| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៣. តិំសមត្តសុត្តវណ្ណនា
3. Tiṃsamattasuttavaṇṇanā
១៣៦. តតិយេ បាវេយ្យកាតិ បាវេយ្យទេសវាសិនោ។ សព្ពេ អារញ្ញិកាតិអាទីសុ ធុតង្គសមាទានវសេន តេសំ អារញ្ញិកាទិភាវោ វេទិតព្ពោ។ សព្ពេ សសំយោជនាតិ សព្ពេ សពន្ធនា, កេចិ សោតាបន្នា, កេចិ សកទាគាមិនោ, កេចិ អនាគាមិនោ។ តេសុ ហិ បុថុជ្ជនោ វា ខីណាសវោ វា នត្ថិ។ គុន្នន្តិអាទីសុ សេតកាឡាទិវណ្ណេសុ ឯកេកវណ្ណកាលោវ គហេតព្ពោ។ បារិបន្ថកាតិ បរិបន្ថេ តិដ្ឋនកា បន្ថឃាតចោរា។ បារទារិកាតិ បរទារចារិត្តំ អាបជ្ជនកា។ តតិយំ។
136. Tatiye pāveyyakāti pāveyyadesavāsino. Sabbe āraññikātiādīsu dhutaṅgasamādānavasena tesaṃ āraññikādibhāvo veditabbo. Sabbe sasaṃyojanāti sabbe sabandhanā, keci sotāpannā, keci sakadāgāmino, keci anāgāmino. Tesu hi puthujjano vā khīṇāsavo vā natthi. Gunnantiādīsu setakāḷādivaṇṇesu ekekavaṇṇakālova gahetabbo. Pāripanthakāti paripanthe tiṭṭhanakā panthaghātacorā. Pāradārikāti paradāracārittaṃ āpajjanakā. Tatiyaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. តិំសមត្តសុត្តំ • 3. Tiṃsamattasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៣. តិំសមត្តសុត្តវណ្ណនា • 3. Tiṃsamattasuttavaṇṇanā
