| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๓. ติํสมตฺตสุตฺตวณฺณนา
3. Tiṃsamattasuttavaṇṇanā
๑๓๖. ตติเย ปาเวยฺยกาติ ปาเวยฺยเทสวาสิโนฯ สเพฺพ อารญฺญิกาติอาทีสุ ธุตงฺคสมาทานวเสน เตสํ อารญฺญิกาทิภาโว เวทิตโพฺพฯ สเพฺพ สสํโยชนาติ สเพฺพ สพนฺธนา, เกจิ โสตาปนฺนา, เกจิ สกทาคามิโน, เกจิ อนาคามิโนฯ เตสุ หิ ปุถุชฺชโน วา ขีณาสโว วา นตฺถิฯ คุนฺนนฺติอาทีสุ เสตกาฬาทิวเณฺณสุ เอเกกวณฺณกาโลว คเหตโพฺพฯ ปาริปนฺถกาติ ปริปเนฺถ ติฎฺฐนกา ปนฺถฆาตโจราฯ ปารทาริกาติ ปรทารจาริตฺตํ อาปชฺชนกาฯ ตติยํฯ
136. Tatiye pāveyyakāti pāveyyadesavāsino. Sabbe āraññikātiādīsu dhutaṅgasamādānavasena tesaṃ āraññikādibhāvo veditabbo. Sabbe sasaṃyojanāti sabbe sabandhanā, keci sotāpannā, keci sakadāgāmino, keci anāgāmino. Tesu hi puthujjano vā khīṇāsavo vā natthi. Gunnantiādīsu setakāḷādivaṇṇesu ekekavaṇṇakālova gahetabbo. Pāripanthakāti paripanthe tiṭṭhanakā panthaghātacorā. Pāradārikāti paradāracārittaṃ āpajjanakā. Tatiyaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. ติํสมตฺตสุตฺตํ • 3. Tiṃsamattasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๓. ติํสมตฺตสุตฺตวณฺณนา • 3. Tiṃsamattasuttavaṇṇanā
