| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
4. анамад̇аг̇г̇асам̣яуд̇д̇ам̣
4. Anamataggasaṃyuttaṃ
1. батамаваг̇г̇о
1. Paṭhamavaggo
1. д̇ин̣агадтасуд̇д̇аван̣н̣анаа
1. Tiṇakaṭṭhasuttavaṇṇanā
124. анамад̇аг̇г̇асам̣яуд̇д̇асса батамз анамад̇аг̇г̇од̇и ану амад̇аг̇г̇о, вассасад̇ам̣ вассасахассам̣ н̃аан̣зна ануг̇анд̇вааби амад̇аг̇г̇о авид̣̇ид̇аг̇г̇о, наасса саггаа ид̇о ваа зд̇д̇о ваа аг̇г̇ам̣ ж̇аанид̇ум̣, абарижчиннабуб̣б̣аабарагодигод̇и ад̇т̇о. сам̣саарод̇и канд̇хаад̣̇ийнам̣ авижчиннаббавад̇д̇аа бадибаади. буб̣б̣аа годи на бан̃н̃ааяад̇ийд̇и буримамарияаад̣̇аа на д̣̇иссад̇и. яад̣̇аг̇г̇зна жасса буримаа годи на бан̃н̃ааяад̇и, бажчимааби д̇ад̣̇аг̇г̇знзва на бан̃н̃ааяад̇и, взмаж̇жхзязва бана сад̇д̇аа сам̣саранд̇и. барияаад̣̇аанам̣ г̇ажчзяяаад̇и ид̣̇ам̣ убамааяа куд̣̇д̣̇агад̇д̇аа вуд̇д̇ам̣. б̣аахирасамаяасмин̃хи ад̇т̇о барид̇д̇о ход̇и, убамаа махад̇ий. ‘‘хад̇т̇ий вияа аяам̣ г̇он̣о, г̇он̣о вияа суугаро, самуд̣̇д̣̇о вияа д̇ал̣аага’’нд̇и хи вуд̇д̇з на д̇зсам̣ д̇аад̣̇исам̣ бамаан̣ам̣ ход̇и. б̣уд̣̇д̇хасамаяз бана убамаа барид̇д̇аа, ад̇т̇о махаа. баал̣ияан̃хи зго ж̇амб̣уд̣̇ийбо г̇ахид̇о, зваруубаанам̣ бана ж̇амб̣уд̣̇ийбаанам̣ сад̇зби сахассзби сад̇асахассзби д̇ин̣аад̣̇ийни д̇зна убаггамзна барияаад̣̇аанам̣ г̇ажчзяяум̣, на д̇взва бурисасса маад̇у маад̇арод̇и. д̣̇угкам̣ бажжанубхууд̇анд̇и д̇умхзхи д̣̇угкам̣ анубхууд̇ам̣. д̇иб̣б̣анд̇и д̇ассзва взважанам̣. б̣яасананд̇и н̃аад̇иб̣яасанаад̣̇ианзгавид̇хам̣. гадасийд̇и сусаанам̣, бат̇авийязва ваа. саа хи бунаббунам̣ маранд̇зхи сарийранигкзбзна вад̣дхид̇аа. аламзваад̇и яуд̇д̇амзва. батамам̣.
124. Anamataggasaṃyuttassa paṭhame anamataggoti anu amataggo, vassasataṃ vassasahassaṃ ñāṇena anugantvāpi amataggo aviditaggo, nāssa sakkā ito vā etto vā aggaṃ jānituṃ, aparicchinnapubbāparakoṭikoti attho. Saṃsāroti khandhādīnaṃ avicchinnappavattā paṭipāṭi. Pubbā koṭi na paññāyatīti purimamariyādā na dissati. Yadaggena cassa purimā koṭi na paññāyati, pacchimāpi tadaggeneva na paññāyati, vemajjheyeva pana sattā saṃsaranti. Pariyādānaṃ gaccheyyāti idaṃ upamāya khuddakattā vuttaṃ. Bāhirasamayasmiñhi attho paritto hoti, upamā mahatī. ‘‘Hatthī viya ayaṃ goṇo, goṇo viya sūkaro, samuddo viya taḷāka’’nti hi vutte na tesaṃ tādisaṃ pamāṇaṃ hoti. Buddhasamaye pana upamā parittā, attho mahā. Pāḷiyañhi eko jambudīpo gahito, evarūpānaṃ pana jambudīpānaṃ satepi sahassepi satasahassepi tiṇādīni tena upakkamena pariyādānaṃ gaccheyyuṃ, na tveva purisassa mātu mātaroti. Dukkhaṃ paccanubhūtanti tumhehi dukkhaṃ anubhūtaṃ. Tibbanti tasseva vevacanaṃ. Byasananti ñātibyasanādianekavidhaṃ. Kaṭasīti susānaṃ, pathavīyeva vā. Sā hi punappunaṃ marantehi sarīranikkhepena vaḍḍhitā. Alamevāti yuttameva. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. д̇ин̣агадтасуд̇д̇ам̣ • 1. Tiṇakaṭṭhasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. д̇ин̣агадтасуд̇д̇аван̣н̣анаа • 1. Tiṇakaṭṭhasuttavaṇṇanā
