| Library / Tipiṭaka / तिपिटक • Tipiṭaka / अपदानपाळि • Apadānapāḷi |
९. तिमिरपुप्फियत्थेरअपदानं
9. Timirapupphiyattheraapadānaṃ
३१.
31.
‘‘चन्दभागानदीतीरे, अनुसोतं वजामहं।
‘‘Candabhāgānadītīre, anusotaṃ vajāmahaṃ;
अद्दसं विरजं बुद्धं, सालराजंव फुल्लितं॥
Addasaṃ virajaṃ buddhaṃ, sālarājaṃva phullitaṃ.
३२.
32.
‘‘पसन्नचित्तो सुमनो, पच्चेकमुनिमुत्तमं।
‘‘Pasannacitto sumano, paccekamunimuttamaṃ;
गहेत्वा तिमिरं पुप्फं, मत्थके ओकिरिं अहं॥
Gahetvā timiraṃ pupphaṃ, matthake okiriṃ ahaṃ.
३३.
33.
‘‘एकनवुतितो कप्पे, यं पुप्फमभिपूजयिं।
‘‘Ekanavutito kappe, yaṃ pupphamabhipūjayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
३४.
34.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा तिमिरपुप्फियो थेरो इमा गाथायो अभासित्थाति।
Itthaṃ sudaṃ āyasmā timirapupphiyo thero imā gāthāyo abhāsitthāti.
तिमिरपुप्फियत्थेरस्सापदानं नवमं।
Timirapupphiyattherassāpadānaṃ navamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. तमालपुप्फियत्थेरअपदानादिवण्णना • 1-10. Tamālapupphiyattheraapadānādivaṇṇanā
