| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. д̇имираваг̇г̇о
9. Timiravaggo
1. д̇имирабубпияад̇т̇зраабад̣̇аанаван̣н̣анаа
1. Timirapupphiyattheraapadānavaṇṇanā
жанд̣̇абхааг̇аанад̣̇ийд̇ийрзд̇иаад̣̇игам̣ ааяасмад̇о д̇имирабубпияад̇т̇зрасса абад̣̇аанам̣. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз згасмим̣ гулаг̇зхз ниб̣б̣ад̇д̇о вуд̣̇д̇хиббад̇д̇о гхарааваасам̣ сан̣табзд̇ваа васанд̇о гаамзсу аад̣̇ийнавам̣ д̣̇исваа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа жанд̣̇абхааг̇ааяа над̣̇ияаа самийбз васад̇и, вивзгагаамад̇ааяа химаванд̇ам̣ г̇анд̇ваа нисиннам̣ сид̣̇д̇хад̇т̇ам̣ бхаг̇аванд̇ам̣ д̣̇исваа ванд̣̇ид̇ваа д̇асса г̇ун̣ам̣ басийд̣̇ид̇ваа д̇имирабубпам̣ г̇ахзд̇ваа бууж̇зси. со д̇зна бун̃н̃зна д̣̇звзсу жа мануссзсу жа самбад̇д̇иманубхаванд̇о сам̣сарид̇ваа имасмим̣ б̣уд̣̇д̇хуббаад̣̇з згасмим̣ гулаг̇зхз ниб̣б̣ад̇д̇о вуд̣̇д̇химанвааяа сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Candabhāgānadītīretiādikaṃ āyasmato timirapupphiyattherassa apadānaṃ. Kā uppatti? Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle ekasmiṃ kulagehe nibbatto vuddhippatto gharāvāsaṃ saṇṭhapetvā vasanto kāmesu ādīnavaṃ disvā gharāvāsaṃ pahāya tāpasapabbajjaṃ pabbajitvā candabhāgāya nadiyā samīpe vasati, vivekakāmatāya himavantaṃ gantvā nisinnaṃ siddhatthaṃ bhagavantaṃ disvā vanditvā tassa guṇaṃ pasīditvā timirapupphaṃ gahetvā pūjesi. So tena puññena devesu ca manussesu ca sampattimanubhavanto saṃsaritvā imasmiṃ buddhuppāde ekasmiṃ kulagehe nibbatto vuddhimanvāya satthari pasīditvā pabbajito nacirasseva arahā ahosi.
1. со абарабхааг̇з буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о жанд̣̇абхааг̇аанад̣̇ийд̇ийрзд̇иаад̣̇имааха. д̇ассад̇т̇о хздтаа вуд̇д̇ова. анубход̇ам̣ важ̇аамаханд̇и г̇ан̇г̇ааяа аасаннз васанабхаавзна саб̣б̣ад̇т̇а раммабхаавзна г̇ан̇г̇аад̇о хздтаа сод̇аанусаарзна ахам̣ важ̇аами г̇ажчаами д̇ад̇т̇а д̇ад̇т̇а васаамийд̇и ад̇т̇о. нисиннам̣ саман̣ам̣ д̣̇исваад̇и самид̇абаабад̇д̇аа сосид̇абаабад̇д̇аа саман̣асан̇каад̇ам̣ саммаасамб̣уд̣̇д̇хам̣ д̣̇исваад̇и ад̇т̇о.
1. So aparabhāge pubbakammaṃ saritvā somanassajāto pubbacaritāpadānaṃ pakāsento candabhāgānadītīretiādimāha. Tassattho heṭṭhā vuttova. Anubhotaṃ vajāmahanti gaṅgāya āsanne vasanabhāvena sabbattha rammabhāvena gaṅgāto heṭṭhā sotānusārena ahaṃ vajāmi gacchāmi tattha tattha vasāmīti attho. Nisinnaṃ samaṇaṃ disvāti samitapāpattā sositapāpattā samaṇasaṅkhātaṃ sammāsambuddhaṃ disvāti attho.
2. звам̣ жинд̇зсахам̣ д̇ад̣̇аад̇и аяам̣ бхаг̇аваа саяам̣ д̇ин̣н̣о саб̣б̣асад̇д̇з д̇аараяиссад̇и сам̣саарад̇о уд̇д̇аарзд̇и саяам̣ гааяад̣̇ваараад̣̇ийхи д̣̇амид̇о аяам̣ бхаг̇аваа барз д̣̇амзд̇и.
2.Evaṃ cintesahaṃ tadāti ayaṃ bhagavā sayaṃ tiṇṇo sabbasatte tārayissati saṃsārato uttāreti sayaṃ kāyadvārādīhi damito ayaṃ bhagavā pare dameti.
3. саяам̣ ассад̇т̇о ассаасамбад̇д̇о, гилзсабарил̣аахад̇о муд̇д̇о саб̣б̣асад̇д̇з ассаасзд̇и, санд̇абхаавам̣ аабаабзд̇и. саяам̣ санд̇о санд̇агааяажид̇д̇о барзсам̣ санд̇агааяажид̇д̇ам̣ баабзд̇и. саяам̣ муд̇д̇о сам̣саарад̇о мужжид̇о барз сам̣саарад̇о можаяиссад̇и. со аяам̣ бхаг̇аваа саяам̣ ниб̣б̣уд̇о гилзсаг̇г̇ийхи ниб̣б̣уд̇о барзсамби гилзсаг̇г̇ийхи ниб̣б̣аабзссад̇ийд̇и ахам̣ д̇ад̣̇аа звам̣ жинд̇зсинд̇и ад̇т̇о.
3. Sayaṃ assattho assāsampatto, kilesapariḷāhato mutto sabbasatte assāseti, santabhāvaṃ āpāpeti. Sayaṃ santo santakāyacitto paresaṃ santakāyacittaṃ pāpeti. Sayaṃ mutto saṃsārato muccito pare saṃsārato mocayissati. So ayaṃ bhagavā sayaṃ nibbuto kilesaggīhi nibbuto paresampi kilesaggīhi nibbāpessatīti ahaṃ tadā evaṃ cintesinti attho.
4. г̇ахзд̇ваа д̇имирабубпанд̇и сагалам̣ вананд̇ам̣ нийлагаал̣арам̣сийхи анд̇хагаарам̣ вияа гурумаанам̣ кааяад̇ийд̇и д̇имирам̣ бубпам̣ д̇ам̣ г̇ахзд̇ваа ган̣н̣игааван̣дам̣ г̇ахзд̇ваа мад̇т̇агз сийсасса убари аагаасз огирим̣ бууж̇зсинд̇и ад̇т̇о. сзсам̣ уд̇д̇аанад̇т̇амзваад̇и.
4.Gahetvā timirapupphanti sakalaṃ vanantaṃ nīlakāḷaraṃsīhi andhakāraṃ viya kurumānaṃ khāyatīti timiraṃ pupphaṃ taṃ gahetvā kaṇṇikāvaṇṭaṃ gahetvā matthake sīsassa upari ākāse okiriṃ pūjesinti attho. Sesaṃ uttānatthamevāti.
д̇имирабубпияад̇т̇зраабад̣̇аанаван̣н̣анаа самад̇д̇аа.
Timirapupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. д̇имирабубпияад̇т̇зраабад̣̇аанам̣ • 1. Timirapupphiyattheraapadānaṃ
