| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੭. ਤਿਣવਤ੍ਥਾਰਕਾਦਿਕਥਾ
7. Tiṇavatthārakādikathā
੨੧੨. ਕਕ੍ਖਲ਼ਤਾਯ વਾਲ਼ਤਾਯਾਤਿ ਏਤ੍ਥ ਕਕ੍ਖਲ਼ਸ੍ਸ ਭਾવੋ ਕਕ੍ਖਲ਼ਤਾ, વਾਲ਼ਸ੍ਸ ਭਾવੋ વਾਲ਼ਤਾਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਕਕ੍ਖਲ਼ਭਾવਾਯ ਚੇવ વਾਲ਼ਭਾવਾਯ ਚਾ’’ਤਿ। ਇਮਿਨਾ ਤਾਪਚ੍ਚਯਸ੍ਸ ਸਮੂਹਤ੍ਥਞ੍ਚ ਸ੍વਤ੍ਥਞ੍ਚ ਪਟਿਕ੍ਖਿਪਤਿ। ‘‘ਕਕ੍ਖਲ਼ਤਾਯ વਾਲ਼ਤਾਯਾ’’ਤਿ ਬ੍ਯਞ੍ਜਨਤੋਯੇવ ਨਾਨਂ, ਨ ਅਤ੍ਥਤੋ। ਭੇਦਾਯਾਤਿ ਏਤ੍ਥ ਅਞ੍ਞਸ੍ਸ ਭੇਦਂ ਪਟਿਕ੍ਖਿਪਨ੍ਤੋ ਆਹ ‘‘ਸਙ੍ਘਭੇਦਾਯਾ’’ਤਿ। ਗਿਲਾਨੇਪੀਤਿ ਪਿਸਦ੍ਦੋ ਅਞ੍ਞੇ ਪਨ ਕਾ ਕਥਾਤਿ ਦਸ੍ਸੇਤਿ। ਤਤ੍ਥੇવਾਤਿ ਅਧਿਕਰਣવੂਪਸਮਟ੍ਠਾਨੇਯੇવ। ‘‘ਏਕਤੋ’’ਤਿ ਇਮਿਨਾ ਏਕਜ੍ਝਨ੍ਤਿ ਪਦਸ੍ਸ ‘‘ਏਕਤੋ’’ਤਿ ਪਦੇਨ ਸਮਾਨਤਂ ਦਸ੍ਸੇਤਿ, ਏਕਸਦ੍ਦਤੋ ਜ੍ਝਪਚ੍ਚਯੋ ਚ ਤੋਪਚ੍ਚਯੋ ਚ વਿਸੇਸੋ, ‘‘ਤਿਣવਤ੍ਥਾਰਕਸਦਿਸਤ੍ਤਾ’’ਤਿ ਇਮਿਨਾ ਸਦਿਸੂਪਚਾਰਂ ਦਸ੍ਸੇਤਿ। ਤਿਣੇਹਿ ਅવਤ੍ਥਰਿਤਬ੍ਬਨ੍ਤਿ ਤਿਣવਤ੍ਥਾਰਂ, ਗੂਥਮੁਤ੍ਤਂ, ਤਿਣવਤ੍ਥਾਰਮਿવ ਤਿਣવਤ੍ਥਾਰਕਂ। ਏਤ੍ਥ ਅਧਿਕਰਣਮੇવ ਮੁਖ੍ਯਤੋ ਲਬ੍ਭਤਿ, ਸਮਥੋ ਪਨ ਫਲੂਪਚਾਰਤੋ, ਸਦਿਸਤ੍ਥੇ ਕਪਚ੍ਚਯੋ। ਤਮੇવਤ੍ਥਂ ਪਾਕਟਂ ਕਰੋਨ੍ਤੋ ਆਹ ‘‘ਯਥਾ ਹੀ’’ਤਿਆਦਿ। ਘਟ੍ਟਿਯਮਾਨਂ ਗੂਥਂ વਾ ਮੁਤ੍ਤਂ વਾਤਿ ਯੋਜਨਾ। ‘‘ਘਟ੍ਟਿਯਮਾਨ’’ਨ੍ਤਿ ਪਦਂ ਹੇਤੁਅਨ੍ਤੋਗਧવਿਸੇਸਨਂ, ‘‘ਬਾਧਤੀ’’ਤਿ ਇਮਿਨਾ ਸਮ੍ਬਨ੍ਧਿਤਬ੍ਬਂ। ਸੁਪ੍ਪਟਿਚ੍ਛਾਦਿਤਸ੍ਸ ਪਨ ਅਸ੍ਸ ਗੂਥਮੁਤ੍ਤਸ੍ਸਾਤਿ ਯੋਜਨਾ। ‘‘ਸੁਪ੍ਪਟਿਚ੍ਛਾਦਿਤਸ੍ਸਾ’’ਤਿ ਪਦਮ੍ਪਿ ਹੇਤੁਅਨ੍ਤੋਗਧવਿਸੇਸਨਮੇવ, ‘‘ਨ ਬਾਧਤੀ’’ਤਿ ਇਮਿਨਾ ਸਮ੍ਬਨ੍ਧਿਤਬ੍ਬਂ। ਯਂ ਅਧਿਕਰਣਂ ਸਂવਤ੍ਤਤੀਤਿ ਸਮ੍ਬਨ੍ਧੋ। ਮੂਲਾਨੁਮੂਲਨ੍ਤਿ ਮੂਲਞ੍ਚ ਅਨੁਮੂਲਞ੍ਚ ਮੂਲਾਨੁਮੂਲਂ। ਤਨ੍ਤਿ ਅਧਿਕਰਣਂ। ਇਮਿਨਾ ਕਮ੍ਮੇਨਾਤਿ ਤਿਣવਤ੍ਥਾਰਕਕਮ੍ਮੇਨ। ਗੂਥਂ ਤਿਣੇਹਿ ਪਟਿਚ੍ਛਨ੍ਨਂ ਸੁવੂਪਸਨ੍ਤਂ ਹੋਤਿ વਿਯ ਤਿਣવਤ੍ਥਾਰਕੇਨ ਪਟਿਚ੍ਛਨ੍ਨਂ ਸੁવੂਪਸਨ੍ਤਂ ਹੋਤੀਤਿ ਯੋਜਨਾ। ਇਤੀਤਿ ਤਸ੍ਮਾ।
212.Kakkhaḷatāya vāḷatāyāti ettha kakkhaḷassa bhāvo kakkhaḷatā, vāḷassa bhāvo vāḷatāti vacanatthaṃ dassento āha ‘‘kakkhaḷabhāvāya ceva vāḷabhāvāya cā’’ti. Iminā tāpaccayassa samūhatthañca svatthañca paṭikkhipati. ‘‘Kakkhaḷatāya vāḷatāyā’’ti byañjanatoyeva nānaṃ, na atthato. Bhedāyāti ettha aññassa bhedaṃ paṭikkhipanto āha ‘‘saṅghabhedāyā’’ti. Gilānepīti pisaddo aññe pana kā kathāti dasseti. Tatthevāti adhikaraṇavūpasamaṭṭhāneyeva. ‘‘Ekato’’ti iminā ekajjhanti padassa ‘‘ekato’’ti padena samānataṃ dasseti, ekasaddato jjhapaccayo ca topaccayo ca viseso, ‘‘tiṇavatthārakasadisattā’’ti iminā sadisūpacāraṃ dasseti. Tiṇehi avattharitabbanti tiṇavatthāraṃ, gūthamuttaṃ, tiṇavatthāramiva tiṇavatthārakaṃ. Ettha adhikaraṇameva mukhyato labbhati, samatho pana phalūpacārato, sadisatthe kapaccayo. Tamevatthaṃ pākaṭaṃ karonto āha ‘‘yathā hī’’tiādi. Ghaṭṭiyamānaṃ gūthaṃ vā muttaṃ vāti yojanā. ‘‘Ghaṭṭiyamāna’’nti padaṃ hetuantogadhavisesanaṃ, ‘‘bādhatī’’ti iminā sambandhitabbaṃ. Suppaṭicchāditassa pana assa gūthamuttassāti yojanā. ‘‘Suppaṭicchāditassā’’ti padampi hetuantogadhavisesanameva, ‘‘na bādhatī’’ti iminā sambandhitabbaṃ. Yaṃ adhikaraṇaṃ saṃvattatīti sambandho. Mūlānumūlanti mūlañca anumūlañca mūlānumūlaṃ. Tanti adhikaraṇaṃ. Iminā kammenāti tiṇavatthārakakammena. Gūthaṃ tiṇehi paṭicchannaṃ suvūpasantaṃ hoti viya tiṇavatthārakena paṭicchannaṃ suvūpasantaṃ hotīti yojanā. Itīti tasmā.
੨੧੩. ਥੁਲ੍ਲવਜ੍ਜਨ੍ਤਿ ਏਤ੍ਥ ਥੁਲ੍ਲਚ੍ਚਯਸ੍ਸਾਪਿ ਥੁਲ੍ਲવਜ੍ਜਤ੍ਤਾ ਇਧ ਪਾਰਾਜਿਕਸਙ੍ਘਾਦਿਸੇਸਮੇવਾਧਿਪ੍ਪੇਤਨ੍ਤਿ ਆਹ ‘‘ਪਾਰਾਜਿਕਞ੍ਚੇવ ਸਙ੍ਘਾਦਿਸੇਸਞ੍ਚਾ’’ਤਿ। ਗਿਹਿਪਟਿਸਂਯੁਤ੍ਤਨ੍ਤਿ ਏਤ੍ਥ ਗਿਹੀਨਂ ਪਟਿਸਂਯੁਤ੍ਤਂ ਗਿਹਿਪਟਿਸਂਯੁਤ੍ਤਨ੍ਤਿ વਚਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਗਿਹੀਨ’’ਨ੍ਤਿਆਦਿ। ‘‘ਹੀਨੇਨਾ’’ਤਿ ਪਦਂ ‘‘ਖੁਂਸਨવਮ੍ਭਨ’’ ਇਤਿ ਪਦੇਨੇવ ਸਮ੍ਬਨ੍ਧਿਤਬ੍ਬਂ। ਧਮ੍ਮਿਕਪਟਿਸ੍ਸવੇਸੂਤਿ ਨਿਮਿਤ੍ਤਤ੍ਥੇ ਭੁਮ੍ਮવਚਨਂ।
213.Thullavajjanti ettha thullaccayassāpi thullavajjattā idha pārājikasaṅghādisesamevādhippetanti āha ‘‘pārājikañceva saṅghādisesañcā’’ti. Gihipaṭisaṃyuttanti ettha gihīnaṃ paṭisaṃyuttaṃ gihipaṭisaṃyuttanti vacanatthaṃ dassento āha ‘‘gihīna’’ntiādi. ‘‘Hīnenā’’ti padaṃ ‘‘khuṃsanavambhana’’ iti padeneva sambandhitabbaṃ. Dhammikapaṭissavesūti nimittatthe bhummavacanaṃ.
੨੧੪. ਕਮ੍ਮવਾਚਾਪਰਿਯੋਸਾਨੇ વੁਟ੍ਠਿਤਾ ਹੋਨ੍ਤੀਤਿ ਸਮ੍ਬਨ੍ਧੋ। ਤਤ੍ਥਾਤਿ ਅਧਿਕਰਣવੂਪਸਮਟ੍ਠਾਨੇ। ਅਞ੍ਞਾવਿਹਿਤਾਪੀਤਿ ਅਧਿਕਰਣવਿਨਿਚ੍ਛਯਤੋ ਅਞ੍ਞਸ੍ਮਿਂ ਠਾਨੇ ਚਿਤ੍ਤਂ ਆવਿਹਿਤਾਪਿ ਠਪਿਤਾਪਿ। ਉਪਸਮ੍ਪਦਮਣ੍ਡਲਤੋਤਿ ਉਪਸਮ੍ਪਦਸੀਮਬਿਮ੍ਬਤੋ, ਯੇ ਪਨਾਤਿ ਭਿਕ੍ਖੂ ਪਨ, ਦਿਟ੍ਠਾવਿਕਮ੍ਮਂ ਕਰੋਨ੍ਤੀਤਿ વਾ ਅਨਾਗਤਾਤਿ વਾ ਨਿਸਿਨ੍ਨਾਤਿ વਾ ਸਮ੍ਬਨ੍ਧੋ। ਤੇਹਿ વਾਤਿ ਅਧਿਕਰਣਂ વਿਨਿਚ੍ਛਿਨਨ੍ਤੇਹਿ ਭਿਕ੍ਖੂਹਿ વਾ। ਤਤ੍ਥਾਤਿ ਅਧਿਕਰਣવਿਨਿਚ੍ਛਿਤਟ੍ਠਾਨਂ। ਛਨ੍ਦਂ ਦਤ੍વਾਤਿ ਛਨ੍ਦਂ ਸਙ੍ਘਸ੍ਸ ਦਤ੍વਾ। ਪਰਿવੇਣਾਦੀਸੂਤਿਆਦਿਸਦ੍ਦੇਨ ਆવਾਸਾਦਯੋ ਸਙ੍ਗਣ੍ਹਾਤਿ। ਤੇਤਿ ਭਿਕ੍ਖੂ।
214. Kammavācāpariyosāne vuṭṭhitā hontīti sambandho. Tatthāti adhikaraṇavūpasamaṭṭhāne. Aññāvihitāpīti adhikaraṇavinicchayato aññasmiṃ ṭhāne cittaṃ āvihitāpi ṭhapitāpi. Upasampadamaṇḍalatoti upasampadasīmabimbato, ye panāti bhikkhū pana, diṭṭhāvikammaṃ karontīti vā anāgatāti vā nisinnāti vā sambandho. Tehi vāti adhikaraṇaṃ vinicchinantehi bhikkhūhi vā. Tatthāti adhikaraṇavinicchitaṭṭhānaṃ. Chandaṃ datvāti chandaṃ saṅghassa datvā. Pariveṇādīsūtiādisaddena āvāsādayo saṅgaṇhāti. Teti bhikkhū.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ੭. ਤਿਣવਤ੍ਥਾਰਕਂ • 7. Tiṇavatthārakaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਤਿਣવਤ੍ਥਾਰਕਾਦਿਕਥਾ • Tiṇavatthārakādikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਤਿવਿਨਯਾਦਿਕਥਾવਣ੍ਣਨਾ • Sativinayādikathāvaṇṇanā
