| Library / Tipiṭaka / තිපිටක • Tipiṭaka / අපදානපාළි • Apadānapāḷi |
53. තිණදායකවග්‌ගො
53. Tiṇadāyakavaggo
1. තිණමුට්‌ඨිදායකත්‌ථෙරඅපදානං
1. Tiṇamuṭṭhidāyakattheraapadānaṃ
1.
1.
‘‘හිමවන්‌තස්‌සාවිදූරෙ , ලම්‌බකො නාම පබ්‌බතො;
‘‘Himavantassāvidūre , lambako nāma pabbato;
තත්‌ථෙව තිස්‌සො 1 සම්‌බුද්‌ධො, අබ්‌භොකාසම්‌හි චඞ්‌කමි.
Tattheva tisso 2 sambuddho, abbhokāsamhi caṅkami.
2.
2.
‘‘මිගලුද්‌දො පුරෙ ආසිං, අරඤ්‌ඤෙ කානනෙ අහං;
‘‘Migaluddo pure āsiṃ, araññe kānane ahaṃ;
දිස්‌වාන තං දෙවදෙවං, තිණමුට්‌ඨිමදාසහං.
Disvāna taṃ devadevaṃ, tiṇamuṭṭhimadāsahaṃ.
3.
3.
‘‘නිසීදනත්‌ථං බුද්‌ධස්‌ස, දත්‌වා චිත්‌තං පසාදයිං;
‘‘Nisīdanatthaṃ buddhassa, datvā cittaṃ pasādayiṃ;
4.
4.
5.
5.
‘‘ආසන්‌නෙ මෙ කතං කම්‌මං, බුද්‌ධසෙට්‌ඨෙ අනාසවෙ;
‘‘Āsanne me kataṃ kammaṃ, buddhaseṭṭhe anāsave;
සුමුත්‌තො සරවෙගොව, දෙවලොකමගච්‌ඡහං.
Sumutto saravegova, devalokamagacchahaṃ.
6.
6.
‘‘යූපො තත්‌ථ සුභො ආසි, පුඤ්‌ඤකම්‌මාභිනිම්‌මිතො;
‘‘Yūpo tattha subho āsi, puññakammābhinimmito;
සහස්‌සකණ්‌ඩො සතභෙණ්‌ඩු, ධජාලු හරිතාමයො.
Sahassakaṇḍo satabheṇḍu, dhajālu haritāmayo.
7.
7.
‘‘පභා නිද්‌ධාවතෙ තස්‌ස, සතරංසීව උග්‌ගතො;
‘‘Pabhā niddhāvate tassa, sataraṃsīva uggato;
ආකිණ්‌ණො දෙවකඤ්‌ඤාහි, ආමොදිං කාමකාමිහං.
Ākiṇṇo devakaññāhi, āmodiṃ kāmakāmihaṃ.
8.
8.
‘‘දෙවලොකා චවිත්‌වාන, සුක්‌කමූලෙන චොදිතො;
‘‘Devalokā cavitvāna, sukkamūlena codito;
ආගන්‌ත්‌වාන මනුස්‌සත්‌තං, පත්‌තොම්‌හි ආසවක්‌ඛයං.
Āgantvāna manussattaṃ, pattomhi āsavakkhayaṃ.
9.
9.
‘‘චතුන්‌නවුතිතො කප්‌පෙ, නිසීදනමදාසහං;
‘‘Catunnavutito kappe, nisīdanamadāsahaṃ;
දුග්‌ගතිං නාභිජානාමි, තිණමුට්‌ඨෙ ඉදං ඵලං.
Duggatiṃ nābhijānāmi, tiṇamuṭṭhe idaṃ phalaṃ.
10.
10.
‘‘කිලෙසා ඣාපිතා මය්‌හං, භවා සබ්‌බෙ සමූහතා;
‘‘Kilesā jhāpitā mayhaṃ, bhavā sabbe samūhatā;
නාගොව බන්‌ධනං ඡෙත්‌වා, විහරාමි අනාසවො.
Nāgova bandhanaṃ chetvā, viharāmi anāsavo.
11.
11.
‘‘ස්‌වාගතං වත මෙ ආසි, මම බුද්‌ධස්‌ස සන්‌තිකෙ;
‘‘Svāgataṃ vata me āsi, mama buddhassa santike;
තිස්‌සො විජ්‌ජා අනුප්‌පත්‌තා, කතං බුද්‌ධස්‌ස සාසනං.
Tisso vijjā anuppattā, kataṃ buddhassa sāsanaṃ.
12.
12.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා තිණමුට්‌ඨිදායකො ථෙරො ඉමා ගාථායො
Itthaṃ sudaṃ āyasmā tiṇamuṭṭhidāyako thero imā gāthāyo
අභාසිත්‌ථාති.
Abhāsitthāti.
තිණමුට්‌ඨිදායකත්‌ථෙරස්‌සාපදානං පඨමං.
Tiṇamuṭṭhidāyakattherassāpadānaṃ paṭhamaṃ.
Footnotes:
