| Library / Tipiṭaka / तिपिटक • Tipiṭaka / अपदानपाळि • Apadānapāḷi |
६. तिणसन्थरदायकत्थेरअपदानं
6. Tiṇasantharadāyakattheraapadānaṃ
२२.
22.
‘‘हिमवन्तस्साविदूरे, महाजातस्सरो अहु।
‘‘Himavantassāvidūre, mahājātassaro ahu;
सतपत्तेहि सञ्छन्नो, नानासकुणमालयो॥
Satapattehi sañchanno, nānāsakuṇamālayo.
२३.
23.
अद्दसं समणानग्गं, गच्छन्तं अनिलञ्जसे॥
Addasaṃ samaṇānaggaṃ, gacchantaṃ anilañjase.
२४.
24.
‘‘मम सङ्कप्पमञ्ञाय, सत्था लोके अनुत्तरो।
‘‘Mama saṅkappamaññāya, satthā loke anuttaro;
अब्भतो ओरुहित्वान, भूमियंठासि तावदे॥
Abbhato oruhitvāna, bhūmiyaṃṭhāsi tāvade.
२५.
25.
निसीदि भगवा तत्थ, तिस्सो लोकग्गनायको॥
Nisīdi bhagavā tattha, tisso lokagganāyako.
२६.
26.
‘‘सकं चित्तं पसादेत्वा, अवन्दि लोकनायकं।
‘‘Sakaṃ cittaṃ pasādetvā, avandi lokanāyakaṃ;
२७.
27.
‘‘तेन चित्तप्पसादेन, निम्मानं उपपज्जहं।
‘‘Tena cittappasādena, nimmānaṃ upapajjahaṃ;
दुग्गतिं नाभिजानामि, सन्थरस्स इदं फलं॥
Duggatiṃ nābhijānāmi, santharassa idaṃ phalaṃ.
२८.
28.
सत्तरतनसम्पन्नो, चक्कवत्ती महब्बलो॥
Sattaratanasampanno, cakkavattī mahabbalo.
२९.
29.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा तिणसन्थरदायको थेरो इमा गाथायो अभासित्थाति।
Itthaṃ sudaṃ āyasmā tiṇasantharadāyako thero imā gāthāyo abhāsitthāti.
तिणसन्थरदायकत्थेरस्सापदानं छट्ठं।
Tiṇasantharadāyakattherassāpadānaṃ chaṭṭhaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ६. तिणसन्थरदायकत्थेरअपदानवण्णना • 6. Tiṇasantharadāyakattheraapadānavaṇṇanā
