| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
д̇иражчаанаг̇ад̇авад̇т̇угат̇аа
Tiracchānagatavatthukathā
111. нааг̇аяонияаа аддийяад̇ийд̇и зд̇т̇а гин̃жааби со бавад̇д̇ияам̣ гусалавибаагзна д̣̇звасамбад̇д̇исад̣̇исам̣ иссарияасамбад̇д̇им̣ анубход̇и, агусалавибаагабадисанд̇хигасса бана д̇асса саж̇аад̇ияаа мзт̇унабадисзванз жа виссадтанид̣̇д̣̇оггаманз жа нааг̇асарийрам̣ баад̇убхавад̇и уд̣̇агасан̃жааригам̣ ман̣д̣уугабхагкам̣, д̇асмаа со д̇ааяа нааг̇аяонияаа аддийяад̇и. харааяад̇ийд̇и лаж̇ж̇ад̇и. ж̇иг̇ужчад̇ийд̇и ад̇д̇абхаавам̣ ж̇иг̇ужчад̇и. д̇асса бхигкуно нигканд̇зд̇и д̇асмим̣ бхигкусмим̣ нигканд̇з. ат̇а ваа д̇асса бхигкуно нигкаманзд̇и ад̇т̇о. виссадто нид̣̇д̣̇ам̣ оггамийд̇и д̇асмим̣ анигканд̇з виссарабхаязна сад̇им̣ ависсаж̇ж̇ид̇ваа габимид̣̇д̇хавасзнзва нид̣̇д̣̇ааяанд̇о нигканд̇з сад̇им̣ виссаж̇ж̇ид̇ваа виссадто нираасан̇го махаанид̣̇д̣̇ам̣ бадибаж̇ж̇и. виссарамагаасийд̇и бхаяавасзна саман̣асан̃н̃ам̣ бахааяа вируубам̣ махаасад̣̇д̣̇амагааси.
111.Nāgayoniyāaṭṭīyatīti ettha kiñcāpi so pavattiyaṃ kusalavipākena devasampattisadisaṃ issariyasampattiṃ anubhoti, akusalavipākapaṭisandhikassa pana tassa sajātiyā methunapaṭisevane ca vissaṭṭhaniddokkamane ca nāgasarīraṃ pātubhavati udakasañcārikaṃ maṇḍūkabhakkhaṃ, tasmā so tāya nāgayoniyā aṭṭīyati. Harāyatīti lajjati. Jigucchatīti attabhāvaṃ jigucchati. Tassa bhikkhuno nikkhanteti tasmiṃ bhikkhusmiṃ nikkhante. Atha vā tassa bhikkhuno nikkhamaneti attho. Vissaṭṭho niddaṃ okkamīti tasmiṃ anikkhante vissarabhayena satiṃ avissajjitvā kapimiddhavaseneva niddāyanto nikkhante satiṃ vissajjitvā vissaṭṭho nirāsaṅko mahāniddaṃ paṭipajji. Vissaramakāsīti bhayavasena samaṇasaññaṃ pahāya virūpaṃ mahāsaddamakāsi.
д̇умхз код̇т̇аад̇и д̇умхз ко ад̇т̇а; агаарасса лобам̣ гад̇ваа вуд̇д̇ам̣. д̇умхз ко нааг̇аа жхаанавибассанаамаг̇г̇апалаанам̣ абхаб̣б̣ад̇д̇аа имасмим̣ д̇хаммавинаяз авирул̣хид̇хаммаа ад̇т̇а, вирул̣хид̇хаммаа на бхават̇аад̇и аяамзд̇т̇а сан̇кзбад̇т̇о. саж̇аад̇ияаад̇и нааг̇ияаа зва. яад̣̇аа бана мануссид̇т̇иаад̣̇ибхзд̣̇ааяа ан̃н̃аж̇аад̇ияаа бадисзвад̇и, д̇ад̣̇аа д̣̇звабуд̇д̇о вияа ход̇и. зд̇т̇а жа бавад̇д̇ияам̣ абхин̣хам̣ сабхаавабаад̇угаммад̣̇ассанавасзна ‘‘д̣̇вз бажжаяаа’’д̇и вуд̇д̇ам̣. нааг̇асса бана бан̃жасу гаалзсу сабхаавабаад̇угаммам̣ ход̇и – бадисанд̇хигаалз, д̇ажаж̇аханагаалз, саж̇аад̇ияаа мзт̇унагаалз, виссадтанид̣̇д̣̇оггаманагаалз, жуд̇игаалзд̇и.
Tumhe khotthāti tumhe kho attha; akārassa lopaṃ katvā vuttaṃ. Tumhe kho nāgā jhānavipassanāmaggaphalānaṃ abhabbattā imasmiṃ dhammavinaye aviruḷhidhammā attha, viruḷhidhammā na bhavathāti ayamettha saṅkhepattho. Sajātiyāti nāgiyā eva. Yadā pana manussitthiādibhedāya aññajātiyā paṭisevati, tadā devaputto viya hoti. Ettha ca pavattiyaṃ abhiṇhaṃ sabhāvapātukammadassanavasena ‘‘dve paccayā’’ti vuttaṃ. Nāgassa pana pañcasu kālesu sabhāvapātukammaṃ hoti – paṭisandhikāle, tacajahanakāle, sajātiyā methunakāle, vissaṭṭhaniddokkamanakāle, cutikāleti.
д̇иражчаанаг̇ад̇о бхигкавзд̇и зд̇т̇а нааг̇о ваа ход̇у субан̣н̣амаан̣авагаад̣̇ийнам̣ ваа ан̃н̃ад̇аро, анд̇амасо саггам̣ д̣̇зварааж̇аанам̣ убаад̣̇ааяа яо гожи амануссаж̇аад̇ияо, саб̣б̣ова имасмим̣ ад̇т̇з д̇иражчаанаг̇ад̇од̇и взд̣̇ид̇аб̣б̣о. со нзва убасамбаад̣̇зд̇аб̣б̣о, на баб̣б̣ааж̇зд̇аб̣б̣о, убасамбанноби наасзд̇аб̣б̣од̇и.
Tiracchānagato bhikkhaveti ettha nāgo vā hotu supaṇṇamāṇavakādīnaṃ vā aññataro, antamaso sakkaṃ devarājānaṃ upādāya yo koci amanussajātiyo, sabbova imasmiṃ atthe tiracchānagatoti veditabbo. So neva upasampādetabbo, na pabbājetabbo, upasampannopi nāsetabboti.
д̇иражчаанаг̇ад̇авад̇т̇угат̇аа нидтид̇аа.
Tiracchānagatavatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 49. д̇иражчаанаг̇ад̇авад̇т̇у • 49. Tiracchānagatavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̇ид̇т̇ияабагганд̇агагат̇ааван̣н̣анаа • Titthiyapakkantakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̇иражчаанаг̇ад̇авад̇т̇угат̇ааван̣н̣анаа • Tiracchānagatavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̇иражчаанавад̇т̇угат̇ааван̣н̣анаа • Tiracchānavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 49. д̇иражчаанаг̇ад̇авад̇т̇у • 49. Tiracchānagatavatthu
