| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
திணவத்தா²ரகாதி³கதா²
Tiṇavatthārakādikathā
212. கக்க²ளத்தாய வாளத்தாயாதி கக்க²ளபா⁴வாய சேவ வாளபா⁴வாய ச. பே⁴தா³யாதி ஸங்க⁴பே⁴தா³ய. ஸப்³பே³ஹேவ ஏகஜ்ஜ²ந்தி கஸ்ஸசி ச²ந்த³ங் அனாஹரித்வா கி³லானேபி தத்தே²வ ஆனெத்வா ஏகதோ ஸன்னிபதிதப்³ப³ங். திணவத்தா²ரகேன வூபஸமெய்யாதி எத்த² இத³ங் கம்மங் திணவத்தா²ரகஸதி³ஸத்தா ‘‘திணவத்தா²ரகோ’’தி வுத்தங். யதா² ஹி கூ³த²ங் வா முத்தங் வா க⁴ட்டியமானங் து³க்³க³ந்த⁴தாய பா³த⁴தி, திணேஹி அவத்த²ரித்வா ஸுப்படிச்சா²தி³தஸ்ஸ பனஸ்ஸ ஸோ க³ந்தோ⁴ ந பா³த⁴தி; ஏவமேவ யங் அதி⁴கரணங் மூலானுமூலங் க³ந்த்வா வூபஸமியமானங் கக்க²ளத்தாய வாளத்தாய பே⁴தா³ய ஸங்வத்ததி, தங் இமினா கம்மேன வூபஸந்தங் கூ³த²ங் விய திணவத்தா²ரகேன படிச்ச²ன்னங் ஸுவூபஸந்தங் ஹோதீதி இத³ங் கம்மங் திணவத்தா²ரகஸதி³ஸத்தா ‘‘திணவத்தா²ரகோ’’தி வுத்தங்.
212.Kakkhaḷattāya vāḷattāyāti kakkhaḷabhāvāya ceva vāḷabhāvāya ca. Bhedāyāti saṅghabhedāya. Sabbeheva ekajjhanti kassaci chandaṃ anāharitvā gilānepi tattheva ānetvā ekato sannipatitabbaṃ. Tiṇavatthārakena vūpasameyyāti ettha idaṃ kammaṃ tiṇavatthārakasadisattā ‘‘tiṇavatthārako’’ti vuttaṃ. Yathā hi gūthaṃ vā muttaṃ vā ghaṭṭiyamānaṃ duggandhatāya bādhati, tiṇehi avattharitvā suppaṭicchāditassa panassa so gandho na bādhati; evameva yaṃ adhikaraṇaṃ mūlānumūlaṃ gantvā vūpasamiyamānaṃ kakkhaḷattāya vāḷattāya bhedāya saṃvattati, taṃ iminā kammena vūpasantaṃ gūthaṃ viya tiṇavatthārakena paṭicchannaṃ suvūpasantaṃ hotīti idaṃ kammaṃ tiṇavatthārakasadisattā ‘‘tiṇavatthārako’’ti vuttaṃ.
213. து²ல்லவஜ்ஜந்தி பாராஜிகஞ்சேவ ஸங்கா⁴தி³ஸேஸஞ்ச. கி³ஹிபடிஸங்யுத்தந்தி கி³ஹீனங் ஹீனேன கு²ங்ஸனவம்ப⁴னத⁴ம்மிகபடிஸ்ஸவேஸு ஆபன்னங் ஆபத்திங்.
213.Thullavajjanti pārājikañceva saṅghādisesañca. Gihipaṭisaṃyuttanti gihīnaṃ hīnena khuṃsanavambhanadhammikapaṭissavesu āpannaṃ āpattiṃ.
214. ஏவஞ்ச பன பி⁴க்க²வே தே பி⁴க்கூ² தாஹி ஆபத்தீஹி வுட்டி²தா ஹொந்தீதி ஏவங் திணவத்தா²ரககம்மவாசாய கதாய கம்மவாசாபரியோஸானே யத்தகா தத்த² ஸன்னிபதிதா அந்தமஸோ ஸுத்தாபி ஸமாபன்னாபி அஞ்ஞவிஹிதாபி ஸப்³பே³ தே பி⁴க்கூ² யாவ உபஸம்பத³மண்ட³லதோ பட்டா²ய து²ல்லவஜ்ஜஞ்ச கி³ஹிபடிஸங்யுத்தஞ்ச ட²பெத்வா அவஸேஸா ஆபத்தியோ ஆபன்னா, ஸப்³பா³ஹி தாஹி ஆபத்தீஹி வுட்டி²தா ஹொந்தி. யே பன ‘‘ந மேதங் க²மதீ’’தி அஞ்ஞமஞ்ஞங் தி³ட்டா²விகம்மங் கரொந்தி, தேஹி வா ஸத்³தி⁴ங் ஆபத்திங் ஆபஜ்ஜித்வாபி தத்த² அனாக³தா, ஆக³ந்த்வா வா ச²ந்த³ங் த³த்வா பரிவேணாதீ³ஸு நிஸின்னா, தே ஆபத்தீஹி ந வுட்ட²ஹந்தி. தேன வுத்தங் – ‘‘ட²பெத்வா தி³ட்டா²விகம்மங் ட²பெத்வா யே ந தத்த² ஹொந்தீ’’தி.
214.Evañca pana bhikkhave te bhikkhū tāhi āpattīhi vuṭṭhitā hontīti evaṃ tiṇavatthārakakammavācāya katāya kammavācāpariyosāne yattakā tattha sannipatitā antamaso suttāpi samāpannāpi aññavihitāpi sabbe te bhikkhū yāva upasampadamaṇḍalato paṭṭhāya thullavajjañca gihipaṭisaṃyuttañca ṭhapetvā avasesā āpattiyo āpannā, sabbāhi tāhi āpattīhi vuṭṭhitā honti. Ye pana ‘‘na metaṃ khamatī’’ti aññamaññaṃ diṭṭhāvikammaṃ karonti, tehi vā saddhiṃ āpattiṃ āpajjitvāpi tattha anāgatā, āgantvā vā chandaṃ datvā pariveṇādīsu nisinnā, te āpattīhi na vuṭṭhahanti. Tena vuttaṃ – ‘‘ṭhapetvā diṭṭhāvikammaṃ ṭhapetvā ye na tattha hontī’’ti.
திணவத்தா²ரகாதி³கதா² நிட்டி²தா.
Tiṇavatthārakādikathā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 7. திணவத்தா²ரகங் • 7. Tiṇavatthārakaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஸதிவினயாதி³கதா²வண்ணனா • Sativinayādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / திணவத்தா²ரகாதி³கதா²வண்ணனா • Tiṇavatthārakādikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 7. திணவத்தா²ரகாதி³கதா² • 7. Tiṇavatthārakādikathā
