ sukhadukkha’’nti ayaṃ laddhi hoti. Evañhi sati vedanāya eva vedanā katā hoti. Evañca vadanto imissā vedanāya pubbepi atthitaṃ anujānāti, sassataṃ dīpeti sassataṃ gaṇhāti. Kasmā? Tassa hi taṃ dassanaṃ etaṃ pareti, etaṃ sassataṃ upagacchatīti attho. Purimañhi atthaṃ sandhāyevetaṃ bhagavatā vuttaṃ bhavissati, tasmā aṭṭhakathāyaṃ taṃ yojetvāvassa attho dīpito. Evampāhaṃ na vadāmīti ahaṃ ‘‘sā vedanā, so vediyatī’’ti evampi na vadāmi. ‘‘Sayaṃkataṃ sukhadukkha’’nti evampi na vadāmīti attho.
ਅਞ੍ਞਾ વੇਦਨਾਤਿਆਦਿ ‘‘ਪਰਂਕਤਂ ਸੁਖਦੁਕ੍ਖ’’ਨ੍ਤਿ ਲਦ੍ਧਿਯਾ ਪਟਿਸੇਧਨਤ੍ਥਂ વੁਤ੍ਤਂ। ਇਧਾਪਿ ਅਯਂ ਅਤ੍ਥਯੋਜਨਾ –‘‘ਅਞ੍ਞਾ વੇਦਨਾ ਅਞ੍ਞੋ વੇਦਿਯਤੀ’’ਤਿ ਖੋ, ਤਿਮ੍ਬਰੁਕ, ਆਦਿਮ੍ਹਿਯੇવ ਏવਂ ਸਤਿ ਪਚ੍ਛਾ ਯਾ ਪੁਰਿਮਪਕ੍ਖੇ ਕਾਰਕવੇਦਨਾ, ਸਾ ਉਚ੍ਛਿਨ੍ਨਾ। ਤਾਯ ਪਨ ਕਤਂ ਅਞ੍ਞੋ વੇਦਿਯਤੀਤਿ ਏવਂ ਉਪ੍ਪਨ੍ਨਾਯ ਉਚ੍ਛੇਦਦਿਟ੍ਠਿਯਾ ਸਦ੍ਧਿਂ ਸਮ੍ਪਯੁਤ੍ਤਾਯ વੇਦਨਾਯ ਅਭਿਤੁਨ੍ਨਸ੍ਸ ਸਤੋ ‘‘ਪਰਂਕਤਂ ਸੁਖਦੁਕ੍ਖ’’ਨ੍ਤਿ ਅਯਂ ਲਦ੍ਧਿ ਹੋਤਿ। ਏવਞ੍ਚ વਦਨ੍ਤੋ ਕਾਰਕੋ ਉਚ੍ਛਿਨ੍ਨੋ, ਅਞ੍ਞੇਨ ਪਟਿਸਨ੍ਧਿ ਗਹਿਤਾਤਿ ਉਚ੍ਛੇਦਂ ਦੀਪੇਤਿ, ਉਚ੍ਛੇਦਂ ਗਣ੍ਹਾਤਿ। ਕਸ੍ਮਾ? ਤਸ੍ਸ ਹਿ ਤਂ ਦਸ੍ਸਨਂ ਏਤਂ ਪਰੇਤਿ, ਏਤਂ ਉਚ੍ਛੇਦਂ ਉਪਗਚ੍ਛਤੀਤਿ ਅਤ੍ਥੋ। ਇਧਾਪਿ ਹਿ ਇਮਾਨਿ ਪਦਾਨਿ ਅਟ੍ਠਕਥਾਯਂ ਆਹਰਿਤ੍વਾ ਯੋਜਿਤਾਨੇવ। ਇਮਸ੍ਮਿਂ ਸੁਤ੍ਤੇ વੇਦਨਾਸੁਖਦੁਕ੍ਖਂ ਕਥਿਤਂ। ਤਞ੍ਚ ਖੋ વਿਪਾਕਸੁਖਦੁਕ੍ਖਮੇવ વਟ੍ਟਤੀਤਿ વੁਤ੍ਤਂ। ਅਟ੍ਠਮਂ।
Aññā vedanātiādi ‘‘paraṃkataṃ sukhadukkha’’nti laddhiyā paṭisedhanatthaṃ vuttaṃ. Idhāpi ayaṃ atthayojanā –‘‘aññā vedanā añño vediyatī’’ti kho, timbaruka, ādimhiyeva evaṃ sati pacchā yā purimapakkhe kārakavedanā, sā ucchinnā. Tāya pana kataṃ añño vediyatīti evaṃ uppannāya ucchedadiṭṭhiyā saddhiṃ sampayuttāya vedanāya abhitunnassa sato ‘‘paraṃkataṃ sukhadukkha’’nti ayaṃ laddhi hoti. Evañca vadanto kārako ucchinno, aññena paṭisandhi gahitāti ucchedaṃ dīpeti, ucchedaṃ gaṇhāti. Kasmā? Tassa hi taṃ dassanaṃ etaṃ pareti, etaṃ ucchedaṃ upagacchatīti attho. Idhāpi hi imāni padāni aṭṭhakathāyaṃ āharitvā yojitāneva. Imasmiṃ sutte vedanāsukhadukkhaṃ kathitaṃ. Tañca kho vipākasukhadukkhameva vaṭṭatīti vuttaṃ. Aṭṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਤਿਮ੍ਬਰੁਕਸੁਤ੍ਤਂ • 8. Timbarukasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਤਿਮ੍ਬਰੁਕਸੁਤ੍ਤવਣ੍ਣਨਾ • 8. Timbarukasuttavaṇṇanā
