| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၄. တိရစ္ဆာနကထာဝဏ္ဏနာ
4. Tiracchānakathāvaṇṇanā
၈၆၉-၈၇၁. ဣဒာနိ တိရစ္ဆာနကထာ နာမ ဟောတိ။ တတ္ထ ဒေဝေသု ဧရာဝဏာဒယော ဒေဝပုတ္တာ ဟတ္ထိဝဏ္ဏံ အသ္သဝဏ္ဏံ ဝိကုဗ္ဗန္တိ, နတ္ထိ တတ္ထ တိရစ္ဆာနဂတာ။ ယေသံ ပန တိရစ္ဆာနဝဏ္ဏိနော ဒေဝပုတ္တေ ဒိသ္ဝာ ‘‘အတ္ထိ ဒေဝေသု တိရစ္ဆာနဂတာ’’တိ လဒ္ဓိ, သေယ္ယထာပိ အန္ဓကာနံ ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ။ အထ နံ ‘‘ယဒိ ဒေဝယောနိယံ တိရစ္ဆာနဂတာ သိယုံ, တိရစ္ဆာနယောနိယမ္ပိ ဒေဝာ သိယု’’န္တိ စောဒေတုံ အတ္ထိ တိရစ္ဆာနဂတေသူတိအာဒိမာဟ။ ကီဋာတိအာဒိ ယေသံ သော အဘာဝံ ဣစ္ဆတိ, တေ ဒသ္သေတုံ ဝုတ္တံ။ ဧရာဝဏောတိ ပဉ္ဟေ တသ္သ အတ္ထိတာယ ပဋိညာ သကဝာဒိသ္သ , န တိရစ္ဆာနဂတသ္သ။ ဟတ္ထိဗန္ဓာတိအာဒိ ‘‘ယဒိ တတ္ထ ဟတ္ထိအာဒယော သိယုံ, ဟတ္ထိဗန္ဓာဒယောပိ သိယု’’န္တိ စောဒနတ္ထံ ဝုတ္တံ။ တတ္ထ ယာဝသိကာတိ ယဝသ္သ ဒာယကာ။ ကာရဏိကာတိ ဟတ္ထာစရိယာဒယော, ယေဟိ တေ နာနာဝိဓံ ကာရဏံ ကရေယ္ယုံ။ ဘတ္တကာရကာတိ ဟတ္ထိအာဒီနံ ဘတ္တရန္ဓကာ။ န ဟေဝန္တိ တထာ အနိစ္ဆန္တော ပဋိက္ခိပတီတိ။
869-871. Idāni tiracchānakathā nāma hoti. Tattha devesu erāvaṇādayo devaputtā hatthivaṇṇaṃ assavaṇṇaṃ vikubbanti, natthi tattha tiracchānagatā. Yesaṃ pana tiracchānavaṇṇino devaputte disvā ‘‘atthi devesu tiracchānagatā’’ti laddhi, seyyathāpi andhakānaṃ ; te sandhāya pucchā sakavādissa, paṭiññā itarassa. Atha naṃ ‘‘yadi devayoniyaṃ tiracchānagatā siyuṃ, tiracchānayoniyampi devā siyu’’nti codetuṃ atthi tiracchānagatesūtiādimāha. Kīṭātiādi yesaṃ so abhāvaṃ icchati, te dassetuṃ vuttaṃ. Erāvaṇoti pañhe tassa atthitāya paṭiññā sakavādissa , na tiracchānagatassa. Hatthibandhātiādi ‘‘yadi tattha hatthiādayo siyuṃ, hatthibandhādayopi siyu’’nti codanatthaṃ vuttaṃ. Tattha yāvasikāti yavassa dāyakā. Kāraṇikāti hatthācariyādayo, yehi te nānāvidhaṃ kāraṇaṃ kareyyuṃ. Bhattakārakāti hatthiādīnaṃ bhattarandhakā. Na hevanti tathā anicchanto paṭikkhipatīti.
တိရစ္ဆာနကထာဝဏ္ဏနာ။
Tiracchānakathāvaṇṇanā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၉၇) ၄. တိရစ္ဆာနကထာ • (197) 4. Tiracchānakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၄. တိရစ္ဆာနကထာဝဏ္ဏနာ • 4. Tiracchānakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၄. တိရစ္ဆာနကထာဝဏ္ဏနာ • 4. Tiracchānakathāvaṇṇanā
