| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
д̇ин̣авад̇т̇аарагаад̣̇игат̇ааван̣н̣анаа
Tiṇavatthārakādikathāvaṇṇanā
214. ‘‘саб̣б̣зхзва згаж̇жхам̣ саннибад̇ид̇аб̣б̣а’’нд̇и чанд̣̇ад̣̇аанасса бадигкид̇д̇ад̇д̇аа бавааран̣агканд̇хагадтагат̇ааяан̃жа ‘‘бхиннасса хи сан̇гхасса самаг̇г̇агаран̣агаалз, д̇ин̣авад̇т̇аарагасамат̇з, имасмин̃жа бавааран̣асан̇г̇ахзд̇и имзсу д̇ийсу таанзсу чанд̣̇ам̣ д̣̇аад̇ум̣ на ваддад̇ий’’д̇и (махаава. адта. 241) вуд̇д̇ад̇д̇аа ид̇ха ааг̇анд̇ваа ваа чанд̣̇ам̣ д̣̇ад̇ваа баривзн̣аад̣̇ийсу нисиннаад̇и ид̣̇ам̣ вируж̇жхад̇и вияа кааяад̇ийд̇и жз? на кааяад̇и ад̇хиббааяан̃н̃уунам̣. аяан̃хзд̇т̇а ад̇хиббааяо – висуж̇жхид̇угаамзхи саб̣б̣зхзва саннибад̇ид̇аб̣б̣ам̣, асаннибад̇ид̇асса над̇т̇и суд̣̇д̇хи чанд̣̇ад̣̇ааяагасса. гзвалам̣ д̇ам̣ гаммам̣ саннибад̇ид̇аанам̣ самбаж̇ж̇ад̇и. адтагат̇ааяам̣ висуж̇жхид̇угаамаанам̣ чанд̣̇ам̣ д̣̇аад̇ум̣ на ваддад̇ийд̇и ад̇хиббааяо. ид̇арат̇аа баал̣ияаа жа вируж̇жхад̇и. ‘‘табзд̇ваа яз на д̇ад̇т̇а ход̇ий’’д̇и хи аяам̣ баал̣и саннибаад̇ам̣ ааг̇анд̇ваа чанд̣̇ам̣ д̣̇ад̇ваа тид̇аанам̣ ад̇т̇ид̇ам̣ д̣̇ийбзд̇и. ниссиймаг̇ад̇з санд̇хааяа вуд̇д̇ам̣ сияаад̇и жз? ниссиймаг̇ад̇з табзд̇ваа ид̇ха гим̣, д̇асмаа яо саамаг̇г̇ийубосат̇з чанд̣̇ам̣ д̣̇ад̇ваа д̇идтад̇и жз, наанаасам̣ваасагабхуумияам̣язва д̇идтад̇и, д̇асса чанд̣̇ад̣̇ааяагасса бавааран̣асан̇г̇ахоби над̇т̇и. яо жа д̇ин̣авад̇т̇аарагагаммз нааг̇ажчад̇и, со д̇аахи аабад̇д̇ийхи на суж̇жхад̇ийд̇и взд̣̇ид̇аб̣б̣ам̣. яасса зд̇ам̣ на ружжад̇и , д̇асса бариваарз вуд̇д̇абарисад̇о гаммавибад̇д̇илагкан̣ам̣ вируж̇жхад̇и, д̇ад̇т̇а хи гзвалам̣ чанд̣̇аарахаанам̣ чанд̣̇о анаахадо ход̇и сажз, агад̇ам̣ д̇аб̣б̣ибарийд̇зна самбад̇д̇ид̣̇ийбанад̇од̇и вуд̇д̇ам̣ ход̇и. д̇ат̇аа бад̇д̇агаллалагкан̣амби вируж̇жхад̇и. д̇зсу д̇ийсу таанзсу гаммаббад̇д̇ааязва саб̣б̣з, на д̇ад̇т̇а чанд̣̇аарахо ад̇т̇ийд̇и жз? на, жад̇уваг̇г̇аад̣̇игаран̣авибхааж̇анз ависзсзд̇ваа чанд̣̇аарахасса ааг̇ад̇ад̇д̇аа, д̇ам̣ сааман̃н̃ад̇о вуд̇д̇ам̣. ид̣̇ан̃жа аавзн̣игалагкан̣ам̣, д̇знзва сад̇иби д̣̇идтаавигаммз ид̣̇ам̣ бадигудтагад̇ам̣ на ход̇ийд̇и жз? на, наанад̇д̇асабхаавад̇о. ид̇ха хи яз бана ‘‘на мзд̇ам̣ камад̇ий’д̇и ан̃н̃аман̃н̃ам̣ д̣̇идтаавигаммам̣ гаронд̇ий’’д̇и (жуул̣ава. адта. 214) важанад̇о на сан̇гхасса д̣̇идтаавигаммам̣ гад̇ам̣. д̇асмим̣ сад̇и бадигудтагад̇амзва ход̇и. ан̃н̃ат̇аа буб̣б̣абхааг̇аа д̇аа н̃ад̇д̇ияо нирад̇т̇игаа сияум̣, на жа бариваарадтагат̇ааяам̣ чанд̣̇аарахаад̇хигаарз наяо д̣̇инно. бавааран̣агканд̇хагадтагат̇ааяам̣ ‘‘д̇ийсу таанзсу чанд̣̇ам̣ д̣̇аад̇ум̣ на ваддад̇ий’’д̇и (махаава. адта. 241) вуд̇д̇ад̇д̇аа вируж̇жхад̇ийд̇и жз? на, адтагат̇ааяа бамаан̣абхаавз сад̇и ‘‘ид̇ха чанд̣̇ам̣ д̣̇ад̇ваа баривзн̣аад̣̇ийсу нисиннаа’’д̇иаад̣̇и важанз суд̣̇д̇хигаамад̇о зва г̇ахид̇з саб̣б̣ам̣ на вируж̇жхад̇ийд̇и згз. ‘‘ааг̇анд̇ваа ваа чанд̣̇ам̣ д̣̇ад̇ваа баривзн̣аад̣̇ийсу нисиннаа, д̇з аабад̇д̇ийхи на вудтаханд̇ий’’д̇и ид̣̇ам̣ на вад̇д̇аб̣б̣ам̣. гасмаа? хздтаа ‘‘саб̣б̣зхзва згаж̇жхам̣ саннибад̇ид̇аб̣б̣а’’нд̇и чанд̣̇ад̣̇аанасса бадигкзбаважанад̇о адтагат̇ааяам̣ ‘‘д̇ийсу таанзсу чанд̣̇ам̣ д̣̇аад̇ум̣ на ваддад̇ий’’д̇и вуд̇д̇ад̇д̇аа, анд̇хагадтагат̇ааяамби д̇ат̇зва вуд̇д̇ад̇д̇аа жаад̇и? на, згаж̇жхамзва гаммз гарийяамаанз яо ид̇ха ‘‘сун̣аад̇у мз, бханд̇з, сан̇гхо, амхаагам̣…бз… г̇ихибадисам̣яуд̇д̇а’’нд̇и саад̇хааран̣ан̃ад̇д̇им̣ табзд̇ваа буна ‘‘сун̣анд̇у мз, ааяасманд̇аа’’д̇иаад̣̇инаа асаад̇хааран̣ан̃ад̇д̇ияо табзд̇ваа ‘‘сун̣аад̇у мз, бханд̇з сан̇гхо, амхаагам̣…бз… звамзд̇ам̣ д̇хаараяаамий’’д̇и згад̇обагкигаанам̣ санд̇хияаа гад̇ааяа д̇ад̣̇ананд̇арз гзнажи гаран̣ийязна чанд̣̇ам̣ д̣̇ад̇ваа г̇ажчад̇и, д̇асса аабад̇д̇ийхи вудтаанам̣ над̇т̇и. абарзсамби згад̇обагкигаанам̣ аб̣бханд̇арз тид̇ад̇д̇аа вибхууд̇ад̇д̇аа гаран̣асса аяамад̇т̇ова вуд̇д̇о. саад̇хааран̣авасзна д̣̇уд̇ияааяа н̃ад̇д̇ияаа табид̇ааяа яз д̇асмим̣ кан̣з н̃ад̇д̇ид̣̇уд̇ияагаммаваажаасу анаарад̣̇д̇хаасу, абарияосид̇аасу ваа чанд̣̇ам̣ д̣̇ад̇ваа г̇ажчанд̇и, д̇зсамби на вудтаад̇и зва. яз на д̇ад̇т̇а хонд̇ийд̇и бад̣̇асса жа яз вуд̇д̇аббагаарзна наязна д̇ад̇т̇а на хонд̇ийд̇и ад̇т̇о г̇ахзд̇аб̣б̣о. вуд̇д̇аббагаарад̇т̇ад̣̇ийбанад̇т̇ан̃жа адтагат̇ааяам̣ ‘‘чанд̣̇ам̣ д̣̇ад̇ваа баривзн̣аад̣̇ийсу нисиннаа’’д̇и ид̣̇амзва авад̇ваа ‘‘яз бана д̇зхи ваа сад̣̇д̇хим̣ аабад̇д̇им̣ аабаж̇ж̇ид̇вааби д̇ад̇т̇а анааг̇ад̇аа, ааг̇анд̇ваа ваа чанд̣̇ам̣ д̣̇ад̇ваа баривзн̣аад̣̇ийсу нисиннаа’’д̇и вуд̇д̇ам̣, звам̣ буб̣б̣знаабарам̣ санд̇хийяад̇и. ‘‘баал̣ияаа жа д̇ад̇т̇а д̣̇идтаавигаммзна гаммасса агуббад̇аа взд̣̇ид̇аб̣б̣аа’’д̇и вуд̇д̇ам̣.
214. ‘‘Sabbeheva ekajjhaṃ sannipatitabba’’nti chandadānassa paṭikkhittattā pavāraṇakkhandhakaṭṭhakathāyañca ‘‘bhinnassa hi saṅghassa samaggakaraṇakāle, tiṇavatthārakasamathe, imasmiñca pavāraṇasaṅgaheti imesu tīsu ṭhānesu chandaṃ dātuṃ na vaṭṭatī’’ti (mahāva. aṭṭha. 241) vuttattā idha āgantvā vā chandaṃ datvā pariveṇādīsu nisinnāti idaṃ virujjhati viya khāyatīti ce? Na khāyati adhippāyaññūnaṃ. Ayañhettha adhippāyo – visujjhitukāmehi sabbeheva sannipatitabbaṃ, asannipatitassa natthi suddhi chandadāyakassa. Kevalaṃ taṃ kammaṃ sannipatitānaṃ sampajjati. Aṭṭhakathāyaṃ visujjhitukāmānaṃ chandaṃ dātuṃ na vaṭṭatīti adhippāyo. Itarathā pāḷiyā ca virujjhati. ‘‘Ṭhapetvā ye na tattha hotī’’ti hi ayaṃ pāḷi sannipātaṃ āgantvā chandaṃ datvā ṭhitānaṃ atthitaṃ dīpeti. Nissīmagate sandhāya vuttaṃ siyāti ce? Nissīmagate ṭhapetvā idha kiṃ, tasmā yo sāmaggīuposathe chandaṃ datvā tiṭṭhati ce, nānāsaṃvāsakabhūmiyaṃyeva tiṭṭhati, tassa chandadāyakassa pavāraṇasaṅgahopi natthi. Yo ca tiṇavatthārakakamme nāgacchati, so tāhi āpattīhi na sujjhatīti veditabbaṃ. Yassa etaṃ na ruccati , tassa parivāre vuttaparisato kammavipattilakkhaṇaṃ virujjhati, tattha hi kevalaṃ chandārahānaṃ chando anāhaṭo hoti sace, akataṃ tabbiparītena sampattidīpanatoti vuttaṃ hoti. Tathā pattakallalakkhaṇampi virujjhati. Tesu tīsu ṭhānesu kammappattāyeva sabbe, na tattha chandāraho atthīti ce? Na, catuvaggādikaraṇavibhājane avisesetvā chandārahassa āgatattā, taṃ sāmaññato vuttaṃ. Idañca āveṇikalakkhaṇaṃ, teneva satipi diṭṭhāvikamme idaṃ paṭikuṭṭhakataṃ na hotīti ce? Na, nānattasabhāvato. Idha hi ye pana ‘‘na metaṃ khamatī’ti aññamaññaṃ diṭṭhāvikammaṃ karontī’’ti (cūḷava. aṭṭha. 214) vacanato na saṅghassa diṭṭhāvikammaṃ kataṃ. Tasmiṃ sati paṭikuṭṭhakatameva hoti. Aññathā pubbabhāgā tā ñattiyo niratthikā siyuṃ, na ca parivāraṭṭhakathāyaṃ chandārahādhikāre nayo dinno. Pavāraṇakkhandhakaṭṭhakathāyaṃ ‘‘tīsu ṭhānesu chandaṃ dātuṃ na vaṭṭatī’’ti (mahāva. aṭṭha. 241) vuttattā virujjhatīti ce? Na, aṭṭhakathāya pamāṇabhāve sati ‘‘idha chandaṃ datvā pariveṇādīsu nisinnā’’tiādi vacane suddhikāmato eva gahite sabbaṃ na virujjhatīti eke. ‘‘Āgantvā vā chandaṃ datvā pariveṇādīsu nisinnā, te āpattīhi na vuṭṭhahantī’’ti idaṃ na vattabbaṃ. Kasmā? Heṭṭhā ‘‘sabbeheva ekajjhaṃ sannipatitabba’’nti chandadānassa paṭikkhepavacanato aṭṭhakathāyaṃ ‘‘tīsu ṭhānesu chandaṃ dātuṃ na vaṭṭatī’’ti vuttattā, andhakaṭṭhakathāyampi tatheva vuttattā cāti? Na, ekajjhameva kamme karīyamāne yo idha ‘‘suṇātu me, bhante, saṅgho, amhākaṃ…pe… gihipaṭisaṃyutta’’nti sādhāraṇañattiṃ ṭhapetvā puna ‘‘suṇantu me, āyasmantā’’tiādinā asādhāraṇañattiyo ṭhapetvā ‘‘suṇātu me, bhante saṅgho, amhākaṃ…pe… evametaṃ dhārayāmī’’ti ekatopakkhikānaṃ sandhiyā katāya tadanantare kenaci karaṇīyena chandaṃ datvā gacchati, tassa āpattīhi vuṭṭhānaṃ natthi. Aparesampi ekatopakkhikānaṃ abbhantare ṭhitattā vibhūtattā karaṇassa ayamatthova vutto. Sādhāraṇavasena dutiyāya ñattiyā ṭhapitāya ye tasmiṃ khaṇe ñattidutiyakammavācāsu anāraddhāsu, apariyositāsu vā chandaṃ datvā gacchanti, tesampi na vuṭṭhāti eva. Ye na tattha hontīti padassa ca ye vuttappakārena nayena tattha na hontīti attho gahetabbo. Vuttappakāratthadīpanatthañca aṭṭhakathāyaṃ ‘‘chandaṃ datvā pariveṇādīsu nisinnā’’ti idameva avatvā ‘‘ye pana tehi vā saddhiṃ āpattiṃ āpajjitvāpi tattha anāgatā, āgantvā vā chandaṃ datvā pariveṇādīsu nisinnā’’ti vuttaṃ, evaṃ pubbenāparaṃ sandhīyati. ‘‘Pāḷiyā ca tattha diṭṭhāvikammena kammassa akuppatā veditabbā’’ti vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 7. д̇ин̣авад̇т̇аарагам̣ • 7. Tiṇavatthārakaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̇ин̣авад̇т̇аарагаад̣̇игат̇аа • Tiṇavatthārakādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. д̇ин̣авад̇т̇аарагаад̣̇игат̇аа • 7. Tiṇavatthārakādikathā
