| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
49. д̇иражчаанаг̇ад̇авад̇т̇у
49. Tiracchānagatavatthu
111. д̇зна ко бана самаязна ан̃н̃ад̇аро нааг̇о нааг̇аяонияаа аддийяад̇и харааяад̇и ж̇иг̇ужчад̇и. ат̇а ко д̇асса нааг̇асса зд̇ад̣̇ахоси – ‘‘гзна ну ко ахам̣ убааязна нааг̇аяонияаа жа баримужжзяяам̣ киббан̃жа мануссад̇д̇ам̣ бадилабхзяяа’’нд̇и. ат̇а ко д̇асса нааг̇асса зд̇ад̣̇ахоси – ‘‘имз ко саман̣аа сагяабуд̇д̇ияаа д̇хаммажаарино самажаарино б̣рахмажаарино сажжаваад̣̇ино сийлаванд̇о галяаан̣ад̇хаммаа. сажз ко ахам̣ саман̣зсу сагяабуд̇д̇иязсу баб̣б̣аж̇зяяам̣, зваахам̣ нааг̇аяонияаа жа баримужжзяяам̣, киббан̃жа мануссад̇д̇ам̣ бадилабхзяяа’’нд̇и. ат̇а ко со нааг̇о маан̣авагаван̣н̣зна бхигкуу убасан̇гамид̇ваа баб̣б̣аж̇ж̇ам̣ яаажи. д̇ам̣ бхигкуу баб̣б̣ааж̇зсум̣, убасамбаад̣̇зсум̣. д̇зна ко бана самаязна со нааг̇о ан̃н̃ад̇арзна бхигкунаа сад̣̇д̇хим̣ бажжанд̇имз вихаарз бадивасад̇и. ат̇а ко со бхигку рад̇д̇ияаа бажжуусасамаяам̣ бажжудтааяа аж̇жхогаасз жан̇гамад̇и. ат̇а ко со нааг̇о д̇асса бхигкуно нигканд̇з виссадто нид̣̇д̣̇ам̣ оггами. саб̣б̣о вихааро ахинаа бун̣н̣о, ваад̇абаанзхи бхог̇аа нигканд̇аа хонд̇и. ат̇а ко со бхигку вихаарам̣ бависиссаамийд̇и гаваадам̣ бан̣аамзнд̇о ад̣̇д̣̇аса саб̣б̣ам̣ вихаарам̣ ахинаа бун̣н̣ам̣, ваад̇абаанзхи бхог̇з нигканд̇з, д̣̇исваана бхийд̇о виссарамагааси. бхигкуу убад̇хаавид̇ваа д̇ам̣ бхигкум̣ зд̇ад̣̇авожум̣ – ‘‘гисса д̇вам̣, аавусо, виссарамагаасий’’д̇и? ‘‘аяам̣, аавусо, саб̣б̣о вихааро ахинаа бун̣н̣о, ваад̇абаанзхи бхог̇аа нигканд̇аа’’д̇и. ат̇а ко со нааг̇о д̇зна сад̣̇д̣̇зна бадиб̣уж̇жхид̇ваа сагз аасанз нисийд̣̇и. бхигкуу звамаахам̣су – ‘‘госи д̇вам̣, аавусо’’д̇и? ‘‘ахам̣, бханд̇з, нааг̇о’’д̇и. ‘‘гисса бана д̇вам̣, аавусо, зваруубам̣ агаасий’’д̇и? ат̇а ко со нааг̇о бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа д̇ам̣ нааг̇ам̣ зд̇ад̣̇авожа – ‘‘д̇умхз код̇т̇а нааг̇аа авирул̣хид̇хаммаа имасмим̣ д̇хаммавинаяз. г̇ажча д̇вам̣, нааг̇а, д̇ад̇т̇зва жаад̇уд̣̇д̣̇асз баннарасз адтамияаа жа багкасса убосат̇ам̣ убаваса, звам̣ д̇вам̣ нааг̇аяонияаа жа баримужжиссаси, киббан̃жа мануссад̇д̇ам̣ бадилабхиссасий’’д̇и. ат̇а ко со нааг̇о авирул̣хид̇хаммо гираахам̣ имасмим̣ д̇хаммавинаязд̇и д̣̇угкий д̣̇уммано ассууни бавад̇д̇аяамаано виссарам̣ гад̇ваа баггаами. ат̇а ко бхаг̇аваа бхигкуу ааманд̇зси – ‘‘д̣̇взмз, бхигкавз, бажжаяаа нааг̇асса сабхаавабаад̇угаммааяа. яад̣̇аа жа саж̇аад̇ияаа мзт̇унам̣ д̇хаммам̣ бадисзвад̇и, яад̣̇аа жа виссадто нид̣̇д̣̇ам̣ оггамад̇и – имз ко, бхигкавз, д̣̇вз бажжаяаа нааг̇асса сабхаавабаад̇угаммааяа . д̇иражчаанаг̇ад̇о, бхигкавз, анубасамбанно на убасамбаад̣̇зд̇аб̣б̣о, убасамбанно наасзд̇аб̣б̣о’’д̇и.
111. Tena kho pana samayena aññataro nāgo nāgayoniyā aṭṭīyati harāyati jigucchati. Atha kho tassa nāgassa etadahosi – ‘‘kena nu kho ahaṃ upāyena nāgayoniyā ca parimucceyyaṃ khippañca manussattaṃ paṭilabheyya’’nti. Atha kho tassa nāgassa etadahosi – ‘‘ime kho samaṇā sakyaputtiyā dhammacārino samacārino brahmacārino saccavādino sīlavanto kalyāṇadhammā. Sace kho ahaṃ samaṇesu sakyaputtiyesu pabbajeyyaṃ, evāhaṃ nāgayoniyā ca parimucceyyaṃ, khippañca manussattaṃ paṭilabheyya’’nti. Atha kho so nāgo māṇavakavaṇṇena bhikkhū upasaṅkamitvā pabbajjaṃ yāci. Taṃ bhikkhū pabbājesuṃ, upasampādesuṃ. Tena kho pana samayena so nāgo aññatarena bhikkhunā saddhiṃ paccantime vihāre paṭivasati. Atha kho so bhikkhu rattiyā paccūsasamayaṃ paccuṭṭhāya ajjhokāse caṅkamati. Atha kho so nāgo tassa bhikkhuno nikkhante vissaṭṭho niddaṃ okkami. Sabbo vihāro ahinā puṇṇo, vātapānehi bhogā nikkhantā honti. Atha kho so bhikkhu vihāraṃ pavisissāmīti kavāṭaṃ paṇāmento addasa sabbaṃ vihāraṃ ahinā puṇṇaṃ, vātapānehi bhoge nikkhante, disvāna bhīto vissaramakāsi. Bhikkhū upadhāvitvā taṃ bhikkhuṃ etadavocuṃ – ‘‘kissa tvaṃ, āvuso, vissaramakāsī’’ti? ‘‘Ayaṃ, āvuso, sabbo vihāro ahinā puṇṇo, vātapānehi bhogā nikkhantā’’ti. Atha kho so nāgo tena saddena paṭibujjhitvā sake āsane nisīdi. Bhikkhū evamāhaṃsu – ‘‘kosi tvaṃ, āvuso’’ti? ‘‘Ahaṃ, bhante, nāgo’’ti. ‘‘Kissa pana tvaṃ, āvuso, evarūpaṃ akāsī’’ti? Atha kho so nāgo bhikkhūnaṃ etamatthaṃ ārocesi. Bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā taṃ nāgaṃ etadavoca – ‘‘tumhe khottha nāgā aviruḷhidhammā imasmiṃ dhammavinaye. Gaccha tvaṃ, nāga, tattheva cātuddase pannarase aṭṭhamiyā ca pakkhassa uposathaṃ upavasa, evaṃ tvaṃ nāgayoniyā ca parimuccissasi, khippañca manussattaṃ paṭilabhissasī’’ti. Atha kho so nāgo aviruḷhidhammo kirāhaṃ imasmiṃ dhammavinayeti dukkhī dummano assūni pavattayamāno vissaraṃ katvā pakkāmi. Atha kho bhagavā bhikkhū āmantesi – ‘‘dveme, bhikkhave, paccayā nāgassa sabhāvapātukammāya. Yadā ca sajātiyā methunaṃ dhammaṃ paṭisevati, yadā ca vissaṭṭho niddaṃ okkamati – ime kho, bhikkhave, dve paccayā nāgassa sabhāvapātukammāya . Tiracchānagato, bhikkhave, anupasampanno na upasampādetabbo, upasampanno nāsetabbo’’ti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / д̇иражчаанаг̇ад̇авад̇т̇угат̇аа • Tiracchānagatavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇ид̇т̇ияабагганд̇агагат̇ааван̣н̣анаа • Titthiyapakkantakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇иражчаанаг̇ад̇авад̇т̇угат̇ааван̣н̣анаа • Tiracchānagatavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̇иражчаанавад̇т̇угат̇ааван̣н̣анаа • Tiracchānavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 49. д̇иражчаанаг̇ад̇авад̇т̇у • 49. Tiracchānagatavatthu
