| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[16] 6. д̇ибаллад̇т̇амиг̇аж̇аад̇агаван̣н̣анаа
[16] 6. Tipallatthamigajātakavaṇṇanā
миг̇ам̣ д̇ибаллад̇т̇анд̇и ид̣̇ам̣ сад̇т̇аа госамб̣ияам̣ б̣ад̣̇аригаараамз вихаранд̇о сигкаагаамам̣ раахулад̇т̇зрам̣ аараб̣бха гат̇зси. згасмин̃хи гаалз сад̇т̇ари аал̣авинаг̇арам̣ убаниссааяа аг̇г̇аал̣авз жзд̇ияз вихаранд̇з б̣ахуу убаасагаа убаасигаа бхигкуу бхигкунияо жа вихаарам̣ д̇хаммассаванад̇т̇ааяа г̇ажчанд̇и, д̣̇иваа д̇хаммассаванам̣ ход̇и. г̇ажчанд̇з бана гаалз убаасигааяо бхигкунияо жа на г̇ажчим̣су, бхигкуу жзва убаасагаа жа ахзсум̣. д̇ад̇о бадтааяа рад̇д̇им̣ д̇хаммассаванам̣ ж̇аад̇ам̣. д̇хаммассаванабарияосаанз т̇зраа бхигкуу ад̇д̇ано ад̇д̇ано васанадтаанаани г̇ажчанд̇и. д̣̇ахараа сааман̣зраа жа убаасагзхи сад̣̇д̇хим̣ убадтаанасаалааяам̣ саяанд̇и. д̇зсу нид̣̇д̣̇ам̣ убаг̇ад̇зсу згажжз гхуругхурубассаасаа гаагажчамаанаа д̣̇анд̇з каад̣̇анд̇аа нибаж̇ж̇им̣су, згажжз мухуд̇д̇ам̣ нид̣̇д̣̇ааяид̇ваа удтахим̣су. д̇з д̇ам̣ виббагаарам̣ д̣̇исваа бхаг̇авад̇о аарожзсум̣. бхаг̇аваа ‘‘яо бана бхигку анубасамбаннзна сахасзяяам̣ габбзяяа баажид̇д̇ияа’’нд̇и (баажи. 49) сигкаабад̣̇ам̣ бан̃н̃абзд̇ваа госамб̣им̣ аг̇амааси.
Migaṃtipallatthanti idaṃ satthā kosambiyaṃ badarikārāme viharanto sikkhākāmaṃ rāhulattheraṃ ārabbha kathesi. Ekasmiñhi kāle satthari āḷavinagaraṃ upanissāya aggāḷave cetiye viharante bahū upāsakā upāsikā bhikkhū bhikkhuniyo ca vihāraṃ dhammassavanatthāya gacchanti, divā dhammassavanaṃ hoti. Gacchante pana kāle upāsikāyo bhikkhuniyo ca na gacchiṃsu, bhikkhū ceva upāsakā ca ahesuṃ. Tato paṭṭhāya rattiṃ dhammassavanaṃ jātaṃ. Dhammassavanapariyosāne therā bhikkhū attano attano vasanaṭṭhānāni gacchanti. Daharā sāmaṇerā ca upāsakehi saddhiṃ upaṭṭhānasālāyaṃ sayanti. Tesu niddaṃ upagatesu ekacce ghurughurupassāsā kākacchamānā dante khādantā nipajjiṃsu, ekacce muhuttaṃ niddāyitvā uṭṭhahiṃsu. Te taṃ vippakāraṃ disvā bhagavato ārocesuṃ. Bhagavā ‘‘yo pana bhikkhu anupasampannena sahaseyyaṃ kappeyya pācittiya’’nti (pāci. 49) sikkhāpadaṃ paññapetvā kosambiṃ agamāsi.
д̇ад̇т̇а бхигкуу ааяасманд̇ам̣ раахулам̣ аахам̣су – ‘‘аавусо раахула, бхаг̇авад̇аа сигкаабад̣̇ам̣ бан̃н̃ад̇д̇ам̣, ид̣̇аани д̇вам̣ ад̇д̇ано васанадтаанам̣ ж̇аанаахий’’д̇и. буб̣б̣з бана д̇з бхигкуу бхаг̇авад̇и жа г̇ааравам̣ д̇асса жааяасмад̇о сигкаагаамад̇ам̣ бадижжа д̇ам̣ ад̇д̇ано васанадтаанам̣ ааг̇ад̇ам̣ ад̇ивияа сан̇г̇ан̣ханд̇и, куд̣̇д̣̇агаман̃жагам̣ бан̃н̃абзд̇ваа уссийсагагаран̣ад̇т̇ааяа жийварам̣ д̣̇знд̇и. д̇ам̣ д̣̇ивасам̣ бана сигкаабад̣̇абхаязна васанадтаанамби на ад̣̇ам̣су. раахулабхад̣̇д̣̇оби ‘‘бид̇аа мз’’д̇и д̣̇асаб̣аласса ваа, ‘‘убаж̇жхааяо мз’’д̇и д̇хаммасзнаабад̇ино ваа, ‘‘аажарияо мз’’д̇и махаамог̇г̇аллаанасса ваа, ‘‘жуул̣абид̇аа мз’’д̇и аананд̣̇ад̇т̇зрасса ваа санд̇игам̣ аг̇анд̇ваа д̣̇асаб̣аласса вал̣ан̃ж̇анаважжагудим̣ б̣рахмавимаанам̣ бависанд̇о вияа бависид̇ваа ваасам̣ габбзси. б̣уд̣̇д̇хаанан̃хи вал̣ан̃ж̇анагудияам̣ д̣̇ваарам̣ субихид̇ам̣ ход̇и, г̇анд̇хабарибхан̣д̣агад̇аа бхууми, г̇анд̇хад̣̇аамамаалаад̣̇аамаани осаарид̇аанзва хонд̇и, саб̣б̣арад̇д̇им̣ д̣̇ийбо жхааяад̇и. раахулабхад̣̇д̣̇о бана на д̇ассаа гудияаа имам̣ самбад̇д̇им̣ бадижжа д̇ад̇т̇а ваасам̣ убаг̇ад̇о, бхигкуухи бана ‘‘васанадтаанам̣ ж̇аанаахий’’д̇и вуд̇д̇ад̇д̇аа оваад̣̇аг̇ааравзна сигкаагаамад̇ааяа д̇ад̇т̇а ваасам̣ убаг̇ад̇о. анд̇аранд̇араа хи бхигкуу д̇ам̣ ааяасманд̇ам̣ д̣̇уурад̇ова ааг̇ажчанд̇ам̣ д̣̇исваа д̇асса виймам̣санад̇т̇ааяа мудтисаммаж̇ж̇аним̣ ваа гажаварачад̣д̣анагам̣ ваа б̣ахи кибид̇ваа д̇асмим̣ ааг̇ад̇з ‘‘аавусо, имам̣ гзна чад̣д̣ид̇а’’нд̇и вад̣̇анд̇и. д̇ад̇т̇а гзхижи ‘‘раахуло иминаа маг̇г̇зна г̇ад̇о’’д̇и вуд̇д̇з со ааяасмаа ‘‘наахам̣, бханд̇з, зд̇ам̣ ж̇аанаамий’’д̇и авад̇ваава д̇ам̣ бадисаамзд̇ваа ‘‘камат̇а мз, бханд̇з’’д̇и камаабзд̇ваа г̇ажчад̇и. звамзса сигкаагаамо.
Tattha bhikkhū āyasmantaṃ rāhulaṃ āhaṃsu – ‘‘āvuso rāhula, bhagavatā sikkhāpadaṃ paññattaṃ, idāni tvaṃ attano vasanaṭṭhānaṃ jānāhī’’ti. Pubbe pana te bhikkhū bhagavati ca gāravaṃ tassa cāyasmato sikkhākāmataṃ paṭicca taṃ attano vasanaṭṭhānaṃ āgataṃ ativiya saṅgaṇhanti, khuddakamañcakaṃ paññapetvā ussīsakakaraṇatthāya cīvaraṃ denti. Taṃ divasaṃ pana sikkhāpadabhayena vasanaṭṭhānampi na adaṃsu. Rāhulabhaddopi ‘‘pitā me’’ti dasabalassa vā, ‘‘upajjhāyo me’’ti dhammasenāpatino vā, ‘‘ācariyo me’’ti mahāmoggallānassa vā, ‘‘cūḷapitā me’’ti ānandattherassa vā santikaṃ agantvā dasabalassa vaḷañjanavaccakuṭiṃ brahmavimānaṃ pavisanto viya pavisitvā vāsaṃ kappesi. Buddhānañhi vaḷañjanakuṭiyaṃ dvāraṃ supihitaṃ hoti, gandhaparibhaṇḍakatā bhūmi, gandhadāmamālādāmāni osāritāneva honti, sabbarattiṃ dīpo jhāyati. Rāhulabhaddo pana na tassā kuṭiyā imaṃ sampattiṃ paṭicca tattha vāsaṃ upagato, bhikkhūhi pana ‘‘vasanaṭṭhānaṃ jānāhī’’ti vuttattā ovādagāravena sikkhākāmatāya tattha vāsaṃ upagato. Antarantarā hi bhikkhū taṃ āyasmantaṃ dūratova āgacchantaṃ disvā tassa vīmaṃsanatthāya muṭṭhisammajjaniṃ vā kacavarachaḍḍanakaṃ vā bahi khipitvā tasmiṃ āgate ‘‘āvuso, imaṃ kena chaḍḍita’’nti vadanti. Tattha kehici ‘‘rāhulo iminā maggena gato’’ti vutte so āyasmā ‘‘nāhaṃ, bhante, etaṃ jānāmī’’ti avatvāva taṃ paṭisāmetvā ‘‘khamatha me, bhante’’ti khamāpetvā gacchati. Evamesa sikkhākāmo.
со д̇ам̣ сигкаагаамад̇ам̣язва бадижжа д̇ад̇т̇а ваасам̣ убаг̇ад̇о. ат̇а сад̇т̇аа бурзарун̣ам̣язва важжагудид̣̇ваарз тад̇ваа уггааси, собааяасмаа уггааси. ‘‘го зсо’’д̇и? ‘‘ахам̣ раахуло’’д̇и нигкамид̇ваа ванд̣̇и. ‘‘гасмаа д̇вам̣ раахула ид̇ха нибанносий’’д̇и? ‘‘васанадтаанасса абхаавад̇о’’. ‘‘буб̣б̣з хи, бханд̇з, бхигкуу мама сан̇г̇ахам̣ гаронд̇и, ид̣̇аани ад̇д̇ано аабад̇д̇ибхаязна васанадтаанам̣ на д̣̇знд̇и, сваахам̣ ‘ид̣̇ам̣ ан̃н̃зсам̣ асан̇гхадданадтаана’нд̇и иминаа гааран̣зна ид̇ха нибанносмийд̇и. ат̇а бхаг̇авад̇о ‘‘раахулам̣ д̇аава бхигкуу звам̣ барижжаж̇анд̇и, ан̃н̃з гулад̣̇аарагз баб̣б̣ааж̇зд̇ваа гим̣ гариссанд̇ий’’д̇и д̇хаммасам̣взг̇о уд̣̇абаад̣̇и.
So taṃ sikkhākāmataṃyeva paṭicca tattha vāsaṃ upagato. Atha satthā purearuṇaṃyeva vaccakuṭidvāre ṭhatvā ukkāsi, sopāyasmā ukkāsi. ‘‘Ko eso’’ti? ‘‘Ahaṃ rāhulo’’ti nikkhamitvā vandi. ‘‘Kasmā tvaṃ rāhula idha nipannosī’’ti? ‘‘Vasanaṭṭhānassa abhāvato’’. ‘‘Pubbe hi, bhante, bhikkhū mama saṅgahaṃ karonti, idāni attano āpattibhayena vasanaṭṭhānaṃ na denti, svāhaṃ ‘idaṃ aññesaṃ asaṅghaṭṭanaṭṭhāna’nti iminā kāraṇena idha nipannosmīti. Atha bhagavato ‘‘rāhulaṃ tāva bhikkhū evaṃ pariccajanti, aññe kuladārake pabbājetvā kiṃ karissantī’’ti dhammasaṃvego udapādi.
ат̇а бхаг̇аваа баад̇ова бхигкуу саннибаад̇аабзд̇ваа д̇хаммасзнаабад̇им̣ бужчи ‘‘ж̇аанааси бана д̇вам̣, саарибуд̇д̇а, аж̇ж̇а гад̇т̇ажи раахуласса вуд̇т̇абхаава’’нд̇и? ‘‘на ж̇аанаами, бханд̇з’’д̇и. ‘‘саарибуд̇д̇а, аж̇ж̇а раахуло важжагудияам̣ васи, саарибуд̇д̇а, д̇умхз раахулам̣ звам̣ барижжаж̇анд̇аа ан̃н̃з гулад̣̇аарагз баб̣б̣ааж̇зд̇ваа гим̣ гариссат̇а? зван̃хи санд̇з имасмим̣ саасанз баб̣б̣аж̇ид̇аа на бад̇идтаа бхависсанд̇и, ид̇о д̣̇аани бадтааяа анубасамбаннзна згам̣ д̣̇вз д̣̇ивасз ад̇д̇ано санд̇игз васаабзд̇ваа д̇ад̇ияад̣̇ивасз д̇зсам̣ васанадтаанам̣ н̃ад̇ваа б̣ахи ваасзт̇аа’’д̇и имам̣ анубан̃н̃ад̇д̇им̣ гад̇ваа буна сигкаабад̣̇ам̣ бан̃н̃абзси.
Atha bhagavā pātova bhikkhū sannipātāpetvā dhammasenāpatiṃ pucchi ‘‘jānāsi pana tvaṃ, sāriputta, ajja katthaci rāhulassa vutthabhāva’’nti? ‘‘Na jānāmi, bhante’’ti. ‘‘Sāriputta, ajja rāhulo vaccakuṭiyaṃ vasi, sāriputta, tumhe rāhulaṃ evaṃ pariccajantā aññe kuladārake pabbājetvā kiṃ karissatha? Evañhi sante imasmiṃ sāsane pabbajitā na patiṭṭhā bhavissanti, ito dāni paṭṭhāya anupasampannena ekaṃ dve divase attano santike vasāpetvā tatiyadivase tesaṃ vasanaṭṭhānaṃ ñatvā bahi vāsethā’’ti imaṃ anupaññattiṃ katvā puna sikkhāpadaṃ paññapesi.
д̇асмим̣ самаяз д̇хаммасабхааяам̣ саннисиннаа бхигкуу раахуласса г̇ун̣агат̇ам̣ гат̇знд̇и ‘‘бассат̇аавусо, яаава сигкаагаамо вад̇ааяам̣ раахуло, ‘д̇ава васанадтаанам̣ ж̇аанаахий’д̇и вуд̇д̇о наама ‘ахам̣ д̣̇асаб̣аласса буд̇д̇о, д̇умхаагам̣ сзнаасанасмаа д̇умхзязва нигкамат̇аа’д̇и згам̣ бхигкумби аббадибпарид̇ваа важжагудияам̣ ваасам̣ габбзсий’’д̇и. звам̣ д̇зсу гат̇аяамаанзсу сад̇т̇аа д̇хаммасабхам̣ г̇анд̇ваа алан̇гад̇аасанз нисийд̣̇ид̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и ааха. ‘‘бханд̇з, раахуласса сигкаагаамагат̇ааяа, на ан̃н̃ааяа гат̇ааяаа’’д̇и. сад̇т̇аа ‘‘на, бхигкавз, раахуло ид̣̇аанзва сигкаагаамо, буб̣б̣з д̇иражчаанаяонияам̣ ниб̣б̣ад̇д̇оби сигкаагаамоязваа’’д̇и вад̇ваа ад̇ийд̇ам̣ аахари.
Tasmiṃ samaye dhammasabhāyaṃ sannisinnā bhikkhū rāhulassa guṇakathaṃ kathenti ‘‘passathāvuso, yāva sikkhākāmo vatāyaṃ rāhulo, ‘tava vasanaṭṭhānaṃ jānāhī’ti vutto nāma ‘ahaṃ dasabalassa putto, tumhākaṃ senāsanasmā tumheyeva nikkhamathā’ti ekaṃ bhikkhumpi appaṭippharitvā vaccakuṭiyaṃ vāsaṃ kappesī’’ti. Evaṃ tesu kathayamānesu satthā dhammasabhaṃ gantvā alaṅkatāsane nisīditvā ‘‘kāya nuttha, bhikkhave, etarahi kathāya sannisinnā’’ti āha. ‘‘Bhante, rāhulassa sikkhākāmakathāya, na aññāya kathāyā’’ti. Satthā ‘‘na, bhikkhave, rāhulo idāneva sikkhākāmo, pubbe tiracchānayoniyaṃ nibbattopi sikkhākāmoyevā’’ti vatvā atītaṃ āhari.
ад̇ийд̇з рааж̇аг̇ахз зго маг̇ад̇харааж̇аа раж̇ж̇ам̣ гаарзси. д̇ад̣̇аа б̣од̇хисад̇д̇о миг̇аяонияам̣ ниб̣б̣ад̇д̇ид̇ваа миг̇аг̇ан̣абаривуд̇о аран̃н̃з васад̇и. ат̇асса бхаг̇иний ад̇д̇ано буд̇д̇агам̣ убанзд̇ваа ‘‘бхаад̇ига, имам̣ д̇з бхааг̇инзяяам̣ миг̇амааяам̣ сигкаабзхий’’д̇и ааха. б̣од̇хисад̇д̇о ‘‘саад̇хуу’’д̇и бадиссун̣ид̇ваа ‘‘г̇ажча, д̇аад̇а, асугавзлааяа наама ааг̇анд̇ваа сигкзяяаасий’’д̇и ааха. со маад̇улзна вуд̇д̇авзлам̣ анад̇иггамид̇ваа д̇ам̣ убасан̇гамид̇ваа миг̇амааяам̣ сигки. со згад̣̇ивасам̣ ванз вижаранд̇о баасзна б̣ад̣̇д̇хо б̣ад̣̇д̇харавам̣ рави, миг̇аг̇ан̣о балааяид̇ваа ‘‘буд̇д̇о д̇з баасзна б̣ад̣̇д̇хо’’д̇и д̇асса маад̇уяаа аарожзси. саа бхаад̇у санд̇игам̣ г̇анд̇ваа ‘‘бхаад̇ига, бхааг̇инзяяо д̇з миг̇амааяам̣ сигкаабид̇о’’д̇и бужчи. б̣од̇хисад̇д̇о ‘‘маа д̇вам̣ буд̇д̇асса гин̃жи баабагам̣ аасан̇ги, суг̇г̇ахид̇аа д̇зна миг̇амааяаа, ид̣̇аани д̇ам̣ хаасаяамаано ааг̇ажчиссад̇ий’’д̇и вад̇ваа имам̣ г̇аат̇амааха –
Atīte rājagahe eko magadharājā rajjaṃ kāresi. Tadā bodhisatto migayoniyaṃ nibbattitvā migagaṇaparivuto araññe vasati. Athassa bhaginī attano puttakaṃ upanetvā ‘‘bhātika, imaṃ te bhāgineyyaṃ migamāyaṃ sikkhāpehī’’ti āha. Bodhisatto ‘‘sādhū’’ti paṭissuṇitvā ‘‘gaccha, tāta, asukavelāya nāma āgantvā sikkheyyāsī’’ti āha. So mātulena vuttavelaṃ anatikkamitvā taṃ upasaṅkamitvā migamāyaṃ sikkhi. So ekadivasaṃ vane vicaranto pāsena baddho baddharavaṃ ravi, migagaṇo palāyitvā ‘‘putto te pāsena baddho’’ti tassa mātuyā ārocesi. Sā bhātu santikaṃ gantvā ‘‘bhātika, bhāgineyyo te migamāyaṃ sikkhāpito’’ti pucchi. Bodhisatto ‘‘mā tvaṃ puttassa kiñci pāpakaṃ āsaṅki, suggahitā tena migamāyā, idāni taṃ hāsayamāno āgacchissatī’’ti vatvā imaṃ gāthamāha –
16.
16.
‘‘миг̇ам̣ д̇ибаллад̇т̇аманзгамааяам̣, адтагкурам̣ ад̣дхарад̇д̇аабабааяим̣;
‘‘Migaṃ tipallatthamanekamāyaṃ, aṭṭhakkhuraṃ aḍḍharattāpapāyiṃ;
згзна сод̇зна чамаассасанд̇о, чахи галаахид̇ибход̇и бхааг̇инзяяо’’д̇и.
Ekena sotena chamāssasanto, chahi kalāhitibhoti bhāgineyyo’’ti.
д̇ад̇т̇а миг̇анд̇и бхааг̇инзяяамиг̇ам̣. д̇ибаллад̇т̇анд̇и баллад̇т̇ам̣ вужжад̇и саяанам̣, убхохи бассзхи уж̇угамзва жа нибаннагавасзнаад̇и д̇ийхаагаарзхи баллад̇т̇ам̣ асса, д̇ийн̣и ваа баллад̇т̇аани ассаад̇и д̇ибаллад̇т̇о, д̇ам̣ д̇ибаллад̇т̇ам̣. анзгамааяанд̇и б̣ахумааяам̣ б̣ахуван̃жанам̣. адтагкуранд̇и згзгасмим̣ баад̣̇з д̣̇виннам̣ д̣̇виннам̣ васзна адтахи курзхи саманнааг̇ад̇ам̣. ад̣дхарад̇д̇аабабааяинд̇и буримаяаамам̣ ад̇иггамид̇ваа маж̇жхимаяаамз аран̃н̃ад̇о ааг̇амма баанийяасса биванад̇о ад̣дхарад̇д̇з аабам̣ бивад̇ийд̇и ад̣дхарад̇д̇аабабааяий. д̇ам̣ ад̣дхарад̇д̇з абааяинд̇и ад̇т̇о. мама бхааг̇инзяяам̣ миг̇ам̣ ахам̣ саад̇хугам̣ миг̇амааяам̣ уг̇г̇ан̣хаабзсим̣. гат̇ам̣? яат̇аа згзна сод̇зна чамаассасанд̇о, чахи галаахид̇ибход̇и бхааг̇инзяяод̇и. ид̣̇ам̣ вуд̇д̇ам̣ ход̇и – ахан̃хи д̇ава буд̇д̇ам̣ д̇ат̇аа уг̇г̇ан̣хаабзсим̣, яат̇аа згасмим̣ убариманаасигаасод̇з ваад̇ам̣ саннирумбхид̇ваа бат̇авияаа аллийнзна згзна хздтимасод̇зна д̇ад̇т̇зва чамааяам̣ ассасанд̇о чахи галаахи луд̣̇д̣̇агам̣ ад̇ибход̇и, чахи годтаасзхи аж̇жход̇т̇арад̇и ван̃жзд̇ийд̇и ад̇т̇о. гад̇амаахи чахи? жад̇д̇ааро баад̣̇з басаарзд̇ваа згзна бассзна сзяяааяа, курзхи д̇ин̣абам̣сукан̣анзна, ж̇ивхааниннааманзна уд̣̇арасса уд̣̇д̇хумаад̇абхаавагаран̣зна, ужжаарабассаавависсаж̇ж̇анзна, ваад̇асаннирумбханзнаад̇и.
Tattha miganti bhāgineyyamigaṃ. Tipallatthanti pallatthaṃ vuccati sayanaṃ, ubhohi passehi ujukameva ca nipannakavasenāti tīhākārehi pallatthaṃ assa, tīṇi vā pallatthāni assāti tipallattho, taṃ tipallatthaṃ. Anekamāyanti bahumāyaṃ bahuvañcanaṃ. Aṭṭhakkhuranti ekekasmiṃ pāde dvinnaṃ dvinnaṃ vasena aṭṭhahi khurehi samannāgataṃ. Aḍḍharattāpapāyinti purimayāmaṃ atikkamitvā majjhimayāme araññato āgamma pānīyassa pivanato aḍḍharatte āpaṃ pivatīti aḍḍharattāpapāyī. Taṃ aḍḍharatte apāyinti attho. Mama bhāgineyyaṃ migaṃ ahaṃ sādhukaṃ migamāyaṃ uggaṇhāpesiṃ. Kathaṃ? Yathā ekena sotena chamāssasanto, chahi kalāhitibhoti bhāgineyyoti. Idaṃ vuttaṃ hoti – ahañhi tava puttaṃ tathā uggaṇhāpesiṃ, yathā ekasmiṃ uparimanāsikāsote vātaṃ sannirumbhitvā pathaviyā allīnena ekena heṭṭhimasotena tattheva chamāyaṃ assasanto chahi kalāhi luddakaṃ atibhoti, chahi koṭṭhāsehi ajjhottharati vañcetīti attho. Katamāhi chahi? Cattāro pāde pasāretvā ekena passena seyyāya, khurehi tiṇapaṃsukhaṇanena, jivhāninnāmanena udarassa uddhumātabhāvakaraṇena, uccārapassāvavissajjanena, vātasannirumbhanenāti.
абаро наяо – баад̣̇зна бам̣сум̣ г̇ахзд̇ваа абхимукаагад̣дханзна, бадибан̣ааманзна, убхосу бассзсу сан̃жаран̣зна, уд̣̇арам̣ уд̣̇д̇хам̣ багкибанзна, ад̇хо авагкибанзнаад̇и имаахи чахи галаахи яат̇аа ад̇ибход̇и, ‘‘мад̇о аяа’’нд̇и сан̃н̃ам̣ уббаад̣̇зд̇ваа ван̃жзд̇и, звам̣ д̇ам̣ миг̇амааяам̣ уг̇г̇ан̣хаабзсинд̇и д̣̇ийбзд̇и.
Aparo nayo – pādena paṃsuṃ gahetvā abhimukhākaḍḍhanena, paṭipaṇāmanena, ubhosu passesu sañcaraṇena, udaraṃ uddhaṃ pakkhipanena, adho avakkhipanenāti imāhi chahi kalāhi yathā atibhoti, ‘‘mato aya’’nti saññaṃ uppādetvā vañceti, evaṃ taṃ migamāyaṃ uggaṇhāpesinti dīpeti.
абаро наяо – д̇ат̇аа нам̣ уг̇г̇ан̣хаабзсим̣, яат̇аа згзна сод̇зна чамаассасанд̇о чахи галаахид̇и д̣̇вийсуби наязсу д̣̇ассид̇зхи чахи гааран̣зхи галаахид̇и галааяиссад̇и, луд̣̇д̣̇ам̣ ван̃жзссад̇ийд̇и ад̇т̇о. бход̇ийд̇и бхаг̇иним̣ аалабад̇и. бхааг̇инзяяод̇и звам̣ чахи гааран̣зхи ван̃жанагам̣ бхааг̇инзяяам̣ нид̣̇д̣̇исад̇и. звам̣ б̣од̇хисад̇д̇о бхааг̇инзяяасса миг̇амааяааяа саад̇хугам̣ уг̇г̇ахид̇абхаавам̣ д̣̇ассзнд̇о бхаг̇иним̣ самассаасзд̇и.
Aparo nayo – tathā naṃ uggaṇhāpesiṃ, yathā ekena sotena chamāssasanto chahi kalāhiti dvīsupi nayesu dassitehi chahi kāraṇehi kalāhiti kalāyissati, luddaṃ vañcessatīti attho. Bhotīti bhaginiṃ ālapati. Bhāgineyyoti evaṃ chahi kāraṇehi vañcanakaṃ bhāgineyyaṃ niddisati. Evaṃ bodhisatto bhāgineyyassa migamāyāya sādhukaṃ uggahitabhāvaṃ dassento bhaginiṃ samassāseti.
соби миг̇абод̇аго баасз б̣ад̣̇д̇хо авибпанд̣̇ид̇вааязва бхуумияам̣ махаапаасугабассзна баад̣̇з басаарзд̇ваа нибанно баад̣̇аанам̣ аасаннадтаанз курзхзва бахарид̇ваа бам̣сун̃жа д̇ин̣аани жа уббаадзд̇ваа ужжаарабассаавам̣ виссаж̇ж̇зд̇ваа сийсам̣ баад̇зд̇ваа ж̇ивхам̣ ниннаамзд̇ваа сарийрам̣ кзл̣агилиннам̣ гад̇ваа ваад̇аг̇г̇ахан̣зна уд̣̇арам̣ уд̣̇д̇хумаад̇агам̣ гад̇ваа агкийни баривад̇д̇зд̇ваа хздтаа наасигаасод̇зна ваад̇ам̣ сан̃жараабзнд̇о убариманаасигаасод̇зна ваад̇ам̣ саннирумбхид̇ваа сагаласарийрам̣ т̇ад̣̇д̇хабхаавам̣ г̇аахаабзд̇ваа мад̇аагаарам̣ д̣̇ассзси. нийламагкигааби нам̣ самбариваарзсум̣, д̇асмим̣ д̇асмим̣ таанз гаагаа нилийяим̣су. луд̣̇д̣̇о ааг̇анд̇ваа уд̣̇арам̣ хад̇т̇зна бахарид̇ваа ‘‘ад̇ибаад̇ова б̣ад̣̇д̇хо бхависсад̇и, бууд̇иго ж̇аад̇о’’д̇и д̇асса б̣анд̇ханараж̇ж̇угам̣ можзд̇ваа ‘‘зд̇т̇звад̣̇аани нам̣ угганд̇ид̇ваа мам̣сам̣ аад̣̇ааяа г̇амиссаамий’’д̇и нираасан̇го худ̇ваа саакаабалаасам̣ г̇ахзд̇ум̣ аарад̣̇д̇хо. миг̇абод̇агоби удтааяа жад̇уухи баад̣̇зхи тад̇ваа гааяам̣ вид̇хунид̇ваа г̇ийвам̣ басаарзд̇ваа махааваад̇зна чиннавалаахаго вияа взг̇зна маад̇у санд̇игам̣ аг̇амааси.
Sopi migapotako pāse baddho avipphanditvāyeva bhūmiyaṃ mahāphāsukapassena pāde pasāretvā nipanno pādānaṃ āsannaṭṭhāne khureheva paharitvā paṃsuñca tiṇāni ca uppāṭetvā uccārapassāvaṃ vissajjetvā sīsaṃ pātetvā jivhaṃ ninnāmetvā sarīraṃ kheḷakilinnaṃ katvā vātaggahaṇena udaraṃ uddhumātakaṃ katvā akkhīni parivattetvā heṭṭhā nāsikāsotena vātaṃ sañcarāpento uparimanāsikāsotena vātaṃ sannirumbhitvā sakalasarīraṃ thaddhabhāvaṃ gāhāpetvā matākāraṃ dassesi. Nīlamakkhikāpi naṃ samparivāresuṃ, tasmiṃ tasmiṃ ṭhāne kākā nilīyiṃsu. Luddo āgantvā udaraṃ hatthena paharitvā ‘‘atipātova baddho bhavissati, pūtiko jāto’’ti tassa bandhanarajjukaṃ mocetvā ‘‘etthevadāni naṃ ukkantitvā maṃsaṃ ādāya gamissāmī’’ti nirāsaṅko hutvā sākhāpalāsaṃ gahetuṃ āraddho. Migapotakopi uṭṭhāya catūhi pādehi ṭhatvā kāyaṃ vidhunitvā gīvaṃ pasāretvā mahāvātena chinnavalāhako viya vegena mātu santikaṃ agamāsi.
сад̇т̇ааби ‘‘на, бхигкавз, раахуло ид̣̇аанзва сигкаагаамо, буб̣б̣зби сигкаагаамоязваа’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа бхааг̇инзяяамиг̇абод̇аго раахуло ахоси, маад̇аа уббалаван̣н̣аа, маад̇уламиг̇о бана ахамзва ахоси’’нд̇и.
Satthāpi ‘‘na, bhikkhave, rāhulo idāneva sikkhākāmo, pubbepi sikkhākāmoyevā’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā bhāgineyyamigapotako rāhulo ahosi, mātā uppalavaṇṇā, mātulamigo pana ahameva ahosi’’nti.
д̇ибаллад̇т̇амиг̇аж̇аад̇агаван̣н̣анаа чадтаа.
Tipallatthamigajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 16. д̇ибаллад̇т̇амиг̇аж̇аад̇агам̣ • 16. Tipallatthamigajātakaṃ
