| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
49. д̇иражчаанаг̇ад̇авад̇т̇у
49. Tiracchānagatavatthu
111. д̣̇звасамбад̇д̇исад̣̇исам̣ иссарияасамбад̇д̇им̣ анубхаванд̇оби со нааг̇о гасмаа нааг̇аяонияаа аддийяад̇ийд̇и ааха ‘‘гин̃жаабий’’д̇иаад̣̇и.
111. Devasampattisadisaṃ issariyasampattiṃ anubhavantopi so nāgo kasmā nāgayoniyā aṭṭīyatīti āha ‘‘kiñcāpī’’tiādi.
д̇ад̇т̇а гин̃жааби анубход̇ийд̇и самб̣анд̇хо. гин̃жаабисад̣̇д̣̇о хзд̇т̇а самбхааванааж̇од̇аго, банасад̣̇д̣̇о г̇арахад̇т̇аж̇од̇аго. гусалавибаагзнаад̇и ахзд̇угагусалавибаагзна. д̇ассаад̇и нааг̇асса. саж̇аад̇ияаад̇и самаанаж̇аад̇ияаа нааг̇ияаа. уд̣̇агасан̃жаариман̣д̣уугабхагканд̇и уд̣̇агз сан̃жаран̣асийлам̣ ман̣д̣уугасан̇каад̇ам̣ бхагкам̣ баад̇убхавад̇ийд̇и яож̇анаа. сод̇и нааг̇о. аддийяад̇ийд̇и араман̣ам̣ бийл̣ияад̇и. харааяад̇ийд̇и зд̇т̇а харзд̇хаад̇у лаж̇ж̇анад̇т̇од̇и ааха ‘‘лаж̇ж̇ад̇ий’’д̇и. згааранд̇о д̇хаад̇у бхууваад̣̇иг̇ан̣иго (сад̣̇д̣̇анийд̇ид̇хаад̇умаалааяам̣ 16 рагааранд̇ад̇хаад̇у). ж̇иг̇ужчад̇ийд̇и зд̇т̇а г̇убад̇хаад̇уяаа гаммам̣ д̣̇ассзнд̇о ааха ‘‘ад̇д̇абхаава’’нд̇и. ‘‘д̇асса бхигкуно’’д̇ибад̣̇асса ‘‘нигканд̇з’’д̇ибад̣̇зна яож̇ид̇аб̣б̣ад̇д̇аа бхуммад̇т̇з саамиважананд̇и ааха ‘‘д̇асмим̣ бхигкусми’’нд̇и. ат̇а ваа д̇асса бхигкунод̇и саамияог̇ад̇д̇аа ‘‘нигканд̇з’’д̇и зд̇т̇а бхаавад̇т̇з маанабажжаяод̇и ааха ‘‘нигкаманз’’д̇и. иминаа нигканд̇зд̇и зд̇т̇а на анд̇абажжаяо, маанабажжаяассзва анд̇абхаавам̣ гад̇ваа вуд̇д̇од̇и д̣̇ассзд̇и. виссадтод̇и сад̇ивиссаж̇ж̇ид̇о. д̇асминд̇и бхигкумхи. габимид̣̇д̇хавасзнзваад̇и габино мид̣̇д̇хавасзна зва. ат̇а ваа габимид̣̇д̇хавасзна нид̣̇д̣̇ааяанд̇о ива нид̣̇д̣̇ааяанд̇од̇и яож̇анаа. бадинибаж̇ж̇ийд̇и буна нибаж̇ж̇и. виссарамагаасийд̇и зд̇т̇а висад̣̇д̣̇о вируубад̇т̇аж̇од̇аго, сарасад̣̇д̣̇о сад̣̇д̣̇аваажагод̇и д̣̇ассзнд̇о ааха ‘‘вируубам̣ махаасад̣̇д̣̇амагаасий’’д̇и.
Tattha kiñcāpi anubhotīti sambandho. Kiñcāpisaddo hettha sambhāvanājotako, panasaddo garahatthajotako. Kusalavipākenāti ahetukakusalavipākena. Tassāti nāgassa. Sajātiyāti samānajātiyā nāgiyā. Udakasañcārimaṇḍūkabhakkhanti udake sañcaraṇasīlaṃ maṇḍūkasaṅkhātaṃ bhakkhaṃ pātubhavatīti yojanā. Soti nāgo. Aṭṭīyatīti aramaṇaṃ pīḷiyati. Harāyatīti ettha haredhātu lajjanatthoti āha ‘‘lajjatī’’ti. Ekāranto dhātu bhūvādigaṇiko (saddanītidhātumālāyaṃ 16 rakārantadhātu). Jigucchatīti ettha gupadhātuyā kammaṃ dassento āha ‘‘attabhāva’’nti. ‘‘Tassa bhikkhuno’’tipadassa ‘‘nikkhante’’tipadena yojitabbattā bhummatthe sāmivacananti āha ‘‘tasmiṃ bhikkhusmi’’nti. Atha vā tassa bhikkhunoti sāmiyogattā ‘‘nikkhante’’ti ettha bhāvatthe mānapaccayoti āha ‘‘nikkhamane’’ti. Iminā nikkhanteti ettha na antapaccayo, mānapaccayasseva antabhāvaṃ katvā vuttoti dasseti. Vissaṭṭhoti sativissajjito. Tasminti bhikkhumhi. Kapimiddhavasenevāti kapino middhavasena eva. Atha vā kapimiddhavasena niddāyanto iva niddāyantoti yojanā. Paṭinipajjīti puna nipajji. Vissaramakāsīti ettha visaddo virūpatthajotako, sarasaddo saddavācakoti dassento āha ‘‘virūpaṃ mahāsaddamakāsī’’ti.
‘‘агаарасса лобам̣ гад̇ваа’’д̇и иминаа д̇умхз код̇т̇аад̇и зд̇т̇а ‘‘д̇умхз ко ад̇т̇аа’’д̇и бад̣̇авибхааг̇ам̣ гад̇ваа огаарад̇о барасса агаарасса лобам̣ д̣̇ассзд̇и. ‘‘агаарассаалоба’’нд̇иби баато. зван̃хи сад̇и агаарасса алобам̣ гад̇ваад̇и ад̇т̇о д̣̇адтаб̣б̣о. иминаа ‘‘д̇умхз ко ад̇т̇аа’’д̇и бад̣̇ажчзд̣̇ам̣ гад̇ваа агаарз барз огаарасса вагаарам̣ гад̇ваа д̇умхз квад̇т̇аа’’д̇и баато д̣̇ассид̇о. гасмаа имасмим̣ д̇хаммавинаяз авируул̣хид̇хаммаад̇и ааха ‘‘жхаана…бз… абхаб̣б̣ад̇д̇аа’’д̇и. ‘‘бхават̇аа’’д̇и иминаа ад̇т̇аад̇и зд̇т̇а асад̇хаад̇у сад̇д̇ад̇т̇аваажаго т̇авибхад̇д̇ийд̇и д̣̇ассзд̇и. саж̇аад̇ияаад̇и зд̇т̇а самаанаа ж̇аад̇и зд̇иссаад̇и саж̇аад̇ийд̇и вуд̇д̇з нааг̇ий зваад̇и ааха ‘‘нааг̇ияаа зваа’’д̇и. мануссид̇т̇иаад̣̇ийд̇и зд̇т̇а аад̣̇исад̣̇д̣̇зна д̇иражчаанаг̇ад̇ид̇т̇ийбзд̇ид̇т̇ийд̣̇звид̇т̇ияо сан̇г̇ан̣хаад̇и. ‘‘д̣̇взмз бхигкавз бажжаяаа’’д̇и д̣̇зсанаа саавасзсад̣̇зсанаад̇и д̣̇ассзнд̇о ааха ‘‘зд̇т̇а жаа’’д̇и. зд̇т̇аад̇и д̇иражчаанаг̇ад̇авад̇т̇умхи. абхин̣ханд̇и абхигкан̣ам̣ бунаббунанд̇и ад̇т̇о.
‘‘Akārassa lopaṃ katvā’’ti iminā tumhe khotthāti ettha ‘‘tumhe kho atthā’’ti padavibhāgaṃ katvā okārato parassa akārassa lopaṃ dasseti. ‘‘Akārassālopa’’ntipi pāṭho. Evañhi sati akārassa alopaṃ katvāti attho daṭṭhabbo. Iminā ‘‘tumhe kho atthā’’ti padacchedaṃ katvā akāre pare okārassa vakāraṃ katvā tumhe khvatthā’’ti pāṭho dassito. Kasmā imasmiṃ dhammavinaye avirūḷhidhammāti āha ‘‘jhāna…pe… abhabbattā’’ti. ‘‘Bhavathā’’ti iminā atthāti ettha asadhātu sattatthavācako thavibhattīti dasseti. Sajātiyāti ettha samānā jāti etissāti sajātīti vutte nāgī evāti āha ‘‘nāgiyā evā’’ti. Manussitthiādīti ettha ādisaddena tiracchānagatitthīpetitthīdevitthiyo saṅgaṇhāti. ‘‘Dveme bhikkhave paccayā’’ti desanā sāvasesadesanāti dassento āha ‘‘ettha cā’’ti. Etthāti tiracchānagatavatthumhi. Abhiṇhanti abhikkhaṇaṃ punappunanti attho.
д̇иражчаанаг̇ад̇од̇и зд̇т̇а гим̣ абааяабарияаабанно д̣̇уг̇г̇ад̇иахзд̇угабадисанд̇хиговаад̇хиббзд̇од̇и ааха ‘‘нааг̇о ваа ход̇уу’’д̇иаад̣̇и.
Tiracchānagatoti ettha kiṃ apāyapariyāpanno duggatiahetukapaṭisandhikovādhippetoti āha ‘‘nāgo vā hotū’’tiādi.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 49. д̇иражчаанаг̇ад̇авад̇т̇у • 49. Tiracchānagatavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / д̇иражчаанаг̇ад̇авад̇т̇угат̇аа • Tiracchānagatavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇ид̇т̇ияабагганд̇агагат̇ааван̣н̣анаа • Titthiyapakkantakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇иражчаанаг̇ад̇авад̇т̇угат̇ааван̣н̣анаа • Tiracchānagatavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̇иражчаанавад̇т̇угат̇ааван̣н̣анаа • Tiracchānavatthukathāvaṇṇanā
