| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๕๓. ติณทายกวโคฺค
53. Tiṇadāyakavaggo
๑. ติณมุฎฺฐิทายกเตฺถรอปทานํ
1. Tiṇamuṭṭhidāyakattheraapadānaṃ
๑.
1.
‘‘หิมวนฺตสฺสาวิทูเร , ลมฺพโก นาม ปพฺพโต;
‘‘Himavantassāvidūre , lambako nāma pabbato;
๒.
2.
‘‘มิคลุโทฺท ปุเร อาสิํ, อรเญฺญ กานเน อหํ;
‘‘Migaluddo pure āsiṃ, araññe kānane ahaṃ;
ทิสฺวาน ตํ เทวเทวํ, ติณมุฎฺฐิมทาสหํฯ
Disvāna taṃ devadevaṃ, tiṇamuṭṭhimadāsahaṃ.
๓.
3.
‘‘นิสีทนตฺถํ พุทฺธสฺส, ทตฺวา จิตฺตํ ปสาทยิํ;
‘‘Nisīdanatthaṃ buddhassa, datvā cittaṃ pasādayiṃ;
๔.
4.
๕.
5.
‘‘อาสเนฺน เม กตํ กมฺมํ, พุทฺธเสเฎฺฐ อนาสเว;
‘‘Āsanne me kataṃ kammaṃ, buddhaseṭṭhe anāsave;
สุมุโตฺต สรเวโคว, เทวโลกมคจฺฉหํฯ
Sumutto saravegova, devalokamagacchahaṃ.
๖.
6.
‘‘ยูโป ตตฺถ สุโภ อาสิ, ปุญฺญกมฺมาภินิมฺมิโต;
‘‘Yūpo tattha subho āsi, puññakammābhinimmito;
สหสฺสกโณฺฑ สตเภณฺฑุ, ธชาลุ หริตามโยฯ
Sahassakaṇḍo satabheṇḍu, dhajālu haritāmayo.
๗.
7.
‘‘ปภา นิทฺธาวเต ตสฺส, สตรํสีว อุคฺคโต;
‘‘Pabhā niddhāvate tassa, sataraṃsīva uggato;
อากิโณฺณ เทวกญฺญาหิ, อาโมทิํ กามกามิหํฯ
Ākiṇṇo devakaññāhi, āmodiṃ kāmakāmihaṃ.
๘.
8.
‘‘เทวโลกา จวิตฺวาน, สุกฺกมูเลน โจทิโต;
‘‘Devalokā cavitvāna, sukkamūlena codito;
อาคนฺตฺวาน มนุสฺสตฺตํ, ปโตฺตมฺหิ อาสวกฺขยํฯ
Āgantvāna manussattaṃ, pattomhi āsavakkhayaṃ.
๙.
9.
‘‘จตุนฺนวุติโต กเปฺป, นิสีทนมทาสหํ;
‘‘Catunnavutito kappe, nisīdanamadāsahaṃ;
ทุคฺคติํ นาภิชานามิ, ติณมุเฎฺฐ อิทํ ผลํฯ
Duggatiṃ nābhijānāmi, tiṇamuṭṭhe idaṃ phalaṃ.
๑๐.
10.
‘‘กิเลสา ฌาปิตา มยฺหํ, ภวา สเพฺพ สมูหตา;
‘‘Kilesā jhāpitā mayhaṃ, bhavā sabbe samūhatā;
นาโคว พนฺธนํ เฉตฺวา, วิหรามิ อนาสโวฯ
Nāgova bandhanaṃ chetvā, viharāmi anāsavo.
๑๑.
11.
‘‘สฺวาคตํ วต เม อาสิ, มม พุทฺธสฺส สนฺติเก;
‘‘Svāgataṃ vata me āsi, mama buddhassa santike;
ติโสฺส วิชฺชา อนุปฺปตฺตา, กตํ พุทฺธสฺส สาสนํฯ
Tisso vijjā anuppattā, kataṃ buddhassa sāsanaṃ.
๑๒.
12.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา ติณมุฎฺฐิทายโก เถโร อิมา คาถาโย
Itthaṃ sudaṃ āyasmā tiṇamuṭṭhidāyako thero imā gāthāyo
อภาสิตฺถาติฯ
Abhāsitthāti.
ติณมุฎฺฐิทายกเตฺถรสฺสาปทานํ ปฐมํฯ
Tiṇamuṭṭhidāyakattherassāpadānaṃ paṭhamaṃ.
Footnotes:
