| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. තින්‌දුකදායකත්‌ථෙරඅපදානං
7. Tindukadāyakattheraapadānaṃ
35.
35.
‘‘ගිරිදුග්‌ගචරො ආසිං, මක්‌කටො ථාමවෙගිකො;
‘‘Giriduggacaro āsiṃ, makkaṭo thāmavegiko;
ඵලිනං තින්‌දුකං දිස්‌වා, බුද්‌ධසෙට්‌ඨං අනුස්‌සරිං.
Phalinaṃ tindukaṃ disvā, buddhaseṭṭhaṃ anussariṃ.
36.
36.
‘‘නික්‌ඛමිත්‌වා කතිපාහං, විචිනිං ලොකනායකං;
‘‘Nikkhamitvā katipāhaṃ, viciniṃ lokanāyakaṃ;
පසන්‌නචිත්‌තො සුමනො, සිද්‌ධත්‌ථං තිභවන්‌තගුං.
Pasannacitto sumano, siddhatthaṃ tibhavantaguṃ.
37.
37.
‘‘මම සඞ්‌කප්‌පමඤ්‌ඤාය, සත්‌ථා ලොකෙ අනුත්‌තරො;
‘‘Mama saṅkappamaññāya, satthā loke anuttaro;
ඛීණාසවසහස්‌සෙහි, ආගච්‌ඡි මම සන්‌තිකං.
Khīṇāsavasahassehi, āgacchi mama santikaṃ.
38.
38.
‘‘පාමොජ්‌ජං ජනයිත්‌වාන, ඵලහත්‌ථො උපාගමිං;
‘‘Pāmojjaṃ janayitvāna, phalahattho upāgamiṃ;
පටිග්‌ගහෙසි භගවා, සබ්‌බඤ්‌ඤූ වදතං වරො.
Paṭiggahesi bhagavā, sabbaññū vadataṃ varo.
39.
39.
‘‘චතුන්‌නවුතිතො කප්‌පෙ, යං ඵලං අදදිං තදා;
‘‘Catunnavutito kappe, yaṃ phalaṃ adadiṃ tadā;
දුග්‌ගතිං නාභිජානාමි, ඵලදානස්‌සිදං ඵලං.
Duggatiṃ nābhijānāmi, phaladānassidaṃ phalaṃ.
40.
40.
‘‘සත්‌තපඤ්‌ඤාසකප්‌පම්‌හි, උපනන්‌දසනාමකො;
‘‘Sattapaññāsakappamhi, upanandasanāmako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
41.
41.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා තින්‌දුකදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā tindukadāyako thero imā gāthāyo abhāsitthāti.
තින්‌දුකදායකත්‌ථෙරස්‌සාපදානං සත්‌තමං.
Tindukadāyakattherassāpadānaṃ sattamaṃ.
