| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
7. д̇ин̣авад̇т̇аарагам̣
7. Tiṇavatthārakaṃ
212. д̇зна ко бана самаязна бхигкуунам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ ход̇и бхаасид̇абаригганд̇ам̣. ат̇а ко д̇зсам̣ бхигкуунам̣ зд̇ад̣̇ахоси – ‘‘амхаагам̣ ко бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа 1 бхзд̣̇ааяа сам̣вад̇д̇зяяа. гат̇ам̣ ну ко амхзхи бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣.
212. Tena kho pana samayena bhikkhūnaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ hoti bhāsitaparikkantaṃ. Atha kho tesaṃ bhikkhūnaṃ etadahosi – ‘‘amhākaṃ kho bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya 2 bhedāya saṃvatteyya. Kathaṃ nu kho amhehi paṭipajjitabba’’nti? Bhagavato etamatthaṃ ārocesuṃ.
‘‘ид̇ха бана, бхигкавз, бхигкуунам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ ход̇и бхаасид̇абаригганд̇ам̣ . д̇ад̇ра жз бхигкуунам̣ 3 звам̣ ход̇и – ‘амхаагам̣ ко бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣; сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяаа’д̇и, ануж̇аанаами, бхигкавз, зваруубам̣ ад̇хигаран̣ам̣ д̇ин̣авад̇т̇аарагзна вуубасамзд̇ум̣. зван̃жа бана, бхигкавз, вуубасамзд̇аб̣б̣ам̣. саб̣б̣зхзва згаж̇жхам̣ саннибад̇ид̇аб̣б̣ам̣, саннибад̇ид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
‘‘Idha pana, bhikkhave, bhikkhūnaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ hoti bhāsitaparikkantaṃ . Tatra ce bhikkhūnaṃ 4 evaṃ hoti – ‘amhākaṃ kho bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ; sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyyā’ti, anujānāmi, bhikkhave, evarūpaṃ adhikaraṇaṃ tiṇavatthārakena vūpasametuṃ. Evañca pana, bhikkhave, vūpasametabbaṃ. Sabbeheva ekajjhaṃ sannipatitabbaṃ, sannipatitvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. амхаагам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяа. яад̣̇и сан̇гхасса бад̇д̇агаллам̣, сан̇гхо имам̣ ад̇хигаран̣ам̣ д̇ин̣авад̇т̇аарагзна вуубасамзяяа, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇а’’нд̇и. ‘‘згад̇обагкигаанам̣ бхигкуунам̣ б̣яад̇д̇зна бхигкунаа бадиб̣алзна саго багко н̃аабзд̇аб̣б̣о –
‘‘Suṇātu me, bhante, saṅgho. Amhākaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyya. Yadi saṅghassa pattakallaṃ, saṅgho imaṃ adhikaraṇaṃ tiṇavatthārakena vūpasameyya, ṭhapetvā thullavajjaṃ, ṭhapetvā gihippaṭisaṃyutta’’nti. ‘‘Ekatopakkhikānaṃ bhikkhūnaṃ byattena bhikkhunā paṭibalena sako pakkho ñāpetabbo –
‘‘сун̣анд̇у мз ааяасманд̇аа. амхаагам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяа. яад̣̇ааяасманд̇аанам̣ бад̇д̇агаллам̣, ахам̣ яаа жзва ааяасманд̇аанам̣ аабад̇д̇и, яаа жа ад̇д̇ано аабад̇д̇и, ааяасманд̇аанан̃жзва ад̇т̇ааяа, ад̇д̇ано жа ад̇т̇ааяа, сан̇гхамаж̇жхз д̇ин̣авад̇т̇аарагзна д̣̇зсзяяам̣, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇а’’нд̇и.
‘‘Suṇantu me āyasmantā. Amhākaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyya. Yadāyasmantānaṃ pattakallaṃ, ahaṃ yā ceva āyasmantānaṃ āpatti, yā ca attano āpatti, āyasmantānañceva atthāya, attano ca atthāya, saṅghamajjhe tiṇavatthārakena deseyyaṃ, ṭhapetvā thullavajjaṃ, ṭhapetvā gihippaṭisaṃyutta’’nti.
‘‘ат̇аабарзсам̣ згад̇обагкигаанам̣ бхигкуунам̣ б̣яад̇д̇зна бхигкунаа бадиб̣алзна саго багко н̃аабзд̇аб̣б̣о –
‘‘Athāparesaṃ ekatopakkhikānaṃ bhikkhūnaṃ byattena bhikkhunā paṭibalena sako pakkho ñāpetabbo –
‘‘сун̣анд̇у мз ааяасманд̇аа. амхаагам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяа. яад̣̇ааяасманд̇аанам̣ бад̇д̇агаллам̣, ахам̣ яаа жзва ааяасманд̇аанам̣ аабад̇д̇и, яаа жа ад̇д̇ано аабад̇д̇и, ааяасманд̇аанан̃жзва ад̇т̇ааяа, ад̇д̇ано жа ад̇т̇ааяа, сан̇гхамаж̇жхз д̇ин̣авад̇т̇аарагзна д̣̇зсзяяам̣, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇а’’нд̇и.
‘‘Suṇantu me āyasmantā. Amhākaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyya. Yadāyasmantānaṃ pattakallaṃ, ahaṃ yā ceva āyasmantānaṃ āpatti, yā ca attano āpatti, āyasmantānañceva atthāya, attano ca atthāya, saṅghamajjhe tiṇavatthārakena deseyyaṃ, ṭhapetvā thullavajjaṃ, ṭhapetvā gihippaṭisaṃyutta’’nti.
213. ‘‘ат̇аабарзсам̣ згад̇обагкигаанам̣ бхигкуунам̣ б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
213. ‘‘Athāparesaṃ ekatopakkhikānaṃ bhikkhūnaṃ byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. амхаагам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяа. яад̣̇и сан̇гхасса бад̇д̇агаллам̣, ахам̣ яаа жзва имзсам̣ ааяасманд̇аанам̣ аабад̇д̇и, яаа жа ад̇д̇ано аабад̇д̇и, имзсан̃жзва ааяасманд̇аанам̣ ад̇т̇ааяа, ад̇д̇ано жа ад̇т̇ааяа, сан̇гхамаж̇жхз д̇ин̣авад̇т̇аарагзна д̣̇зсзяяам̣, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇ам̣. зсаа н̃ад̇д̇и.
‘‘Suṇātu me, bhante, saṅgho. Amhākaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyya. Yadi saṅghassa pattakallaṃ, ahaṃ yā ceva imesaṃ āyasmantānaṃ āpatti, yā ca attano āpatti, imesañceva āyasmantānaṃ atthāya, attano ca atthāya, saṅghamajjhe tiṇavatthārakena deseyyaṃ, ṭhapetvā thullavajjaṃ, ṭhapetvā gihippaṭisaṃyuttaṃ. Esā ñatti.
‘‘сун̣аад̇у мз, бханд̇з, сан̇гхо. амхаагам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяа. ахам̣ яаа жзва имзсам̣ ааяасманд̇аанам̣ аабад̇д̇и, яаа жа ад̇д̇ано аабад̇д̇и, имзсан̃жзва ааяасманд̇аанам̣ ад̇т̇ааяа, ад̇д̇ано жа ад̇т̇ааяа, сан̇гхамаж̇жхз д̇ин̣авад̇т̇аарагзна д̣̇зсзми, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇ам̣. яассааяасмад̇о камад̇и амхаагам̣ имаасам̣ аабад̇д̇ийнам̣ сан̇гхамаж̇жхз д̇ин̣авад̇т̇аарагзна д̣̇зсанаа, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇ам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Amhākaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyya. Ahaṃ yā ceva imesaṃ āyasmantānaṃ āpatti, yā ca attano āpatti, imesañceva āyasmantānaṃ atthāya, attano ca atthāya, saṅghamajjhe tiṇavatthārakena desemi, ṭhapetvā thullavajjaṃ, ṭhapetvā gihippaṭisaṃyuttaṃ. Yassāyasmato khamati amhākaṃ imāsaṃ āpattīnaṃ saṅghamajjhe tiṇavatthārakena desanā, ṭhapetvā thullavajjaṃ, ṭhapetvā gihippaṭisaṃyuttaṃ, so tuṇhassa; yassa nakkhamati, so bhāseyya.
‘‘д̣̇зсид̇аа амхаагам̣ имаа аабад̇д̇ияо сан̇гхамаж̇жхз д̇ин̣авад̇т̇аарагзна, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇ам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Desitā amhākaṃ imā āpattiyo saṅghamajjhe tiṇavatthārakena, ṭhapetvā thullavajjaṃ, ṭhapetvā gihippaṭisaṃyuttaṃ. Khamati saṅghassa, tasmā tuṇhī, evametaṃ dhārayāmī’’ti.
214. ‘‘ат̇аабарзсам̣ згад̇обагкигаанам̣ бхигкуунам̣ б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
214. ‘‘Athāparesaṃ ekatopakkhikānaṃ bhikkhūnaṃ byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. амхаагам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяа. яад̣̇и сан̇гхасса бад̇д̇агаллам̣, ахам̣ яаа жзва имзсам̣ ааяасманд̇аанам̣ аабад̇д̇и, яаа жа ад̇д̇ано аабад̇д̇и, имзсан̃жзва ааяасманд̇аанам̣ ад̇т̇ааяа, ад̇д̇ано жа ад̇т̇ааяа, сан̇гхамаж̇жхз д̇ин̣авад̇т̇аарагзна д̣̇зсзяяам̣, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇ам̣. зсаа н̃ад̇д̇и.
‘‘Suṇātu me, bhante, saṅgho. Amhākaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyya. Yadi saṅghassa pattakallaṃ, ahaṃ yā ceva imesaṃ āyasmantānaṃ āpatti, yā ca attano āpatti, imesañceva āyasmantānaṃ atthāya, attano ca atthāya, saṅghamajjhe tiṇavatthārakena deseyyaṃ, ṭhapetvā thullavajjaṃ, ṭhapetvā gihippaṭisaṃyuttaṃ. Esā ñatti.
‘‘сун̣аад̇у мз, бханд̇з, сан̇гхо. амхаагам̣ бхан̣д̣анаж̇аад̇аанам̣ галахаж̇аад̇аанам̣ виваад̣̇аабаннаанам̣ вихарад̇ам̣ б̣ахум̣ ассааман̣агам̣ аж̇жхаажин̣н̣ам̣ бхаасид̇абаригганд̇ам̣. сажз маяам̣ имаахи аабад̇д̇ийхи ан̃н̃аман̃н̃ам̣ гаарзссаама, сияааби д̇ам̣ ад̇хигаран̣ам̣ гагкал̣ад̇д̇ааяа ваал̣ад̇д̇ааяа бхзд̣̇ааяа сам̣вад̇д̇зяяа. ахам̣ яаа жзва имзсам̣ ааяасманд̇аанам̣ аабад̇д̇и, яаа жа ад̇д̇ано аабад̇д̇и, имзсан̃жзва ааяасманд̇аанам̣ ад̇т̇ааяа, ад̇д̇ано жа ад̇т̇ааяа, сан̇гхамаж̇жхз д̇ин̣авад̇т̇аарагзна д̣̇зсзми, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇ам̣. яассааяасмад̇о камад̇и амхаагам̣ имаасам̣ аабад̇д̇ийнам̣ сан̇гхамаж̇жхз д̇ин̣авад̇т̇аарагзна д̣̇зсанаа, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇ам̣, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Amhākaṃ bhaṇḍanajātānaṃ kalahajātānaṃ vivādāpannānaṃ viharataṃ bahuṃ assāmaṇakaṃ ajjhāciṇṇaṃ bhāsitaparikkantaṃ. Sace mayaṃ imāhi āpattīhi aññamaññaṃ kāressāma, siyāpi taṃ adhikaraṇaṃ kakkhaḷattāya vāḷattāya bhedāya saṃvatteyya. Ahaṃ yā ceva imesaṃ āyasmantānaṃ āpatti, yā ca attano āpatti, imesañceva āyasmantānaṃ atthāya, attano ca atthāya, saṅghamajjhe tiṇavatthārakena desemi, ṭhapetvā thullavajjaṃ, ṭhapetvā gihippaṭisaṃyuttaṃ. Yassāyasmato khamati amhākaṃ imāsaṃ āpattīnaṃ saṅghamajjhe tiṇavatthārakena desanā, ṭhapetvā thullavajjaṃ, ṭhapetvā gihippaṭisaṃyuttaṃ, so tuṇhassa; yassa nakkhamati, so bhāseyya.
‘‘д̣̇зсид̇аа амхаагам̣ имаа аабад̇д̇ияо сан̇гхамаж̇жхз д̇ин̣авад̇т̇аарагзна, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇ам̣. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Desitā amhākaṃ imā āpattiyo saṅghamajjhe tiṇavatthārakena, ṭhapetvā thullavajjaṃ, ṭhapetvā gihippaṭisaṃyuttaṃ. Khamati saṅghassa, tasmā tuṇhī, evametaṃ dhārayāmī’’ti.
‘‘зван̃жа бана, бхигкавз, д̇з бхигкуу д̇аахи аабад̇д̇ийхи вудтид̇аа хонд̇и, табзд̇ваа т̇уллаваж̇ж̇ам̣, табзд̇ваа г̇ихиббадисам̣яуд̇д̇ам̣, табзд̇ваа д̣̇идтаавигаммам̣ , табзд̇ваа яз на д̇ад̇т̇а хонд̇ий’’д̇и.
‘‘Evañca pana, bhikkhave, te bhikkhū tāhi āpattīhi vuṭṭhitā honti, ṭhapetvā thullavajjaṃ, ṭhapetvā gihippaṭisaṃyuttaṃ, ṭhapetvā diṭṭhāvikammaṃ , ṭhapetvā ye na tattha hontī’’ti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̇ин̣авад̇т̇аарагаад̣̇игат̇аа • Tiṇavatthārakādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / сад̇ивинаяаад̣̇игат̇ааван̣н̣анаа • Sativinayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇ин̣авад̇т̇аарагаад̣̇игат̇ааван̣н̣анаа • Tiṇavatthārakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. д̇ин̣авад̇т̇аарагаад̣̇игат̇аа • 7. Tiṇavatthārakādikathā
