| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
д̇ин̣авад̇т̇аарагаад̣̇игат̇аа
Tiṇavatthārakādikathā
212. гагкал̣ад̇д̇ааяа ваал̣ад̇д̇ааяаад̇и гагкал̣абхаавааяа жзва ваал̣абхаавааяа жа. бхзд̣̇ааяаад̇и сан̇гхабхзд̣̇ааяа. саб̣б̣зхзва згаж̇жханд̇и гассажи чанд̣̇ам̣ анаахарид̇ваа г̇илаанзби д̇ад̇т̇зва аанзд̇ваа згад̇о саннибад̇ид̇аб̣б̣ам̣. д̇ин̣авад̇т̇аарагзна вуубасамзяяаад̇и зд̇т̇а ид̣̇ам̣ гаммам̣ д̇ин̣авад̇т̇аарагасад̣̇исад̇д̇аа ‘‘д̇ин̣авад̇т̇аараго’’д̇и вуд̇д̇ам̣. яат̇аа хи г̇уут̇ам̣ ваа муд̇д̇ам̣ ваа гхаддияамаанам̣ д̣̇уг̇г̇анд̇хад̇ааяа б̣аад̇хад̇и, д̇ин̣зхи авад̇т̇арид̇ваа суббадижчаад̣̇ид̇асса банасса со г̇анд̇хо на б̣аад̇хад̇и; звамзва яам̣ ад̇хигаран̣ам̣ муулаанумуулам̣ г̇анд̇ваа вуубасамияамаанам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇ад̇и, д̇ам̣ иминаа гаммзна вуубасанд̇ам̣ г̇уут̇ам̣ вияа д̇ин̣авад̇т̇аарагзна бадижчаннам̣ сувуубасанд̇ам̣ ход̇ийд̇и ид̣̇ам̣ гаммам̣ д̇ин̣авад̇т̇аарагасад̣̇исад̇д̇аа ‘‘д̇ин̣авад̇т̇аараго’’д̇и вуд̇д̇ам̣.
212.Kakkhaḷattāya vāḷattāyāti kakkhaḷabhāvāya ceva vāḷabhāvāya ca. Bhedāyāti saṅghabhedāya. Sabbeheva ekajjhanti kassaci chandaṃ anāharitvā gilānepi tattheva ānetvā ekato sannipatitabbaṃ. Tiṇavatthārakena vūpasameyyāti ettha idaṃ kammaṃ tiṇavatthārakasadisattā ‘‘tiṇavatthārako’’ti vuttaṃ. Yathā hi gūthaṃ vā muttaṃ vā ghaṭṭiyamānaṃ duggandhatāya bādhati, tiṇehi avattharitvā suppaṭicchāditassa panassa so gandho na bādhati; evameva yaṃ adhikaraṇaṃ mūlānumūlaṃ gantvā vūpasamiyamānaṃ kakkhaḷattāya vāḷattāya bhedāya saṃvattati, taṃ iminā kammena vūpasantaṃ gūthaṃ viya tiṇavatthārakena paṭicchannaṃ suvūpasantaṃ hotīti idaṃ kammaṃ tiṇavatthārakasadisattā ‘‘tiṇavatthārako’’ti vuttaṃ.
213. т̇уллаваж̇ж̇анд̇и баарааж̇иган̃жзва сан̇гхаад̣̇исзсан̃жа. г̇ихибадисам̣яуд̇д̇анд̇и г̇ихийнам̣ хийнзна кум̣санавамбханад̇хаммигабадиссавзсу аабаннам̣ аабад̇д̇им̣.
213.Thullavajjanti pārājikañceva saṅghādisesañca. Gihipaṭisaṃyuttanti gihīnaṃ hīnena khuṃsanavambhanadhammikapaṭissavesu āpannaṃ āpattiṃ.
214. зван̃жа бана бхигкавз д̇з бхигкуу д̇аахи аабад̇д̇ийхи вудтид̇аа хонд̇ийд̇и звам̣ д̇ин̣авад̇т̇аарагагаммаваажааяа гад̇ааяа гаммаваажаабарияосаанз яад̇д̇агаа д̇ад̇т̇а саннибад̇ид̇аа анд̇амасо суд̇д̇ааби самаабаннааби ан̃н̃авихид̇ааби саб̣б̣з д̇з бхигкуу яаава убасамбад̣̇аман̣д̣алад̇о бадтааяа т̇уллаваж̇ж̇ан̃жа г̇ихибадисам̣яуд̇д̇ан̃жа табзд̇ваа авасзсаа аабад̇д̇ияо аабаннаа, саб̣б̣аахи д̇аахи аабад̇д̇ийхи вудтид̇аа хонд̇и. яз бана ‘‘на мзд̇ам̣ камад̇ий’’д̇и ан̃н̃аман̃н̃ам̣ д̣̇идтаавигаммам̣ гаронд̇и, д̇зхи ваа сад̣̇д̇хим̣ аабад̇д̇им̣ аабаж̇ж̇ид̇вааби д̇ад̇т̇а анааг̇ад̇аа, ааг̇анд̇ваа ваа чанд̣̇ам̣ д̣̇ад̇ваа баривзн̣аад̣̇ийсу нисиннаа, д̇з аабад̇д̇ийхи на вудтаханд̇и. д̇зна вуд̇д̇ам̣ – ‘‘табзд̇ваа д̣̇идтаавигаммам̣ табзд̇ваа яз на д̇ад̇т̇а хонд̇ий’’д̇и.
214.Evañca pana bhikkhave te bhikkhū tāhi āpattīhi vuṭṭhitā hontīti evaṃ tiṇavatthārakakammavācāya katāya kammavācāpariyosāne yattakā tattha sannipatitā antamaso suttāpi samāpannāpi aññavihitāpi sabbe te bhikkhū yāva upasampadamaṇḍalato paṭṭhāya thullavajjañca gihipaṭisaṃyuttañca ṭhapetvā avasesā āpattiyo āpannā, sabbāhi tāhi āpattīhi vuṭṭhitā honti. Ye pana ‘‘na metaṃ khamatī’’ti aññamaññaṃ diṭṭhāvikammaṃ karonti, tehi vā saddhiṃ āpattiṃ āpajjitvāpi tattha anāgatā, āgantvā vā chandaṃ datvā pariveṇādīsu nisinnā, te āpattīhi na vuṭṭhahanti. Tena vuttaṃ – ‘‘ṭhapetvā diṭṭhāvikammaṃ ṭhapetvā ye na tattha hontī’’ti.
д̇ин̣авад̇т̇аарагаад̣̇игат̇аа нидтид̇аа.
Tiṇavatthārakādikathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 7. д̇ин̣авад̇т̇аарагам̣ • 7. Tiṇavatthārakaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇ивинаяаад̣̇игат̇ааван̣н̣анаа • Sativinayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇ин̣авад̇т̇аарагаад̣̇игат̇ааван̣н̣анаа • Tiṇavatthārakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. д̇ин̣авад̇т̇аарагаад̣̇игат̇аа • 7. Tiṇavatthārakādikathā
