| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੪. ਅਨਮਤਗ੍ਗਸਂਯੁਤ੍ਤਂ
4. Anamataggasaṃyuttaṃ
੧. ਪਠਮવਗ੍ਗੋ
1. Paṭhamavaggo
੧. ਤਿਣਕਟ੍ਠਸੁਤ੍ਤવਣ੍ਣਨਾ
1. Tiṇakaṭṭhasuttavaṇṇanā
੧੨੪. ਉਪਸਗ੍ਗੋ ਸਮਾਸવਿਸਯੇ ਸਸਾਧਨਂ ਕਿਰਿਯਂ ਦਸ੍ਸੇਤੀਤਿ વੁਤ੍ਤਂ ‘‘ਞਾਣੇਨ ਅਨੁਗਨ੍ਤ੍વਾਪੀ’’ਤਿ। વਸ੍ਸਸਤਂ વਸ੍ਸਸਹਸ੍ਸਨ੍ਤਿ ਨਿਦਸ੍ਸਨਮਤ੍ਤਮੇਤਂ, ਤਤੋ ਭਿਯ੍ਯੋਪਿ ਅਨੁਗਨ੍ਤ੍વਾ ਅਨਮਤਗ੍ਗੋ ਏવ ਸਂਸਾਰੋ। ਅਗ੍ਗ-ਸਦ੍ਦੋ ਇਧ ਮਰਿਯਾਦવਚਨੋ, ਅਨੁਦ੍ਦੇਸਿਕਞ੍ਚੇਤਂ વਚਨਨ੍ਤਿ ਆਹ ‘‘ਅਪਰਿਚ੍ਛਿਨ੍ਨਪੁਬ੍ਬਾਪਰਕੋਟਿਕੋ’’ਤਿ। ਅਞ੍ਞਥਾ ਅਨ੍ਤਿਮਭવਿਕਪਰਿਚ੍ਛਿਨ੍ਨਕਤવਿਮੁਤ੍ਤਿਪਰਿਪਾਚਨੀਯਧਮ੍ਮਾਦੀਨਂ વਸੇਨ ਅਪਰਿਚ੍ਛਿਨ੍ਨਪੁਬ੍ਬਾਪਰਕੋਟਿ ਨ ਸਕ੍ਕਾ વਤ੍ਤੁਂ। ਸਂਸਰਣਂ ਸਂਸਾਰੋ। ਪਚ੍ਛਿਮਾਪਿ ਨ ਪਞ੍ਞਾਯਤਿ ਅਨ੍ਧਬਾਲਾਨਂ વਸੇਨਾਤਿ ਅਧਿਪ੍ਪਾਯੋ। ਤੇਨਾਹ ਭਗવਾ ‘‘ਦੀਘੋ ਬਾਲਾਨ ਸਂਸਾਰੋ’’ਤਿ (ਧ॰ ਪ॰ ੬੦)। વੇਮਜ੍ਝੇਯੇવ ਪਨ ਸਤ੍ਤਾ ਸਂਸਰਨ੍ਤਿ ਪੁਬ੍ਬਾਪਰਕੋਟੀਨਂ ਅਲਬ੍ਭਨੀਯਤ੍ਤਾ। ਅਤ੍ਥੋ ਪਰਿਤ੍ਤੋ ਹੋਤਿ ਯਥਾਭੂਤਾવਬੋਧਾਭਾવਤੋ। ਬੁਦ੍ਧਸਮਯੇਤਿ ਸਾਸਨੇਤਿ ਅਤ੍ਥੋ। ਅਤ੍ਥੋ ਮਹਾ ਯਥਾਭੂਤਾવਬੋਧਿਸਮ੍ਭવਤੋ, ਅਤ੍ਥਸ੍ਸ વਿਪੁਲਤਾਯ ਤਂਸਦਿਸਾ ਉਪਮਾ ਨਤ੍ਥੀਤਿ ਪਰਿਤ੍ਤਂਯੇવ ਉਪਮਂ ਆਹਰਨ੍ਤੀਤਿ ਅਧਿਪ੍ਪਾਯੋ। ਇਦਾਨਿ વੁਤ੍ਤਮੇવਤ੍ਥਂ ‘‘ਪਾਲ਼ਿਯਂ ਹੀ’’ਤਿਆਦਿਨਾ ਸਮਤ੍ਥੇਤਿ। ਮਾਤੁ ਮਾਤਰੋਤਿ ਮਾਤੁ ਮਾਤਾਮਹਿਯੋ। ਤਸ੍ਸੇવਾਤਿ ਦੁਕ੍ਖਸ੍ਸੇવ। ਤਿਬ੍ਬਨ੍ਤਿ ਦੁਕ੍ਖਪਰਿਯਾਯੋਤਿ।
124. Upasaggo samāsavisaye sasādhanaṃ kiriyaṃ dassetīti vuttaṃ ‘‘ñāṇena anugantvāpī’’ti. Vassasataṃ vassasahassanti nidassanamattametaṃ, tato bhiyyopi anugantvā anamataggo eva saṃsāro. Agga-saddo idha mariyādavacano, anuddesikañcetaṃ vacananti āha ‘‘aparicchinnapubbāparakoṭiko’’ti. Aññathā antimabhavikaparicchinnakatavimuttiparipācanīyadhammādīnaṃ vasena aparicchinnapubbāparakoṭi na sakkā vattuṃ. Saṃsaraṇaṃ saṃsāro. Pacchimāpi na paññāyati andhabālānaṃ vasenāti adhippāyo. Tenāha bhagavā ‘‘dīgho bālāna saṃsāro’’ti (dha. pa. 60). Vemajjheyeva pana sattā saṃsaranti pubbāparakoṭīnaṃ alabbhanīyattā. Attho paritto hoti yathābhūtāvabodhābhāvato. Buddhasamayeti sāsaneti attho. Attho mahā yathābhūtāvabodhisambhavato, atthassa vipulatāya taṃsadisā upamā natthīti parittaṃyeva upamaṃ āharantīti adhippāyo. Idāni vuttamevatthaṃ ‘‘pāḷiyaṃ hī’’tiādinā samattheti. Mātu mātaroti mātu mātāmahiyo. Tassevāti dukkhasseva. Tibbanti dukkhapariyāyoti.
ਤਿਣਕਟ੍ਠਸੁਤ੍ਤવਣ੍ਣਨਾ ਨਿਟ੍ਠਿਤਾ।
Tiṇakaṭṭhasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਤਿਣਕਟ੍ਠਸੁਤ੍ਤਂ • 1. Tiṇakaṭṭhasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਤਿਣਕਟ੍ਠਸੁਤ੍ਤવਣ੍ਣਨਾ • 1. Tiṇakaṭṭhasuttavaṇṇanā
