| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৪. তিরচ্ছানকথাৰণ্ণনা
4. Tiracchānakathāvaṇṇanā
৮৬৯-৮৭১. ইদানি তিরচ্ছানকথা নাম হোতি। তত্থ দেৰেসু এরাৰণাদযো দেৰপুত্তা হত্থিৰণ্ণং অস্সৰণ্ণং ৰিকুব্বন্তি, নত্থি তত্থ তিরচ্ছানগতা। যেসং পন তিরচ্ছানৰণ্ণিনো দেৰপুত্তে দিস্ৰা ‘‘অত্থি দেৰেসু তিরচ্ছানগতা’’তি লদ্ধি, সেয্যথাপি অন্ধকানং ; তে সন্ধায পুচ্ছা সকৰাদিস্স, পটিঞ্ঞা ইতরস্স। অথ নং ‘‘যদি দেৰযোনিযং তিরচ্ছানগতা সিযুং, তিরচ্ছানযোনিযম্পি দেৰা সিযু’’ন্তি চোদেতুং অত্থি তিরচ্ছানগতেসূতিআদিমাহ। কীটাতিআদি যেসং সো অভাৰং ইচ্ছতি, তে দস্সেতুং ৰুত্তং। এরাৰণোতি পঞ্হে তস্স অত্থিতায পটিঞ্ঞা সকৰাদিস্স , ন তিরচ্ছানগতস্স। হত্থিবন্ধাতিআদি ‘‘যদি তত্থ হত্থিআদযো সিযুং, হত্থিবন্ধাদযোপি সিযু’’ন্তি চোদনত্থং ৰুত্তং। তত্থ যাৰসিকাতি যৰস্স দাযকা। কারণিকাতি হত্থাচরিযাদযো, যেহি তে নানাৰিধং কারণং করেয্যুং। ভত্তকারকাতি হত্থিআদীনং ভত্তরন্ধকা। ন হেৰন্তি তথা অনিচ্ছন্তো পটিক্খিপতীতি।
869-871. Idāni tiracchānakathā nāma hoti. Tattha devesu erāvaṇādayo devaputtā hatthivaṇṇaṃ assavaṇṇaṃ vikubbanti, natthi tattha tiracchānagatā. Yesaṃ pana tiracchānavaṇṇino devaputte disvā ‘‘atthi devesu tiracchānagatā’’ti laddhi, seyyathāpi andhakānaṃ ; te sandhāya pucchā sakavādissa, paṭiññā itarassa. Atha naṃ ‘‘yadi devayoniyaṃ tiracchānagatā siyuṃ, tiracchānayoniyampi devā siyu’’nti codetuṃ atthi tiracchānagatesūtiādimāha. Kīṭātiādi yesaṃ so abhāvaṃ icchati, te dassetuṃ vuttaṃ. Erāvaṇoti pañhe tassa atthitāya paṭiññā sakavādissa , na tiracchānagatassa. Hatthibandhātiādi ‘‘yadi tattha hatthiādayo siyuṃ, hatthibandhādayopi siyu’’nti codanatthaṃ vuttaṃ. Tattha yāvasikāti yavassa dāyakā. Kāraṇikāti hatthācariyādayo, yehi te nānāvidhaṃ kāraṇaṃ kareyyuṃ. Bhattakārakāti hatthiādīnaṃ bhattarandhakā. Na hevanti tathā anicchanto paṭikkhipatīti.
তিরচ্ছানকথাৰণ্ণনা।
Tiracchānakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৯৭) ৪. তিরচ্ছানকথা • (197) 4. Tiracchānakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৪. তিরচ্ছানকথাৰণ্ণনা • 4. Tiracchānakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৪. তিরচ্ছানকথাৰণ্ণনা • 4. Tiracchānakathāvaṇṇanā
