| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
১০. তিরচ্ছানকথাসুত্তৰণ্ণনা
10. Tiracchānakathāsuttavaṇṇanā
১০৮০. দুগ্গতিতো সংসারতো চ নিয্যাতি এতেনাতি নিয্যানং, সগ্গমগ্গো মোক্খমগ্গো চ। তস্মিং নিয্যানে নিযুত্তা, তং এত্থ অত্থীতি নিয্যানিকা। ৰচীদুচ্চরিতসংকিলেসতো ৰা নিয্যাতীতি ঈ-কারস্স রস্সত্তং য-কারস্স ক-কারং কত্ৰা নিয্যানিকা। চেতনায সদ্ধিং সম্ফপ্পলাপা ৰেরমণি। তপ্পটিপক্খতো অনিয্যানিকা, তস্স ভাৰো অনিয্যানিকত্তং। তিরচ্ছানভূতন্তি তিরোকরণভূতং। কম্মট্ঠানভাৰেতি অনিচ্চতাপটিসংযুত্তচতুসচ্চকম্মট্ঠানভাৰে। সাত্থকন্তি দানসীলাদিনিস্সিতত্তা হিতপটিসংযুত্তং।
1080. Duggatito saṃsārato ca niyyāti etenāti niyyānaṃ, saggamaggo mokkhamaggo ca. Tasmiṃ niyyāne niyuttā, taṃ ettha atthīti niyyānikā. Vacīduccaritasaṃkilesato vā niyyātīti ī-kārassa rassattaṃ ya-kārassa ka-kāraṃ katvā niyyānikā. Cetanāya saddhiṃ samphappalāpā veramaṇi. Tappaṭipakkhato aniyyānikā, tassa bhāvo aniyyānikattaṃ. Tiracchānabhūtanti tirokaraṇabhūtaṃ. Kammaṭṭhānabhāveti aniccatāpaṭisaṃyuttacatusaccakammaṭṭhānabhāve. Sātthakanti dānasīlādinissitattā hitapaṭisaṃyuttaṃ.
ৰিসিখাতি ঘরসন্নিৰেসো। ৰিসিখাগহণেন চ গামাদিগহণে ৰিয তন্নিৰাসিনো ৰিসেসতো গহিতা ‘‘আগতো গামো’’তিআদীসু ৰিয । তেনাহ ‘‘সূরা সমত্থা’’তি। কুম্ভট্ঠানাপদেসেন কুম্ভদাসিযো ৰুত্তাতি আহ – ‘‘কুম্ভদাসিকথা’’তি। অযাথাৰতো উপ্পত্তিট্ঠিতিসংহারাদিৰসেন লোকো অক্খাযতি এতেনাতি লোকক্খাযিকা। ইতি ইমিনা পকারেন ভৰো, ইমিনা অভৰোতি এৰং পৰত্তায ইতিভৰাভৰকথায সদ্ধিং।
Visikhāti gharasanniveso. Visikhāgahaṇena ca gāmādigahaṇe viya tannivāsino visesato gahitā ‘‘āgato gāmo’’tiādīsu viya . Tenāha ‘‘sūrā samatthā’’ti. Kumbhaṭṭhānāpadesena kumbhadāsiyo vuttāti āha – ‘‘kumbhadāsikathā’’ti. Ayāthāvato uppattiṭṭhitisaṃhārādivasena loko akkhāyati etenāti lokakkhāyikā. Iti iminā pakārena bhavo, iminā abhavoti evaṃ pavattāya itibhavābhavakathāya saddhiṃ.
সমাধিৰগ্গৰণ্ণনা নিট্ঠিতা।
Samādhivaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ১০. তিরচ্ছানকথাসুত্তং • 10. Tiracchānakathāsuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১০. তিরচ্ছানকথাসুত্তৰণ্ণনা • 10. Tiracchānakathāsuttavaṇṇanā
