| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਤਿਣਸਨ੍ਥਰਦਾਯਕਤ੍ਥੇਰਅਪਦਾਨવਣ੍ਣਨਾ
6. Tiṇasantharadāyakattheraapadānavaṇṇanā
ਹਿਮવਨ੍ਤਸ੍ਸਾવਿਦੂਰੇਤਿਆਦਿਕਂ ਆਯਸ੍ਮਤੋ ਤਿਣਸਨ੍ਥਰਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਤਿਸ੍ਸਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਬੁਦ੍ਧੁਪ੍ਪਾਦਤੋ ਪਗੇવ ਉਪ੍ਪਨ੍ਨਤ੍ਤਾ ਘਰਾવਾਸਂ ਪਹਾਯ ਤਾਪਸਪਬ੍ਬਜ੍ਜਂ ਪਬ੍ਬਜਿਤ੍વਾ ਹਿਮવਨ੍ਤਸ੍ਸ ਅવਿਦੂਰੇ ਏਕਂ ਸਰਂ ਨਿਸ੍ਸਾਯ ਪਟਿવਸਤਿ। ਤਸ੍ਮਿਂ ਸਮਯੇ ਤਿਸ੍ਸੋ ਭਗવਾ ਤਸ੍ਸਾਨੁਕਮ੍ਪਾਯ ਆਕਾਸੇਨ ਅਗਮਾਸਿ। ਅਥ ਖੋ ਸੋ ਤਾਪਸੋ ਆਕਾਸਤੋ ਓਰੁਯ੍ਹ ਠਿਤਂ ਤਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਤਿਣਂ ਲਾਯਿਤ੍વਾ ਤਿਣਸਨ੍ਥਰਂ ਕਤ੍વਾ ਨਿਸੀਦਾਪੇਤ੍વਾ ਬਹੁਮਾਨਾਦਰੇਨ ਪਞ੍ਚਪਤਿਟ੍ਠਿਤੇਨ વਨ੍ਦਿਤ੍વਾ ਪਟਿਕੁਟਿਕੋ ਹੁਤ੍વਾ ਪਕ੍ਕਾਮਿ। ਸੋ ਯਾવਤਾਯੁਕਂ ਠਤ੍વਾ ਤਤੋ ਚવਿਤ੍વਾ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਅਨੇਕવਿਧਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Himavantassāvidūretiādikaṃ āyasmato tiṇasantharadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe nibbatto buddhuppādato pageva uppannattā gharāvāsaṃ pahāya tāpasapabbajjaṃ pabbajitvā himavantassa avidūre ekaṃ saraṃ nissāya paṭivasati. Tasmiṃ samaye tisso bhagavā tassānukampāya ākāsena agamāsi. Atha kho so tāpaso ākāsato oruyha ṭhitaṃ taṃ bhagavantaṃ disvā pasannamānaso tiṇaṃ lāyitvā tiṇasantharaṃ katvā nisīdāpetvā bahumānādarena pañcapatiṭṭhitena vanditvā paṭikuṭiko hutvā pakkāmi. So yāvatāyukaṃ ṭhatvā tato cavitvā devamanussesu saṃsaranto anekavidhasampattiṃ anubhavitvā imasmiṃ buddhuppāde ekasmiṃ kulagehe nibbatto vuddhippatto satthari pasīditvā pabbajito nacirasseva arahā ahosi.
੨੨. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਹਿਮવਨ੍ਤਸ੍ਸਾવਿਦੂਰੇਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ। ਮਹਾਜਾਤਸ੍ਸਰੋਤਿ ਏਤ੍ਥ ਪਨ ਸਰਨ੍ਤਿ ਏਤ੍ਥ ਪਾਨੀਯਤ੍ਥਿਕਾ ਦ੍વਿਪਦਚਤੁਪ੍ਪਦਾਦਯੋ ਸਤ੍ਤਾਤਿ ਸਰਂ, ਅਥ વਾ ਸਰਨ੍ਤਿ ਏਤ੍ਥ ਨਦੀਕਨ੍ਦਰਾਦਯੋਤਿ ਸਰਂ, ਮਹਨ੍ਤੋ ਚ ਸੋ ਸਯਮੇવ ਜਾਤਤ੍ਤਾ ਸਰੋ ਚੇਤਿ ਮਹਾਜਾਤਸ੍ਸਰੋ। ਅਨੋਤਤ੍ਤਛਦ੍ਦਨ੍ਤਦਹਾਦਯੋ વਿਯ ਅਪਾਕਟਨਾਮਤ੍ਤਾ ‘‘ਮਹਾਜਾਤਸ੍ਸਰੋ’’ਤਿ વੁਤ੍ਤੋਤਿ ਦਟ੍ਠਬ੍ਬੋ। ਸਤਪਤ੍ਤੇਹਿ ਸਞ੍ਛਨ੍ਨੋਤਿ ਏਕੇਕਸ੍ਮਿਂ ਪੁਪ੍ਫੇ ਸਤਸਤਪਤ੍ਤਾਨਂ વਸੇਨ ਸਤਪਤ੍ਤੋ, ਸਤਪਤ੍ਤਸੇਤਪਦੁਮੇਹਿ ਸਞ੍ਛਨ੍ਨੋ ਗਹਨੀਭੂਤੋਤਿ ਅਤ੍ਥੋ। ਨਾਨਾਸਕੁਣਮਾਲਯੋਤਿ ਅਨੇਕੇ ਹਂਸਕੁਕ੍ਕੁਟਕੁਕ੍ਕੁਹਦੇਣ੍ਡਿਭਾਦਯੋ ਏਕਤੋ ਕੁਣਨ੍ਤਿ ਸਦ੍ਦਂ ਕਰੋਨ੍ਤੀਤਿ ਸਕੁਣਾਤਿ ਲਦ੍ਧਨਾਮਾਨਂ ਪਕ੍ਖੀਨਂ ਆਲਯੋ ਆਧਾਰਭੂਤੋਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
22. So aparabhāge attano pubbakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Taṃ heṭṭhā vuttatthameva. Mahājātassaroti ettha pana saranti ettha pānīyatthikā dvipadacatuppadādayo sattāti saraṃ, atha vā saranti ettha nadīkandarādayoti saraṃ, mahanto ca so sayameva jātattā saro ceti mahājātassaro. Anotattachaddantadahādayo viya apākaṭanāmattā ‘‘mahājātassaro’’ti vuttoti daṭṭhabbo. Satapattehisañchannoti ekekasmiṃ pupphe satasatapattānaṃ vasena satapatto, satapattasetapadumehi sañchanno gahanībhūtoti attho. Nānāsakuṇamālayoti aneke haṃsakukkuṭakukkuhadeṇḍibhādayo ekato kuṇanti saddaṃ karontīti sakuṇāti laddhanāmānaṃ pakkhīnaṃ ālayo ādhārabhūtoti attho. Sesaṃ sabbattha uttānatthamevāti.
ਤਿਣਸਨ੍ਥਰਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Tiṇasantharadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਤਿਣਸਨ੍ਥਰਦਾਯਕਤ੍ਥੇਰਅਪਦਾਨਂ • 6. Tiṇasantharadāyakattheraapadānaṃ
