| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. д̇ин̣асуулагад̇т̇зраабад̣̇аанаван̣н̣анаа
7. Tiṇasūlakattheraapadānavaṇṇanā
химаванд̇ассаавид̣̇уурзд̇иаад̣̇игам̣ ааяасмад̇о д̇ин̣асуулагад̇т̇зрасса абад̣̇аанам̣. аяамби т̇зро буримаж̇инаварзсу гад̇абун̃н̃асамбхааро уббаннуббаннабхавз гусалаани убажинанд̇о сикисса бхаг̇авад̇о гаалз гулаг̇зхз ниб̣б̣ад̇д̇о гхарааваасам̣ сан̣табзд̇ваа д̇ад̇т̇а д̣̇осам̣ д̣̇исваа д̇ам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа васанд̇о химаванд̇асамийбз бхууд̇аг̇ан̣з наама баб̣б̣ад̇з васанд̇ам̣ згад̇ам̣ вивзгамануб̣рууханд̇ам̣ сиким̣ самб̣уд̣̇д̇хам̣ д̣̇исваа басаннамаанасо д̇ин̣асуулабубпам̣ г̇ахзд̇ваа баад̣̇амуулз бууж̇зси. б̣уд̣̇д̇хоби д̇асса анумод̣̇анам̣ агааси.
Himavantassāvidūretiādikaṃ āyasmato tiṇasūlakattherassa apadānaṃ. Ayampi thero purimajinavaresu katapuññasambhāro uppannuppannabhave kusalāni upacinanto sikhissa bhagavato kāle kulagehe nibbatto gharāvāsaṃ saṇṭhapetvā tattha dosaṃ disvā taṃ pahāya tāpasapabbajjaṃ pabbajitvā vasanto himavantasamīpe bhūtagaṇe nāma pabbate vasantaṃ ekataṃ vivekamanubrūhantaṃ sikhiṃ sambuddhaṃ disvā pasannamānaso tiṇasūlapupphaṃ gahetvā pādamūle pūjesi. Buddhopi tassa anumodanaṃ akāsi.
35. со д̇зна бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ вибхавасамбаннз згасмим̣ гулз ниб̣б̣ад̇д̇о вуд̣̇д̇химанвааяа саасанз басанно баб̣б̣аж̇ид̇ваа убаниссаяасамбаннад̇д̇аа нажирассзва арахад̇д̇ам̣ баабун̣ид̇ваа буб̣б̣агаммам̣ сарид̇ваа соманассаббад̇д̇о буб̣б̣ажарид̇аабад̣̇аанам̣ багаасзнд̇о химаванд̇ассаавид̣̇уурзд̇иаад̣̇имааха. бхууд̇аг̇ан̣о наама баб̣б̣ад̇од̇и бхууд̇аг̇ан̣аанам̣ д̣̇зваяагкасамуухаанам̣ ааваасабхууд̇ад̇д̇аа бхаванасад̣̇исад̇д̇аа авируул̣хабхаавзна бавад̇д̇ад̇д̇аа жа бхууд̇аг̇ан̣о наама баб̣б̣ад̇о, д̇асмим̣ зго ад̣̇уд̇ияо ж̇ино ж̇ид̇амааро б̣уд̣̇д̇хо васад̇з д̣̇иб̣б̣аб̣рахмаарияаирияаабат̇авихаарзхи вихарад̇ийд̇и ад̇т̇о.
35. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde sāvatthiyaṃ vibhavasampanne ekasmiṃ kule nibbatto vuddhimanvāya sāsane pasanno pabbajitvā upanissayasampannattā nacirasseva arahattaṃ pāpuṇitvā pubbakammaṃ saritvā somanassappatto pubbacaritāpadānaṃ pakāsento himavantassāvidūretiādimāha. Bhūtagaṇo nāma pabbatoti bhūtagaṇānaṃ devayakkhasamūhānaṃ āvāsabhūtattā bhavanasadisattā avirūḷhabhāvena pavattattā ca bhūtagaṇo nāma pabbato, tasmiṃ eko adutiyo jino jitamāro buddho vasate dibbabrahmaariyairiyāpathavihārehi viharatīti attho.
36. згуунасад̇асахассам̣ , габбам̣ на винибаад̇игод̇и д̇зна д̇ин̣асуулабубпабууж̇аагаран̣апалзна ниранд̇арам̣ згуунасад̇асахассагаббаанам̣ авинибаад̇аго жад̇ураабааяавинимуд̇д̇о саг̇г̇асамбад̇д̇ибхавамзва убабаннод̇и ад̇т̇о. сзсам̣ сувин̃н̃зяяамзваад̇и.
36.Ekūnasatasahassaṃ , kappaṃ na vinipātikoti tena tiṇasūlapupphapūjākaraṇaphalena nirantaraṃ ekūnasatasahassakappānaṃ avinipātako caturāpāyavinimutto saggasampattibhavameva upapannoti attho. Sesaṃ suviññeyyamevāti.
д̇ин̣асуулагад̇т̇зраабад̣̇аанаван̣н̣анаа самад̇д̇аа.
Tiṇasūlakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. д̇ин̣асуулагад̇т̇зраабад̣̇аанам̣ • 7. Tiṇasūlakattheraapadānaṃ
