| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੮. ਤਿਮ੍ਬਰੁਕਸੁਤ੍ਤવਣ੍ਣਨਾ
8. Timbarukasuttavaṇṇanā
੧੮. ਯਸ੍ਮਾ ਤਿਮ੍ਬਰੁਕੋ ‘‘વੇਦਨਾ ਅਤ੍ਤਾ। ਅਤ੍ਤਾવ વੇਦਯਤੀ’’ਤਿ ਏવਂਲਦ੍ਧਿਕੋ, ਤਸ੍ਮਾ ਤਾਯ ਲਦ੍ਧਿਯਾ ‘‘ਸਯਂਕਤਂ ਸੁਖਦੁਕ੍ਖ’’ਨ੍ਤਿ વਦਤਿ, ਤਂ ਪਟਿਸਂਹਰਿਤੁਂ ਭਗવਾ ‘‘ਸਾ વੇਦਨਾ’’ਤਿਆਦਿਂ ਅવੋਚ। ਤੇਨਾਹ ‘‘ਸਾ વੇਦਨਾਤਿਆਦਿ ਸਯਂਕਤਂ ਸੁਖਦੁਕ੍ਖਨ੍ਤਿ ਲਦ੍ਧਿਯਾ ਨਿਸੇਧਨਤ੍ਥਂ વੁਤ੍ਤ’’ਨ੍ਤਿ। ਏਤ੍ਥਾਪੀਤਿ ਇਮਸ੍ਮਿਮ੍ਪਿ ਸੁਤ੍ਤੇ। ਤਤ੍ਰਾਤਿ ਯਂ વੁਤ੍ਤਂ ‘‘ਸਾ વੇਦਨਾ…ਪੇ॰… ਸੁਖਦੁਕ੍ਖ’’ਨ੍ਤਿ, ਤਸ੍ਮਿਂ ਪਾਠੇ। ਆਦਿਮ੍ਹਿਯੇવਾਤਿ ਏਤ੍ਥ ਭੁਮ੍ਮવਚਨੇਨ ‘‘ਆਦਿਤੋ’’ਤਿ ਤੋ-ਸਦ੍ਦੋ ਨ ਨਿਸ੍ਸਕ੍ਕવਚਨੇ। ਏવ-ਕਾਰੇਨ ਖੋ-ਸਦ੍ਦੋ ਅવਧਾਰਣੇਤਿ ਦਸ੍ਸੇਤਿ। ਯਂ ਪਨੇਤ੍ਥ વਤ੍ਤਬ੍ਬਂ, ਤਂ ਅਨਨ੍ਤਰਸੁਤ੍ਤੇ વੁਤ੍ਤਮੇવ। ਤਤ੍ਥ ਪਨ ‘‘વੇਦਨਾਤੋ ਅਞ੍ਞੋ ਅਤ੍ਤਾ, વੇਦਨਾਯ ਕਾਰਕੋ’’ਤਿ ਲਦ੍ਧਿਕਸ੍ਸ ਦਿਟ੍ਠਿਗਤਿਕਸ੍ਸ વਾਦੋ ਪਟਿਕ੍ਖਿਤ੍ਤੋ, ਇਧ ‘‘વੇਦਨਾ ਅਤ੍ਤਾ’’ਤਿ ਏવਂਲਦ੍ਧਿਕਸ੍ਸਾਤਿ ਅਯਮੇવ વਿਸੇਸੋ। ਤੇਨਾਹ ‘‘ਏવਞ੍ਹਿ ਸਤਿ વੇਦਨਾਯ ਏવ વੇਦਨਾ ਕਤਾ ਹੋਤੀ’’ਤਿਆਦਿ। ਇਮਿਸ੍ਸਾਤਿ ਯਾਯ વੇਦਨਾਯ ਸੁਖਦੁਕ੍ਖਂ ਕਤਂ, ਇਮਿਸ੍ਸਾ। ਪੁਬ੍ਬੇਪੀਤਿ ਸਸ੍ਸਤਾਕਾਰਤੋ ਪੁਬ੍ਬੇਪਿ। ਪੁਰਿਮਞ੍ਹਿ ਅਤ੍ਥਨ੍ਤਿ ਅਨਨ੍ਤਰਸੁਤ੍ਤੇ વੁਤ੍ਤਂ ਅਤ੍ਥਂ। ਅਟ੍ਠਕਥਾਯਨ੍ਤਿ ਪੋਰਾਣਟ੍ਠਕਥਾਯਂ। ਤਨ੍ਤਿ ਪੁਰਿਮਸੁਤ੍ਤੇ વੁਤ੍ਤਮਤ੍ਥਂ। ਅਸ੍ਸਾਤਿ ਇਮਸ੍ਸ ਸੁਤ੍ਤਸ੍ਸ। ਯਸ੍ਮਾ ਤਿਮ੍ਬਰੁਕੋ ‘‘વੇਦਨਾવ ਅਤ੍ਤਾ’’ਤਿ ਗਣ੍ਹਾਤਿ, ਤਸ੍ਮਾ વੁਤ੍ਤਂ ‘‘ਅਹਂ ਸਾ વੇਦਨਾ…ਪੇ॰… ਨ વਦਾਮੀ’’ਤਿ।
18. Yasmā timbaruko ‘‘vedanā attā. Attāva vedayatī’’ti evaṃladdhiko, tasmā tāya laddhiyā ‘‘sayaṃkataṃ sukhadukkha’’nti vadati, taṃ paṭisaṃharituṃ bhagavā ‘‘sā vedanā’’tiādiṃ avoca. Tenāha ‘‘sā vedanātiādi sayaṃkataṃ sukhadukkhanti laddhiyā nisedhanatthaṃ vutta’’nti. Etthāpīti imasmimpi sutte. Tatrāti yaṃ vuttaṃ ‘‘sā vedanā…pe… sukhadukkha’’nti, tasmiṃ pāṭhe. Ādimhiyevāti ettha bhummavacanena ‘‘ādito’’ti to-saddo na nissakkavacane. Eva-kārena kho-saddo avadhāraṇeti dasseti. Yaṃ panettha vattabbaṃ, taṃ anantarasutte vuttameva. Tattha pana ‘‘vedanāto añño attā, vedanāya kārako’’ti laddhikassa diṭṭhigatikassa vādo paṭikkhitto, idha ‘‘vedanā attā’’ti evaṃladdhikassāti ayameva viseso. Tenāha ‘‘evañhi sati vedanāya eva vedanā katā hotī’’tiādi. Imissāti yāya vedanāya sukhadukkhaṃ kataṃ, imissā. Pubbepīti sassatākārato pubbepi. Purimañhi atthanti anantarasutte vuttaṃ atthaṃ. Aṭṭhakathāyanti porāṇaṭṭhakathāyaṃ. Tanti purimasutte vuttamatthaṃ. Assāti imassa suttassa. Yasmā timbaruko ‘‘vedanāva attā’’ti gaṇhāti, tasmā vuttaṃ ‘‘ahaṃ sā vedanā…pe… na vadāmī’’ti.
ਅਞ੍ਞਾ વੇਦਨਾਤਿਆਦੀਸੁਪਿ ਯਂ વਤ੍ਤਬ੍ਬਂ, ਤਂ ਅਨਨ੍ਤਰਸੁਤ੍ਤੇ વੁਤ੍ਤਨਯਮੇવ। ਕਾਰਕવੇਦਨਾਤਿ ਕਤ੍ਤੁਭੂਤવੇਦਨਾ। વੇਦਨਾਸੁਖਦੁਕ੍ਖਨ੍ਤਿ વੇਦਨਾਭੂਤਸੁਖਦੁਕ੍ਖਂ ਕਥਿਤਂ, ਨ વਟ੍ਟਸੁਖਦੁਕ੍ਖਂ। ‘‘વਿਪਾਕਸੁਖਦੁਕ੍ਖਮੇવ વਟ੍ਟਤੀ’’ਤਿ વੁਤ੍ਤਂ ‘‘ਸਯਂਕਤਂ ਸੁਖਂ ਦੁਕ੍ਖ’’ਨ੍ਤਿਆਦਿવਚਨਤੋ।
Aññā vedanātiādīsupi yaṃ vattabbaṃ, taṃ anantarasutte vuttanayameva. Kārakavedanāti kattubhūtavedanā. Vedanāsukhadukkhanti vedanābhūtasukhadukkhaṃ kathitaṃ, na vaṭṭasukhadukkhaṃ. ‘‘Vipākasukhadukkhameva vaṭṭatī’’ti vuttaṃ ‘‘sayaṃkataṃ sukhaṃ dukkha’’ntiādivacanato.
ਤਿਮ੍ਬਰੁਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Timbarukasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਤਿਮ੍ਬਰੁਕਸੁਤ੍ਤਂ • 8. Timbarukasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਤਿਮ੍ਬਰੁਕਸੁਤ੍ਤવਣ੍ਣਨਾ • 8. Timbarukasuttavaṇṇanā
