| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. д̇ибад̣̇умияад̇т̇зраабад̣̇аанаван̣н̣анаа
10. Tipadumiyattheraapadānavaṇṇanā
бад̣̇умуд̇д̇аро наама ж̇инод̇иаад̣̇игам̣ ааяасмад̇о д̇ибад̣̇умияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз хам̣савад̇ияам̣ маалаагаарагулаг̇зхз ниб̣б̣ад̇д̇о вуд̣̇д̇хиббад̇д̇о маалаагаарагаммам̣ гад̇ваа васанд̇о згад̣̇ивасам̣ анзгавид̇хаани ж̇алаж̇ат̇алаж̇абубпаани г̇ахзд̇ваа ран̃н̃о санд̇игам̣ г̇анд̇угаамо звам̣ жинд̇зси – ‘‘рааж̇аа имаани д̇аава бубпаани д̣̇исваа басанно сахассам̣ ваа д̇ханам̣ г̇аамаад̣̇игам̣ ваа д̣̇ад̣̇зяяа, логанаат̇ам̣ бана бууж̇зд̇ваа ниб̣б̣аанаамад̇ад̇ханам̣ лабхаами, гим̣ мз зд̇зсу сунд̣̇ара’’нд̇и д̇зна ‘‘бхаг̇аванд̇ам̣ бууж̇зд̇ваа саг̇г̇амогкасамбад̇д̇ияо нибпаад̣̇зд̇ум̣ ваддад̇ий’’д̇и жинд̇зд̇ваа ван̣н̣аванд̇ам̣ ад̇ийва рад̇д̇абубпад̇д̇аяам̣ г̇ахзд̇ваа бууж̇зси. д̇аани г̇анд̇ваа аагаасам̣ чаад̣̇зд̇ваа бад̇т̇арид̇ваа адтам̣су. наг̇араваасино ажчарияаб̣бхуд̇ажид̇д̇аж̇аад̇аа жзлугкзбасахассаани бавад̇д̇аяим̣су. д̇ам̣ д̣̇исваа бхаг̇аваа анумод̣̇анам̣ агааси. со д̇зна бун̃н̃зна д̣̇звамануссзсу самбад̇д̇ияо анубхавид̇ваа имасмим̣ б̣уд̣̇д̇хуббаад̣̇з г̇ахабад̇игулз ниб̣б̣ад̇д̇о вуд̣̇д̇химанвааяа сад̇т̇ари басийд̣̇ид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа нажирассзва арахаа ахоси.
Padumuttaro nāma jinotiādikaṃ āyasmato tipadumiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle haṃsavatiyaṃ mālākārakulagehe nibbatto vuddhippatto mālākārakammaṃ katvā vasanto ekadivasaṃ anekavidhāni jalajathalajapupphāni gahetvā rañño santikaṃ gantukāmo evaṃ cintesi – ‘‘rājā imāni tāva pupphāni disvā pasanno sahassaṃ vā dhanaṃ gāmādikaṃ vā dadeyya, lokanāthaṃ pana pūjetvā nibbānāmatadhanaṃ labhāmi, kiṃ me etesu sundara’’nti tena ‘‘bhagavantaṃ pūjetvā saggamokkhasampattiyo nipphādetuṃ vaṭṭatī’’ti cintetvā vaṇṇavantaṃ atīva rattapupphattayaṃ gahetvā pūjesi. Tāni gantvā ākāsaṃ chādetvā pattharitvā aṭṭhaṃsu. Nagaravāsino acchariyabbhutacittajātā celukkhepasahassāni pavattayiṃsu. Taṃ disvā bhagavā anumodanaṃ akāsi. So tena puññena devamanussesu sampattiyo anubhavitvā imasmiṃ buddhuppāde gahapatikule nibbatto vuddhimanvāya satthari pasīditvā dhammaṃ sutvā paṭiladdhasaddho pabbajitvā nacirasseva arahā ahosi.
48. со ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇имааха. д̇ассад̇т̇о хздтаа вуд̇д̇ова. саб̣б̣ад̇хаммаана баараг̇ууд̇и саб̣б̣зсам̣ навалогуд̇д̇арад̇хаммаанам̣ баарам̣ ниб̣б̣аанам̣ г̇ад̇о бажжагкам̣ гад̇од̇и ад̇т̇о. д̣̇анд̇о д̣̇анд̇абаривуд̇од̇и саяам̣ гааяаваажаад̣̇ийхи д̣̇анд̇о зд̇ад̣̇аг̇г̇з табид̇зхи саавагзхи баривуд̇од̇и ад̇т̇о. сзсам̣ саб̣б̣ад̇т̇а самб̣анд̇хавасзна уд̇д̇аанад̇т̇амзваад̇и.
48. So attano pubbakammaṃ saritvā somanassajāto pubbacaritāpadānaṃ pakāsento padumuttaronāma jinotiādimāha. Tassattho heṭṭhā vuttova. Sabbadhammāna pāragūti sabbesaṃ navalokuttaradhammānaṃ pāraṃ nibbānaṃ gato paccakkhaṃ katoti attho. Danto dantaparivutoti sayaṃ kāyavācādīhi danto etadagge ṭhapitehi sāvakehi parivutoti attho. Sesaṃ sabbattha sambandhavasena uttānatthamevāti.
д̇ибад̣̇умияад̇т̇зраабад̣̇аанаван̣н̣анаа самад̇д̇аа.
Tipadumiyattheraapadānavaṇṇanā samattā.
адтамаваг̇г̇аван̣н̣анаа самад̇д̇аа.
Aṭṭhamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. д̇ибад̣̇умияад̇т̇зраабад̣̇аанам̣ • 10. Tipadumiyattheraapadānaṃ
