| Library / Tipiṭaka / திபிடக • Tipiṭaka / கு²த்³த³கபாட²பாளி • Khuddakapāṭhapāḷi |
7. திரோகுட்டஸுத்தங்
7. Tirokuṭṭasuttaṃ
1.
1.
திரோகுட்டேஸு திட்ட²ந்தி, ஸந்தி⁴ஸிங்கா⁴டகேஸு ச;
Tirokuṭṭesu tiṭṭhanti, sandhisiṅghāṭakesu ca;
த்³வாரபா³ஹாஸு திட்ட²ந்தி, ஆக³ந்த்வான ஸகங் க⁴ரங்.
Dvārabāhāsu tiṭṭhanti, āgantvāna sakaṃ gharaṃ.
2.
2.
பஹூதே அன்னபானம்ஹி, க²ஜ்ஜபோ⁴ஜ்ஜே உபட்டி²தே;
Pahūte annapānamhi, khajjabhojje upaṭṭhite;
ந தேஸங் கோசி ஸரதி, ஸத்தானங் கம்மபச்சயா.
Na tesaṃ koci sarati, sattānaṃ kammapaccayā.
3.
3.
ஏவங் த³த³ந்தி ஞாதீனங், யே ஹொந்தி அனுகம்பகா;
Evaṃ dadanti ñātīnaṃ, ye honti anukampakā;
ஸுசிங் பணீதங் காலேன, கப்பியங் பானபோ⁴ஜனங்;
Suciṃ paṇītaṃ kālena, kappiyaṃ pānabhojanaṃ;
இத³ங் வோ ஞாதீனங் ஹோது, ஸுகி²தா ஹொந்து ஞாதயோ.
Idaṃ vo ñātīnaṃ hotu, sukhitā hontu ñātayo.
4.
4.
தே ச தத்த² ஸமாக³ந்த்வா, ஞாதிபேதா ஸமாக³தா;
Te ca tattha samāgantvā, ñātipetā samāgatā;
பஹூதே அன்னபானம்ஹி, ஸக்கச்சங் அனுமோத³ரே.
Pahūte annapānamhi, sakkaccaṃ anumodare.
5.
5.
சிரங் ஜீவந்து நோ ஞாதீ, யேஸங் ஹேது லபா⁴மஸே;
Ciraṃ jīvantu no ñātī, yesaṃ hetu labhāmase;
அம்ஹாகஞ்ச கதா பூஜா, தா³யகா ச அனிப்ப²லா.
Amhākañca katā pūjā, dāyakā ca anipphalā.
6.
6.
ந ஹி தத்த² கஸி 1 அத்தி², கோ³ரக்கெ²த்த² ந விஜ்ஜதி;
Na hi tattha kasi 2 atthi, gorakkhettha na vijjati;
7.
7.
உன்னமே உத³கங் வுட்ட²ங், யதா² நின்னங் பவத்ததி;
Unname udakaṃ vuṭṭhaṃ, yathā ninnaṃ pavattati;
ஏவமேவ இதோ தி³ன்னங், பேதானங் உபகப்பதி.
Evameva ito dinnaṃ, petānaṃ upakappati.
8.
8.
யதா² வாரிவஹா பூரா, பரிபூரெந்தி ஸாக³ரங்;
Yathā vārivahā pūrā, paripūrenti sāgaraṃ;
ஏவமேவ இதோ தி³ன்னங், பேதானங் உபகப்பதி.
Evameva ito dinnaṃ, petānaṃ upakappati.
9.
9.
பேதானங் த³க்கி²ணங் த³ஜ்ஜா, புப்³பே³ கதமனுஸ்ஸரங்.
Petānaṃ dakkhiṇaṃ dajjā, pubbe katamanussaraṃ.
10.
10.
ந ஹி ருண்ணங் வா ஸோகோ வா, யா சஞ்ஞா பரிதே³வனா;
Na hi ruṇṇaṃ vā soko vā, yā caññā paridevanā;
ந தங் பேதானமத்தா²ய, ஏவங் திட்ட²ந்தி ஞாதயோ.
Na taṃ petānamatthāya, evaṃ tiṭṭhanti ñātayo.
11.
11.
அயஞ்ச கோ² த³க்கி²ணா தி³ன்னா, ஸங்க⁴ம்ஹி ஸுப்பதிட்டி²தா;
Ayañca kho dakkhiṇā dinnā, saṅghamhi suppatiṭṭhitā;
தீ³க⁴ரத்தங் ஹிதாயஸ்ஸ, டா²னஸோ உபகப்பதி.
Dīgharattaṃ hitāyassa, ṭhānaso upakappati.
12.
12.
ஸோ ஞாதித⁴ம்மோ ச அயங் நித³ஸ்ஸிதோ, பேதான பூஜா ச கதா உளாரா;
So ñātidhammo ca ayaṃ nidassito, petāna pūjā ca katā uḷārā;
ப³லஞ்ச பி⁴க்கூ²னமனுப்பதி³ன்னங் 9, தும்ஹேஹி புஞ்ஞங் பஸுதங் அனப்பகந்தி.
Balañca bhikkhūnamanuppadinnaṃ 10, tumhehi puññaṃ pasutaṃ anappakanti.
திரோகுட்டஸுத்தங் நிட்டி²தங்.
Tirokuṭṭasuttaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / கு²த்³த³கபாட²-அட்ட²கதா² • Khuddakapāṭha-aṭṭhakathā / 7. திரோகுட்டஸுத்தவண்ணனா • 7. Tirokuṭṭasuttavaṇṇanā
