| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
6. திபுப்பி²யத்தே²ரஅபதா³னவண்ணனா
6. Tipupphiyattheraapadānavaṇṇanā
மிக³லுத்³தோ³ புரே ஆஸிந்திஆதி³கங் ஆயஸ்மதோ திபுப்பி²யத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ அந்தரா கேனசி அகுஸலச்சி²த்³தே³ன விபஸ்ஸிஸ்ஸ ப⁴க³வதோ காலே நேஸாத³குலே நிப்³ப³த்தோ மிக³லுத்³தோ³ ஹுத்வா அரஞ்ஞே விஹரதி. ததா³ விபஸ்ஸிஸ்ஸ ப⁴க³வதோ பாடலிபோ³தி⁴ங் ஸம்புண்ணபத்தபல்லவங் ஹரிதவண்ணங் நீலோபா⁴ஸங் மனோரமங் தி³ஸ்வா தீஹி புப்பே²ஹி பூஜெத்வா புராணபத்தங் ச²ட்³டெ³த்வா ப⁴க³வதோ ஸம்முகா² விய பாடலிமஹாபோ³தி⁴ங் வந்தி³. ஸோ தேன புஞ்ஞேன ததோ சுதோ தே³வலோகே உப்பன்னோ தத்த² தி³ப்³ப³ஸம்பத்திங் அபராபரங் அனுப⁴வித்வா ததோ சுதோ மனுஸ்ஸேஸு ஜாதோ தத்த² சக்கவத்திஸம்பத்திஆத³யோ அனுப⁴வித்வா இமஸ்மிங் பு³த்³து⁴ப்பாதே³ ஏகஸ்மிங் குலகே³ஹே நிப்³ப³த்தோ வுத்³தி⁴மன்வாய ஸத்து² த⁴ம்மதே³ஸனங் ஸுத்வா படிலத்³த⁴ஸோமனஸ்ஸஹத³யோ கே³ஹங் பஹாய பப்³ப³ஜித்வா நசிரஸ்ஸேவ அரஹா அஹோஸி.
Migaluddo pure āsintiādikaṃ āyasmato tipupphiyattherassa apadānaṃ. Ayampi purimabuddhesu katādhikāro antarā kenaci akusalacchiddena vipassissa bhagavato kāle nesādakule nibbatto migaluddo hutvā araññe viharati. Tadā vipassissa bhagavato pāṭalibodhiṃ sampuṇṇapattapallavaṃ haritavaṇṇaṃ nīlobhāsaṃ manoramaṃ disvā tīhi pupphehi pūjetvā purāṇapattaṃ chaḍḍetvā bhagavato sammukhā viya pāṭalimahābodhiṃ vandi. So tena puññena tato cuto devaloke uppanno tattha dibbasampattiṃ aparāparaṃ anubhavitvā tato cuto manussesu jāto tattha cakkavattisampattiādayo anubhavitvā imasmiṃ buddhuppāde ekasmiṃ kulagehe nibbatto vuddhimanvāya satthu dhammadesanaṃ sutvā paṭiladdhasomanassahadayo gehaṃ pahāya pabbajitvā nacirasseva arahā ahosi.
31. ஸோ ஏவங் ஸித்³தி⁴ப்பத்தோ அத்தனோ புப்³ப³கம்மங் ஸரித்வா ஸோமனஸ்ஸஜாதோ புப்³ப³சரிதாபதா³னங் பகாஸெந்தோ மிக³லுத்³தோ³ புரே ஆஸிந்திஆதி³மாஹ. தத்த² மரணாய க³ச்ச²தி பாபுணாதீதி மிகோ³, அத² வா மக³யமானோ இஹதி பவத்ததீதி மிகோ³, மிகா³னங் மாரணே லுத்³தோ³ லோபீ⁴ கே³தோ⁴தி மிக³லுத்³தோ³, புரே மய்ஹங் புஞ்ஞகரணஸமயே கானநஸங்கா²தே மஹாஅரஞ்ஞே மிக³லுத்³தோ³ ஆஸிந்தி ஸம்ப³ந்தோ⁴. பாடலிங் ஹரிதங் தி³ஸ்வாதி தத்த² பகாரேன தலேன ரத்தவண்ணேன ப⁴வதீதி பாடலி , புப்பா²னங் ரத்தவண்ணதாய பாடலீதி வோஹாரோ, பத்தானங் ஹரிததாய ஹரிதங் நீலவண்ணங் பாடலிபோ³தி⁴ங் தி³ஸ்வாதி அத்தோ². ஸேஸங் ஸப்³ப³த்த² உத்தானத்த²மேவாதி.
31. So evaṃ siddhippatto attano pubbakammaṃ saritvā somanassajāto pubbacaritāpadānaṃ pakāsento migaluddo pure āsintiādimāha. Tattha maraṇāya gacchati pāpuṇātīti migo, atha vā magayamāno ihati pavattatīti migo, migānaṃ māraṇe luddo lobhī gedhoti migaluddo, pure mayhaṃ puññakaraṇasamaye kānanasaṅkhāte mahāaraññe migaluddo āsinti sambandho. Pāṭaliṃ haritaṃ disvāti tattha pakārena talena rattavaṇṇena bhavatīti pāṭali , pupphānaṃ rattavaṇṇatāya pāṭalīti vohāro, pattānaṃ haritatāya haritaṃ nīlavaṇṇaṃ pāṭalibodhiṃ disvāti attho. Sesaṃ sabbattha uttānatthamevāti.
திபுப்பி²யத்தே²ரஅபதா³னவண்ணனா ஸமத்தா.
Tipupphiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 6. திபுப்பி²யத்தே²ரஅபதா³னங் • 6. Tipupphiyattheraapadānaṃ
