| Library / Tipiṭaka / ਤਿਪਿਟਕ • Tipiṭaka / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā |
ਤਿਣવਤ੍ਥਾਰਕਾਦਿਕਥਾ
Tiṇavatthārakādikathā
੨੧੨. ਕਕ੍ਖਲ਼ਤ੍ਤਾਯ વਾਲ਼ਤ੍ਤਾਯਾਤਿ ਕਕ੍ਖਲ਼ਭਾવਾਯ ਚੇવ વਾਲ਼ਭਾવਾਯ ਚ। ਭੇਦਾਯਾਤਿ ਸਙ੍ਘਭੇਦਾਯ। ਸਬ੍ਬੇਹੇવ ਏਕਜ੍ਝਨ੍ਤਿ ਕਸ੍ਸਚਿ ਛਨ੍ਦਂ ਅਨਾਹਰਿਤ੍વਾ ਗਿਲਾਨੇਪਿ ਤਤ੍ਥੇવ ਆਨੇਤ੍વਾ ਏਕਤੋ ਸਨ੍ਨਿਪਤਿਤਬ੍ਬਂ। ਤਿਣવਤ੍ਥਾਰਕੇਨ વੂਪਸਮੇਯ੍ਯਾਤਿ ਏਤ੍ਥ ਇਦਂ ਕਮ੍ਮਂ ਤਿਣવਤ੍ਥਾਰਕਸਦਿਸਤ੍ਤਾ ‘‘ਤਿਣવਤ੍ਥਾਰਕੋ’’ਤਿ વੁਤ੍ਤਂ। ਯਥਾ ਹਿ ਗੂਥਂ વਾ ਮੁਤ੍ਤਂ વਾ ਘਟ੍ਟਿਯਮਾਨਂ ਦੁਗ੍ਗਨ੍ਧਤਾਯ ਬਾਧਤਿ, ਤਿਣੇਹਿ ਅવਤ੍ਥਰਿਤ੍વਾ ਸੁਪ੍ਪਟਿਚ੍ਛਾਦਿਤਸ੍ਸ ਪਨਸ੍ਸ ਸੋ ਗਨ੍ਧੋ ਨ ਬਾਧਤਿ; ਏવਮੇવ ਯਂ ਅਧਿਕਰਣਂ ਮੂਲਾਨੁਮੂਲਂ ਗਨ੍ਤ੍વਾ વੂਪਸਮਿਯਮਾਨਂ ਕਕ੍ਖਲ਼ਤ੍ਤਾਯ વਾਲ਼ਤ੍ਤਾਯ ਭੇਦਾਯ ਸਂવਤ੍ਤਤਿ, ਤਂ ਇਮਿਨਾ ਕਮ੍ਮੇਨ વੂਪਸਨ੍ਤਂ ਗੂਥਂ વਿਯ ਤਿਣવਤ੍ਥਾਰਕੇਨ ਪਟਿਚ੍ਛਨ੍ਨਂ ਸੁવੂਪਸਨ੍ਤਂ ਹੋਤੀਤਿ ਇਦਂ ਕਮ੍ਮਂ ਤਿਣવਤ੍ਥਾਰਕਸਦਿਸਤ੍ਤਾ ‘‘ਤਿਣવਤ੍ਥਾਰਕੋ’’ਤਿ વੁਤ੍ਤਂ।
212.Kakkhaḷattāya vāḷattāyāti kakkhaḷabhāvāya ceva vāḷabhāvāya ca. Bhedāyāti saṅghabhedāya. Sabbeheva ekajjhanti kassaci chandaṃ anāharitvā gilānepi tattheva ānetvā ekato sannipatitabbaṃ. Tiṇavatthārakena vūpasameyyāti ettha idaṃ kammaṃ tiṇavatthārakasadisattā ‘‘tiṇavatthārako’’ti vuttaṃ. Yathā hi gūthaṃ vā muttaṃ vā ghaṭṭiyamānaṃ duggandhatāya bādhati, tiṇehi avattharitvā suppaṭicchāditassa panassa so gandho na bādhati; evameva yaṃ adhikaraṇaṃ mūlānumūlaṃ gantvā vūpasamiyamānaṃ kakkhaḷattāya vāḷattāya bhedāya saṃvattati, taṃ iminā kammena vūpasantaṃ gūthaṃ viya tiṇavatthārakena paṭicchannaṃ suvūpasantaṃ hotīti idaṃ kammaṃ tiṇavatthārakasadisattā ‘‘tiṇavatthārako’’ti vuttaṃ.
੨੧੩. ਥੁਲ੍ਲવਜ੍ਜਨ੍ਤਿ ਪਾਰਾਜਿਕਞ੍ਚੇવ ਸਙ੍ਘਾਦਿਸੇਸਞ੍ਚ। ਗਿਹਿਪਟਿਸਂਯੁਤ੍ਤਨ੍ਤਿ ਗਿਹੀਨਂ ਹੀਨੇਨ ਖੁਂਸਨવਮ੍ਭਨਧਮ੍ਮਿਕਪਟਿਸ੍ਸવੇਸੁ ਆਪਨ੍ਨਂ ਆਪਤ੍ਤਿਂ।
213.Thullavajjanti pārājikañceva saṅghādisesañca. Gihipaṭisaṃyuttanti gihīnaṃ hīnena khuṃsanavambhanadhammikapaṭissavesu āpannaṃ āpattiṃ.
੨੧੪. ਏવਞ੍ਚ ਪਨ ਭਿਕ੍ਖવੇ ਤੇ ਭਿਕ੍ਖੂ ਤਾਹਿ ਆਪਤ੍ਤੀਹਿ વੁਟ੍ਠਿਤਾ ਹੋਨ੍ਤੀਤਿ ਏવਂ ਤਿਣવਤ੍ਥਾਰਕਕਮ੍ਮવਾਚਾਯ ਕਤਾਯ ਕਮ੍ਮવਾਚਾਪਰਿਯੋਸਾਨੇ ਯਤ੍ਤਕਾ ਤਤ੍ਥ ਸਨ੍ਨਿਪਤਿਤਾ ਅਨ੍ਤਮਸੋ ਸੁਤ੍ਤਾਪਿ ਸਮਾਪਨ੍ਨਾਪਿ ਅਞ੍ਞવਿਹਿਤਾਪਿ ਸਬ੍ਬੇ ਤੇ ਭਿਕ੍ਖੂ ਯਾવ ਉਪਸਮ੍ਪਦਮਣ੍ਡਲਤੋ ਪਟ੍ਠਾਯ ਥੁਲ੍ਲવਜ੍ਜਞ੍ਚ ਗਿਹਿਪਟਿਸਂਯੁਤ੍ਤਞ੍ਚ ਠਪੇਤ੍વਾ ਅવਸੇਸਾ ਆਪਤ੍ਤਿਯੋ ਆਪਨ੍ਨਾ, ਸਬ੍ਬਾਹਿ ਤਾਹਿ ਆਪਤ੍ਤੀਹਿ વੁਟ੍ਠਿਤਾ ਹੋਨ੍ਤਿ। ਯੇ ਪਨ ‘‘ਨ ਮੇਤਂ ਖਮਤੀ’’ਤਿ ਅਞ੍ਞਮਞ੍ਞਂ ਦਿਟ੍ਠਾવਿਕਮ੍ਮਂ ਕਰੋਨ੍ਤਿ, ਤੇਹਿ વਾ ਸਦ੍ਧਿਂ ਆਪਤ੍ਤਿਂ ਆਪਜ੍ਜਿਤ੍વਾਪਿ ਤਤ੍ਥ ਅਨਾਗਤਾ, ਆਗਨ੍ਤ੍વਾ વਾ ਛਨ੍ਦਂ ਦਤ੍વਾ ਪਰਿવੇਣਾਦੀਸੁ ਨਿਸਿਨ੍ਨਾ, ਤੇ ਆਪਤ੍ਤੀਹਿ ਨ વੁਟ੍ਠਹਨ੍ਤਿ। ਤੇਨ વੁਤ੍ਤਂ – ‘‘ਠਪੇਤ੍વਾ ਦਿਟ੍ਠਾવਿਕਮ੍ਮਂ ਠਪੇਤ੍વਾ ਯੇ ਨ ਤਤ੍ਥ ਹੋਨ੍ਤੀ’’ਤਿ।
214.Evañca pana bhikkhave te bhikkhū tāhi āpattīhi vuṭṭhitā hontīti evaṃ tiṇavatthārakakammavācāya katāya kammavācāpariyosāne yattakā tattha sannipatitā antamaso suttāpi samāpannāpi aññavihitāpi sabbe te bhikkhū yāva upasampadamaṇḍalato paṭṭhāya thullavajjañca gihipaṭisaṃyuttañca ṭhapetvā avasesā āpattiyo āpannā, sabbāhi tāhi āpattīhi vuṭṭhitā honti. Ye pana ‘‘na metaṃ khamatī’’ti aññamaññaṃ diṭṭhāvikammaṃ karonti, tehi vā saddhiṃ āpattiṃ āpajjitvāpi tattha anāgatā, āgantvā vā chandaṃ datvā pariveṇādīsu nisinnā, te āpattīhi na vuṭṭhahanti. Tena vuttaṃ – ‘‘ṭhapetvā diṭṭhāvikammaṃ ṭhapetvā ye na tattha hontī’’ti.
ਤਿਣવਤ੍ਥਾਰਕਾਦਿਕਥਾ ਨਿਟ੍ਠਿਤਾ।
Tiṇavatthārakādikathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੭. ਤਿਣવਤ੍ਥਾਰਕਂ • 7. Tiṇavatthārakaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਤਿવਿਨਯਾਦਿਕਥਾવਣ੍ਣਨਾ • Sativinayādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਤਿਣવਤ੍ਥਾਰਕਾਦਿਕਥਾવਣ੍ਣਨਾ • Tiṇavatthārakādikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੭. ਤਿਣવਤ੍ਥਾਰਕਾਦਿਕਥਾ • 7. Tiṇavatthārakādikathā
