| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. තිණසූලකත්‌ථෙරඅපදානං
7. Tiṇasūlakattheraapadānaṃ
35.
35.
‘‘හිමවන්‌තස්‌සාවිදූරෙ , භූතගණො නාම පබ්‌බතො;
‘‘Himavantassāvidūre , bhūtagaṇo nāma pabbato;
වසතෙකො ජිනො තත්‌ථ, සයම්‌භූ ලොකනිස්‌සටො.
Vasateko jino tattha, sayambhū lokanissaṭo.
36.
36.
‘‘තිණසූලං ගහෙත්‌වාන, බුද්‌ධස්‌ස අභිරොපයිං;
‘‘Tiṇasūlaṃ gahetvāna, buddhassa abhiropayiṃ;
එකූනසතසහස්‌සං, කප්‌පං න විනිපාතිකො.
Ekūnasatasahassaṃ, kappaṃ na vinipātiko.
37.
37.
‘‘ඉතො එකාදසෙ කප්‌පෙ, එකොසිං ධරණීරුහො;
‘‘Ito ekādase kappe, ekosiṃ dharaṇīruho;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
38.
38.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා තිණසූලකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā tiṇasūlako thero imā gāthāyo abhāsitthāti.
තිණසූලකත්‌ථෙරස්‌සාපදානං සත්‌තමං.
Tiṇasūlakattherassāpadānaṃ sattamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 7. තිණසූලකත්‌ථෙරඅපදානවණ්‌ණනා • 7. Tiṇasūlakattheraapadānavaṇṇanā
