| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. д̇иражчаанагат̇ааван̣н̣анаа
4. Tiracchānakathāvaṇṇanā
869-871. ид̣̇аани д̇иражчаанагат̇аа наама ход̇и. д̇ад̇т̇а д̣̇звзсу зрааван̣аад̣̇аяо д̣̇звабуд̇д̇аа хад̇т̇иван̣н̣ам̣ ассаван̣н̣ам̣ вигуб̣б̣анд̇и, над̇т̇и д̇ад̇т̇а д̇иражчаанаг̇ад̇аа. язсам̣ бана д̇иражчаанаван̣н̣ино д̣̇звабуд̇д̇з д̣̇исваа ‘‘ад̇т̇и д̣̇звзсу д̇иражчаанаг̇ад̇аа’’д̇и лад̣̇д̇хи, сзяяат̇ааби анд̇хагаанам̣ ; д̇з санд̇хааяа бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яад̣̇и д̣̇зваяонияам̣ д̇иражчаанаг̇ад̇аа сияум̣, д̇иражчаанаяонияамби д̣̇зваа сияу’’нд̇и жод̣̇зд̇ум̣ ад̇т̇и д̇иражчаанаг̇ад̇зсууд̇иаад̣̇имааха. гийдаад̇иаад̣̇и язсам̣ со абхаавам̣ ижчад̇и, д̇з д̣̇ассзд̇ум̣ вуд̇д̇ам̣. зрааван̣од̇и бан̃хз д̇асса ад̇т̇ид̇ааяа бадин̃н̃аа сагаваад̣̇исса , на д̇иражчаанаг̇ад̇асса. хад̇т̇иб̣анд̇хаад̇иаад̣̇и ‘‘яад̣̇и д̇ад̇т̇а хад̇т̇иаад̣̇аяо сияум̣, хад̇т̇иб̣анд̇хаад̣̇аяоби сияу’’нд̇и жод̣̇анад̇т̇ам̣ вуд̇д̇ам̣. д̇ад̇т̇а яаавасигаад̇и яавасса д̣̇ааяагаа. гааран̣игаад̇и хад̇т̇аажарияаад̣̇аяо, язхи д̇з наанаавид̇хам̣ гааран̣ам̣ гарзяяум̣. бхад̇д̇агаарагаад̇и хад̇т̇иаад̣̇ийнам̣ бхад̇д̇аранд̇хагаа. на хзванд̇и д̇ат̇аа анижчанд̇о бадигкибад̇ийд̇и.
869-871. Idāni tiracchānakathā nāma hoti. Tattha devesu erāvaṇādayo devaputtā hatthivaṇṇaṃ assavaṇṇaṃ vikubbanti, natthi tattha tiracchānagatā. Yesaṃ pana tiracchānavaṇṇino devaputte disvā ‘‘atthi devesu tiracchānagatā’’ti laddhi, seyyathāpi andhakānaṃ ; te sandhāya pucchā sakavādissa, paṭiññā itarassa. Atha naṃ ‘‘yadi devayoniyaṃ tiracchānagatā siyuṃ, tiracchānayoniyampi devā siyu’’nti codetuṃ atthi tiracchānagatesūtiādimāha. Kīṭātiādi yesaṃ so abhāvaṃ icchati, te dassetuṃ vuttaṃ. Erāvaṇoti pañhe tassa atthitāya paṭiññā sakavādissa , na tiracchānagatassa. Hatthibandhātiādi ‘‘yadi tattha hatthiādayo siyuṃ, hatthibandhādayopi siyu’’nti codanatthaṃ vuttaṃ. Tattha yāvasikāti yavassa dāyakā. Kāraṇikāti hatthācariyādayo, yehi te nānāvidhaṃ kāraṇaṃ kareyyuṃ. Bhattakārakāti hatthiādīnaṃ bhattarandhakā. Na hevanti tathā anicchanto paṭikkhipatīti.
д̇иражчаанагат̇ааван̣н̣анаа.
Tiracchānakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (197) 4. д̇иражчаанагат̇аа • (197) 4. Tiracchānakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. д̇иражчаанагат̇ааван̣н̣анаа • 4. Tiracchānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. д̇иражчаанагат̇ааван̣н̣анаа • 4. Tiracchānakathāvaṇṇanā
