| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၃. တိံသမတ္တသုတ္တဝဏ္ဏနာ
3. Tiṃsamattasuttavaṇṇanā
၁၃၆. တတိယေ ပာဝေယ္ယကာတိ ပာဝေယ္ယဒေသဝာသိနော။ သဗ္ဗေ အာရညိကာတိအာဒီသု ဓုတင္ဂသမာဒာနဝသေန တေသံ အာရညိကာဒိဘာဝော ဝေဒိတဗ္ဗော။ သဗ္ဗေ သသံယောဇနာတိ သဗ္ဗေ သဗန္ဓနာ, ကေစိ သောတာပန္နာ, ကေစိ သကဒာဂာမိနော, ကေစိ အနာဂာမိနော။ တေသု ဟိ ပုထုဇ္ဇနော ဝာ ခီဏာသဝော ဝာ နတ္ထိ။ ဂုန္နန္တိအာဒီသု သေတကာဠာဒိဝဏ္ဏေသု ဧကေကဝဏ္ဏကာလောဝ ဂဟေတဗ္ဗော။ ပာရိပန္ထကာတိ ပရိပန္ထေ တိဋ္ဌနကာ ပန္ထဃာတစောရာ။ ပာရဒာရိကာတိ ပရဒာရစာရိတ္တံ အာပဇ္ဇနကာ။ တတိယံ။
136. Tatiye pāveyyakāti pāveyyadesavāsino. Sabbe āraññikātiādīsu dhutaṅgasamādānavasena tesaṃ āraññikādibhāvo veditabbo. Sabbe sasaṃyojanāti sabbe sabandhanā, keci sotāpannā, keci sakadāgāmino, keci anāgāmino. Tesu hi puthujjano vā khīṇāsavo vā natthi. Gunnantiādīsu setakāḷādivaṇṇesu ekekavaṇṇakālova gahetabbo. Pāripanthakāti paripanthe tiṭṭhanakā panthaghātacorā. Pāradārikāti paradāracārittaṃ āpajjanakā. Tatiyaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. တိံသမတ္တသုတ္တံ • 3. Tiṃsamattasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃. တိံသမတ္တသုတ္တဝဏ္ဏနာ • 3. Tiṃsamattasuttavaṇṇanā
