Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

    4. анамад̇аг̇г̇асам̣яуд̇д̇ам̣

    4. Anamataggasaṃyuttaṃ

    1. батамаваг̇г̇о

    1. Paṭhamavaggo

    1. д̇ин̣агадтасуд̇д̇ам̣

    1. Tiṇakaṭṭhasuttaṃ

    124. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

    124. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –

    ‘‘анамад̇аг̇г̇ояам̣ 1 бхигкавз, сам̣сааро. буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣. сзяяат̇ааби, бхигкавз, бурисо яам̣ имасмим̣ ж̇амб̣уд̣̇ийбз д̇ин̣агадтасаакаабалаасам̣ д̇ам̣ чзд̇ваа 2 згаж̇жхам̣ сам̣харид̇ваа жад̇уран̇г̇улам̣ жад̇уран̇г̇улам̣ гхадигам̣ гад̇ваа нигкибзяяа – ‘аяам̣ мз маад̇аа, д̇ассаа мз маад̇у аяам̣ маад̇аа’д̇и, абарияаад̣̇иннаава 3 бхигкавз, д̇асса бурисасса маад̇умаад̇аро ассу, ат̇а имасмим̣ ж̇амб̣уд̣̇ийбз д̇ин̣агадтасаакаабалаасам̣ баригкаяам̣ барияаад̣̇аанам̣ г̇ажчзяяа. д̇ам̣ гисса хзд̇у? анамад̇аг̇г̇ояам̣, бхигкавз, сам̣сааро. буб̣б̣аа годи на бан̃н̃ааяад̇и авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇ам̣. звам̣ д̣̇ийгхарад̇д̇ам̣ во, бхигкавз, д̣̇угкам̣ бажжанубхууд̇ам̣ д̇иб̣б̣ам̣ бажжанубхууд̇ам̣ б̣яасанам̣ бажжанубхууд̇ам̣, гадасий 4 вад̣дхид̇аа. яааван̃жид̣̇ам̣, бхигкавз, аламзва саб̣б̣асан̇каарзсу ниб̣б̣инд̣̇ид̇ум̣ алам̣ вираж̇ж̇ид̇ум̣ алам̣ вимужжид̇у’’нд̇и. батамам̣.

    ‘‘Anamataggoyaṃ 5 bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Seyyathāpi, bhikkhave, puriso yaṃ imasmiṃ jambudīpe tiṇakaṭṭhasākhāpalāsaṃ taṃ chetvā 6 ekajjhaṃ saṃharitvā caturaṅgulaṃ caturaṅgulaṃ ghaṭikaṃ katvā nikkhipeyya – ‘ayaṃ me mātā, tassā me mātu ayaṃ mātā’ti, apariyādinnāva 7 bhikkhave, tassa purisassa mātumātaro assu, atha imasmiṃ jambudīpe tiṇakaṭṭhasākhāpalāsaṃ parikkhayaṃ pariyādānaṃ gaccheyya. Taṃ kissa hetu? Anamataggoyaṃ, bhikkhave, saṃsāro. Pubbā koṭi na paññāyati avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarataṃ. Evaṃ dīgharattaṃ vo, bhikkhave, dukkhaṃ paccanubhūtaṃ tibbaṃ paccanubhūtaṃ byasanaṃ paccanubhūtaṃ, kaṭasī 8 vaḍḍhitā. Yāvañcidaṃ, bhikkhave, alameva sabbasaṅkhāresu nibbindituṃ alaṃ virajjituṃ alaṃ vimuccitu’’nti. Paṭhamaṃ.




    Next: 2. бат̇авийсуд̇д̇ам̣ • 2. Pathavīsuttaṃ




    Footnotes:
    1. анамад̇аг̇г̇ааяам̣ (бий. га.)
    2. д̇ажчзд̇ваа (б̣ахуусу)
    3. абарияаад̣̇ин̣н̣аава (сий.)
    4. гадаси (сий. бий. га.) гадаа чаваа саяанд̇и зд̇т̇аад̇и гадасий
    5. anamataggāyaṃ (pī. ka.)
    6. tacchetvā (bahūsu)
    7. apariyādiṇṇāva (sī.)
    8. kaṭasi (sī. pī. ka.) kaṭā chavā sayanti etthāti kaṭasī



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. д̇ин̣агадтасуд̇д̇аван̣н̣анаа • 1. Tiṇakaṭṭhasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. д̇ин̣агадтасуд̇д̇аван̣н̣анаа • 1. Tiṇakaṭṭhasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact