| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
11. д̇им̣самад̇д̇аат̇зрийг̇аат̇ааван̣н̣анаа
11. Tiṃsamattātherīgāthāvaṇṇanā
мусалаани г̇ахзд̇ваанаад̇иаад̣̇игаа д̇им̣самад̇д̇аанам̣ т̇зрийнам̣ г̇аат̇аа. д̇ааби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇ияо ануггамзна убажид̇авимогкасамбхаараа имасмим̣ б̣уд̣̇д̇хуббаад̣̇з сагагаммасан̃жод̣̇ид̇аа д̇ад̇т̇а д̇ад̇т̇а гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇ваа бадаажаарааяа т̇зрияаа санд̇игз д̇хаммам̣ суд̇ваа бадилад̣̇д̇хасад̣̇д̇хаа баб̣б̣аж̇ид̇ваа барисуд̣̇д̇хасийлаа вад̇д̇абадивад̇д̇ам̣ барибуурзнд̇ияо вихаранд̇и. ат̇згад̣̇ивасам̣ бадаажаараат̇зрий д̇аасам̣ оваад̣̇ам̣ д̣̇знд̇ий –
Musalānigahetvānātiādikā tiṃsamattānaṃ therīnaṃ gāthā. Tāpi purimabuddhesu katādhikārā tattha tattha bhave vivaṭṭūpanissayaṃ kusalaṃ upacinantiyo anukkamena upacitavimokkhasambhārā imasmiṃ buddhuppāde sakakammasañcoditā tattha tattha kulagehe nibbattitvā viññutaṃ patvā paṭācārāya theriyā santike dhammaṃ sutvā paṭiladdhasaddhā pabbajitvā parisuddhasīlā vattapaṭivattaṃ paripūrentiyo viharanti. Athekadivasaṃ paṭācārātherī tāsaṃ ovādaṃ dentī –
117.
117.
‘‘мусалаани г̇ахзд̇ваана, д̇хан̃н̃ам̣ годдзнд̇и маан̣аваа;
‘‘Musalāni gahetvāna, dhaññaṃ koṭṭenti māṇavā;
буд̇д̇ад̣̇аараани босзнд̇аа, д̇ханам̣ винд̣̇анд̇и маан̣аваа.
Puttadārāni posentā, dhanaṃ vindanti māṇavā.
118.
118.
‘‘гарот̇а б̣уд̣̇д̇хасаасанам̣, яам̣ гад̇ваа наануд̇аббад̇и;
‘‘Karotha buddhasāsanaṃ, yaṃ katvā nānutappati;
киббам̣ баад̣̇аани д̇ховид̇ваа, згаманд̇з нисийд̣̇ат̇а;
Khippaṃ pādāni dhovitvā, ekamante nisīdatha;
жзд̇осамат̇амануяуд̇д̇аа, гарот̇а б̣уд̣̇д̇хасаасана’’нд̇и. – имаа д̣̇вз г̇аат̇аа абхааси;
Cetosamathamanuyuttā, karotha buddhasāsana’’nti. – imā dve gāthā abhāsi;
д̇ад̇т̇ааяам̣ сан̇кзбад̇т̇о – имз сад̇д̇аа ж̇ийвид̇ахзд̇у мусалаани г̇ахзд̇ваа барзсам̣ д̇хан̃н̃ам̣ годдзнд̇и, уд̣̇угкалагаммам̣ гаронд̇и. ан̃н̃амби зд̣̇исам̣ нихийнагаммам̣ гад̇ваа буд̇д̇ад̣̇аарам̣ босзнд̇аа яат̇аарахам̣ д̇ханамби сам̣харанд̇и. д̇ам̣ бана нзсам̣ гаммам̣ нихийнам̣ г̇аммам̣ бот̇уж̇ж̇анигам̣ д̣̇угкам̣ анад̇т̇асан̃хид̇ан̃жа. д̇асмаа зд̣̇исам̣ сам̣гилзсигабабан̃жам̣ важ̇ж̇зд̇ваа гарот̇а б̣уд̣̇д̇хасаасанам̣ сигкад̇д̇аяасан̇каад̇ам̣ саммаасамб̣уд̣̇д̇хасаасанам̣ гарот̇а самбаад̣̇зт̇а ад̇д̇ано санд̇аанз ниб̣б̣ад̇д̇зт̇а. д̇ад̇т̇а гааран̣амааха – ‘‘яам̣ гад̇ваа наануд̇аббад̇ий’’д̇и, яасса гаран̣ахзд̇у зд̇арахи ааяад̇ин̃жа ануд̇аабам̣ наабаж̇ж̇ад̇и. ид̣̇аани д̇асса гаран̣з буб̣б̣агижжам̣ ануяог̇авид̇хин̃жа д̣̇ассзд̇ум̣, ‘‘киббам̣ баад̣̇аани д̇ховид̇ваа’’д̇иаад̣̇и вуд̇д̇ам̣. д̇ад̇т̇а яасмаа ад̇ховид̇абаад̣̇асса авигкаалид̇амукасса жа нисаж̇ж̇асукам̣ уд̇усаббааяалаабхо жа на ход̇и, баад̣̇з бана д̇ховид̇ваа мукан̃жа вигкаалзд̇ваа згаманд̇з нисиннасса д̇ад̣̇убхаяам̣ лабхад̇и, д̇асмаа киббам̣ имам̣ яат̇аалад̣̇д̇хам̣ кан̣ам̣ авираад̇хзнд̇ияо баад̣̇аани ад̇д̇ано баад̣̇з д̇ховид̇ваа згаманд̇з вивид̇д̇з огаасз нисийд̣̇ат̇а нисаж̇ж̇ат̇а. адтад̇им̣сааяа аарамман̣зсу яад̇т̇а гад̇т̇ажи жид̇д̇аружигз аарамман̣з ад̇д̇ано жид̇д̇ам̣ убаниб̣анд̇хид̇ваа жзд̇осамат̇амануяуд̇д̇аа самаахид̇зна жид̇д̇зна жад̇усажжагаммадтаанабхааванаавасзна б̣уд̣̇д̇хасса бхаг̇авад̇о саасанам̣ оваад̣̇ам̣ анусидтим̣ гарот̇а самбаад̣̇зт̇аад̇и.
Tatthāyaṃ saṅkhepattho – ime sattā jīvitahetu musalāni gahetvā paresaṃ dhaññaṃ koṭṭenti, udukkhalakammaṃ karonti. Aññampi edisaṃ nihīnakammaṃ katvā puttadāraṃ posentā yathārahaṃ dhanampi saṃharanti. Taṃ pana nesaṃ kammaṃ nihīnaṃ gammaṃ pothujjanikaṃ dukkhaṃ anatthasañhitañca. Tasmā edisaṃ saṃkilesikapapañcaṃ vajjetvā karotha buddhasāsanaṃ sikkhattayasaṅkhātaṃ sammāsambuddhasāsanaṃ karotha sampādetha attano santāne nibbattetha. Tattha kāraṇamāha – ‘‘yaṃ katvā nānutappatī’’ti, yassa karaṇahetu etarahi āyatiñca anutāpaṃ nāpajjati. Idāni tassa karaṇe pubbakiccaṃ anuyogavidhiñca dassetuṃ, ‘‘khippaṃ pādāni dhovitvā’’tiādi vuttaṃ. Tattha yasmā adhovitapādassa avikkhālitamukhassa ca nisajjasukhaṃ utusappāyalābho ca na hoti, pāde pana dhovitvā mukhañca vikkhāletvā ekamante nisinnassa tadubhayaṃ labhati, tasmā khippaṃ imaṃ yathāladdhaṃ khaṇaṃ avirādhentiyo pādāni attano pāde dhovitvā ekamante vivitte okāse nisīdatha nisajjatha. Aṭṭhatiṃsāya ārammaṇesu yattha katthaci cittarucike ārammaṇe attano cittaṃ upanibandhitvā cetosamathamanuyuttā samāhitena cittena catusaccakammaṭṭhānabhāvanāvasena buddhassa bhagavato sāsanaṃ ovādaṃ anusiṭṭhiṃ karotha sampādethāti.
ат̇а д̇аа бхигкунияо д̇ассаа т̇зрияаа оваад̣̇з тад̇ваа вибассанам̣ бадтабзд̇ваа бхааванааяа гаммам̣ гаронд̇ияо н̃аан̣асса барибаагам̣ г̇ад̇ад̇д̇аа хзд̇усамбаннад̇ааяа жа саха бадисамбхид̣̇аахи арахад̇д̇ам̣ бад̇ваа ад̇д̇ано бадибад̇д̇им̣ бажжавзгкид̇ваа оваад̣̇аг̇аат̇аахи сад̣̇д̇хим̣ –
Atha tā bhikkhuniyo tassā theriyā ovāde ṭhatvā vipassanaṃ paṭṭhapetvā bhāvanāya kammaṃ karontiyo ñāṇassa paripākaṃ gatattā hetusampannatāya ca saha paṭisambhidāhi arahattaṃ patvā attano paṭipattiṃ paccavekkhitvā ovādagāthāhi saddhiṃ –
119.
119.
‘‘д̇ассаа д̇аа важанам̣ суд̇ваа, бадаажаарааяа саасанам̣;
‘‘Tassā tā vacanaṃ sutvā, paṭācārāya sāsanaṃ;
баад̣̇з багкаалаяид̇ваана, згаманд̇ам̣ убаависум̣;
Pāde pakkhālayitvāna, ekamantaṃ upāvisuṃ;
жзд̇осамат̇амануяуд̇д̇аа, агам̣су б̣уд̣̇д̇хасаасанам̣.
Cetosamathamanuyuttā, akaṃsu buddhasāsanaṃ.
120.
120.
‘‘рад̇д̇ияаа буримз яаамз, буб̣б̣аж̇аад̇имануссарум̣;
‘‘Rattiyā purime yāme, pubbajātimanussaruṃ;
рад̇д̇ияаа маж̇жхимз яаамз, д̣̇иб̣б̣ажагкум̣ висод̇хаяум̣;
Rattiyā majjhime yāme, dibbacakkhuṃ visodhayuṃ;
рад̇д̇ияаа бажчимз яаамз, д̇амоканд̇хам̣ бад̣̇аалаяум̣.
Rattiyā pacchime yāme, tamokhandhaṃ padālayuṃ.
121.
121.
‘‘удтааяа баад̣̇з ванд̣̇им̣су, гад̇аа д̇з анусаасаний;
‘‘Uṭṭhāya pāde vandiṃsu, katā te anusāsanī;
инд̣̇ам̣ва д̣̇зваа д̇ид̣̇асаа, сан̇г̇аамз абарааж̇ид̇ам̣;
Indaṃva devā tidasā, saṅgāme aparājitaṃ;
бурагкад̇ваа вихассаама, д̇звиж̇ж̇аамха анаасаваа’’д̇и. –
Purakkhatvā vihassāma, tevijjāmha anāsavā’’ti. –
имаа г̇аат̇аа абхаасим̣су.
Imā gāthā abhāsiṃsu.
д̇ад̇т̇а д̇ассаа д̇аа важанам̣ суд̇ваа, бадаажаарааяа саасананд̇и д̇ассаа бадаажаарааяа т̇зрияаа гилзсабадисад̇д̇усаасанадтзна саасанабхууд̇ам̣ оваад̣̇аважанам̣, д̇аа д̇им̣самад̇д̇аа бхигкунияо суд̇ваа бадиссуд̇ваа сирасаа самбадижчид̇ваа.
Tattha tassā tā vacanaṃ sutvā, paṭācārāya sāsananti tassā paṭācārāya theriyā kilesapaṭisattusāsanaṭṭhena sāsanabhūtaṃ ovādavacanaṃ, tā tiṃsamattā bhikkhuniyo sutvā paṭissutvā sirasā sampaṭicchitvā.
удтааяа баад̣̇з ванд̣̇им̣су, гад̇аа д̇з анусаасанийд̇и яат̇аасамбадижчид̇ам̣ д̇ассаа саасанам̣ адтим̣ гад̇ваа манаси гад̇ваа яат̇аапаасугадтаанз нисийд̣̇ид̇ваа бхаавзнд̇ияо бхааванам̣ мад̇т̇агам̣ баабзд̇ваа ад̇д̇анаа ад̇хиг̇ад̇ависзсам̣ аарожзд̇ум̣ нисиннаасанад̇о удтааяа д̇ассаа санд̇игам̣ г̇анд̇ваа ‘‘махаат̇зри д̇аваанусаасаний яат̇аанусидтам̣ амхзхи гад̇аа’’д̇и вад̇ваа д̇ассаа баад̣̇з бан̃жабад̇идтид̇зна ванд̣̇им̣су. инд̣̇ам̣ва д̣̇зваа д̇ид̣̇асаа, сан̇г̇аамз абарааж̇ид̇анд̇и д̣̇зваасурасан̇г̇аамз абарааж̇ид̇ам̣ виж̇ид̇аавим̣ инд̣̇ам̣ д̇аавад̇им̣саа д̣̇зваа вияа махаат̇зри, маяам̣ д̇ам̣ бурагкад̇ваа вихариссаама ан̃н̃асса гад̇д̇аб̣б̣асса абхаавад̇о. д̇асмаа ‘‘д̇звиж̇ж̇аамха анаасаваа’’д̇и ад̇д̇ано гад̇ан̃н̃убхаавам̣ бавзд̣̇знд̇ий ид̣̇амзва д̇аасам̣ ан̃н̃ааб̣яаагаран̣ам̣ ахоси. яам̣ банзд̇т̇а ад̇т̇ад̇о авибхад̇д̇ам̣, д̇ам̣ хздтаа вуд̇д̇анаяамзва.
Uṭṭhāyapāde vandiṃsu, katā te anusāsanīti yathāsampaṭicchitaṃ tassā sāsanaṃ aṭṭhiṃ katvā manasi katvā yathāphāsukaṭṭhāne nisīditvā bhāventiyo bhāvanaṃ matthakaṃ pāpetvā attanā adhigatavisesaṃ ārocetuṃ nisinnāsanato uṭṭhāya tassā santikaṃ gantvā ‘‘mahātheri tavānusāsanī yathānusiṭṭhaṃ amhehi katā’’ti vatvā tassā pāde pañcapatiṭṭhitena vandiṃsu. Indaṃva devā tidasā, saṅgāme aparājitanti devāsurasaṅgāme aparājitaṃ vijitāviṃ indaṃ tāvatiṃsā devā viya mahātheri, mayaṃ taṃ purakkhatvā viharissāma aññassa kattabbassa abhāvato. Tasmā ‘‘tevijjāmha anāsavā’’ti attano kataññubhāvaṃ pavedentī idameva tāsaṃ aññābyākaraṇaṃ ahosi. Yaṃ panettha atthato avibhattaṃ, taṃ heṭṭhā vuttanayameva.
д̇им̣самад̇д̇аат̇зрийг̇аат̇ааван̣н̣анаа нидтид̇аа.
Tiṃsamattātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 11. д̇им̣самад̇д̇аат̇зрийг̇аат̇аа • 11. Tiṃsamattātherīgāthā
